ዋ̈ኒ̇ሳ 16:2 - ኦራ ጫ̈ቃ ማጻ̈ፋ

² ኣሳን ኣይሁዳ ዎ̈ሳ ኬ̈ ጋርታ̇ፖ̇ ዪንታ̇ ዳኪ̇ ኬሲ̇̈ሬ። ማ ዪኒፖ̇ ኣ̈ር ዪንታ̇ ዎዝ ኣሲ ዎይ ፌ̈ና ጾ̈ሳ̇̇̈ቦ ኦ̈ዝ ኣስፌ̈ን ፋይዲንቲ̇ዝ ኬሊ̇ ዬይሬ።

ዋ̈ኒ̇ሳ 16:2 ပူးပေါင်းရင်းမြစ်များ

ማ̈ቶ̈ሳ 10:28

ኣሳብ ኢ̈ጫፒ̇ቴ። ዎ̈ርኮ ዪንታ̇ ኣይሺ̇ን ዎ̈ርዶኬ ዪንታ̇ ሼምፒ̇ን ዎንዳ̇ብ ዳንዳኢባ̈ሴ፤ ዪንቲ̇ ኢ̈ጫንዳ̇ብ ኮሻ̇ዚንዳ ዎሪ ሼምፒ̇ን ጋ̈ና̇ማ ሚሻንዳ̇ብ ዳንዳኢዛ ጾ̈ሳ̇̇ ሙታ̇።

ማ̈ቶ̈ሳ 24:9

“ዪና̇ ኢዝባራ ኣሳን ዪንታ̇ ሜታብ ኣ̈ ኢሚ̇̈ሬ፥ ማ ዎሬ። ዪንቲ̇ ታ̈ና ኣማ̇ኒኖኮታ̇ቦ ዎርዣ ዎይ ዪንታ̇ ሺሪንቲ̈ሬ።

ሉቃ̈ሳ 6:22

ዪንቲ̇ ታ̈ና ኣሳ ናኣ ኣማ̇ኒዛኮታ̇ቦ ኣሳን ዪንታ̇ ሺሪንታ̇ጌይናሬ፥ ፌ ጊዳ̇ፖ̇ ኩሪ ዪንታ̇ ሌቂ̇ናካሬ፥ ኢ̈ታ ሱም ዪንታ̇ብ ኢሚ̇ናካሬ ዪንቲ̇ ኣንጂንቲ̇ኖን።

ዋ̈ኒ̇ሳ 12:42

ዪ ማ̈ቂ̇ናካሬ ሜላ ኣቲ̇ን ኣይሁድ ኣላቃን ጋርታፓ̇ር ኣታካይዶር ዎይሊንን ኢያ ኣማ̇ኒንዶኒ ፋራሳ̈ዋ̈ን ኢንታ̇ ኣይሁዳን ዎ̈ሳ ኬ̈ ጋርታ̇ፖ̇ ዳኪ̇ ኬሳካ̇ይፌ̈ኒ ኢ̈ጫር ፌ ኣማ̇ኒን ኤሪሳካ̇ዬ።

ዋ̈ኒ̇ሳ 16:25

“ዓኖ̇ ዬሊ̇ዝ ዲራ̈ስ ቴ ዪንታ̇ብ ሚሳ̇̈ሊባር ሶ̈ላዴ። ዓኒ̇ፖ̇ ጌዳ ታ̈ኒ ሚሳ̇̈ሊባር ሶ̈ላባሶ ኬሊ̇ ዬይሬ፤ ቴ ባ̈ባ̈ ባዝ ፋል̇ ዪንታ̇ብ ሶ̈ላ̈ሬ።

ዋ̈ኒ̇ሳ 16:32

ማ̈ቂ̇ናካሬ ዪንቲ̇ ላ̈ሊ̇ንታ̇ር ዎይ ዪንታ̇ ኣ̈ል ዪንታ̇ ኣ̈ል ሉካ̇ር ታ̈ና ሙታ̇ ኣሺ̇ዝ ኬሊ̇ ዬይሬ፤ ኬል̇ ኢዛር ዓት ዓኖ̇። ዎቲናካር ቴ ቴ ቆማ̇ብ ኣታ̇ባሴ፤ ታ ባ̈ባ̈ ታባር ዎ።

