ዋ̈ኒ̇ሳ 13:5 - ኦራ ጫ̈ቃ ማጻ̈ፋ

⁵ ኢናፖ ጋባታባር ዋ̈ ኤካ̇ሪ ፌ ታማራን ቶሂን ሜ̈ች ኤ̈̇ዴ፤ ፌ ጊጺኖ ፎ̈ጺምባር ኢንታ ቶሂን ቁቺ̇ ካሊ̇ሲዴ።

ዋ̈ኒ̇ሳ 13:5 ပူးပေါင်းရင်းမြစ်များ

ሉቃ̈ሳ 7:38

ኢዛ ዬሱ̈ሳክ ጋስ ጎይ ዬ̈ራ ኢ ቶሂን ላፍ ኤቃ̇ር ዬ̈ካ̇ ኣብጻ̇ዚምባራ ኢዝ ኣብን ኢ ቶሂን ጋልዳ ጾኪ̇ን ፌ ቆሚ̇ን ኢሲንንባር ቁቻ̇ር ካሊ̇ሳዴ። ኢናፖ̇ ኢ ቶሂን ዬርቃ̇ ሙታ̇ ሺታ̇ ቆቲሳዴ።

ሉቃ̈ሳ 7:44

ኢናፖ̇ ዓኒ ዬሱ̈ሲ ኣሲንኮ̇ ቢሪንታ̇ሪ ሲሞ̈ናኮ “ዓና̇ ኣሲን ኔ ቤቃ̇̈ራ? ቴ ኔ ኣ̈ል ጌሊን ኔ ታ̈ብ ቶህ ዋ̈ ኢማ̇ካ̇ዬ። ኢዛ ፌ ኣብንባራ ቴ ቶሂን ሻኢንቻ̇ራ ፌ ቆሚ̇ንባር ቁቻ̇ዴ።

ዋ̈ኒ̇ሳ 13:10

ኢያር ኢ̈ኮ “ፌ ጋሊ̇ን ሜጪ̇ኖ ኣሲ ኢ ጋሊ̇ን ዎይን ጌ̈ሽ̇ ማ̈ቂ̇ኖኮታ̇ቦ ፌ ቶሂን ሙታ̇ ሜ̈ጫ̇ንዳብ ኮሺ̇̈ሬ፤ ዪንቲ̇ ዓት ጌ̈ሼ̇፤ ዎቲናካሬ ዪንቲ̇ ዎይን ጌ̈ሽ ጊዳካ̇ዬ” ጌይዴ።

ዋ̈ኒ̇ሳ 13:6

ዬሱ̈ሲ ሜ̈ጪ̇ሙታ ሲሞ̈ን ጴ̈ጥሮ̈ሳክ ዬሊ̇ን ኢያር ኢ̈ኮ “ጎዳ̈ዶ! ኔ̈ኒ ቴ ቶህ ሜጫ̇̈ራ?” ጌይዴ።

ዋ̈ኒ̇ሳ 13:8

ጴ̈ጥሮ̈ሳር ኢ̈ኮ “ኔ ኣባካር ጌይን ቴ ቶህ ሜ̈ጫባሴ” ጌይዴ፤ ዬሱ̈ሳር ኢ̈ኮ “ቴ ኔ ቶ̈ሂን ሜ̈ጫካይ ኣቴ̇ጌይን ኔባክ ታባክ ፔቲ̇ቲ ዶኢባ̈ሴ” ጌይዴ።

ዋ̈ኒ̇ሳ 19:34

ዎቲናካር ዎታ̇ዳራን ጋርታ̇ፖ̇ ፔታ̇ና̈ዲ ዬሱ̈ሳብ ባሪንን ቶ̈ራባር ጫዲ̇ን ኤሊ̇ር ሱ̈ኬ ዋ̈ኬ ጎጊ̇ዴ።

ሃዋ̈ራታን ኦ̈ሳ 22:16

ዪዶኮ ዓት ዪዚ ኔ ኣብዝ ና̈ጋ̈ራ? ዲንዳ̇ራ ኢ ሱምን ጼ̈ይጋሙታ̇ ጻማ̇ቂንታ̇ቤ፤ ኔ ናጋሪን ጋርታፓ̇ሬ ሜ̈ጪንታ̇ቤ።’ ጌይዴ።

