ዋ̈ኒ̇ሳ 14:2 - ኦራ ጫ̈ቃ ማጻ̈ፋ

² ታ ባ̈ባ̈ ኣ̈ል ዶኢዝ ኬ̈ ዎይሊን ዎ፤ ቴ ዪንታ̇̇ቦ ዶኢዝ ቤስ̇ ጊ̈ጊሳንዳ̇ቦ ሉካ̇̈ሬ፤ ዪ̈ባይኮ ዎኒ ቴ ዪንታ̇ብ ሶ̈ላ̈ርዶ̈ን።

ዋ̈ኒ̇ሳ 14:2 ပူးပေါင်းရင်းမြစ်များ

ሉቃ̈ሳ 14:22

ኣይላ ማ̈ቃ̇ር ዬ̈ሪ ‘ላ̈! ዪንቲ̇ ታ̈ና ኪ̈ቲ̇ኖን ዎይ ዎቲንዶ̈ን ዓታ̇ር ቤሲ̇ ዎ ኩሚ ዉራካ̇ዬ’ ጌይዴ።

ዋ̈ኒ̇ሳ 13:33

“ታ ናኣን! ቴ ዪንታ̇ባር ዎይሊን ዶኣባሴ። ዪንቲ̇ ታ̈ና ኮዪ̈ሬ፤ ቴ ኣይሁዳ ኣላቃንቦ ሶ̈ሊኖንዲፌ̈ኒ ዪንታ̇ባር ሶ̈ላ̈ሬ “ቴ ሉካ̇ዝ ቤሲ̇ን ዪንቲ̇ ዬ̈ንዳብ ዳንዳኢባ̈ሴ” ጌይዴ።

ዋ̈ኒ̇ሳ 13:36

ሲሞ̈ን ጴ̈ጥሮ̈ሲ ዬሱ̈ሳኮ “ጎዳ̈ዶ! ኔ ሉ̈ካዚን ዎይዲያ?” ጋ̈ሪ ኦይጪ̇ን ዬሱ̈ሳር ኢ̈ኮ “ቴ ሉ̈ካዝ ቤሲ̇ን ዓት ኔ ቴ ዎሂን ዬንዳ̇ ዳንዳኣባሴ ዎቲናካሬ ዎሃ ቴ ዎሂን ዬ̈ሬ” ጋ̈ሪ ኢ̈ብ ማሂዴ።

ዋ̈ኒ̇ሳ 14:28

‘ታ̈ኒ ሉካ̇̈ሬ፤ ማ ማ̈ቃ ዪንታ̇ክ ዬ̈ሬ’ ጌይኖን ዪንቲ̇ ሲስኪ̇ኔ። ዪንቲ̇ ታ̈ና ካ̈ርኮ ቴ ቴ ባ̈ባ̈ኮ ሉካ̇ዚንዳ ዪንታ̇ ኡፋይሳ̇̈ርዶ̈ን፥ ኣባ ጌይን ቴ ባ̈ባ̈ዲ ታ̈ፖ̇ ሺ̈ሬ።

ዋ̈ኒ̇ሳ 16:4

ቴ ዪንታ̇ብ ቲ̈ኒታር ዓኖ̇ ሶ̈ሊኖንዳ ዪና̇ ማ̈ቃ̇ዝ ኬሊ̇ን ዬሌ̇ጌይን ቴ ዪንታ̇ብ ሶ̈ሊኖን ዪንቲ̇ ኤልቅ ዎታምፔ̈ኔ። ቴ ዪኖ̇ ዎይ ቲ̈ኒታር ዪንታ̇ብ ሶ̈ላካ̇ዮንዳ̇ ቴ ዪንታ̇ባር ዎኮታ̇ቦ።”

ዋ̈ኒ̇ሳ 17:24

“ቴ ባ̈ባ̈ዶ! ዓን ኔ ታ̈ብ ኢሚ̇ኖ ኣሳን ቴ ዎ ቤስ̇ ኢንቲ ዬ̈ምፔ̈ንኬ፥ ዓና ሳ̈ዚን ኮቺ̇ንታካይዶን ኔ ታ̈ና ካኖኮታ̇ቦ ታ̈ብ ኢሚ̇ኖ ቦንቺ̇ን ቤቃምፔ̈ን ኮያ̈ሬ።

ሃዋ̈ራታን ኦ̈ሳ 9:16

ኢ ቴ ሱ̈ምንቦ ጋ̈ሪ ዎዛርፌን ሜታ ኤካ̇ንዳብ ኮሺ̇̈ርኮ ቴ ኢያ ቤይሳንዳ” ጌይዴ።

2 ቆሮ 5:1

ዓና̇ ዉዳፌ̈ኖ ሜናብ ዶኣባሶ ኑ ኣይሺ̇ንዳ ዓይቃ̇ር ዬጌዪን ኣሳ ኩሽባር ጊዳካይዶን ጾ̈ሳ̇ ኩሽባር ኬ̈ጺንቲ̇ኖ ሜናብ ዶኢዝ ኬ̈ ኑብ ኣፋ ዎን ኑ ኤሪ̈ሬ።

