2 ዬሱ̈ሳኬ ኢ ታማ̈ራንኬ ኢሲ̇ን ጋርታ̇ ዬ̈ምፔ̈ን ጼይጊንቲ̇ኔ።
ኢ ዋ̈ጪባ̈ሴ ዎይ ዉይሲባ̈ሴ፤ ኢ ቆ̈ ኮካ̇ ጋልዳ ሲስኪንቲባ̈ሴ።
“ታ̈ናር ኢንታ̇ኮ ‘ቴ ዪንታ̇ክ ኪን ጋ̈ሬ፥ ዓን ቴ ኢሺንታ̇ን ጋርታፖ ሌቂንቲ̇ኖ ማ̈ቂ̇ኖ ፔታ̇ናቦ ኦ̈ኖ ባዚንዳ ታ̈ብ ኦ̈ኖዲፌ̈ኔ’ ጋ̈ራ ማሃ̈ሬ።
ታ̈ናር ኢንታ̇ኮ ‘ቴ ዪንታ̇ክ ኪን ጋ̈ሬ፥ ዓን ቴ ኢሺንታን ጋርታ̇ፖ ሜላ ኣቲ̇ን ሌቂንቲ̇ኖ ፔታ̇ናቦ ዪንቲ̇ ኦ̈ካዮንዳ ዪንቲ̇ ታ̈ባር ኦካዮዲፌ̈ኔ’ ጋ̈ሬ።
ዪኒ̇ፖ ዓኒ ዬሱ̈ሲ ፌ ኢንዲ̇ባራ ፌ ኢና̇ኣንባርኬ ፌ ታማ̈ራንባራ ዎልማ̈ቃ̇ሪ ቶ̈ራ ቂፊርና̈ሆ̈ም ሶ̈ባር ኢና ጊላ̇ ቃም ጋምኢዴ።
ኢ ታማራ̈ን ዪኒ̇ባራ ጾ̈ሳ̇̇ ቃ̈ላ ጋልዳ̇ “ታ̈ብ ኔ ኣ̈ሊምቦ ዎ ካንንዳ̇ ታማፌ̈ን ታ̈ና ሚቻ̇̈ሬ” ጋ̈ር ጻ̈ፊኖን ኢንታ̇ክ ኤልቅ ጋ̈ዴ።
ዪ̈ኮታ̇ቦ፥ ዬሱ̈ሲ ዓይቃ ጋርታ̇ፖ̇ ዲንዲ̇ኖፖ̇ ዎሃ ኢ ታማ̈ራን ኢ ዓና̇ ሶ̈ሊኖን ኤልቅ ዎቲዴ። ማ ጌ̈ሻ̇ ማጻ̈ፋ ጋልዳ̇ ጻ̈ፊንቲ̇ኖንዲኬ ዬሱ̈ሲ ሶ̈ሊኖ ቃ̈ሊን ኣማ̇ኒዴ።
ኢሳ̇ቦ ጋ̈ር ማስኪ̇ኖ ዎይና ጂ̇ን ዉሪንዶ̈ን፥ ዬሱ̈ሳ ኢንዳ̇ ዬሱ̈ሳኮ “ኢንታ̇ ዎይና ጂ̇ን ዉሪኒሽዋ!” ጋ̈ዴ።
ዪኒ̇ፖ ዎሃ ዬሱ̈ሲ ፌ ታማ̈ራንባር ዎልኣ ዪሁዳ ጋዳ̇ ሉኪ̇ዴ። ኢና ጻማ̇ቂ ሙታ̇ ኢንታ̇ባር ጊላ̇ ቃም ጋምኢዴ።
ዬሱ̈ሲ ኤሪኖኮታ̇ቦ፥ ዪሁዳ ጋዲን ኣሻ̇ሪ ጋሊላ ማ̈ቂ̇ ሉኪ̇ዴ። ዎቲናካሬ ጻማ̇ቂኖን ኢ ታማራንዶኬ ዬሱ̈ስ ኢ ቆሚ̇ን ጊዳካ̇ዬ።
ኢ ታማ̈ራንሬ ዎልዎልኣ “ኣሲ ኢ̈ብ ፊ̈ሺ ኤሄይንዶኔ?” ጌይዴ።
ዪኒ̇ባራ ኢ ታማራን ፊ̈ሺ ዎ̈ጛንዳብ ካታማ ሉኪ̇ኔ።
ዎይን ሙዪ ሚሽኪኖፖ̇ ዓኒ ዬሱ̈ሲ ፌ ታማ̈ራንኮ “ፔቲ̇ ባዛር ሳ̈ዳ ኬዲ̇ ኣታካ̇ይፌ̈ኒ ሺኖ ዶካ̇ን ዎይ ሺ̈ሺ̇ብቴ̇” ጌይዴ።
ሳ̈ዚን ቃሚ̇ን ዬሱ̈ስ ታማ̈ራን ቶ̈ራ ጋሊላ ባሃ̈ሪንኮ̇ ሉኪ̇ዴ።
ኢ ታማራን ጋርታ̇ፖ̇ ዎይሊንን ኢ ዪኖ̇ ሶ̈ሊኖን ሲስካ̇ሪ “ሶ̈ሊን ዪና̇ ዋዪሬ፥ ኦ ኢዞ ኪን ጌዪ ኤካ̇ንዳብ ዳንዳኢ̈ራ?” ጌይዴ።
ዪ̈ኮታ̇ቦ ኢ ታማ̈ራን ጋርታ̇ፖ̇ ዎይሊንን ጋስ ማ̈ቂ̇ዴ፤ ዪና̇ ኢዝ ኬሊ̇ምፖ̇ ኤ̈̇ሪ ኢ ዎሂን ዬ̇ዚን ኣሺ̇ዴ።
