ዋ̈ኒ̇ሳ 15:5 - ኦራ ጫ̈ቃ ማጻ̈ፋ

⁵ “ዎይኒምቦ̇ ኡባ̇̈ዲ ታ̈ና፤ ዪንታ̇ር ታ̈ብ ሻቃን። ዎይሊን ኣ̈ፍ ካጺ̇ዛዲ ታባር ዶኢዛዲኬ ታናር ኢባር ዎዳ፤ ቴ ባዪዶ̈ን ዪንቲ̇ ዪንታ̇ ዎልቃባር ኣባካር ዎታንዳ̇ብ ዳንዳኢባ̈ሴ።

ዋ̈ኒ̇ሳ 15:5 ပူးပေါင်းရင်းမြစ်များ

ማ̈ቶ̈ሳ 13:21

ዎቲናካሬ ዓት ዪንዳ̇ ኢናብዶኬ ጻጳ ሚ̈ሻካ̇ዮኮታ̇ቦ ፔቲ̇ ሜታ ዎይ ዳስ̇ ፌ̈ኖ ባዚ ዬሌ̇ጌይን ኤሊ̇ባር ካ̈ዲ̈ሬ።

ዋ̈ኒ̇ሳ 12:24

ቴ ዪንታ̇ክ ኪን ጋ̈ሬ ፔቲ̇ ዜርቃ ኣ̈ፊንዳ ሳ̈ዳ ጌላራ ዱ̈ኪንታ̇ካ̇ይ ኣቴ̇ጌይንዶ̇ ፌ̈ብ ሙታ̇ ኣታ̇̈ሬ፤ ሳ̈ዳ̇ ጌላር ዱ̈ኪንቴ̇ጌይንዶ̇ ዎይሊን ኣ̈ፍ ካጻ̇̈ሬ።

ዋ̈ኒ̇ሳ 15:16

ቴ ዪንታ̇ ማራ̇ጺንዶኬ ዪንቲ̇ ታ̈ና ማራ̇ጻካ̇ዬ፤ ዪንቲ̇ ሉ̈ካ̇ሪ ዎይሊን ኣ̈ፍ ካጻ̇ምፔ̈ን ማ ካጺ̇ኖ ኣ̈ፊንዳር ያካ̇ይ ዶኣምፔ̈ኒ ቴ ዪንታ̇ ኦ̈ሳ ጋ̈ልዳ ሹ̈ማዴ። ዪዚ ዪንቲ̇ ቴ ሱ̈ምባር ዎ̈ሲዝ ባዝ ዎይ ቴ ባ̈ባ̈ ዪንታ̇ብ ኢሚ̇̈ሬ።

ዋ̈ኒ̇ሳ 5:19

ዬሱ̈ሳሬ “ቴ ዪንታ̇ክ ኪን ጋ̈ሬ፥ ባ̈ባ ኦ̈ምባራ ቤቂ̇ኖ ባዛን ሙታ̇ዶኬ ናኣ ፌ ጋልዳፖ̇ ኣባካር ኦ̈ንዳብ ዳንዳኢባ̈ሴ። ባ̈ባ ኦ̈ዝ ባዛን ዎይ ማ ናኣ̈ዳር ኦ̈ሬ።

ዋ̈ኒ̇ሳ 9:33

ዓ ና̈ሳ ጾ̈ሳ̇̇̈ካፖ̇ ዬይኖ ኣስ ባዪኮ ዎኒ ኢ ኣባካር ኦንዳብ ዳንዳኢባ̈ሴ” ጌይዴ።

ሃዋ̈ራታን ኦ̈ሳ 4:12

ዪዚ ዪ̈ኮታ̇ቦ ኑ ፋጻምፔ̈ን ጾ̈ሲ̇ ኣሳቦ ኢሚ̇ኖ ሱምን ኢ̈ኮምፖ ሜላ ዓና̇ ኣላሚን ጋልዳ ኦ̈ናካር ባዬ̇። ኣሲ ፋጺዛ̈ዲ ዬሱ̈ሳ ሱምባርዶኬ ሜላ ኦባርካር ጊዳካ̇ዬ” ጌይዴ።

