9 “ኢንቲ̇ ኔዪ ማቂኖኮታ̇ቦ ቴ ኢንታ̇ብ ዎሳ̇̈ሬ፤ ቴ ዎ̈ሳዚንዳ̇ ኔ ታ̈ብ ኢሚ̇ኖንቦዶኬ ኣላሚን ጋልዳ̇ ዎ ኣሳንቦ ዎይ ዎ̈ሳ̇ባሴ።
ታ̈ኒ ኔ ኔ ኣማ̇ኒን ጋልዳፖ̇ ኬዳካ̇ይፌ̈ኒ ኔኮታ̇ብ ዎ̈ሳ̇ዴ። ኔ̈ናር ታ̈ክ ማ̈ቂ̇ኖ ኬል̇ባራ ኔ ኢሺንታ̇ን ሚ̈ንቤ” ጌይዴ።
ኢናፖ̇ [ዬሱ̈ሲ “ታ ባ̈ባዶ! ኢንቲ̇ ፌ ዎታዝ ባዚን ኤሪባ̈ሶኮታ̇ቦ ኢንታ̇ብ ኣቶ̇ ጋ̈ቤ!” ጌይዴ። ዎታ̇ዳራንሬ ኢጻ ቃጻ̇ሪ ኢ ኣፊሊን ፋጊንቲ̇ ኤኪ̇ዴ።
ጉዲንን ዬ̈ጚዝ ጋይጫ ናኣን ዪኖ̇ ማ̈ቂ̇ኖ ባዚን ቤቃ̇ሪ ዎጺ̇ ሉካ̇ር ካታማ ጋርታ̇ኬ ጋጻራ ጋርታ̇ ሶ̈ሊዴ።
ታ̈ኒ ቴ ባ̈ባ̈ ጌሻንዳ̇ ኢያሬ ሜናብ ዪንታ̇ባር ዶኢዝ ሜላ ዪንታ̇ ሚንዛዳ ዪንታ̇ብ ኢሚ̇ሬ።
ኔ ታ̈ብ ኢሚ̇ኖ ኣሳንቦ ዎይ ታ̈ኒ ሜናብ ሼምፓባር ዶኢ ኢማ̇ምፔ̈ኒ ኔ ታ̈ቦ ኣስ ጌይዛ ዎይ ጋልዳ ሲልጣ̈ና ኢሚ̇ኔ።
“ኢንታ̇ ቃ̈ሊን ሲስካ̇ር ታ̈ና ኣማ̇ኒዛንቦ ዎይ ዎ̈ሳ̇ርዶኬ ኢንታ̇ብ ሙታ̇ ዎ̈ሳባሴ።
“ኣላሚን ዓና̇ ጋርታ̇ፖ̇ ኔ ታ̈ብ ኢሚ̇ኖ ኣሳንቦ ቴ ኔ̈ና ኤሪሳዴ፤ ኢንቲ̇ ኔዪዶ̈ን ኔ ኢንታ̇ ታ̈ብ ኢማ̇ዴ፥ ኢንታ̇ር ኔ ቃ̈ሊምቦ ኪ̈ቲንቲ̇ዴ።
ቴ ባ̈ባ ታ̈ብ ኢሚ̇ኖ ኣሲ ዎይ ታ̈ክ ዬይሬ፤ ታ̈ክ ዬይኖን ቴ ኢንታ̇ ዛ̈ና ኬሳ̇ ሚሻባሴ።
ታ̈ና ኪ̈ታ̇ር ሚሺኖ ጾ̈ሳ̇̇ ኮዪዛ̈ዲ፥ ኢ ታ̈ብ ኢሚ̇ኖ ኣሳን ዎይን ጋርታ̇ፖ̇ ሜላ ኣቲ̇ን ፔታ̇ናር ያካ̇ርዶ̈ር ዉርሲ ቃሚ̇ን ጋላስ ዓይቃ ጋርታ̇ፖ̇ ዲንኒፌ̈ኒዬ።
ዪ̈ኮታቦ ኢ ኢንታ ጊሽ ̇ጪጛሽ ማ̈ቃ̇ር ጌሻንዳቦ ሜናብ ሼምፓባር ማ̈ቃ̇ር ዶኢዛኮታቦ ኢ ጎይባራ ጾ̈ሳ̇ኮ ዬይዛን ዎይ ዉርሲ ፋንዳብ ዳንዳኢ̈ሬ።
ክርስቶ̈ሲ ኪን ጌ̈ሻ ቤሲ̇ምቦ ሚሳ̇̈ሊ ማ̈ቂ̇ኖምቤኬ ኣሳ ኩሽባር ኦ̈ንቲኖ ዎይፖ ሺ ጌ̈ሻ̇ ቤሲ̇ን ጋርታ ጌላካ̇ዬ፤ ኢ ዓት ኑ ጊሻ̇ቦ ጾ̈ሳ̇ ቲ̇ን ቤንታ̇ንዳቦ ኣፋ ዎን ኢዝ ጋርታ ጌሊዴ።
ኑ̈ኒ ጾ̈ሳ̇ ናኣን ማ̈ቂ̇ኖን ኤሪ̈ሬ፤ ዎቲናካሬ ዓና̇ ኣላሚን ዎይ ሴ̈ጣና ዎልቂ̇ን ጻና ኣቂኔ።
ዳዋ ጴቻ̇̈ዲ ቶ̈ራ ሳ̈ዳ ቶጚንቲ̇ዴ፤ ኢያሬ ኣላሚን ዎይ ባሊዛ ዳብሎ̈ሳ ዎይ ሴ̈ጣና ጌይ ጼይጊንቲ̇ዛ ሚኖ ሾ̈ሻ̈̇ዳ፤ ኢ ቶ̈ራ ሳ̈ዳ ቶጚንቲ̇ዴ ማ ኢ ኪ̈ታንቻ̇̈ንሬ ኢባር ዎልኣ ቶጚንቲ̇ዴ።
ኣላሚን ኮቺንቲ̇ኖፖ ኤር ኢንታ ሱምን ሹኪንቲ̇ኖ ዶራ ሼምፓ ማጻ̈ፊን ጋልዳ ጻ̈ፊንታካ̇ዮን ኣላሚን ጋልዳ ዎ ኣሳን ዎይ ዪ ማ̈ታ ባዛ̈ቦ ጎሽቲ̇̈ሬ።
ኦ̈ናካሬ ኢ ሱምን ሼምፓባሮን ጻ̈ፊንቲ̇ዝ ማጻ̈ፋ ጋልዳ ጻ̈ፊንታካ̇ዮ ኣሲ ዎይ ታማ ባሃ̈ራ ጋርታ ቶጚንቲ̇ዴ።