ዋ̈ኒ̇ሳ 17:2 - ኦራ ጫ̈ቃ ማጻ̈ፋ

² ኔ ታ̈ብ ኢሚ̇ኖ ኣሳንቦ ዎይ ታ̈ኒ ሜናብ ሼምፓባር ዶኢ ኢማ̇ምፔ̈ኒ ኔ ታ̈ቦ ኣስ ጌይዛ ዎይ ጋልዳ ሲልጣ̈ና ኢሚ̇ኔ።

ዋ̈ኒ̇ሳ 17:2 ပူးပေါင်းရင်းမြစ်များ

ማ̈ቶ̈ሳ 11:27

ታ ባ̈ባ̈ዲ ታ̈ብ ዎይ ባዝ ኢሚ̇ኔ፤ ባ̈ባ̈ፖ̇ ሜላ ኦ̈ናካር ናኣ ኤሪዛ ባዬ̇፤ ዪና̇ ኢዝፌኒ ናኣ̈ፖ ሜላ ባ̈ባ̈ ኤሪዛ ባዬ̇። ባ̈ባ ኦ̈ናኮ ናኣ̈ዲ ኢባዝ ኤርሳካ̇ይ ኣቴ̇ጌይን ኦ̈ና̈ካር ባ̈ባ̈ ኤራንዳ̇ብ ዳንዳኢባ̈ሴ።

ማ̈ቶ̈ሳ 25:46

“ዪ̈ኮታ̇ቦ ዓን ታ ጋልዳፖ̇ ፋጊንታ̇ሪ ሜናብ ጎይል ቤስ̇ ሉካ̇ምባራ ጺላ̇ን ሜናብ ሼምፓባር ዶኢዝ ቤስ̇ ሉኪ̇̈ሬ” ጌይዴ።

ማ̈ቶ̈ሳ 28:18

ዬሱ̈ሲ ኢንታ̇ክ ዬ̈ዪ ኡካ̇ሪ “ሲልጣ̈ና ዎይ ኣ̈ፋር ማ̈ቂ̇ን ሳ̈ዳ̇ሬ ታ̈ብ ኢሚንቲ̇ኔ።

ዋ̈ኒ̇ሳ 17:24

“ቴ ባ̈ባ̈ዶ! ዓን ኔ ታ̈ብ ኢሚ̇ኖ ኣሳን ቴ ዎ ቤስ̇ ኢንቲ ዬ̈ምፔ̈ንኬ፥ ዓና ሳ̈ዚን ኮቺ̇ንታካይዶን ኔ ታ̈ና ካኖኮታ̇ቦ ታ̈ብ ኢሚ̇ኖ ቦንቺ̇ን ቤቃምፔ̈ን ኮያ̈ሬ።

ዋ̈ኒ̇ሳ 17:6

“ኣላሚን ዓና̇ ጋርታ̇ፖ̇ ኔ ታ̈ብ ኢሚ̇ኖ ኣሳንቦ ቴ ኔ̈ና ኤሪሳዴ፤ ኢንቲ̇ ኔዪዶ̈ን ኔ ኢንታ̇ ታ̈ብ ኢማ̇ዴ፥ ኢንታ̇ር ኔ ቃ̈ሊምቦ ኪ̈ቲንቲ̇ዴ።

ዋ̈ኒ̇ሳ 17:9

“ኢንቲ̇ ኔዪ ማቂኖኮታ̇ቦ ቴ ኢንታ̇ብ ዎሳ̇̈ሬ፤ ቴ ዎ̈ሳዚንዳ̇ ኔ ታ̈ብ ኢሚ̇ኖንቦዶኬ ኣላሚን ጋልዳ̇ ዎ ኣሳንቦ ዎይ ዎ̈ሳ̇ባሴ።

ዋ̈ኒ̇ሳ 3:35

ጾ̈ሳ̇̇ ባ̈ባ̈ ፌ ናኣ ካ̈ሬ፤ ማ ዎይ ባዝ ኢ ኩሽት ኢሚ̇ኔ።

ዋ̈ኒ̇ሳ 4:14

ቴ ኢማ̇ዝ ዋ̈ን ኡሽኪ̇ዝ ኣሲ ኣባካር ጌይን ዉርሲ ባርሲንቲ̇ባ̈ሴ። ቴ ኢማ̇ዝ ዋ̈ን ኢ ጋርታ̇ፖ̇ ፉዳ ኬስኪ̇ዝ ዶቃ ዋ̈ፌ̈ን ሜናብ ሼምፓባር ዶኢ ኢሚ̇ዝ ዋ̈ ማ̈̇ቃ̇̈ሬ” ጌይዴ።

ዋ̈ኒ̇ሳ 6:27

ታ ኣሳ ናኣ̈ዲ ዪንታ̇ብ ኢማ̇ዝ ሜናብ ዶኣምፔ̈ን ዎታዝ ፊ̈ሺምቦ̇ ኦ̈ብትዶኬ፥ ሳማር ያዝ ፊ̈ሺምቦ̇ ኦ̈ፒ̇ቴ። ጾ̈ሳ̇̇ ባ̈ባ̈ዲ ቴ ዪኖ̇ ኦ̈ምፔ̈ን ሲልጣ̈ና ታ̈ብ ኢሚ̇ኔ።

