ዋ̈ኒ̇ሳ 3:34 - ኦራ ጫ̈ቃ ማጻ̈ፋ

³⁴ ጾ̈ሲ̇ ፌ ኣያ̇ና ሱ̈ቂታካ̇ይ ኢሚ̇ዛኮታ̇ቦ ጾ̈ሲ̇ ኪ̈ቲ̇ ሚሺኖ̈ዲ ጾ̈ሳ̇̇ ቃ̈ሊን ሶ̈ሊ̈ሬ።

ዋ̈ኒ̇ሳ 3:34 ပူးပေါင်းရင်းမြစ်များ

ማ̈ቶ̈ሳ 12:18

“ቤቂ̇ብቴ̇! ቴ ማራጺ̇ኖ̈ዲ ዓ̈ዳ፤ ቴ ኢያ ዶሲዛ̈ዲኬ ኢባር ኡፋይቲ̇ዝ ቴ ኣሽካ̇ራ̈፥ ታ ታ ኣያ̇ኒን ኢ ጋልዳ ጋዳ̇ንዳ፤ ኢያሬ ዎርዣ ዎይ̈ቦ ቴ ኣስ ፋዚን ሶ̈ሊ̈ሬ።

ሉቃ̈ሳ 4:18

“ጎዳ ኣያ̇ና ታ ጋልዳ ዎ፥ ዎርባያንቦ ጾ̈ሳ̇̇ ዎጛላ ታማ̈ርሳ̈ምፔ̈ኒ፥ ታ̈ና ማራ̇ጺኔ። ቃቺንቲ̇ኖንቦ ቢሊንታ̇ዚንዶ፥ ኣ̈ፍ ዎባ̇ን ቤቃ̇ዚን ሶ̈ላምፔ̈ኒ፥ ጮቃ̇ኒንቲ̇ኖን ናጻ ኬሳ̇ምፔ̈ኒ፥

ዋ̈ኒ̇ሳ 1:16

ኢ̈ብ ኩማር ሺኖ ኮሺቲ ጋልዳፖ̇ ኑ̈ናር ዎይ ኣንጃ ጋልዳ ኣንጃ ዲጚዴ።

ዋ̈ኒ̇ሳ 15:26

ቴ ባ̈ባ ጋልዳፖ̇ ኬስኪ̇ዛ̈ዲክ ታ̈ናር ኢ ጋልዳፖ̇ ዪንታ̇ብ ሚሺዛ ሚ̈ንዛ ማ ጾ̈ሲ ኦ̈ናኮ ኣሳብ ኤሪሲዝ ኣያ̇ና ዬ̈ሪ ኢ ቴ ባዝ ዪንታ̇ብ ማርኪቲ̈ሬ።

ዋ̈ኒ̇ሳ 16:7

ዎቲናካር ቴ ዪንታ̇ብ ኪን ጋ̈ሬ፥ ቴ ሉካ̇ዚንዳ̇ ዪንታ̇ብ ኮሼ̇። ቴ ሉካ̇ካይ ኣቴጌይን ዪንታ̇ ሚንዛ ዪንታ̇ክ ዬ̈ባሴ፤ ቴ ሉኬ̇ጌይን ኢያ ዪንታ̇ብ ሚሻንዳ̇።

ዋ̈ኒ̇ሳ 3:17

ጾ̈ሲ̇ ፌ ናኣ ኣላሚን ጋልዳ ሚሺኖ̈ዲ፥ ኣላሚን ጋርታ̇ ዎ ኣሳን ኢያ ኣማ̇ናር ፋጻምፔ̈ንዶኬ ኢንታ̇ ጋልዳ̇ ፊርዳምፔ̈ን ጊዳካ̇ዬ።

ዋ̈ኒ̇ሳ 5:26

ባ̈ባ̈ዲ ኣሳብ ሼምፓ ኢማ̇ንዳብ ዳንዳኣዚንዲፌ̈ኒ ናኣ̈ዳር ኣሳብ ሼምፓ ኢማ̇ምፔ̈ን ሲልጣ̈ና ኢ̈ብ ኢሚ̇ኔ።

ዋ̈ኒ̇ሳ 7:16

ዬሱ̈ሳር ኢንታ̇ኮ “ቴ ዪንታ̇ ታማ̈ርሳዝ ቲሚርቲ̇ንዳ̇ ቴ ጋልዳፖ̇ ጊዳካ̇ይዶ̈ን ታ̈ና ኪ̈ቲ̇ ሚሺኖ ቴ ባ̈ባ̈ ጋልዳፖ̇ ዬይኖ ቲሚርታ̇።

