ዋ̈ኒ̇ሳ 11:4 - ኦራ ጫ̈ቃ ማጻ̈ፋ

⁴ ዬሱ̈ሳሬ ዪኖ̇ ሲስካ̇ሪ “ዪና̇ ዓርጊንዳ ጾ̈ሳ̇̇ ቦንቺ̇ንቲ̇ን ጾ̈ሳ̇̇ ናኣ̈ዳር ዪኒ̇ባር ቦንቺ̇ንታምፔ̈ንዶኬ ኢያ ዓይቃብ ዬልዝ ዓርጋ ጊዳካዬ” ጌይዴ።

ዋ̈ኒ̇ሳ 11:4 ပူးပေါင်းရင်းမြစ်များ

ዋ̈ኒ̇ሳ 10:38

ታ̈ኒ ታ ባ̈ባ̈ ኦ̈ሲን ኦ̈ርኮ ዪንቲ̇ ታ̈ና ኣማ̇ናካይ ኣቴጌይናሬ ቴ ኦ̈ሲምባር ኣማ̇ኒብቴ፥ ዪኒ̇ባራ ታ ባ̈ባ̈ ታባር ዎንዲኬ ታ̈ናር ቴ ባ̈ባ̈ባር ዎን ዪንቲ̇ ኮሺንቺ̇ ኤሪ̈ሬ” ጌይዴ።

ዋ̈ኒ̇ሳ 11:40

ዬሱ̈ሳሬ ኢዝኮ̇ “ኣማ̇ኔጌይንዶ ኔ ጾ̈ሳ̇̇ ቦንቻ̇ ቤቃ̇̈ሬ ጌያ ቴ ኔ̈ብ ሶ̈ላካ̇?” ጌይዴ።

ዋ̈ኒ̇ሳ 12:28

ቴ ባ̈ባ̈ዶ! ኔ̈ኒ ቦንች ጾ̈ስ ማ̈ቂ̇ኖንዶ̇ ዎርዣ̈ብ ቤይሳቤ!” ጌይዴ። ኢናፖ̇ “ቴ ቴ ቦንቺን ቤይሲኔ፥ ዓታ̇ር ማሃር ቤይሳንዳ̇” ዪዝ ጌይዝ ጊርሲ ኣፋፖ̇ ሲስኪ̇ንቲ̇ዴ።

ዋ̈ኒ̇ሳ 17:1

ዬሱ̈ሲ ዪኖ̇ ሶ̈ሊኖፖ̇ ዓኒ ፉዳ ኣፋ ሾክ ጋ̈ር ቤቃ̇ሪ “ታ ባ̈ባ̈ዶ! ኬሊ̇ን ዬሊ̇ኔ፤ ቴ ኔ ናኣ ኔ̈ና ቦንቻ̇ምፔ̈ኒ ኔ ታ̈ና ኔ ናኣ ቦንቻ̇ቤ።

ዋ̈ኒ̇ሳ 17:10

ቴዪ ማ̈ቂ̇ኖ ባዝ ዎይ ኔዬ̇። ኔዪ ማ̈ቂ̇ኖን ዎይ ቴዬ̇። ታ̈ናር ኢንታ̇ባር ቦንቺ̇ንቲ̇ኔ።

ዋ̈ኒ̇ሳ 17:5

ቴ ባ̈ባ̈ዶ! ሳ̈ዝ ኤ̈ሺ̇ን ኮቺ̇ንታካ̇ይዶ̈ን ታ̈ብ ኔ ቲ̈ን ዎ ቦንቺ̇ንዲፌ̈ኒ ዓት ኔ ታ̈ና ኢዝፌ̈ን ኔ ቲ̈ን ቦንቻ̇ቤ።

ዋ̈ኒ̇ሳ 2:11

ዬሱ̈ሲ ኦ̈ኖ ታ̈ሚ̇ራ̈ታን ጋርታ̇ፖ̇ ቲ̈ን ኦ̈ንቲ̇ኖንዳ̇ ኣና̇ ኢዞዶ̈ን፥ ኢ ዪኖ̇ ኦ̈ኖንዳ ጋሊላ ጋዳ̇ ቃ̈ና ጌይዝ ካታማ ጋርታ̇። ዪና̇ባር ኢ ፌ ቦንቺ̇ን ቤይሲዴ። ኢ ታማ̈ራንር ኢያ ኣማ̇ኒዴ።

ዋ̈ኒ̇ሳ 5:23

ኢ ዪኖ̇ ዎቲኖንዳ̇ ኣሲ ዎይ ባ̈ባ ቦንቻ̇ዚንዲፌ̈ኒ ናኣ̈ዳር ቦንቻ̇ምፔ̇̈ኒዬ። ናኣ ቦንቺ̇ባ̈ሶ ኣሲ ኢያ ኪ̈ቲ̇ ሚሺኖ ባ̈ባ ቦንቺ̇ባ̈ሴ።