1 ቆሮ 6:11

ዪንታ̇ ጋርታፓ̇ር ፔታ̇ን ፔታ̇ናኒ ሚን ዪንፌ̈ኖ ባዛን ዎቲኔ። ዎቲናካር ዓት ዪንቲ̇ ጎዳ ዬሱ̈ስ ክርስቶ̈ሳ ሱምባርኬ ኑ ጾ̈ሳ̇ ኣያ̇ናባራ ናጋራ ጋርታ̇ፖ ሜ̈ጪንቲ̇ኔ፤ ዪንቲ̇ ጾ̈ሳ̇̇̈ቦ ጌዪ ቆሪንቲ̇ኖ ጌ̈ሽ̇ ዎርዣ ማ̈ቂኔ፤ ማ ጺላ̇ ኣስ ማ̈ቂ̇ኔ።

ኤፍ 5:26

ክርስቶ̈ሲ ዪኖ̇ ዎቲኖንዳ ዎ̈ሳ ኬ̈ን ጌ̈ሻ̇ንዳብ ኮያሪዬ፤ ኢ ኢዞ ፌ ቃ̈ሊን ጎይባራ ዋ̈ባር ሜ̈ጫ̇ሪ፥

1 ጢማ̈ 5:10

ኮሽ ኦ̈ሳ ዎይባራ ዪ̈ዳሬ፥ ናኢ ኮሺንቻ ዲቻ̇ዚንዶ፣ ዛቃ̇ ሞካ̇ዚንዶ፣ ኣማ̇ኒኖ ኣሳን ቶሂን ሜ̈ጫ̇ዚንዶ፣ ሜ̈ቲንቲኖ̈ን ማ̈ዳ̇ዚንዴኬ ኮሽ̇ ኦ̈ሳ ዎይባራ ኤሪንቲ̇ኖ ኣስ ማ̈ቃ̇ንዳቦ ኮሻ̈ሬ።

ኢብ 10:22

ኢ̈ታ ቆፊ ጋልዳፖ ጌዥጋንዳቦ ኑ ቡ̈ዲን ጌ̈ሻ̇ሪ ኑ ጋሊ̇ንዳር ጺል̇ ዋ̈ባር ሜ̈ጫ̇ሪ ኮሽ̇ ቡ̈ዳባርኬ ኪን ኣማ̇ናባር ጾ̈ሳ̇ኮ ሺ̈ቂስቶ።

1 ዋ̈ኒ̇ 1:7

ጾ̈ሳ̇ ፎኢን ማ̈ቂ̇ኖንዲፌ̈ኒ ኑ̈ናር ፎኢንባራ ቢሪንቴ̇ጌንዶ ኑ̈ቦ ዎል ዎልኣ ፔቲ̇ቲ ዎ። ኢ ናኣ ዬሱ̈ስ ክርስቶ̈ሳ ሱ̈ንዳሬ ና̈ጋራ ዎይሶ ጋልዳፖ ኑ̈ና ሜ̈ጫ̇ ጌ̈ሻ̇̈ሬ።

1 ዋ̈ኒ̇ 5:6

ኢ ጺንቃቲን ቤይሳዝ ዋ̈ባርኬ ኢ ዓይቂ̇ን ቤይሳዝ ኢ ሱ̈ንባራ ዬይኖ̈ዲ ክርስቶ̈ስ ዬሱ̈ሳ። ኢ ዬይኖንዳ ዋ̈ባራ ሙ̈ታ ጊዳካ̇ይዶን ዋ̈ባርኬ ሱ̈ባራ፤ ዪና̇ ኪ̈ን ማ̈ቂ̇ኖኮታ̇ቦ ባ̈ዚን ዪና̇ ኪን ማ̈ቂ̇ኖን ጌ̈ሻ ኣያ̇ና ማርኪቲ̈ሬ።

ሳጻ 7:14

ታ̈ናሬ ኢኮ “ጎዳዶ! ኔ ኤራ̈ሬ” ጋ̈ዴ፤ ኢያር ታኮ “ዓን ጴቻ ሜቲን ጋማሪ ዬይኖን፤ ፌ ኣፊላንሬ ዶራ ሱ̈ንባር ሜ̈ጫ̇ሪ ቦ̈ርስ ማሂኔ፤