1 ታሳ 5:9

ጾ̈ሲ ኑ̈ና ጼይጊኖ̈ዲ ጎይላብ ጊዳካ̇ይዶን ኑ ጎዳ ዬሱ̈ስ ክርስቶ̈ሳ ጎይባራ ኑ̈ኒ ፋቲ ዲጛምፔ̈ኒዬ።

ቲ̈ታ̇ 1:2

ዓና̇ ኣማ̇ኒንዲኬ ኤሪንዳ ሜናብ ሼምፓባር ዶኢ ታስፋ ጋልዳ ሚ̈ጛር ኤቂ̇ኖ ባዜ፤ ማቂ̇ባ̈ሶ ጎዳ̈ዲ ዪና̇ ሜናብ ዶኣዝ ሼምፒ̇ን ኢማ̇ንዳቦ ሚን ሲሳፖ ኑ̈ብ ቃ̈ላ ጌሊኔ።

ኢብ 11:10

ኢ ዪኖ̇ ዎቲኖንዳ ጾ̈ሳ̇ዲ ኢ̈ብ ቆፓ̇ር ኮቺ̇ኖ ያባሶ ካታማ ጊዳክ ዲጛንዳቦ ታስፋባር ና̈ጋዚንኮታቦ።

ኢብ 13:14

ኑ̈ኒ ቢርት ዬ̈ዝ ካታሚን ና̈ጊርዶኬ ያካ̇ይ ሜናብ ዶኢዝ ካታሞ ሳ̈ዝ ጋልዳ ኑ̈ብ ባዬ̇።

ኢብ 6:20

ማልካጻ̈ዲቂ ቄ̈ሳ ማ̈ቂ̇ኖንዲፌ̈ኒ ዪና̇ ጾ̈ሳ̇̈ ኬ̈ን ጋርታ ዎ ጊዶ̇ ኪፊሊን ጋርታ ዬሱ̈ሲ ሜናብ ቄ̈ሳንቦ ኣላቃ ማ̈ቃ̇ር ኑ ጊሻ̇ብ ቲ̈ኒታር ኢና ጌሊኔ።

ኢብ 9:8

ቲ̈ኖ ዱንካኒን ዎምባራ ዎይፖ ሺ ጌ̈ሻ̇ ቤሲ̇ንኮ ኤ̈ጛዝ ጎይን ቢርት ቤንታካ̇ዮ ማ̈ቂ̇ኖን ጌ̈ሻ̈ ኣያ̇ና ዪኒ̇ባር ቤይሲኔ።

ሳጻ 21:2

ጌ̈ሻ̇̈ ካታሚንዳ፥ ኦራን ዬሩሳ̈ላማ ፌ ኣስና̈ቦ ፌ̈ና ጌ̈ዚንር ዬ̈ዝ ኢሲንዲፌ̈ን ጊ̈ጊንታ̇ራ ኣፋ ጾ̈ሳ̇ ቲ̈ናፖ ቶ̈ራ ሶ̈ባምባ̇ር ቴ ቤቃ̇ዴ፤

ሳጻ 3:12

ጋሚኖ ና̈ሳ̈ዳ ቴ ጾ̈ሳ̇ ኬ̈ ጋርታ ኢያ ቱ̈ሳፌ̈ን ማሃንዳ፤ ኢናፖ ኢ ኣባካር ጌይን ኬስኪ̇ባ̈ሴ፤ ቴ ጾ̈ሳ̇̈ ሱምንዲኬ ቴ ጾ̈ሳ̇̈̇ ካታሚን ሱምን ኢ ጋልዳ ጻ̈ፋንዳ፤ ዪና̇ ካታሚንዳ ኣፋ ቴ ጾ̈ሳ̇̈ ቲ̈ናፖ ሶባዚን ኦራን ዬሩሳ̈ላሞ፤ ታ ሱምን ኦራንዳር ኢ ጋልዳ ጻ̈ፋንዳ።

ሳጻ 3:21

ታ̈ኒ ታ ጻላ̈ታን ጋማራ ታ ባ̈ባ̈ባር ዎልኣ ዶኢኖንዲፌ̈ኒ ጋሚኖ ኣሲ ቴ ዙፋ̈ኒን ጋልዳ ቴባር ዎልኣ ዶ̈ኣምፔን ዎታንዳ።