ዋ̈ኒ̇ሳ 4:34 - ኦራ ጫ̈ቃ ማጻ̈ፋ

³⁴ ዬሱ̈ሳር ኢንታ̇ኮ “ቴ ፊ̈ሺንዳ̇ ታ̈ና ኪ̈ታ̇ር ሚሺኖ ጾ̈ሳ̇̇ ቆፊን ኦ̈ዚንዲኬ ኢ ኦ̈ሲን ፎታዚንዶ̇።

ዋ̈ኒ̇ሳ 4:34 ပူးပေါင်းရင်းမြစ်များ

ማ̈ቶ̈ሳ 26:39

ኢ ኢንታ̇ ጋልዳፖ̇ ጊላ̇ ጌዳ ዓር̇ ጌዪ ሉካ̇ሪ ሳ̈ዝ ጋልዳ ፌ ዴ̈ሚንባር ጉጲጛሪ “ታ ባ̈ባ̈ዶ! ኔ̈ብ ዳንዳኢንታ̇̈ርኮ ዓና̇ ሜታ ጺዊን ቴ ጋልዳ̇ፖ ኔ ኣ̈ቤ! ዪና̇ሬ ኔ ኮዪኖንዲፌ̈ን ማ̈ቆ̇ዶኬ ቴ ኮዪኖንዲፌ̈ን ማ̈ቃፖ̇” ጋ̈ሪ ዎ̈ሲ̇ዴ።

ማ̈ቶ̈ሳ 3:15

ዬሱ̈ሲ ኢ̈ኮ “ጾ̈ሲ̇ ኑ ጋልዳፖ̇ ኮዪዝ ባዛን ዎይ ኑ ኦ̈ንዳብ ኮሺ̇ዛኮታ̇ቦ ኣሻ̇ቤ ዓቶ̇ን ኔ ታ̈ና ካያፔ̇” ጌይን ዋ̈ኒ̇ሳር ኤ̈ኤ ጌዪ ኢያ ጻማ̇ቂዴ።

ማ̈ቶ̈ሳ 9:19

ዬሱ̈ሳር ኢናፖ̇ ዲንዳር ኢባር ሉኪ̇ን ኢ ታማ̈ራንሬ ኢ ዎሂን ሉኪ̇ዴ።

ሉቃ̈ሳ 15:10

ዪና̇ ኢዝፌ̈ኒ ፔቲ̇ ናጋራንቻ ኣሲ ማ̈ሪቲ ጌሌጌይን ጾ̈ሳ̇̇ ኪ̈ታንቻን ቲ̈ን ኡፋስ̇ ማቂ̇̈̇̈ሬ” ጌይዴ።

ሉቃ̈ሳ 19:10

ኣባ ጌይን ታ̈ኒ ኣሳ ናኣ̈ዲ ዪኖ ኮያንዳ̇ብኬ ፋንዳቦ ዬይኔ” ጋ̈ር ሶ̈ሊዴ።

ሉቃ̈ሳ 2:49

ኢያር ኢንታ̇ኮ “ዪንቲ̇ ታ̈ና ኣባብ ኮዪቴ? ታ̈ኒ ቴ ባ̈ባ ኣ̈ሊን ጋርታ̇ ዶኣንዳ̇ብ ኮሻ̇ዚን ዪንቲ̇ ኤራካ̇ያ?” ጌይዴ።

ዋ̈ኒ̇ሳ 17:4

ኔ ታ̈ብ ኢሚ̇ኖ ኦ̈ሲ̇ን ኦ̈ ፎታራ ሳ̈ዝ ጋልዳ̇ ቴ ኔ̈ና ቦንቺ̇ሳዴ።

ዋ̈ኒ̇ሳ 19:28

ዪኒ̇ፖ ዓኒ ዬሱ̈ሲ ዎይ ባዚ ፎቲንቲ̇ኖን ኤራሪ ጌ̈ሻ̇ ማጻ̈ፋ ጋልዳ ጻ̈ፊንቲ̇ኖ ቃ̈ሊን ፎቲንታ̇ምፔ̈ኒ “ታ̈ና ባርሳሼ” ጌይዴ።

ዋ̈ኒ̇ሳ 19:30

ዬሱ̈ሳሬ ጫ̈ጚኖ ዎይና ኤ̈ሲ̇ን ቁ̈ቂኖፖ̇ ዓኒ “ፎቲንቲ̇ዴ” ጌይዴ። ኢናፖ̇ ፌ ቆሚ̇ን ዪርክ ዎቲዴ። ዪኒ̇ባር ኢ ካሲን ኬስካ̇ዴ።

