7 ዪዚ ‘ናምኢ ዬሊንታ̇ንዳ ኮሺ̇̈ሬ’ ቴ ጌይኖምቦ ጋራ̇ሚንታ̇ፔ።
ቴ ዪንታ̇ብ ሳ̈ዝ ጋልዶ ባዝ ሶ̈ሊን ኣማ̇ኒባሶን ኣፎ̈ ባዝ ሶ̈ሊን ዎዛ̈ርታ̇ር ዪንታ̇ብ ጌላ̈ራ?
ዬሱ̈ሳር ኢ̈ኮ “ኦ̈ናካር ናምኢ ዬሊንታ̇ካ̇ይ ኣቴ̇ጌይንዶ̇ ጾ̈ሳ̇̇ ካ̈ቲቲን ቤቃ̇ንዳ̇ብ ዳንዳኢባ̈ሴ” ጌይዴ።
ኣሳ ጋልዳፖ ዬሊንቲ̇ኖ̈ዲ ኣሴ፥ ኣያ̇ና ጋልዳፖ̇ ዬሊንቲ̇ኖ̈ዲ ኣያ̇ና።
ኣይጊ ፌ ኮዪኖ ጎይ ባቂ̇̈ሬ። ኔ ጊርሲ̇ን ሲስካ̇̈ርዶኬ ዎይዲፖ ዬይኖኮ ማ ዎይዲ ሉኪ̇̈ርኮ ኤራባሴ። ኣያ̇ና ጋልዳፖ ዬሊንቲ̇ኖ ኣሲ ዎይ ዪና̇ ኢዝ ፌ̈ኔ” ጌይዴ።
“ዪንቲ̇ ዓኒ̇ባር ጋራ̇ሚንታ̇ፒ̇ቴ፥ ቢርት ዱ̈ፊ ጋርታ̇ ዎን ዎይ ኢ ቆ̈ን ሲስካ̇ር ዱ̈ፊ ጋርታ̇ፖ̇ ኬስኪ̇ዝ ኬሊ̇ ዬይሬ።
ማ ፎኢን ማ̈ቂ̇ኖ ካ̈ቲቲ ጋርታ̇ ጌ̈ሻ̇ ኣሳ̈ንባራ ዎልኣ ቤሲ̇ ፋጊንቲ̇ ኤካ̇ንዳብ ዳንዳኢዝ ኣስ ዪንታ̇ ማሂኖ ጾ̈ሳ̇ ባ̈ባ̈ ዪንቲ̇ ጋላታምፔ̈ኔ።
ጌ̈ሺቲ ባይ ማ̈ቄጌይን ኦ̈ናካር ጎዳ ቤቃ̇ንዳብ ዳንዳኢባሶኮታ̇ቦ ኣስ ዎይባር ሳሪቲባር ዶኢብቴ፤ ጌ̈ሺቲባር ዶኣንዳቦ ሚ̈ጚብቴ።
ዪንታ̇ ኢሺንታ̇ንቦ ኪን ካን ዶኣምፔ̈ኒ ዪንቲ̇ ኪንንቦ ኪ̈ቲንቲ̇ሙታ ዪንታ̇ ሼምፒ̇ን ጌ̈ሺ̇ኔ፤ ዪ̈ኮታ̇ቦ ዎል ዎልኣ ቡ̈ዳፖ ካንቲ̇ብቴ።
ቄ̈ ማ̈ቂ̇ኖ ባዚ ዉርሲ ኢዝ ጋርታ ጌሊባ̈ሴ፤ ቄ ባዝ ኦ̈ዝ ኣስኬ ማቃ ሶ̈ሊዝ ኣሲ ዉርሲ ኢና ጌሊባ̈ሴ፤ ኢዝ ጋርታ ጌሊዛን ኢንታ ሱ̈ምን ዶራ̈ኮ ሼምፓባር ዶኢዝ ኣሳን ጻ̈ፊንቲ̇ዝ ማጻ̈ፋ ጋልዳ ጻ̈ፊንቲ̇ኖን ሙታ̇።