ሮሜ 12:5

ዪና ኢዝፌ̈ን ኑ̈ናሬ ዱማ ዱማ ኣስዶ̈ን ክርስቶ̈ሳባራ ዎል ፔታ̇ኔ፤ ኑ̈ኒ ዎይን ፔቲ̈ ጋ̈ል ጋልዳ ዎ ጊሻ̇ቦ ዎልዎልኣ ኤ̈ንቲ̇ኔ።

ሮሜ 6:22

ዓት ዪንቲ̇ ናጋራብ ኣይላ ማ̈ቃ̇ር ዎን ጋርታፖ ኬስካ̇ሪ ጾ̈ሳ̇ ኣይላ ማ̈ቂ̇ኖኮታ̇ቦ ጌ̈ሺ̇ቲ ዪንቲ̇ ዲጚ̈ሬ። ባዝ ዪና̇ ኢዝ ዉርሲንዳ ሜናብ ሼምፓባር ዶኢ።

ሮሜ 7:4

ቴ ኢሺንታ̇ን! ዪንታ̇ኮንዳሬ ዪና̇ ኢዝፌ̈ኔ፤ ዪንቲ̇ ክርስቶ̈ሳይ ማ̈ቂ̇ኖኮታ̇ቦ፥ ኣሲ ኣሳ ጋልዳፖ ዓይቃባር ፋጊንታ̇ዚንዲፌ̈ኒ ዪንቲ̇ ሂጋ̇ ጋልዳፖ̇ ፋጊንቲ̇ኔ፤ ዪ̈ኮታ̇ቦ ኑ̈ ዎይን ጾ̈ሳ̇̇ ኦ̈ሳ̈ቦ ኣ̈ፍ ካጻ̇ምፔ̈ኒ ዪንቲ̇ ዓይቃ ጋርታ̇ፖ ዲንዲ̇ኖ ክርስቶ̈ሳይ ማ̈ቂ̇ኔ።

1 ቆሮ 10:16

ኑ̈ኒ ጾ̈ሳ̇ ጋላታ̇ር ኢናፖ̇ ዎልኣ ፋጊንታር ኡሽካ̇ዝ ጺዊንዳ ክርስቶ̈ሳ ሱምባራ ፔቲ̇ቲ ኢዝቦ ዎ ጊዳካ̇ያ? ኑ ዎልኣ ሞ̈ዝ ሶ̈ሊ̇ንዳሬ ክርስቶ̈ሳ ኣይሺ̇ምባር ፔቲ̇ቲ ኢዝቦ ዎ ጊዳካ̇ያ?

1 ቆሮ 12:12

ፔቲ̇ ኣሳ ጋል̇ ጋልዳ ዎይሊን ዱማ ዱማ ጋሊ̇ ዎ። ዪን ኣሳ ጋል̇ ጋልዳ ዎ ጋላ̇ን ዎይሊንካሬ ዪን ዎይ ፔቲ̇ ኣሳ ጋልዳ ዎ። ክርስቶ̈ሳሬ ዪና̇ ኢዝፌ̈ኔ።

1 ቆሮ 12:27

ዪንታ̇̇ሬ ክርስቶ̈ሳብ ጋሌ̇፤ ዪንቲ̇ ዎይ ዪንታ̇̇ ቆሚ̇ን ቆሚ̇ን ኢብ ጋሌ̇።

2 ቆሮ 13:8

ኑ̈ኒ ኪን ባዛብ ኦ̈ርዶኬ ኪንን ኢጺ̇ዝ ባዝ ኣባካር ኦ̈ባሴ።

2 ቆሮ 9:10

ዜርቂዛቦ ዜር፣ ሞ̈ንዳቦ ኣሳብ ፊ̈ሺ ኢሚ̇ዝ ጾ̈ሳ̇̈ዲ ዪንቲ̇ ዜርቃ̇ዝ ዜርን ዎይሊሳር ዪንታ̇ብ ኢሚ̇̈ሬ፤ ዪዚ ዪንቲ̇ ሺ ኮሽባዝ ኦ̈ምፔ̈ኒ ማ̈ሲ̈ሬ።