ዋ̈ኒ̇ሳ 6:37

ቴ ባ̈ባ ታ̈ብ ኢሚ̇ኖ ኣሲ ዎይ ታ̈ክ ዬይሬ፤ ታ̈ክ ዬይኖን ቴ ኢንታ̇ ዛ̈ና ኬሳ̇ ሚሻባሴ።

ዋ̈ኒ̇ሳ 6:39

ታ̈ና ኪ̈ታ̇ር ሚሺኖ ጾ̈ሳ̇̇ ኮዪዛ̈ዲ፥ ኢ ታ̈ብ ኢሚ̇ኖ ኣሳን ዎይን ጋርታ̇ፖ̇ ሜላ ኣቲ̇ን ፔታ̇ናር ያካ̇ርዶ̈ር ዉርሲ ቃሚ̇ን ጋላስ ዓይቃ ጋርታ̇ፖ̇ ዲንኒፌ̈ኒዬ።

ሮሜ 6:23

ናጋራ ኦ̈ሳ ጋርታፖ ቤንታ̇ዚንዳ ዓይቃ፤ ጾ̈ሳ̇ ጋልዳፖ̇ ኢሚ̇ንታ̇ዝ ኪልሲ̇ንዳ ኑ ጎዳ ዬሱ̈ስ ክርስቶ̈ሳ ጎይባራ ቤንቲ̇ዝ ሜናብ ሼምፓባር ዶኢ።

1 ቆሮ 15:25

ኢ ፌ ጻላ̈ታን ዎይ ፌ ጻና ኣ̈ዝ ዲራስ ካዉታንዳ̇ብ ኮሺ̈̇ሬ።

ፊል 2:10

ዪ̈ዳሬ ኣፎ ሳ̈ዝኬ ሳ̈ዶ̇ ሳ̈ዝ፥ ማ ሳ̈ዝ ጻና ዎን ዎይሲ፥ ዬሱ̈ሳ ሱምምቦ ቡቂንታ̇ምፔ̈ኒ

1 ጢማ̈ 1:16

ዎቲናካሬ ታ̈ብ ኣቶ̇ ጌይዴ፤ ኢ ታ̈ብ ኣቶ̇ ጌይኖንዳ፥ ዎሳሊ ባዮ̇ ፌ ዳንዳኢንዶ ዎይፖ ሺ ናጋራንቻ ቴ ጋልዳ ቤይሳሪ ኢያ ኣማ̇ኒዛንብኬ ሜናብ ሼምፓባር ዶኢ ዲጚዛንቦ ታ̈ና ሚሳ̇̈ሊፌ̈ን ማሃንዳቦ።

ኢብ 1:2

ዎቲናካሬ ዓት ዓና̇ ውርሲ ኬሊ̇ን ጋልዳ ዎይ ባዝ ኢ̈ብ ኢሚ̇ዛ ማ ዓና̇ ኣላሚንዳሬ ኢ ጎይባር ኮቺ̇ኖ ፌ ናኣ̈ ጎይባር ማ̈ቃ̇ር ኑ̈ብ ሶ̈ሊኔ።

1 ጴጥ 3:22

ኢያሬ ኣፋ ሉካ̇ሪ ጾ̈ሳ̇ ባ̈ባ̈ቦ ኡሻች ጎይ ዎ፤ ኪታ̈ንቻን፥ ሲ̈ልጣናባሮንኬ ዎልቃባሮን ዎይ ኢ̈ቦ ኪ̈ቲንቲ̇ኔ።

1 ዋ̈ኒ̇ 1:2

ዪ ሼምፓ ቤንቲ̇ን ኑ ኢያ ቤቂ̇ኔ፤ ዪ̈ኮታ̇ቦ ኑ̈ኒ ኢባዝ ማርኪቲ̈ሬ፤ ማ ጾ̈ሳ̇ ባ̈ባ̈ ቲ̈ን ዎ ኑ̈ብ ቤንቲ̇ኖ ሜና ሼምፓባር ዶኢንዶ ዪንታ̇ብ ሶ̈ሊ̈ሬ።

1 ዋ̈ኒ̇ 2:25

ዪ ኢ ኑ̈ብ ኢሚ̇ኖ ታስፋ̈ዲ ሜ̈ናብ ሼምፓባር ዶኢ።

1 ዋ̈ኒ̇ 5:20

ጾ̈ሳ̇ ናኣ ዬይኖንዶ፥ ኑ̈ናር ኪን ጾ̈ሳ̇ ኤራምፔ̈ን ኮሽ ቆፒ ቢርንዝ ቡ̈ዳ ኑ̈ብ ኢሚ̇ኖንዶ ኑ̈ኒ ኤሪሬ፤ ናኣ ዬሱ̈ስ ክርስ̇ቶሳ ጎይባራ ኑ̈ኒ ኪን ጾ̈ሳ̇ባራ ፔቲቲ ኑ̈ብ ዎ። ዬሱ̈ስ ክርስቶ̈ሲ ኪን ጾ̈ስኬ ሜናብ ሼምፓባር ዶኢ ኢሚ̇ዛ̈ዳ።

ዪሁ 1:21

ኑ ጎዳ ዬሱ̈ስ ክርስቶ̈ሲ ፌ ማ̈ሪቲ̇ንባ̈ራ ሜና̈ቦ ሼምፓ ጎይን ዪንታ̇ ዬልምፔ̈ኒ ዪንቲ̇ ዪንታ̇ ቆሚ̇ንዶ ጾ̈ሳ̇ ካንን ጋርታ ና̈ጊብቴ።