ዋ̈ኒ̇ሳ 19:4 - ኦራ ጫ̈ቃ ማጻ̈ፋ

⁴ ጲላ̈ጦ̈ሳሬ ማ̈ቂ̇ ዛ̈ና ኬስካ̇ሪ ኣይሁዳንኮ “ዪዚ ቴ ኢጋልዳ ፔቲ̇ ባዝ ኣባክ ኢ̈ታ ኦ̈ሳ ዲጛካ̇ዮን ዪንቲ̇ ኤራምፔ̈ኒ ቴ ኢያ ዪንታ̇ክ ዛ̈ና ኬሲ̇ኔ” ጌይዴ።

ዋ̈ኒ̇ሳ 19:4 ပူးပေါင်းရင်းမြစ်များ

ማ̈ቶ̈ሳ 27:19

ጲላ̈ጦ̈ሲ ፊርዳንዳብ ፊርዳ ቤስ̇ ጋልዳ̇ ዶኢንዶ̈ን ኢ ማጪ̇ን ኢ̈ብ ኪ̈ታ ሚሻራ “ዓ ና̈ሳ ጺላ̇ ኣሴ፤ ኔ ኢ ጋልዳ ኣባክ ኢ̈ታ̇ ባዝ ኦ̈ፔ̇፥ ዓታ̇ብ ቃም ኢ ጊሻቦ ኣይቦ ታ̈ና ዎይሊን ዋዪሙታ̇ ኣቂኔ” ጋ̈ዴ።

ማ̈ቶ̈ሳ 27:24

ጲላ̈ጦ̈ሲ ባዝ ዓና̇ ዋች ዲንርዶኬ ሜላ ኣባካር ማ̈ዲ̇ዝ ባዚ ባዮ̇ን ቤቃ̇ሪ “ና̈ሳ ዓ ዓይቂምቦ̇ ቴ ኦይጪንታ̇ባሴ ኦይጪንቲዛን ዪንታ̇” ጋ̈ር ዎርዣ ቲ̈ን ዋ̈ባር ፌ ኩሺን ሜ̈ጪ̇ዴ።

ማ̈ቶ̈ሳ 27:4

ኢናፖ̇ ኢንታ̇ኮ “ና̈ሳ ጺላ̇ዳ ቴ ኢያ ዓይቃብ ኣ̈ር ኢሚ̇ኖ̈ዲ ታ̈ኒ ባላ” ጌይን ኢንታ̇ሬ ኢ̈ኮ “ዓት ኑ̈ና ኣ ሜቴ! ኑ̈ና ኢና ጌልሲዝ ባዚ ባዬ̇” ጌይዴ።

ማ̈ቶ̈ሳ 27:54

ማታላቃ̈ዳኬ ኢባር ዎልኣ ዬሱ̈ሳ ና̈ጊዛን ሳ̈ዚ ኤንኢኖምቢ̇ኬ ማ̈ቂ̇ኖ ባዛን ቤቃ̇ሪ ዎይሊን ኢ̈ጫ̇ሪ “ኪን ዓ ጾ̈ሳ̇̇ ናኤ” ጌይዴ።

ሉቃ̈ሳ 23:4

ጲላ̈ጦ̈ሳር ቄ̈ስ ኣላቃንብኬ ዎርዣንቦ “ቴ ና̈ሳ ዓ̈ ጋልዳ̇ ኣባካር ኢ̈ት ኢ ኦ̈ኖ ባዝ ዲጛካ̇ዬ” ጌይዴ።

ሉቃ̈ሳ 23:41

ኑ ኦ̈ኖ ኢ̈ታ ኦ̈ሲንባራ ኑ̈ብ ኮሻ̇ዝ ቂጣ̈ቲን ኑ ኤኪ̇̈ሬ፤ ና̈ሳ ዓ̈ ማ̈ቄ̇ጌይንዶ̇ ኢ ኣባካር ኢ̈ት ኦ̈ኖ ባዚ ባዬ̇” ጌይዴ።

