ዋ̈ኒ̇ሳ 17:3 - ኦራ ጫ̈ቃ ማጻ̈ፋ

³ ሜናብ ሼምፓባር ዶኢ ጋ̈ዚንዳ፥ ኪን ጾ̈ስ ማ̈ቂ̇ኖ ኔ̈ና ኤራዚንዲኬ ኔ ኪ̈ታ̇ር ሚሺኖ ዬሱ̈ስ ክርስቶ̈ሳ ኤራዚንዶ̇።

ዋ̈ኒ̇ሳ 17:3 ပူးပေါင်းရင်းမြစ်များ

ማ̈ርቆ̈ሳ 9:37

“ዓን ፌ̈ኖ ኣቂሊ ናኣን ጋርታፖ ፔታ̇ና ቴ ጊሻ̇ቦ ጋ̈ሪ ሞኪ̇ዝ ኣሲ ታ̈ና ሞኪ̇ሬ። ታ̈ና ሞኪ̇ዝ ኣስ ዎይ ታ̈ና ጊዳካ̇ይዶ̈ን ታ̈ና ኪ̈ቲ̇ ሚሺኖ ታ ባ̈ባ̈ ሞኪ̇̈ሬ” ጌይዴ።

ሉቃ̈ሳ 9:48

ኢናፖ̇ ኢ ኢንታ̇ኮ “ዓ ኣቂሊ ናኣ ቴ ሱምባራ ሞኪ̇ኖ ኣሲ ታ̈ና ሞኪ̇ኔ፤ ታ̈ና ሞኪ̇ኖ ኣሲ ታ̈ና ኪ̈ቲ̇ ሚሺኖ ሞኪ̇፤ ዪንታ̇ ጋርታ̇ ዎይንፖ̇ ጉ̈ጺ̇ዝ ና̈ሳ̈ዲ ኢ ዎይንፖ̇ ሺ̈ሬ” ጌይዴ።

ዋ̈ኒ̇ሳ 10:36

ታ̈ና ቴ ባ̈ባ̈ዲ ፌዬ̇ ጋ̈ር ሳ̈ዝ ጋልዳ ኪ̈ቲ ሚሺን ቴ ታ̈ና ‘ጾ̈ሳ̇̇ ናኤ’ ጌይኖንኮታ̇ቦ ዪንቲ̇ ታ̈ና ኣባቦ ‘ኢ ጾ̈ሳ̇̇ ቆ̈ኔ’ ጌዪ ሶ̈ሊ̈ራ?

ዋ̈ኒ̇ሳ 11:42

ዎይ ጋላስ ኔ ታ̈ኮን ሲስካ̇ዚን ቴ ኤራ̈ሬ። ዎቲናካሬ ዪኖ̇ ቴ ሶ̈ሊኖንዳ ቴ ላፍ ኤቂ̇ኖ ኣሳን ኔ ታ̈ና ኪ̈ታ̇ ሚሺኖን ኢንቲ̇ ኤሪ ኣማናንፔ̈ኔ” ጌይዴ።

ዋ̈ኒ̇ሳ 14:26

ቴ ባ̈ባ̈ዲ ቴ ሱምባር ሚሺዛ ሚንዛ ጌ̈ሻ̇ ኣያ̇ና̈ዲ ኢ ዎይ ባዝ ዪንታ̇ ታማ̈ሪሲሬ፥ ቴ ዪንታ̇ብ ሶ̈ሊኖ ባዛን ዎይ ዪንታ̇ብ ኤልቅ ዎቲ̈ሬ።

ዋ̈ኒ̇ሳ 17:18

ኔ ታ̈ና ዓኒ̇ ኣላሚን ጋልዳ̇ ኪ̈ታ̇ር ሚሺኖንዲፌ̈ኒ ታ̈ናር ኢንታ ኣላሚን ጋልዳ̇ ኪ̈ታ̇ ሚሻዴ።

ዋ̈ኒ̇ሳ 17:21

ዪ̈ዳሬ፥ ቴ ባ̈ባ̈ዶ! ኔ ታባር፥ ታ̈ናር ኔባር ዎንዲፌ̈ኒ፥ ኢንታ̇ር ዎይ ዎልኣ ፔታ̇ን ማ̈ቃ̇ምፔ̈ኒ፥ ማ ኔ ታ̈ና ኪ̈ታ̇ር ሚሺኖን ኣላማ ጋልዳ ዎ ኣሳን ኣማ̇ናምፔ̈ኒ፥ ኢንታ̇ር ኑባር ፔታ̇ን ማ̈ቃ̇ምፔ̈ን ቴ ኔ̈ና ጌሻ̈ሬ።

