ዋ̈ኒ̇ሳ 14:9 - ኦራ ጫ̈ቃ ማጻ̈ፋ

⁹ ዬሱ̈ሳር ኢ̈ኮ “ኣን ፊልጶ̈ሶ! ዓኖ̇ ዬላ̇ር ቴ ዪንታ̇ባር ዶኣምባ̇ራ ኔ ታ̈ና ኤራባሳ? ታ̈ና ቤቂ̇ኖ ኣሲ ቴ ባ̈ባ̈ ቤቂ̇ኔ፤ ኔ̈ኒ ዎዛርፌ̈ኒ ‘ኔ ባ̈ባ ኑ̈ና ቤይሳቤ’ ጋ̈ራ?

ዋ̈ኒ̇ሳ 14:9 ပူးပေါင်းရင်းမြစ်များ

ማ̈ርቆ̈ሳ 9:19

ዬሱ̈ሲ ኢንታ̇ኮ “ኣማ̇ኒባ̈ሶ ኣሳ̈ዶ! ዪንቲ̇ ታ̈ና ኣማ̇ናካ̇ይ ሙታ̇ ኣ̈ፊን ቃም ቴ ዪንታ̇ባር ዶኣ̈ራ? ቴ ዪንታ̇ ኣ̈ፊን ቃም ዳንዳኣኖ? ዎይዲቴ ና̈ራ ታ̈ብ ዓይ ኤሄ̈ብቴ̇” ጌይን፥

ሉቃ̈ሳ 12:56

ዪንቲ̇ ኣሳ ቲ̈ን ኮሽ ማይጻር ቤንታ̇ንዳብ ኮዪዛን፥ ሳ̈ዝ ጋልዶ̇ ባዝኬ ኣፎ ኢሪ ኬዳ̇ዚንዲኬ ኣዋ ኣውታ̇ዚን ኤሪ̈ርዶሪ፥ ማ ዓና̇ ዓቶ̇ ኬሊ̇ን ኤራንዳ̇ብ ዎዛርታ̇ር ዪንታ̇ ጋማ?

ዋ̈ኒ̇ሳ 1:14

ቃ̈ላ̈ዳር ኣስ ማ̈ቃ̇ር ኑ ጊዳ̇ ዶኢዴ፤ ኑ̈ናሬ ኣንጃኬ ኪንቲ ኩማሪ ፌ ባ̈ባፖ̇ ዬይኖ ፔቲ̇ ናኣ ኢ ቦንቺ̇ን ኑ ቤቂ̇ዴ።

ዋ̈ኒ̇ሳ 10:30

ታ̈ናኬ ቴ ባ̈ባ̈ዲኬ ዎልኣ ፔታ̇ኔ” ጌይዴ።

ዋ̈ኒ̇ሳ 12:45

ታ̈ና ቤቂ̇ዛ̈ዲ፥ ታ̈ና ኪታ̇ር ሚሺኖ ቤቂ̇̈ሬ።

ዋ̈ኒ̇ሳ 14:20

ታ̈ኒ ቴ ባ̈ባ̈ባር ፔታ̇ን ማ̈ቂ̇ኖንዶ̇ ዪንታ̇ር ታባር ፔታ̇ን ማ̈ቂኖንዶ̇ ታናር ዪንታ̇ባር ፔታ̇ን ማ̈ቂ̇ኖንዶ̇ ዪና̇ ኢዝ ቃሚ̇ን ዪንቲ̇ ኤሪ̈ሬ።

ዋ̈ኒ̇ሳ 14:7

ዪንቲ̇ ዎን ታ̈ና ኤሪኖኮ ቴ ባ̈ባ̈ዳር ኤሪ̈ርዶ̈ን፥ ዓት ዓኒፖ̇ ጌዳ ዪንቲ̇ ኢያ ኤሪ̈ሬ፤ ዪንቲ ኢያ ቤቂ̇ኔ” ጌይዴ።

ዋ̈ኒ̇ሳ 8:19

ኢናፖ̇ ኢንቲ̇ ኢ̈ኮ “ኔ ባ̈ባ ዎይዲ ዎ?” ጋ̈ሪ ኦይጪ̇ዴ። ኢያር ኢንታ̇ኮ “ዪንቲ̇ ታ̈ናር ኤሪባ̈ሴ ቴ ባ̈ባ̈ዳር ኤሪባ̈ሴ ዪንቲ̇ ዎን ታ̈ና ኤሪኖኮ ቴ ባ̈ባ̈ዳር ኤሪ̈ርዶ̈ን” ጋ̈ር ማሂዴ።

1 ቆሮ 15:12

ዎቲናካር ኑ̈ኒ ክርስቶ̈ሲ ዓይቃ ጋርታፖ̇ ዲንዲ̇ኖን ታማ̈ርሲዝ ባዝ ማ̈ቄጌይንዶ ዪንታ̇ ጋርታፖ̇ ፔታ̇ን ፔታ̇ናን ዓይቃ ጋርታፖ̇ ዲንዳ ባዬ̇ ዎዛርፌ̈ን ጌይራ?

ፊል 2:6

ዬሱ̈ስ ክርስቶ̈ሲ ኢ ፌ ቆሚ̇ን ጾ̈ስዶሪ፥ ዪኖ̇ ኢ ጾ̈ሳ̇ባራ ዎልፌ̈ን ዎንዶ “ታ̈ኒ ኣሻ̇ንዳብ ኮሻ̇ባሴ” ጋ̈ሪ ቆፓካዬ።

ቆላ̈ሳ̈ሳ 1:15

ኣስ ኣፍባራ ቤንቲ̇ባ̈ሶ ጾ̈ሳ̇̇̈ዲ ኣ ማይጺ̈ርኮ ኤርሲኖ̈ዲ ክርስቶ̈ሳ። ኢ ኮቺንቲ̇ኖ ባዝ ዎይፖ ጴቻ̇ዳኬ ኡሳ̇̈ዳ።

ኢብ 1:3

ጾ̈ሳ̇̈ ቦንቺ̇ን ዎዛርፌ̈ን ጴችኮ ቤይሲዛ ኢያ፤ ማ ኢ ዎይ ባዝባራ ጾ̈ሳ̇ ባ̈ባ ማይጺ̈ሬ፤ ኢ ዎልቃባሮ ፌ ቃ̈ላባራ ኣላሚን ሚ̈ንር ኤ̈ኔ፤ ኢ ኣሳ ናጋራ ዎይ ጌ̈ሺ̇̈ኖፖ ዓኒ ጴቻ̈ ጾ̈ሳ̇̈ቦ ኡሻች ጎይ ዶኢኔ።

1 ዋ̈ኒ̇ 5:20

ጾ̈ሳ̇ ናኣ ዬይኖንዶ፥ ኑ̈ናር ኪን ጾ̈ሳ̇ ኤራምፔ̈ን ኮሽ ቆፒ ቢርንዝ ቡ̈ዳ ኑ̈ብ ኢሚ̇ኖንዶ ኑ̈ኒ ኤሪሬ፤ ናኣ ዬሱ̈ስ ክርስ̇ቶሳ ጎይባራ ኑ̈ኒ ኪን ጾ̈ሳ̇ባራ ፔቲቲ ኑ̈ብ ዎ። ዬሱ̈ስ ክርስቶ̈ሲ ኪን ጾ̈ስኬ ሜናብ ሼምፓባር ዶኢ ኢሚ̇ዛ̈ዳ።