ዋ̈ኒ̇ሳ 3:18 - ኦራ ጫ̈ቃ ማጻ̈ፋ

¹⁸ “ጾ̈ሳ̇̇ ናኣ ኣማ̇ኒዝ ኣሲ ዎይ ፊርዲንቲ̇ባ̈ሴ፥ ኢያ ኣማ̇ኒባ̈ሶ ኣሲ፥ ጾ̈ሳ̇̇ ናኣ ፔታ̇ና ኣማ̇ናካ̇ይ ኣቲ̇ኖኮታ̇ቦ ዓት ኢ ጋል ፊርዲን ዎ።

ዋ̈ኒ̇ሳ 3:18 ပူးပေါင်းရင်းမြစ်များ

1 ዋ̈ኒ̇ 5:10

ጾ̈ሳ̇ ናኣ ኣማ̇ኒዝ ኣሲ ዪና̇ ጾ̈ሳ̇ ማ̈ርኪቲንዳ ኢ ጋርታ̇ ዎ፤ ጾ̈ሳ̇ ኣማ̇ኒባሶ̈ዲ ጾ̈ሳ̇ ፌ ናኣባዝ ማ̈ርኪቲኖ ማርኪቲንዶ ኣማ̇ናካ̇ዮኮታ̇ቦ ኢ ጾ̈ሳ̇ ማቃ ማቂ̇ዝ ጾ̈ስ ማሂ̈ሬ።

ማ̈ርቆ̈ሳ 16:16

ኣማ̇ናር ጻማ̇ቂንቲኖ ኣስ ፋጺ̈ሬ፤ ኣማ̇ኒባ̈ሶ ኣሲ ፊርዲንቲ̈ሬ።

ሮሜ 8:1

ዪ̈ኮታ̇ቦ ዬሱ̈ስ ክርስቶ̈ሳ ኣማ̇ኒኖ ኣሳን ዓት ጾ̈ሳ̇ ፊርዳ ኢንታ ጋልዳ ባዬ̇።

ዋ̈ኒ̇ሳ 5:24

“ቴ ዪንታ̇ክ ኪን ጋ̈ሬ፥ ታ ቃ̈ሊን ሲስኪ̇ዛ̈ዲኬ ታ̈ና ኪ̈ታ̇ር ሚሺኖ ጾ̈ሳ̇̇ ኣማ̇ኒዝ ኣሲ ሜናብ ሼምፓባር ዶኢ ኢ̈ብ ዎ። ኢ ዓይቃ ጋርታ̇ፖ̇ ኬስ̇ካር ጌዳ ሼምፓባር ዶኢ̈ርዶኬ ፊርዳ ኢ ጋልዳ ዬ̈ባሴ።

1 ዋ̈ኒ̇ 5:12

ጾ̈ሳ̇ ናኣ ኢ̈ብ ዎ ኣሲ ሼ̈ምፓ ኢ̈ብ ዎ። ጾ̈ሳ̇ ናኣ ኢ̈ብ ባዮ̇ ኣሲ ሼ̈ምፓ ኢ̈ብ ባዬ̇።

ዋ̈ኒ̇ሳ 3:36

ጾ̈ሳ̇̇ ናኣ ኣማ̇ኒዝ ኣሲ ሜናብ ሼምፓባር ዶኢ ኢ̈ብ ዎ፤ ጾ̈ሳ̇̇ ናኣ ኣማ̇ኒባ̈ሶ ኣሳ ጋልዳ̇ ጾ̈ሳ̇̇ ጎይላ ዬይርዶኬ ኢ ሼምፓ ዴጚባ̈ሴ” ጌይዴ።

ሮሜ 5:1

ዪዚ ኑ̈ኒ ኣማ̇ናባራ ጺላ̇ ማ̈ቂ̇̈ኖኮታ̇ቦ ኑ ጎዳ ዬሱ̈ስ ክርስቶ̈ሳ ጎይባራ ጾ̈ሳ̇ባር ኑ̈ብ ሳሪቲ ዎ።

1 ዋ̈ኒ̇ 4:9

ናኣ ጎይባራ ኑ̈ኒ ሼምፓ ዲጛምፔ̈ን ጾ̈ሳ̇ ፌ ናኣ ፔታ̇ና ኢያ ኣላሚን ጋርታ ሚሺኔ፤ ዪኒ̇ ጎይባራ ጾ̈ሳ̇ ፌ ካንን ኑ̈ብ ቤይሲኔ።

ሮሜ 8:34

ኢንታ̇ ጋልዳ ፊርዲ̇ዛ ኦ̈ኖ? ኑ ጊሻ̇ብ ዓይቂ̇ኖዲ፣ ዓይቃ ጋርታ̇ፖ̇ ዲንዲኖ̈ዲ፣ ጾ̈ሳ̇ ባ̈ባ̈ቦ ኡሻች ጎይ ዶኢኖ̈ዲ ኢ ኑ ጊሻ̇ብ ጪጛሽ ማ̈ቃ̇ር ጌሺ̈ሬ።