ዋ̈ኒ̇ሳ 4:32

ኢያር ኢንታ̇ኮ “ቴ ሙይዛ ዪንቲ̇ ኤሪባ̈ሶ ፊ̈ሺ ታ̈ብ ዎ” ጌይዴ።

ዋ̈ኒ̇ሳ 5:30

“ታ̈ኒ ቴ ሲልጣ̈ናባራ ኣባካር ኦ̈ንዳብ ዳንዳኣባሴ፤ ታ̈ኒ ቴ ባ̈ባ̈ ጋልዳፖ̇ ሲስኪ̇ኖንዶ̇ ሙታ̇ ፊርዳ̈ሬ፤ ታ̈ና ኪ̈ቲ̇ ሚሺኖ̈ኮን ኦ̈ርዶኬ ቴ ኮዪኖንዲፌ̈ን ኦ̈ባሶኮታ̇ቦ ቴ ፊርዲዝ ፊርዳ̈ዲ ኪን።

ዋ̈ኒ̇ሳ 5:36

“ዎቲናካሬ ታ̈ቦ ዋ̈ኒ̇ሲ ማርኪቲኖምፖ̇ ሺዝ ማርካ ዎ። ዪ̈ዳሬ ቴ ኦ̈ ፎታምፔ̈ን ታ ባ̈ባ̈ ታ̈ብ ኢሚ̇ኖ ኦ̈ሳ̈ዳ። ቴ ዪኖ̇ ኦ̈ዝ ኦ̈ሲንዳ ታ ባ̈ባ ታ̈ና ኪ̈ታ̇ር ሚሺኖን ማርኪታ̈ሬ።

ዋ̈ኒ̇ሳ 6:33

ጾ̈ሳ̇̇ ሶ̈ላ̇̈ዲ ኣፋፖ̇ ሶ̈ቢዛ̈ዳ፤ ኣላሚን ጋርታ̇ ዎ ኣሳ̈ቦ ሼምፓ ኢሚ̇ዛ̈ዳ” ጌይዴ።

ዋ̈ኒ̇ሳ 6:38

ኣባ ጌዬጌይንዶ̇፥ ታ̈ኒ ኣፋፖ̇ ሶ̈ቢኖንዳ̇ ታ̈ና ኪ̈ታ̇ር ሚሺኖ ጾ̈ሳ̇̇ ኮያዚን ኦ̈ንዳብዶኬ ቴ ቆፊን ኦ̈ንዳብ ጊዳካ̇ዬ።

ዋ̈ኒ̇ሳ 8:29

ታ̈ና ኪ̈ታ̇ር ሚሺኖ ኢ ታባር ዎ፤ ቴ ዎይ ጋላስ ኢያ ኡፋይሲ̇ዝ ባዝ ኦ̈ዛኮታ̇ቦ ኢ ታ̈ና ኣሻ̇ካ̇ዬ” ጌይዴ።

ሃዋ̈ራታን ኦ̈ሳ 20:35

‘ዓኒ ኤኪ̇ዛ̈ፖ ጌዳ ኢሚ̇ዛ̈ዲ ኣንጂንቲኖ ኣሴ’ ጋ̈ዚን ጎዳ ዬሱ̈ሳ ቃ̈ሊን ቆፒ̇ ሙታ̇ዶ̈ሪ ኑ ኩሽባር ኦ̈ ሙታ̇ ዳ̈ቡሪኖን ማ̈ዳ̇ንዳብ ኮሻ̇ዚን ዎይሊን ጎይባራ ቴ ዪንታ̇ ቤይሲኔ” ጌይዴ።

ኢብ 12:2

ኑ ዎጻ̇ዚንዳሬ ኑ ኣማ̇ኒምቦ ዋና̇ ቲ̈ኖዳሬ ጋስ ውርሲዳሬ ኢያ ማ̈ቂ̇ኖ ዬሱ̈ሳ ቤቃ̇ሪዬ፤ ኢ ፌ ቲ̈ኖ ኢያ ና̈ጊኖ ኡፋይሲንኮታቦ ማስቃላ ጋልዶ ዬ̈ላ̇ ዓይቂን ኣባካር ማሂ ፋይዳካይዶር ዪና̇ ሜቲንዲኬ ዓይቂን ጋርዣሪ ጾ̈ሳ̇̇̈ቦ ኡሻች ጎይ ዶኢ̈ዴ።