ዋ̈ኒ̇ሳ 15:11 - ኦራ ጫ̈ቃ ማጻ̈ፋ

¹¹ ዪኖ̇ ቴ ዪንታ̇ብ ሶ̈ሊኖንዳ̇ ቴ ኡፋይሲንዳ ዪንታ̇ባራ ማቃምፔ̈ንኬ ማ ዪንታ̇ብ ኡፋይሲ ዎይላምፔ̈ኔ።

ዋ̈ኒ̇ሳ 15:11 ပူးပေါင်းရင်းမြစ်များ

ሮሜ 15:13

ዪንታ̇ ታስፊንዳ ጌ̈ሻ̇ ኣያ̇ና ዎልቃባራ ዲጫ̇ሙታ̇ ሉካ̇ምፔ̈ኒ ታስፋ ኢሚ̇ዝ ጾ̈ሳ̇̇̈ዲ ዪንቲ ኢባር ኣማ̇ኒኖምቦ ኡፋይስኬ ሳሪቲ ዎይሊሳር ኢሞ̇ጋ̈ቤ።

ዋ̈ኒ̇ሳ 17:13

ዓት ቴ ኔ̈ክ ሉካ̈ሬ፥ ታ̈ኒ ኣላሚን ጋልዳ̇ ዎ̈ምባ̇ራ ዓኖ̇ ኢንታ̇ብ ሶ̈ላዚንዳ̇፥ ኢንታ̇ ቡ̈ዳ ጋርታ̇ ኡፋይሲ̇ ዎይላምፔ̈ኔ።

ዋ̈ኒ̇ሳ 16:24

ዪንቲ̇ ዓኖ̇ ዬላ̇ር ቴ ሱምባራ ኣባካር ጌሻካ̇ዬ። ጌሺብቴ̇ ዪንቲ̇ ኤኪ̇̈ሬ፤ ዪንታ̇ ኡፋይሲንዳ̇ሬ ፎቲ ማ̈ቃ̈ሬ።

1 ዋ̈ኒ̇ 1:4

ኑ ኡፋይሲ̇ንዳ ፎቲ ማ̈ቃ̇ምፔ̈ኒ ዓኖ̇ ኑ ዪንታ̇ብ ጻ̈ፊ̈ሬ።

1 ጴጥ 1:8

ዪንቲ̇ ዬሱ̈ስ ክርስቶ̈ሳ ኣ̈ፍባር ቤቃካ̇ዮ ኣስ ማ̈ቂ̇ናካሬ ኢያ ካሬ፤ ዓት ዪንቲ̇ ቤቃካ̇ይ ማ̈ቂ̇ናካሬ ኢያ ኣማ̇ኒ̈ሬ፤ ኣሲ ኖ̈ናባር ሶ̈ላር ዳንዳኢባ̈ሶ ጴች ኡፋይስባር ኡፋይቲ̇̈ሬ።

2 ዋ̈ኒ̇ 1:12

ቴ ዪንታ̇̈ብ ጻ̈ፊዝ ባዚ ዎይሊን ዎዶን ዎይን ዳብዳቢ̇ባር ጻ̈ፋንዳብ ኮያባሴ፤ ዪኒ̇ፖ ኑ ኡፋይሲን ዎይላምፔ̈ኒ ቴ ዪንታ̇ኮ ሉካ̇ራ ዪንታ̇ብ ኖ̈ናባር ሶ̈ላንዳብ ታስፋ ጋዲ̇ኔ።

ዋ̈ኒ̇ሳ 16:33

ዪኖ̇ ቴ ዪንታ̇ብ ሶ̈ሊኖንዳ̇ ዪንቲ̇ ታባር ዶኤጌይን ሳሪቲ ዪንታ̇ብ ዶኣምፔ̈ኔ። ዪንቲ̇ ኣላሚን ጋልዳ ዎምባራ ሜታ ዪንታ̇ብ ዎ፤ ዎቲናካሬ ዓይዞ ኢ̈ጫ̇ፒ̇ቴ! ታ̈ኒ ኣላሚን ጋሚኔ” ጌይዴ።

