ዋ̈ኒ̇ሳ 4:9 - ኦራ ጫ̈ቃ ማጻ̈ፋ

⁹ ሳማ̈ራ ጋዶ̇ ኣሲን ኢ̈ኮ “ኔ̈ኒ ኣይሁዳ ዜርዶራ ታ̈ና ሳማ̈ራ ጋዶ̇ ኣሲን ዎዛርፌ̈ን ‘ታ̈ና ዋ̈ ኡሻ̇ቤ’ ጋ̈ራ?” ጋ̈ዴ። ዪና̇ ኢዛ ጌይኖንዳ̇ ኣይሁዳንኬ ሳማ̈ራን ዎል ዬሊ̇ባ̈ሶኮታ̇ቦ።

ዋ̈ኒ̇ሳ 4:9 ပူးပေါင်းရင်းမြစ်များ

ማ̈ቶ̈ሳ 10:5

ዬሱ̈ሲ ዪን ታጶ̇ ናምኣን ኪ̈ቲ̇ ሚሺ̈ርዶሪ “ዪንቲ̇ ኣይሁድ ዜር ማ̈ቃ̇ካ̇ዮ ኣሳንኮ ሉካፒ̇ቴ፤ ማ ሳማ̈ራ ካታማ ጋርታ̇ ጌላፒ̇ቴ።

ሉቃ̈ሳ 10:33

ፔቲ̇ ሳማ̈ራ ጋዶ̇ ኣስዶ̈ሪ ኢ ፌ ጎይ ሉኪ̇̈ርዶር ና̈ሳ ዎ ቤሲ̇ን ዬላ̇ር ኢያ ቤቃ̇ር ኢ̈ብ ሚጪንቲ̇ዴ።

ዋ̈ኒ̇ሳ 4:27

ኢንቲ̇ ዪኖ̇ ሶ̈ሊንታ̇ምባራ ኢ ታማ̈ራን ፌ ሉኪ̇ኖ ቤሲ̇ምፖ̇ ማ̈ቂ̇ ዬይዴ። ዬሱ̈ሲ ማጫ̇ባር ሶ̈ሊንታ̇ምባር ቤቃ̇ሪ ዎይሊን ጋራ̇ሚንቲ̇ዴ። ማ̈ቂ̇ናካር ኢ̈ኮ “ኔ ኣብዝ ኮዪ?” ዎይ “ኔ ኢዝባር ኣብዝ ሶ̈ሊንታ̇̈ራ?” ጋ̈ሪ ኦይጪ̇ኖ ኣሲ ኦ̈ናካር ባዬ̇።

ዋ̈ኒ̇ሳ 8:48

ኣይሁዳን ኢ̈ኮ “ኣ̈ኖ! ኔ̈ኒ ሳማ̈ራ ጋዶ̇ ኣሴ፤ ማ ኔ ጋልዳ̇ ኢ̈ታ ኣያ̇ና ዎ፤ ጋ̈ሪ ኑ̈ኒ ሶ̈ሊኖንዳ ኪን ጊዳካ?” ጌይዴ።

ሃዋ̈ራታን ኦ̈ሳ 1:8

ዎቲናካር ጌ̈ሻ̇ ኣያ̇ና ዪንታ̇ ጋልዳ ሶ̈ቤጌይን ዪንቲ̇ ዎልቃ ዲጚ̈ሬ። ዬሩሳ̈ላም ካታማ ጋርታ፣ ዪሁዳ ጋዳ̇ ዎይ፣ ሳማ̈ራ ጋዳ̇ኬ ዓጛር ሳ̈ዝ ቡጊድ ዬሊ̇ዝ ዲራስ ዪንቲ̇ ታ̈ብ ማርካ̇ ማ̈ቂ̇̈ሬ” ጌይዴ።

ሃዋ̈ራታን ኦ̈ሳ 10:28

ኢያሬ̈ ኢንታ̇ኮ̈ “ኣይሁድ ዜር ማ̈ቂ̇ኖ̈ ኣሲ ሜላ ኣስባር ዎል ዬካ̇ይፌኒ ኢንታ ኣ̈ላር ጌላካ̇ይፌ̈ኒ ኑ ሂጊ̇ን ካያዚን ዪንቲ̇ ኮሺንቺ̇ ኤሪ̈ሬ። ዎቲናካሬ ታ̈ኒ ኣስ ጌይዛ ኦ̈ናካር ዓ̈ ቄጺ̇ኔ፤ ዓ̈ ጌ̈ሽ ጊዳካ̇ዬ፤̈ ጋ̈ካ̇ይፌ̈ኒ ጾ̈ሲ̇ ታ̈ና ካዪኔ።

ሃዋ̈ራታን ኦ̈ሳ 10:32

ዪዚ ኣሳን ኢዮ̈ጳ̇ ሚሻራ ጴ̈ጥሮ̈ስ ጌዪ ጼይጊንቲ̇ዛ ሲሞ̈ና ኤሂሳቤ። ኢያሬ ባሃ̈ሪን ላፍ ዎ ጋማ̇ ጻ̈ዚዛ ሲሞ̈ና ኣ̈ል ዛቃ̇ ማ̈ቂ̇ ዎ̈’ ጌይዴ።