ዋ̈ኒ̇ሳ 17:23

ቴ ጌሻዚንዳ̇ ታ̈ኒ ኢንታ̇ባራ፥ ኔ̈ናሬ ታባራ ማ̈ቂ̇ኖንዲፌ̈ኒ ኢንታ̇ሬ ፎቲ ፔታ̇ን ማ̈ቃ̇ምፔ̈ኒዬ። ዪኒ̇ባራ ኔ ታ̈ና ኪ̈ታ̇ ሚሺኖንዲፌ̈ንኬ ታ̈ና ካኖንዲፌ̈ን ማ ኔ ኢንታ̇ር ካኖን ኣላሚን ጋልዶ̇ ኣሳን ኤራምፔ̈ኒዬ።

ዋ̈ኒ̇ሳ 17:25

“ቴ ባ̈ባ ጺላ̇̈ዶ! ዓኒ̇ ኣላሚን ጋልዳ ዎ ኣሳን ኔ̈ና ኤራካ̇ይ ኣቲ̇ናካር ቴ ኔ̈ና ኤራ̈ሬ፤ ኣስ ዪንሬ ኔ ታ̈ና ኪ̈ታ̇ ሚሺኖን ኢንቲ̇ ኤሪ̈ሬ።

ዋ̈ኒ̇ሳ 17:8

ኔ ታ̈ብ ኢሚ̇ኖ ቃ̈ሊን ቴ ኢንታ̇ብ ኢሚ̇ኔ ኢንታ̇ሬ ኢዞ ኤኪ̇ኔ። ታ̈ናሬ ኔ̈ካፖ̇ ዬይኖን ኪንባር ኢንቲ̇ ኤሪኔ፤ ታ̈ና ኪ̈ታ̇ር ሚሺኖ ኔ̈ና ማ̈ቂ̇ኖን ኢንቲ̇ ኣማ̇ኒኔ።

ዋ̈ኒ̇ሳ 3:17

ጾ̈ሲ̇ ፌ ናኣ ኣላሚን ጋልዳ ሚሺኖ̈ዲ፥ ኣላሚን ጋርታ̇ ዎ ኣሳን ኢያ ኣማ̇ናር ፋጻምፔ̈ንዶኬ ኢንታ̇ ጋልዳ̇ ፊርዳምፔ̈ን ጊዳካ̇ዬ።

ዋ̈ኒ̇ሳ 3:34

ጾ̈ሲ̇ ፌ ኣያ̇ና ሱ̈ቂታካ̇ይ ኢሚ̇ዛኮታ̇ቦ ጾ̈ሲ̇ ኪ̈ቲ̇ ሚሺኖ̈ዲ ጾ̈ሳ̇̇ ቃ̈ሊን ሶ̈ሊ̈ሬ።

ዋ̈ኒ̇ሳ 5:44

ዪንቲ̇ ዎልዎልኣ ቦንች ኮዪዛን ጾ̈ሳ̇̇ ፔታ̇ና ጋልዳፖ̇ ቤንቲ̇ዝ ቦንቺ̇ን ኮዪባ̈ሶን፥ ዪንቲ̇ ዎዛ̈ርታ̇ር ታ̈ና ኣማ̇ናንዳብ̇ ዳንዳኢ̈ራ?

ዋ̈ኒ̇ሳ 6:57

ሼምፓባር ዶኢዛ ቴ ባ̈ባ ታ̈ና ኪ̈ቲ̇ ሚሺኖንዲፌ̈ንኬ ታ̈ናር ኢ ጎይባራ ሼምፓባር ዎንዲፌ̈ን ቴ ኣይሺ̇ን ሙይዝ ኣሲ ዎይ ቴ ጎይባራ ሼምፓባር ዶኢ̈ሬ።

ዋ̈ኒ̇ሳ 7:29

ታ̈ኒ ኢ ላፋፖ̇ ዬይኖኮታ̇ብኬ ማ ኢ ታ̈ና ኪ̈ቲ̇ ሚሺኖኮታ̇ቦ ቴ ኢያ ኤራ̈ሬ” ጌይዴ።

ዋ̈ኒ̇ሳ 8:19

ኢናፖ̇ ኢንቲ̇ ኢ̈ኮ “ኔ ባ̈ባ ዎይዲ ዎ?” ጋ̈ሪ ኦይጪ̇ዴ። ኢያር ኢንታ̇ኮ “ዪንቲ̇ ታ̈ናር ኤሪባ̈ሴ ቴ ባ̈ባ̈ዳር ኤሪባ̈ሴ ዪንቲ̇ ዎን ታ̈ና ኤሪኖኮ ቴ ባ̈ባ̈ዳር ኤሪ̈ርዶ̈ን” ጋ̈ር ማሂዴ።