2 ቆሮ 1:24

ዪንቲ̇ ሚ̈ጛር ኤቃ̇ዚንዳ ኣማ̇ናባራ ማ̈ቂ̇ኖኮታ̇ቦ፥ ዪንታ̇ ኡፋይሳ̇ምፔ̈ን ኑ ዪንታ̇̇ባር ዎልኣ ኦ̈ንዳብዶኬ፥ ዪንታ̇ ኣማ̇ኒን ጋልዳ ኑ ኣላቃ ማ̈ቃ̇ንዳብ ጊዳካ̇ዬ።

1 ታሳ 5:16

ዎይ ጋላስ ኡፋይቲ̇ብቴ፤

ሉቃ̈ሳ 15:32

ዪ ኔ ጌ̈ዳ̈ዲ ዓይቂ̇ንዶ̈ሪ ዓት ፋጺኔ፤ ዪንዶ̈ሪ ዓት ቤንቲ̇ኔ፤ ዪ̈ኮታ̇ቦ ኑ̈ኒ ዎይሊን ኡፋይታ̇ንዳ̇ብ ኮሺ̇̈ሬ’ ” ጌይዴ።

ሉቃ̈ሳ 15:9

ኢዛ ኮያ̇ር ዲጚኖፖ̇ ዓኒ ፌ ላጋ̇ንኬ ፌ ዶ̈ን ዎይ ጼይጋራ ‘ቴ ቴ ሳንቲ̇ን ዪኖን ዲጛዴ፤ ታ̈ኒ ኡፋይቲ̇ኔ ዪንታ̇ር ኡፋይቲ̇ብቴ’ ጋ̈ሬ።

ፊል 1:25

ዪና̇ ኪን ማ̈ቂ̇ኖን ቴ ኣማ̇ኒኖኮታ̇ቦ ዓይቃ ጋልዳፖ ቡ̈ታ̇ራ፥ ዪንታ̇ ኣማ̇ኒን ሚ̈ጛምፔ̈ንኬ ዪንቲ ኡፋይታ̇ምፔ̈ኒ ቴ ዓይቃካ̇ይ ዪንቲ ዎይንባራ ዶኣዚን ቴ ኤሪኔ።

ኤፍ 5:18

ዪንታ̇ ይሲዝ ጎይ ቲ̈ኒዛኮታ̇ቦ ዎይና ጃ ኡሽኪ ማሲታፒ̇ቴ ዪኖ ዎታናፖ̇ ጌ̈ሻ̇ ኣያ̇ናባር ኩሚብቴ።

ዋ̈ኒ̇ሳ 3:29

ኢሲ̇ንዳ ኢሳ̇ዳዬ፥ ቱሪን ና̈ሳዲ ኢሳ̇ ላፍ ኤቃ̇ሪ ኢ ሶ̈ላዚን ሲስኪ̇ሬ፤ ኢ ሶ̈ላምባር ሲስካ̇ሪ ዎይሊን ኡፋይቲ̇̈ሬ፤ ቴ ኡፋዪሲ̇ንዳር ዪና̇ ኢዚዶ̈ራ ዓት ፎቲንቲ̇ኔ።

ሉቃ̈ሳ 15:5

ኮያር ዲጚኖፖ̇ ዓኒ ኢ̈ክ ኮሽካ̇ክ ዓይቂ̇ን ፌ ካ̈ላ̇ ጋልዳ ቶ̈ካ̇ሪ

ሉቃ̈ሳ 15:23

ኮሽ ዱዲ̇ኖ ጌ̈ን ኤሄ̈ሪ ሹኪ̇ብቴ፤ ኑ ሙይስቶ፤ ኡፋይቲ̇ስቶ።