1 “ኪን ዎይና ሚዲ ታ̈ና፤ ኢዝ ጋርሲን ጎሽኪ̇ዛ̈ዲ ቴ ባ̈ባ̈ዳ፤
ኢ ኢንታ̇ኮ “ቴ ባ̈ባ ኣፎ̈ዲ ቶካካ̇ዮ ዱጫ ሚዲንቲ̇̈ሬ።
“ጾ̈ሳ̇̇ ካ̈ቲቲንዳ̇ ፌ ዎይና ታ̈ኪልቲ̇ን ጋርሲ̇ን ጪጋ̇ር ኦ̈ሳንዳ̇ቦ ኣስ ኮዪ ጌ̈ሽ ጌላፋ ኬስኪ̇ኖ ና̈ሳ ማይጻ̈ሬ።
ማ ዬሱ̈ሲ ኢንታ̇ኮ “ሜላ ሚሳ̇̈ሊ ሲስኪ̇ብቴ̇፥ ዎይና ታኪልታ̇ ቶኪ̇ኖ ፔቲ̇ ኣሲ ዎ። ኢ ፌ ዎይና ታኪልቲ̇ን ቡጊዲን ኣጺሪ ዎይና ጪ̈ጪዝ ዶ̈ቺ̇ ቦ̈ኪ̇ ጊ̈ጊሲዴ። ዎይኒን ና̈ጋምፔ̈ን ሻካ̇ ሻኪ̇ሺ ኢናፖ̇ ዓኒ ፌ ታኪልቲ̇ን ኦ̈ዝ ኣሳንቦ ኪራያ ኢማ̇ሪ ፌ̈ብ ሜላ ጋዳ̇ ሉኪ̇ዴ።
ኢናፖ̇ ዬሱ̈ሲ ኢንታ̇ብ ሚሳ̇̈ሊባር ሶ̈ሊ̈ርዶ̈ሪ “ፔቲ̇ ኣስዶ̈ሪ ዎይና ታ̈ኪልቲ̇ን ቶካ̇ር ኢዝ ቡጊዲንባራ ጋሲ ጋሲሳሪ፣ ዎይና ኣ̈ፊን ጪ̈ጪዝ ዶ̈ቺ̇ ቦ̈ኪ̇፣ ኢዝ ጋልዳ ዶኣር ና̈ጋንዳብ ሻካ̇ ሻኪ̇ሺ፥ ዪን ዎይ ዎታሪ ኣሳብ ኪራያ ኢማ̇ር ሜላ ጋዳ̇ ሉኪ̇ዴ።
ማ ዬሱ̈ሲ ሚሳ̇̈ሊ ኢንታ̇ብ ሶ̈ሊ̈ርዶሪ፦ “ፔቲ̇ ኣሲ ፌ ዎይን ታ̈ኪልቲ̇ን ጋርታ̇ ቶኪ̇ኖ ፔቲ̇ ባላስ ጋ̈ዝ ሚን ዎዶ̈ን ኢ ኢዝ ጋልዳፖ̇ ኣ̈ፍ ኤካ̇ንዳ̇ ጋ̈ር ዬ̈ሪ ኣባካር ዲጛካ̇ይ ኣቲ̇ዴ።
ጾ̈ሳ̇̇ ሂጊ̇ን ሙ̈ሳ ጎይባራ ኢሚ̇ንቲ̇ንዶ̈ን፥ ማ̈ሪቲኬ ኪንቲ ዬሱ̈ሳ ጎይስባር ዬይኔ።
ኣሳ ናኣብ ዎይ ፎኢዛ ኪን ፎ̈ኢን ኣላሚን ዓና̇ ጋርታ̇ ዬይሬ።
ኢያሬ ቴ ጋልዳ̇ ዎ ኣፍ ካጺ̇ባ̈ሶ ሻቃን ዎይ ቃጻ̇ር ቶጚ̈ሬ፤ ኣ̈ፍ ካጺ̇ዝ ሻቃን ዎይ ኮሺንቺ̇ ኣ̈ፍ ካጻ̇ምፔ̈ን ሳሂ̈ሬ።
ዪና̇ ኢዝባራ ዬሱ̈ሲ ኢንታ̇ኮ “ቴ ዪንታ̇ክ ኪን ጋ̈ሬ፥ ኣፋፖ̇ ሶ̈ቢኖ ሶ̈ሊ̇ን ዪንታ̇ብ ኢሚ̇ኖ ሙ̈ሳ ጊዳካ̇ዬ፥ ኪን ሶ̈ሊ̇ን ዪንታ̇ብ ኢሚ̇ዛ̈ዲ ቴ ባ̈ባ̈ዳ።
ቴ ኣይሺ̇ንዳ̇ ኪን ፊ̈ሼ፤ ቴ ሱ̈ንዳ̇ር ኪን ኡሼ̇።
ኣሲ ጋርሲን ጎሽኪ̇ን ዲጪ̇ኖ ዎይራ ሚ̈ን ሻቃ ማ̈ቂኖ ኣይሁዳን ቃጺ̈ንታ̇ር ኬዴ̇ጌይን ዪንቲ̈ ባራሃ ጋርታ̇ ዲጪ̇ኖ ዎይራ ሚ̈ን ሻቃፌ̈ኖን ዪንቲ̇ ኣይሁድ ዜር ባዮ̇ን ኢንታ̇ ቤሲ̇ን ጌላሪ ኢንታ̈ኮ ኣንጃ̈ ኤኪ̇ዝ ኣስ ማ̈ቄ̇ጌይን፤
ኑ̈ኒ ጾ̈ሳ̇̇̈ቦ ዎልኣ ኦ̈ዝ ኣይላን፤ ዪንታ̇ሬ ጾ̈ሳ̇̈̇ቦ ዎት ጋዴ ማ ጾ̈ሳ̇̇̈ቦ ኬ̈።
ማ̈ቂ̇ናካሬ ክርስቶ̈ሳ ጋርታ̇ኬ ዪንታ̇ ጋርታ ኪን ማ̈ቃ̇ር ቤ̈ንቲ̇ኖ ኦራ ኪ̈ቲን ቴ ዪንታ̇ቦ ጻ̈ፋ̈ሬ፤ ኣባ ጌይን ሚ̇ ፋኪ̇ሙታ ኪን ፎኢ̈ን ዓታ̇ር ፎኢሙታ ዎ።