1 ቆሮ 15:34

ዪንታ̇ ቡ̈ዲንባር ቆፓ̇ር ቤቂ̇ብቴ፤ ናጋራ ኦ̈ፒቴ፤ ዪንታ̇ ጊዳ̇ ፔታ̇ን ፔታ̇ናን ጾ̈ሳ̇ ኤሪባ̈ሶን ዎኮታ̇ቦ ዪንታ̇ ዬሊንዳቦ ቆፓ̇ር ታ ዪኖ̇ ጌይኔ።

1 ቆሮ 8:4

ዪዚ ኤ̈ቃብ ሹ̈ኪንቲ̇ኖ ኣይሽ ሙይዝ ጎይ ቴ ጌይዝ ባዚ ዎ፦ ዓና̇ ኣላሚን ጋልዳ ጻላሆ ሜላ̇ ዓሪ ፋባሶ ባዝ ማ̈ቂ̇ኖንዲኬ ማ ጾ̈ሳ̇ ፔታ̇ናፖ ሜላ ጾ̈ሲ̇ ባዮ̇ን ኑ ኤሪ̈ሬ።

2 ቆሮ 4:6

“ፎኢን ም ጋርታ ፎኦ!” ጋ̈ሪ ሶ̈ሊኖ ጾ̈ሳ̇̇̈ዲ ክርስቶ̈ሳ ዴ̈ሚን ጋልዳ ፎ̈ኢዛ ጾ̈ሳ̇ ቦንቺ̇ን ኤራምፔ̈ን ዎቲዝ ፎኢን ኑ̈ብ ኢማ̇ንዳቦ ፌ ፎኢንን ኑ ቡ̈ዲን ጋርታ ፎ̈ኣምፔን ዎቲዴ።

ፊል 3:10

ማ ሜላ ኣኮታ̇ቦ ጌይን ታ̈ኒ ክርስቶ̈ሳ ኤራንዳቦ፣ ኢ ዓይቃ ጋርታ̇ፖ ዲ̇̈ንዲኖ ዎልቂን ኤራንዳቦ፣ ኢ ኤኪ̇ኖ ሜቲን ኤካ̇ንዳብኬ ኢ ዓይቂ̇ኖ ዓይቂንዲፌ̈ን ታ̈ናር ዓይቃ̇ንዳቦ።

ፊል 3:8

ጎ̈ዳ ዬሱ̈ስ ክርስቶ̈ሳ ኤራዚምፖ ሺዝ ባ̈ዚ ኣባካር ባዮ̇ን ቴ ኣማ̇ኒኖንኮታ̇ ባዝ ዎይዳ ፋባ̈ሶ ባዝፌ̈ን ፋይዲኔ። ቴ ኢ ጊሻ̇ቦ ጋ̈ራ ዎይ ባዝ ኣሺ̇ኔ፤ ክርስቶ̈ሳ ዲጛ̈ንዳቦ ጋ̈ራ ዎይ ባዝ ቶጚቲኖ ፒቲፌ̈ን ፋይዲኔ።

1 ታሳ 1:9

ኑ̈ኒ ዪንታ̇ኮ ዬይኖንባራ ዪንቲ ኑ̈ና ዎዛርፌ̈ን ሞኪ̇ ኤኪ̇ኖኮ፤ ማ ዪንቲ ኤ̈ቃ ጎይናዚን ኣሻ̇ር ሜናብ ዶኢዝ ኪን ጾ̈ሳ̇̇̈ቦ ኦ̈ንዳቦ ዎዛርፌ̈ን ኢ̈ክ ማ̈ቂ̇ኖኮ ዪን ኣሳን ፌ̈ብ ፌ ኖ̈ኒንባር ማርኪቲ̈ሬ።

2 ታሳ 1:8

ኢ ዬይዛ̈ዲ ታማ ላባራ፤ ዪኒ ጋላ̇ስ ጾ̈ሲ ኢያ ኤሪባ̈ሶ ኣሳንኬ ጎዳ ዬሱ̈ሳ ዎጛሊምቦ ኪ̈ቲንቲ̇ባ̈ ኣሳን ኢንታ ጋልዳ ፊርዲ̈ሬ።