ዬሱ̈ሳር ፌ ታማ̈ራን ታጶ̇ ናምኣንኮ “ዪንታ̇ር ማ ሉካ̇ንዳብ ኮዪ̈ራ?” ጌይዴ።
ዬሱ̈ሳር ኢንታ̇ኮ “ቴ ዪንታ̇ ታጶ̇ ናምኣን ማራ̇ጺናባያ? ዎቲናካሬ ዪንታ̇ጋርታ̇ፖ̇ ፔታ̇ና ሴ̈ጣና” ጌይዴ።
ዪና̇ ኢ ጌይኖንዳ ኣስቆሮ̈ቶ ሲሞ̈ና ናኣ ዪሁዳ ጌይሬ። ኣባ ጌይን ዪሁዶ ታጶ̇ ናምኢ ዬሱ̈ስ ታማ̈ራን ጋርታ̇ፖ̇ ፔታ̇ና ኢያ ማ̈ቂ̇ናካሬ ዬሱ̈ሳ ኣ̈ ኢሚ̇ዛ ኢያ ማ̈ቂ̇ኖኮታ̇ቦ።
ኢ ታማራን ጋርታ̇ፖ̇ ፔታ̇ና ሲሞ̈ን ጴ̈ጥሮ̈ስ ኢና̇ኣ ኢንድራ̈ሲ ኢንታ̇ኮ፥
ዬሱ̈ሳ ኢና̇ኣን ኢ̈ኮ “ኔ ታማ̈ራን ኔ ኦ̈ዝ ታ̈ሚ̇ራ̈ቲን ቤቃ̇ምፔ̈ኒ ዓይዲፖ̇ ዲንዳራ ዪሁዳ ጋዳ̇ ሉካ̇ቤ፥
ኢያ ዲጛሪ ኣንጾ̈ካ ኤኪ̇ ዬይዴ። ኢንቲ ናምኣን ዎልኣ ኢና ዎ ኣማ̇ኒዝ ኣሳንባር ማ̈ቃ̇ሪ ፔቲ̇ ላይ ኩም ዎይሊን ዎርዣ ታማ̈ርሲዴ። ኣማ̇ኒዝ ኣሳንቦ ኣንጾ̈ካ ጋርታ̇ “ክሪስታ̈ና” ጌይዝ ሱም ኢሚንቲ̇ዴ።
ኣንጾ̈ካ ዎ ኣማ̇ኒዝ ኣሳን “ኑ̈ብ ዳንዳኢንቲ̇ኖ̈ንዲፌ̈ኒ ሚ̈ሺ̇ ኬሳ̇ሪ ይሁዳ ዎ ኣማ̇ናን ማ̈ዲ̇ስቶ” ጋ̈ሪ ሶ̈ሊንቲ̇ዴ።
ዪዚ ዪንቲ̇ ሙይርዶር ማ̈ቆ̇ ኡሽኪ̈ርዶሪ ዎይ ባዝ ኦ̈ርዶሪ ዎይን ጾ̈ሳ̇ ቦንቻ̇ቦ ጋ̈ሪ ኦ̈ብቴ።
ፔቲ̇ ኣሳ ማጪ̇ንዳ ኢዝ ኣስና ዓይቃካ̇ይ ሼምፓባር ዎኮ ኢዛ ሜላ ኣሳ ኣ̈ል ኢስታ̇ንዳብ ዳንዳኣባሴ፤ ኢዝ ኣስና ዓይቄጌይንዶ ፌ ኮዪኖ ኣስና ኣ̈ል ኢስታ̇ንዳብ ዳንዳኣ̈ሬ፤ ማ̈ቂናካሬ ኢዛ ኢስቲ̇ዝ ና̈ሳ̈ዲ ኣማ̇ኒኖ ኣስ ማ̈ቃ̇ንዳብ ኮሺ̇̈ሬ።
ዬሱ̈ስ ክርስቶ̈ስ ጎይባራ ጾ̈ሳ̇ ባ̈ባ ጋ̈ላቲሙታ̇ዶ̈ሪ፥ ቃ̈ላባራር ማ̈ቆ̇ ኦ̈ሳባራ፥ ዪንቲ ኦ̈ዝ ባዛን ዎይ ጎዳ ዬሱ̈ስ ክርስቶ̈ስ ሱ̈ምባራ ኦ̈ብቴ፤ ማ ኢ ጎይባራ ጾ̈ሳ̇ ባ̈ባ̈ ጋ̈ላቲብቴ።
ኣስኒኬ ማቺ̇ኬ ዎልዎልኣ ፔታ̇ና ፔታ̇ና̈ቦ ኣማ̇ኒንቲኖ ማ̈ቃ̇ሪ ዎይ ፌ ኣ̈ሊን ቦንቾጋ̈ቤ። ኦሎላ ጋዲ̇ዛንኬ ፌ ኣ̈ላብ ኣማ̇ኒንቲ̇ባሶን ጋልዳ ጾ̈ሲ ፊርዲ̇̈ሬ።
ዪዚ ቤቃ̇ቤ! ታ̈ኒ ካራ ጋልዳ ኤቃ̇ራ ካሪን ቆንካ̈ሬ፤ ኦ̈ናካር ቴ ቆ̈ን ሲስካ̇ር ካሪን ታ̈ብ ፊርቄጌይን ቴ ኢ̈ክ ጌላ̈ራ ኢባር ዎልኣ ፊሽ ሞ̈ሬ፤ ኢያር ታባር ሙይሬ፤