ጋላ̈ታ 5:22

ጌ̈ሻ̇ ኣያ̇ና̈ዲ ኣሳ ሼምፓ ጋርታ̇ ቤይሲዝ ኣ̈ፋን ካ̈ን፣ ኡፋይስ̇፣ ሳሪቲ፣ ዳንዳኣ፣ ኮሺ̇ቲ፣ ኣማ̇ኒንቲ̇ዝ ኣስ ማ̈ቂ፣

ኤፍ 5:9

ኣባ ጌይን ፎኢንስ ጋርታ̇ ዎ ኣሲ ጺሊቲ̇፣ ኪንቲኬ ኮሺቲ̇ ኣ̈ፍ ኣ̈ፊ̈ሬ።

ፊል 1:11

ማ ጾ̈ሳ̇̇̈ቦ ቦንች̇ኬ ጋላታኬ ማ̈ቃ̇ምፔ̈ኒ ዪንቲ ዬሱ̈ስ ክርስቶ̈ሳ ዎልቃባር ቤንቲ̇ዝ ኮሻ̇ ኦ̈ሳባራ ኩማሪ ቤንታምፔ̈ኒዬ።

ፊል 4:13

ዎልቃ ታ̈ብ ኢሚ̇̈ዛ ክርስቶ̈ስባራ ዎይ ባዝ ኦ̈ንዳቦ ዳንዳኣ̈ሬ።

ፊል 4:17

ቴ ዪና̇ ጌይኖንዳ ዪንቲ ታ̈ቦ ኢማዚ̇ን ኮያራ ጊዳካ̇ይዶን ጾ̈ሳ̇ ቲ̈ን ዪንታ̇ ጋቲን ዪንታ̇ብ ዎይላምፔ̈ን ቆፓ̇ራ ጋ̈ሬ።

ቆላ̈ሳ̈ሳ 1:10

ኑ ዪኖ̇ ዎ̈ሳ̇ዚንዳ፥ ዪንቲ̇ ጾ̈ሳ̇ ኮያዚንዲፌ̈ኒ ዶኢሙታ ባዝ ዎይባራ ኢያ ኡፋ̈ይሳምፔ̈ኔ፤ ዪ̈ዳሬ ኮሽ ኦ̈ሳባራ ኣ̈ፍ ካጺ̇ሙታ̇ኬ ጾ̈ሳ̇ ሺ ኤሪሙታ ዲጫ̇ምፔ̈ኒ፣

ቆላ̈ሳ̈ሳ 1:6

ዪንቲ̇ ዎጛላ ቃ̈ሊን ሲስኪ̇̈ኖንምፔኬ ጾ̈ሳ̇ ኮሺ̇ቲን ኪን ማ̈ቂ̇ኖን ኤሪኖፖ ኤ̈ሪ ዓና̇ ዎጛሊንዳ ዪንታ̇ ጊዳ̇ ኣ̈ፍ ካጺ̇ኖንዲፌ̈ኒ ሳ̈ዝ ኤ̈ሻ̇ ዎይ ጋልዳ ኣ̈ፍ ካጻ̇ሙታ̇ ዲጫ̇ሙታ̇ ዎ።

ዓይ 1:17

ኮሽ̇ ኢሚቲኬ̈ ኩም ኣንጃክ ዎይ ሎክ̇ ኣፋፖ ፎኢን ዎይ ኮቺ̇ኖ̈፥ ሺፋፌ̈ኒ ጌዳክ ዓኒክ ቢሪንቲባ̈ሶ ጾ̈ሳ̇̇̈ ጋልዳፖ̇ ዬይሬ።

1 ጴጥ 2:4

ኣሳ ቲ̈ን ሌቂንቲ̇ኖ ጾ̈ሳ̇ ቲ̈ን ማራ̇ጺንቲ̇ኖ ቦንቺንቲ̈̇ኖ ሼምፓባር ዶኢዝ ሹቻ̇̈ ዬሱ̈ሳኮ ኡኪ̇ብቴ።

2 ጴጥ 3:18

ዪኒ̇ፓ ኑ ጎዳ ኑ̈ና ፋዛ ዬሱ̈ስ ክርስቶ̈ሳ ኮሺ̇ቲንዲኬ ኢያ ኤሪሙታ ዪንባር ዲጪ̇ብቴ፤ ኢ̈ቦ ዓታ̇ር ማ̈ቂ̇ን ሜናብ ቦንች ማ̈ቆ̇! ኣሚንኤ።