ኢብ 3:1

ዪ̈ኮታ̇ቦ ጾ̈ሲ ዪንታ̇ ጼይጊኖ ቴ ኢሺንታ̇ን! ኑ ሶ̈ላዝ ኣማ̇ኒንቦ ጾ̈ሲ̇ ኢያ ኪ̈ታ̇ር ሚሺኖ ቄ̈ሳ̈ን ኣላቃ̈ ዬ̈ሱ̈ሳ ቆፒ̇ብቴ።

2 ጴጥ 1:2

ዪንቲ̇ ጾ̈ሳ̇̈̇ዳኬ ኑ ጎዳ ዬሱ̈ሳ ኤሪዝ ኤሪባራ ካንኬ ሳሪቲ ዪንታ̇ቦ ዎይሎጋ̈ቤ።

2 ጴጥ 1:3

ፌ ቦንችባርኬ ፌ ኮሺ̇ቲንባራ ኑ̈ና ጼይጊኖ ጾ̈ሳ̇̇ ኢያ ኑ ኤሪኖኮታ̇ቦ ኢ ጾ̈ሲቲ ዎልቂንዳ ሼምፓ ዲጛንዳብኬ ጾ̈ሳ̇ቦ ጎሽታ̇ንዳብ ኮሺ̇ዝ ባዛን ዎይ ኑ̈ብ ኢሚ̇ኔ።

2 ጴጥ 1:8

ዪን ባዛን ዪንታ̇ቦ ዎይሊን ዎኮ ዪንቲ ኑ ጎዳ ዬሱ̈ስ ክርስቶ̈ሳ ኤራምፔ̈ኒ ኣ̈ፍ ካጺ̇ባ̈ሶ ኣስ ማ̈ቃካ̇ዮ̈ድፌ̈ኒ ዪንታ̇ ና̈ጊ̈ሬ።

1 ዋ̈ኒ̇ 1:2

ዪ ሼምፓ ቤንቲ̇ን ኑ ኢያ ቤቂ̇ኔ፤ ዪ̈ኮታ̇ቦ ኑ̈ኒ ኢባዝ ማርኪቲ̈ሬ፤ ማ ጾ̈ሳ̇ ባ̈ባ̈ ቲ̈ን ዎ ኑ̈ብ ቤንቲ̇ኖ ሜና ሼምፓባር ዶኢንዶ ዪንታ̇ብ ሶ̈ሊ̈ሬ።

1 ዋ̈ኒ̇ 1:3

ዪንታ̇ብ ኑ̈ባራ ፔ̈ቲቲ ዶኣምፔ̈ን ኑ̈ኒ ሲስኪ̇ኖንዲኬ ቤቂ̇ኖንዶ ዪንታ̇̈ቦ ሶ̈ሊሬ። ዪና̇ ኑ ፔቲ̇ቲ̇ንዳሬ ባ̈ባ̈ባርኬ ናኣ ዬ̈ሱ̈ስ ክርስቶ̈ሳባራ።

1 ዋ̈ኒ̇ 2:23

ናኣ ኢጺ̇ዛ̈ዲ ባ̈ባ̈ዳር ኢጺ̇̈ሬ፤ ናኣ ኣማ̈ኒዝ ኣሲ ባ̈ባ̈ዳር ኣማ̇ኒ̈ሬ።

1 ዋ̈ኒ̇ 4:6

ኑ̈ኒ ጾ̈ሴ̇ዬ፤ ጾ̈ሳ̇ ኤሪዛን ዎይ ኑ̈ኮን ሲስኪ̇̈ሬ፤ ጾ̈ሴይ ጊዳካ̇ዮን ኑ̈ኮን ሲስኪ̇ባ̈ሴ። ኪ̈ን ኣያ̇ናኬ ማቃ ኣያ̇ና ኑ̈ኒ ዪኒ̇ባራ ኤሪ̈ሬ።

1 ዋ̈ኒ̇ 5:20

ጾ̈ሳ̇ ናኣ ዬይኖንዶ፥ ኑ̈ናር ኪን ጾ̈ሳ̇ ኤራምፔ̈ን ኮሽ ቆፒ ቢርንዝ ቡ̈ዳ ኑ̈ብ ኢሚ̇ኖንዶ ኑ̈ኒ ኤሪሬ፤ ናኣ ዬሱ̈ስ ክርስ̇ቶሳ ጎይባራ ኑ̈ኒ ኪን ጾ̈ሳ̇ባራ ፔቲቲ ኑ̈ብ ዎ። ዬሱ̈ስ ክርስቶ̈ሲ ኪን ጾ̈ስኬ ሜናብ ሼምፓባር ዶኢ ኢሚ̇ዛ̈ዳ።