6 ኣሳ ጋልዳፖ ዬሊንቲ̇ኖ̈ዲ ኣሴ፥ ኣያ̇ና ጋልዳፖ̇ ዬሊንቲ̇ኖ̈ዲ ኣያ̇ና።
ኢንታ̇ር ጾ̈ሳ̇̇ ጋልዳፖ̇ ዬሊንቲ̇ንዶኬ ኣሳ ዜር ጋልዳፖ̇፥ ዎይ ኣቲና ጋልዳፖ̇ ዎይ ኣቲና ቆ̈ፊባራ ዬሊንታ̇ካ̇ዬ።
ዪዚ ‘ናምኢ ዬሊንታ̇ንዳ ኮሺ̇̈ሬ’ ቴ ጌይኖምቦ ጋራ̇ሚንታ̇ፔ።
ናጋራንቻ ማ̈ቂ̇ኖ ታ ኣሲቲን ጋልዳ ኣባካር ኮሽ̇ ባዚ ባዮ̇ን ቴ ኤራ̈ሬ። ታ̈ኒ ኮሽ̇ ባዝ ኦ̈ንዳብ ኮያርካሬ ቴ ኮያዝ ኮሽ̇ ባዚን ኦ̈ንዳብ ዳንዳኣባሴ።
ኑ ጎዳ ዬሱ̈ስ ክርስቶ̈ሳ ሱምባራ ጾ̈ሳ̇̇̈ቦ ጋላታ ማ̈ቆ̇! ዪዚ ታ̈ኒ ቴ ቆፊንባ̇ራ ጾ̈ሳ̇ ሂጊ̇ምቦ ኪ̈ቲ̇ንታ̈ሬ፤ ናጋራንቻ̇ ማ̈ቂ̇ኖ ቴ ኣሲቲንባ̇ራ ናጋራ ሂጊ̇ምቦ ኪ̈ቲ̇ንቲዛ ማ̈ቂ̇ኔ።
ኑ̈ኒ ናጋራንቻ̇ ማ̈ቂ̇ኖ ኑ ኣሲቲንቦ ኪ̈ቲንታ̇ዝ ኬ̈ሊ̇ንባራ ሂጊ̇ንዳ ኑ̈ብ ዎ ኢታ̇ ኢኒ̇ን ዲንራ ኑ̈ና ዓይቃብ ዬልዝ ኦ̈ሳ ኦ̈ምፔ̈ን ዎቲኔ።
ዪንታ̇ ናጋራንቻ ኣሲቲን ጋ̈ዚንዲፌ̈ን ዶኤጌይን ዪንቲ̇ ዓይቂ̇̈ሬ፤ ጌ̈ሻ̇ ኣያ̇ና ዎልቃባራ ዪንታ̇ ኣሲቲ ኦ̈ሲ̇ን ዎጌይን ዪንቲ̇ ሼምፓባር ዶኢ̈ሬ።
ጎዳ ዬሱ̈ሳባር ዎልኣ ፔታ̇ን ማ̈ቂ̇ዝ ኣሲ ኢባራ ኣያ̇ናባር ዎልኣ ፔታ̇ን ማ̈ቂ̈̃ሬ።
ዪ̈ኮታ̇ቦ ኦ̈ናካር ኣሲ ክርስቶ̈ሳ ኣማ̇ኔጌይን ኦራ ሜንቴ፤ ቲ̈ኖ ሲላ ሜቲን ኣቲ̇ኔ ኢዝ ቤሲ̇ን ኦራ ሜቲ ዬይኔ።
ዬሱ̈ስ ክሪስቶ̈ሴይ ማ̈ቂ̇ኖ ኣሳን ናጋራ ኣሲቲ ቆፊንዶ ኢ̈ታ ባዝ ኦ ኦ ጋ̈ዝ ኢዝ ኢኒ̇ንባር ዎልኣ ኣሲ ማስቃላ ጋልዳ ሶቲንታ̇ዚንዲፌ̈ኒ ኢንታ̇ር ኢዞ ሶታ̇ር ኣሺ̇ኔ።
ዓኒ̇ፖ ቲ̈ን ኑ̈ናር ዎይን ኢንታ̇ፌ̈ን ናጋራንቻ̇ ማ̈ቂ̇ኖ ኑ ኣሲቲንዳ ኑ̈ና ኪ̈ቲኖንዲፌ̈ንኬ ኑ ቆፊንዲፌ̈ን ኦ̈ሙታ ኢንታ ጊዳ̇ ጋምኢኔ፤ ኑ̈ናር ሜላንፌኒ ኑ ኮቺ̇ንታምባ̇ራ ጾ̈ሳ̇ ጎይላ ጻና ዎ ኣሴ።
ዪንቲ ክርስቶ̈ሳ ኣማ̇ኒኖኮታ̇ቦ ጋራ̇ዚንቲ̇ኔ፤ ዪና̇ ና̈ጋራንቻ ማ̈ቂ̇ኖ ዪንታ̇ ኣሲቲን ይሳ̇ንዳቦ ክርስቶ̈ሳ ኩሽባር ጋራ̇ዚንቲንዶኬ ኣሳ ኩ̈ሽባራ ጋራ̇ዚንታ̇ካ̇ዬ።
ጾ̈ሳ̇ብ ናኢ ማ̈ቂ̇ኖ ኣሲ ጾ̈ሳ̇ ዜር ኢ ጋርታ ዎኮታ̇ብኬ ኢ ጾ̈ሳ̇ ጋልዳፖ ዬ̈ሊንቲ̇ኖኮታ̈ቦ ናጋራ ኦ̈ሙታ ዶኣንዳብ ዳንዳኢባ̈ሴ።