ሉቃ̈ሳ 23:47

ማታላቃ ዪኖ̇ ቤቃ̇ሪ “ኪን ና̈ሳ ዓ̈ ጺላ̇ ኣሴ!” ጋ̈ሪ ጾ̈ሳ̇̇ ጋላቲዴ።

ዋ̈ኒ̇ሳ 18:33

ጲላ̈ጦ̈ሳሬ ጌዳ ኬ̈ ማ̈ቂ̇ ጌሊዴ፤ ኢናፖ̇ ዬሱ̈ሳ ጼይጊሳሪ “ኣይሁዳንቦ ካ̈ታ ኔ̈ና?” ጋ̈ሪ ኢያ ኦይጪ̇ዴ።

ዋ̈ኒ̇ሳ 18:38

ጲላ̈ጦ̈ሳሬ ኢ̈ኮ “ኪን ጋ̈ዚን ኢዛ ኣብዛ?” ጌይዴ። ዪኖ̇ ሶ̈ሊኖፖ̇ ዓኒ ዛ̈ና ኬስካ̇ሪ ኣይሁዳንኮ ፥“ኢ ጋልዳ ፊርዲሲዝ ባዝ ኣባክ ቴ ዲጛካ̇ዬ።

ዋ̈ኒ̇ሳ 19:6

ቄ̈ሳ ኣላቃንኬ ዛባን ዬሱ̈ሳ ቤቃ̇ሪ “ኢያ ሶታ̇ቤ! ኢያ ሶታ̇ቤ!” ጋ̈ሪ ውይሲዴ። ጲላ̈ጦ̈ሳር ኢንታ̇ኮ “ቴ ኢ ጋልዳ̇ ኣባካር ኢ̈ታ ባዝ ዲጛካ̇ዬ፥ ዪንቲ̇ ኮዪዶኮ ኤ̈ጛር ኢያ ሶቲ̇ብቴ̇” ጌይዴ።

2 ቆሮ 5:21

ኑ̈ኒ ክርስቶ̈ሳ ጎይባር ጾ̈ሳ̇ ጺሊቲን ኤኪ̇ዛ ማ̈ቃ̇ምፔ̈ኒ ጾ̈ሲ ናጋራ ባዮ̇ ክርስቶ̈ሳ ናጋራንቻፌ̈ን ፋይዲዴ።

ኢብ 7:26

ዪ̈ፌን ጌ̈ሽ፣ ኢ ጋልዳ ማ̈ዛ̈ ባዮ፣ ዪርጭ ጋ̈ር ጌ̈ዥጊኖ̈ዳ ናጋራንቻን ጋልዳፖ ጎቲ̇ኖዳ፣ ኣፋፖ ፉዳ ሾክ̇ ጌይኖ ቄ̈ሳ ኣላቃ ኑ̈ብ ኮሺ̇̈ሬ።

1 ጴጥ 1:19

ዪንታ̇ ፋንዳ̇ብ ጪጊንቲ̇ኖንዳ ኢ ጋልዳ ማዛ ባዮ̇ ጌ̈ሽ̇ ማ̈ቂ̇ኖ ዶሪ ማ̈ቂ̇ኖ ቦንቺንቲ̇ኖ ዬሱ̈ሳ ሱ̈ንዶ።

1 ጴጥ 2:22

ኢ ኣባካር ናጋራ ኦ̈ካ̇ዬ፤ ኢ ኖ̈ና ጋርታፓ̇ሬ ኢ̈ታ ባዝ ኬስካካ̇ዬ።

1 ጴጥ 3:18

ክርስቶ̈ሲ ኑ̈ና ጾ̈ሳ̇̇̈ባር ኢጊንንዳቦ ኢ ፌቆሚ̇ን ጺ̈ላ̇̈ዶ̈ሪ ጺላ̇ ባዮ̇ን ኑ ናጋራ ጊሻ̇ቦ ናምኢባ̈ሶ ጎይባራ ሜታ ኤካ̇ሪ ፔቲ̇ ቶህ ዓይቂ̇ዴ፤ ኢ ኣይሽባር ዓይቂ̇ዴ ኣያ̇ናባራ ሼምፓባር ዎ።

1 ዋ̈ኒ̇ 3:5

ክርስቶ̈ሲ ኣሳ ናጋራ ይሳ̇ንዳቦ ዓኒ̇ ኣላሚን ጋልዳ ዬይኖንዲኬ ማ ኢ ጋልዳ ናጋራ ባዮ̇ን ዪንቲ̇ ኤሪ̈ሬ።