ዋ̈ኒ̇ሳ 20:31

ዎቲናካሬ ዬሱ̈ሲ ኢ ክርስቶ̈ስ ጾ̈ሳ̇̇ ናኢ ማ̈ቂ̇ኖን ኣማ̇ናምፔ̈ን ማ ኣማ̇ናር ኢ ሱምባር ዪንታ̇ብ ሜናብ ሼምፓባር ዶኢ ዶኣምፔ̈ን ዓና̇ ዪንታ̇ብ ጻ̈ፊንቲ̇ኔ።

ዋ̈ኒ̇ሳ 6:47

ቴ ዪንታ̇ክ ኪን ጋ̈ሬ፥ ታ̈ና ኣማ̇ኒዝ ኣሳቦ ሜናብ ሼምፓባር ዶኢ ዎ።

ዋ̈ኒ̇ሳ 6:40

ቴ ባ̈ባ ኮያዚንዳ̇፥ ታ̈ና ናኣ ቤቃ̇ሪ ኣማ̇ኒዝ ኣሲ ዎይ ሜናብ ሼምፓባር ዶኢ ዲጛምፔ̈ኒዬ፤ ታ̈ናር ዉርሲ ቃምባራ ኢያ ዓይቃ ጋርታ̇ፖ̇ ዲንሬ” ጌይዴ።

ዋ̈ኒ̇ሳ 1:18

ጾ̈ሳ̇̇ ቤቂ̇ኖ ኣሲ ዉርሲ ኦ̈ናካር ባዬ̇፤ ዎቲናካሬ ጾ̈ሳ̇̇ ባ̈ባ̈ ላፍ ዎ ኢ ናኣ ፔታ̇ና፥ ኢ ፌ̈ቆማ̇ብ ጾ̈ሳ̇̇ዲ፥ ኣሳብ ኢባዝ ኤርሲኖ̈ዲ ኢያ።

ኢብ 2:3

ዪዚ ኑ̈ኒ ዪ̈ዲፌ̈ኖ ጴች ፋቲ̈ ጎይን ቦቲጚዝባዝ ማ̈ቄ̇ጌይን ዎዛርታር ፊርዳ ጋልዳፖ ቡቲ̇̈ራ? ዪና̇ ፋቲ̈ን ቲ̈ኒታር ኣሳብ ኤርሲኖ̈ዲ ጎዳ̈ዳ፤ ማ ኢ ጋልዳፖ ሲስኪ̇ኖ ኣሳንሬ ኢዛ ኪን ማ̈ቂ̇ኖን ኑ̈ና ቤይሲኔ።

ኢብ 12:25

ዪንታ̇ብ ሶ̈ሊዝ ጾ̈ሳ̇ ዪንቲ̇ ሲስኪባዳ̈ ጋካዮዲፌ̈ኒ ና̈ጊንቲ̇ብቴ፤ ዪን ጾ̈ሳ̇̈ዲ ኣሳ ጎይባራ ሳ̈ዳ̇ፖ ሶ̈ላምባ̇ራ ሲስካ̇ብዳ ጌይኖን ቡ̈ታካ̇ይ ኣቴ̇ጌይን፥ ኑ̈ኒ ኣፋፖ ኑ̈ብ ሶ̈ሊንታ̇ዚን ሲስካካ̇ይ ኣቴ̇ጌይንዶ ኑ ዎዛ̈ርታር ቡ̈ቲ̇ራ!

ዋ̈ኒ̇ሳ 1:12

ዎቲናካሬ ኢያ ፌዬ̇ ጌዪ ኤኪ̇ኖንብኬ ኢ ሱምንባር ኣማ̇ኒኖቦ ኢንቲ̇ ጾ̈ሳ̇̇ ናኢ ማ̈ቃ̇ምፔ̈ኒ ኢንታ̇ብ ሲልጣ̈ና ኢሚ̇ዴ።

ዋ̈ኒ̇ሳ 3:16

“ጾ̈ሳ̇̇ ናኣ ኣማ̇ኒዝ ኣስ ዎይ ሜናብ ሼምፓባር ዶኢ ዲጛምፔ̈ንዶኬ ያካ̇ይፌ̈ኒ፥ ጾ̈ሲ̇ ኣላሚን ዓና̇ ጋርታ̇ ዎ ኣሳን ዎይሊን ካኖኮታ̇ቦ፥ ፌ ናኣ ፔታ̇ና ኢያ ኢሚ̇ዴ።

ኢብ 3:19

ዪዚ ጌላንዳ̇ብ ዳንዳኣካ̇ዮን ኢንቲ ኣማ̇ናካይ ኣቲ̇ኖኮታ̇ቦ ማ̈ቂ̈ኖን ኑ ቤቂ̈̇ሬ።

1 ዋ̈ኒ̇ 3:23

ጾ̈ሳ̇ ኪ̈ቲንዳ ኑ̈ኒ ናኣ ዬሱ̈ስ ክርስቶ̈ሳ ኣማ̇ናምፔ̈ንኬ ክርስቶ̈ሲ ኑ̈ና ኪ̈ቲ̇ኖንዲፌ̈ን ዎልዎልኣ ካንታምፔ̈ኒዬ።