ዋ̈ኒ̇ሳ 8:54

ዬሱ̈ሳር ኢንታኮ “ቴ ፌ̈ብ ታ̈ና ቦንቼጌይን ቴ ቦንቺ̇ን ሜላ̇ ዓሪዬ፤ ታ̈ና ቦንቺ̇ዛ̈ዲ ዪንቲ ‘ኑ ጾ̈ሴ̇’ ጌይዛ ቴ ባ̈ባ̈ዳ።

ዋ̈ኒ̇ሳ 9:24

ዓታ̇ር ማ̈ቃ̇ር ና̈ሳ ኣ̈ፊ ዎብ̇ዶር ፋጺኖ ና̈ሳ ማሂ ጼይጋሪ ኢ̈ኮ “ጾ̈ሳ̇̇ ቲ̈ን ኔ ኪንን ሶ̈ላቤ፤ ዓ̈ ና̈ሳ ናጋራንቻ̇ ማ̈ቂ̇ኖን ኑ ኤሪ̈ሬ” ጌይዴ።

ዋ̈ኒ̇ሳ 9:3

ዬሱ̈ሳር ኢንታ̇ኮ “ኢያሬ ኢያ ዬሊኖንር ማ̈ቂ̇ን ና̈ጋራ ኦኖኮታ̇ቦ ጊዳካ̇ዬ፤ ዪና̇ ማ̈ቂ̇ኖዳ̇ ጾ̈ሳ̇̇ ኦ̈ሳ ኢ ጋልዳ ቤንታ̇ምፔ̈ኔ።

ሮሜ 11:11

ዪዚ ቴ ዪንታ̇ ማ̈ቃ̇ር ኦይጫ̇ስቶ፤ ኣይሁዳን ማ̈ቂ̇ ዲንዳምፔ̈ን ባዮ̇ ኬዲ ኬዲ̇ና? ጊዳካ̇ዬ! ኣይሁዳን ኢ̈ሲ̇ኖ ጎይባራ ኣይሁድ ባዮ̇ ኣሳን ፋቲ ዲጚዴ፤ ዪና̇ ማ̈ቂ̇ኖንዳ ኣይሁዳን ኣይሁድ ባዮን ጋልዳ ቃና̇ኦ ጋ̈ር ዎቲኔ።

ፊል 1:11

ማ ጾ̈ሳ̇̇̈ቦ ቦንች̇ኬ ጋላታኬ ማ̈ቃ̇ምፔ̈ኒ ዪንቲ ዬሱ̈ስ ክርስቶ̈ሳ ዎልቃባር ቤንቲ̇ዝ ኮሻ̇ ኦ̈ሳባራ ኩማሪ ቤንታምፔ̈ኒዬ።

ፊል 1:20

ታ̈ኒ ውርሳ ዬልቃባሴ ጌያ ታስፋ̈ ጋዳ̇ር ና̈ጋ̈ሬ፤ ዎቲናካሬ ክርስቶ̈ሲ ዓኒ̇ፖ ቲ̈ን ታ ኣሲቲን ጋልዳ ቦንቺንቲ̇ኖንዲፌ̈ኒ ዓታ̇ር ማ̈ቂ̇ን ቴ ሼምፓባር ዶኢናር ዓይቂ̇ናካር ኢ ታጋልዳ ቦንቺንቲ̈ሬ ጌያ ኢ̈ጫካይ ሶ̈ላ̈ሬ።

1 ጴጥ 1:21

ዪንታ̇ ኣማ̇ኒንዲኬ ዪንታ̇ ታስፊን ጾ̈ሳ̇ ጋልዳ ማ̈ቃ̇ምፔ̈ን ዬሱ̈ሳ ጎይባራ ኢያ ዓይቃ ጋርታፖ̇ ዲንኖዲኬ ኢ̈ቦ ቦንች ኢሚ̇ኖ ጾ̈ሳ̇̇̈ባራ ዪንቲ̇ ኣማ̇ኒንቲ̇̈ሬ።

1 ጴጥ 4:11

ታ̈ማርሲዝ ኣሲ ኢ ጾ̈ሳ̇ ቃ̈ሊን ታማ̈ርሳዚን ቆፓ̇ር ታ̈ማ̈ርሶጋ̈ቤ፤ ኦ̈ ማ̈ዲዛ̈ዳሬ ጾ̈ሲ ኢቦ ኢሚ̇ኖ ዎልቃባር ኦ̈ጋ̈ቤ፤ ዪዚ ዪኒ̇ባራ ጾ̈ሳ̇̇̈ዲ ዬሱ̈ስ ክርስቶ̈ሳ ጎይባራ ባዝ ዎይባራ ጋላቲንቲ̈̇ሬ፤ ቦንችኬ ዎልቃኬ ሜናብ ኢ̈ብ ማ̈ቆ̇! ኣሚንኤ።

1 ጴጥ 4:14

ዪንቲ ክር̇ስቶ̈ሳ ሱምንኮታ̇ቦ ቆ̈ሲንቴጌይንዶ ቦንች ኣያ̇ና ዪ̈ዳሬ ጾ̈ሳ̇̇ ኣያ̇ና̈ዲ ዪንታ̇ ጋልዳ ሼምፒ̇ዛኮታቦ ኡፋይቲ̇ብቴ።