ዋ̈ኒ̇ሳ 4:21

ዬሱ̈ሳር ኢዝኮ “ኣሺንዴ! ዪንቲ̇ ዓና̇ ኢንዲን ጋልዳ̇ ዎይ ዬሩሳ̈ላም ጋርታ̇ ጾ̈ሳ̇̇ ባ̈ባ̈ቦ ጎሽታንዳብ ዳንዳኢባ̈ሶ ኬሊ̇ ዬ̈ዚን ኤራቤ።

ዋ̈ኒ̇ሳ 4:23

ኪንባር ጎሽቲ̇ዛን፥ ጾ̈ሳ̇̇ ባ̈ባ̈ቦ ኣያ̇ናባርኬ ኪንባራ ጎሽቲ̇ዝ ኬሊ̇ ዬይሬ። ኬሊ̇ን ኢዛር ዓት ዬይኔ። ጾ̈ሲ̇ ዪኒ̇ፌ̈ን ኪንባር ፌ̈ብ ጎሽቲ̇ዛን ኮዪ̈ሬ።

ዋ̈ኒ̇ሳ 9:22

ባ̈ባ̈ዲኬ ኢንዲንዲኬ ዪኖ̇ ጌዪኖንዳ፥ ኣይሁድ ኣላቃንቦ ኢ̈ጪ̇ኖኮታ̇ቦ። “ዬሱ̈ሲ ኢ ክርስቶ̈ሳ” ጌዪ ማርኪ̇ቲኖ ኣሲ ቤንቴጌይን ኣይሁዳን ዎ̈ሳ ኬ̈ ጋርታ̇ፖ̇ ዳኪንታ̇ምፔ̇̈ን ጋ̈ሪ ዎልዎልኣ ሶ̈ሊንቲ̇ ቃቺ̇ኔ።

ዋ̈ኒ̇ሳ 9:34

ኢንታ̇ር ኢ̈ኮ “ኔ ናጋራባር ሙኑቂንታ̇ራ ዬሊንቲ̇ኖ ማ ኔ ኑ̈ና ታማ̈ርሳ̈ራ?” ጋ̈ሪ ኣይሁዳን ዎ̈ሳ ኬ̈ ጋርታፖ̇ ኢያ ኬ̈ሲዴ።

ሃዋ̈ራታን ኦ̈ሳ 5:33

ኣሳንሬ ዪኖ̇ ሲስካ̇ሪ ኢ̈ት ጎይሊዴ̈፤ ኢንታ̇ ዎንዳባር ኮዪዴ̈።

ሃዋ̈ራታን ኦ̈ሳ 7:56

“ዓዲሽ ቤቂ̇ብቴ! ኣፎ ሳ̈ዚ ፊርቂንቲን ኣሳ ናኣ̈ዲ ጾ̈ሳ̇ቦ ኡሻች ጎይ ኤቂ̇ኖ ቤቃሬ” ጌይዴ።

1 ቆሮ 4:13

ኑ̈ና ቆ̈ ኑ ሱ̈ምን ይሳ̇ምባራ ኑ ኢንታ̇ብ ኮሽ ሶ̈ላር ማሂ̈ሬ፤ ዓኖ̇ ዬሊ̇ዝ ዲራስ ዓና̇ ኣላሚን ጋልዳ ኑ̈ኒ ኬዳ̇ር ኣቲ̇ኖ ባዝኬ ቶጚንቲ̇ኖ ፊቲፌ̈ን ማ̈ቃ̇ር ዎ።

ፊል 3:6

ታ̈ኒ ኣይሁዳ ሂጊ̇ንቦ ሚጪንታ̇ራ ዬሱ̈ሳ ኣማ̇ኒኖ ኣሳን ዳኪ̇ኔ። ሂጋ̇ ና̈ጋር ጺሊ̇ዝ ጎይባራር ማ̈ቂ̇ን ኣባካር ማዛ ታ ጋልዳ ባዪዶን ዎ ኣሴ።

ሳጻ 6:9

ኢሺቻ ማይታሚን ፊርቃምባ̇ራ ጾ̈ሳ̇̈ ቃ̈ሊን ሳባኪ̇ኖኮታ̇ብኬ ዬሱ̈ሳባዝ ማርኪቲኖኮታ̇ቦ ኣሲ ኢንታ̇ ዎኖ ኣሳን ሼምፒ̇ንዳ ካ̈ሻ ቤሲ̇ን ጻና ቤቃ̇ዴ፤