ዋ̈ኒ̇ሳ 8:40

ዪና̇ ኣሻ̇ሪ ታ̈ኒ ጾ̈ሳ̇̇ ጋልዳፖ̇ ሲስኪኖ ኪን ባዚን ዪንታ̇ብ ሶ̈ሊን ዪንቲ̇ ታ̈ና ዎንዳብ ኮዪ̈ሬ፥ ኣብራሃ̈ሚ ዪኒ̇ፌ̈ን ዎታካ̇ዬ።

ዋ̈ኒ̇ሳ 8:47

ጾ̈ሳ̇̇ ኣስ ማ̈ቂ̇ኖ ኣሲ ጾ̈ሲ̇ ጋ̈ዚን ሲስኪ̈ሬ፤ ዪንቲ̇ ጾ̈ሳ̇̇ ኣስ ማ̈ቃካ̇ዮኮታ̇ቦ ጾ̈ሲ̇ ጋ̈ዚን ሲስኪባሴ” ጌይዴ።

ሃዋ̈ራታን ኦ̈ሳ 1:2

ፌ ማራ̇ጺኖ ሃዋ̈ራታንቦ ጌ̈ሻ̇ ኣያ̇ና ጎይባራ ኢንታ̇ ኪ̈ቲኖፖ ዎሃ ፉዳ ኣፋ ሉካ̇ዝ ቃሚ̇ን ዬሊ̇ዝ ዲራስ ኦ̈ኖ ኦ̈ሲን ዎይ ጻ̈ፊኔ።

ሃዋ̈ራታን ኦ̈ሳ 10:38

ጾ̈ሲ̇ ና̈ዝሬ̈ት ዬሱ̈ሳቦ ጌ̈ሻ̇ ኣያ̇ናኬ ዎልቃኬ ኢሚ̇ዴ። ኢያሬ ጾ̈ሲ̇ ኢባር ዎ̈ኮታ̇ቦ ፌ ዬሊ̇ኖ ቤስ̇ ዎይ ኮሽ̇ ባዝ ኦ̈ሙታ̇ ሴ̈ጣናባር ቃቺ̇ንታ̇ር ዎን ዎይ ፋሙታ̇ ዬ̇ዴ።

ሮሜ 8:2

ዬሱ̈ስ ክርስቶ̈ሳ ጎይባራ ቤንቲ̇ዝ ሼምፓ ኢሚ̇ዛ ጌ̈ሻ̇ ኣያ̇ና ሂጋ̇̈ዲ ናጋራ ጋልዳፔኬ ዓይቃ ሂጋ̇ ጋልዳፖ̇ ታ̈ና ናጻ ኬሲ̇ኔ።

ኤፍ 3:8

ታ̈ኒ ጾ̈ሳ̇ ኣሳን ዎይንፖ̇ ጉ̈ጺዝ ኣስ ማ̈ቂ̇ናካሬ፤ ዎሳሊ ባዮ̇ ክርስቶ̈ሳ ዱሪቲ ኣይሁድ ባዮ̇ ኣሳንቦ ሶ̈ላምፔ̈ን ጾ̈ሲ ዓና̇ ኢዲ̇ሊን ታ̈ብ ኢሚ̇ዴ።

ቆላ̈ሳ̈ሳ 1:19

ጾ̈ሳ̇ ባ̈ባዲ ፌ ናኣ ጋርታ̇ ጾ̈ሲቲ ኩም ዶኣምፔ̈ኒ ዶሲኔ።

ቆላ̈ሳ̈ሳ 2:9

ኣባ ጌይን ክርስቶ̈ሳ ኣሲቲን ጋልዳ ጾ̈ሲቲ ኩም ዎ።

ሳጻ 21:6

ዪኒፖ ዓኒ ታ̈ኮ “ፎቲንቲ̇ዴ! ኣልፋሬ ኦሜ̈ጋሬ፥ ቲ̈ኖዳሬ ጋሶ̈ዳሬ ታ̈ና፤ ባርሲንቲኖ̈ቦ ሼምፓ ኢሚ̇ዝ ዋ̈ ዶቃ ጋርታ̇ፖ ኣባካር ጪጋካ̇ይዶን ቴ ሜላ̇ ኢማ̇ንዳ።

ሳጻ 22:1

ዓኒ̇ፖ ዎሃ ኪ̈ታንቻዲ ጾ̈̈ሳ̇̈ዲኬ ዶራ̈ ዙፋ̈ና ጋልዳፖ ኬስኪ̇ዛ ኮሽ̇ ማስቶ̈ታፌ̈ን ዪል ጌይኖን ሼምፓ ኢሚ̇ዝ ዋ̈ን ታ̈ና ቤይሲዴ።