6 ኢ ዪኖ̇ ሚሳ̈ሊን ኢንታብ ሶ̈ሊዴ፤ ዎቲናካሬ ኢ ሶ̈ሊኖን ኢንታ̇ብ ጌላካ̇ዬ።
ዬሱ̈ሲ ዪ ዎይ ባዝ ሚሳ̇̈ሊባራ ዎርዣ̈ቦ ሶ̈ሊዴ፤ ኢ ሚሳ̇̈ሊ ባዪዶ̈ን ኣባካር ኢንታ̇ብ ሶ̈ላካ̇ዬ።
ማ ዬሱ̈ሲ ኢንታ̇ኮ “ዪና̇ ዎይ ዪንታ̇ብ ጌሊና?” ጋ̈ር ኦይጪ̇ን፥ ኢንታ̇ር ኢ̈ኮ “ኣ ጎዳ̈ዶ ጌሊኔ” ጌይዴ።
ሚሳ̇̈ሊ ባዪ ኢንታብ ኣባካር ሶ̈ሊባ̈ሴ። ማ̈ቂ̇ናካሬ፥ ፌ ታማ̈ራንቦ ኢንታኬ ኢያክ ሙታ̇ ዎ ቤሲ̇ ኢንታቦ ዎይ ባዝ ቢላ̇ር ሶ̈ሊሬ።
“ዓኖ̇ ዬሊ̇ዝ ዲራ̈ስ ቴ ዪንታ̇ብ ሚሳ̇̈ሊባር ሶ̈ላዴ። ዓኒ̇ፖ̇ ጌዳ ታ̈ኒ ሚሳ̇̈ሊባር ሶ̈ላባሶ ኬሊ̇ ዬይሬ፤ ቴ ባ̈ባ̈ ባዝ ፋል̇ ዪንታ̇ብ ሶ̈ላ̈ሬ።
ኢናፖ̇ ኢ ታማ̈ራ̈ን ኢ̈ኮ “ኔ ዓት ሚሳሊባር ጊዳካ̇ይዶ̈ን ፋል̇ ሶ̈ላዴ።
ዪና̇ ኢዝባራ ኣይሁዳን “ዓ̈ ና̈ሳ ፌ ኣይሺ̇ን ኑ ሞ̈ምፔ̈ን ዎዛ̈ርታ̇ር ኢማ̇ንዳብ ዳንዳኢ̈ራ?” ጋ̈ሪ ዎልዎልኣ ዋጪዴ።
ኢ ታማራን ጋርታ̇ፖ̇ ዎይሊንን ኢ ዪኖ̇ ሶ̈ሊኖን ሲስካ̇ሪ “ሶ̈ሊን ዪና̇ ዋዪሬ፥ ኦ ኢዞ ኪን ጌዪ ኤካ̇ንዳብ ዳንዳኢ̈ራ?” ጌይዴ።
‘ዪንቲ̇ ታ̈ና ኮዪ̈ርዶ̈ን ታ̈ና ዲጚባ̈ሴ፤ ቴ ዎ ቤሲ̇ንዳሬ ዪንቲ̇ ዬ̈ንዳ̇ብ ዳንዳኢባ̈ሴ’ ጋ̈ዚንዳ ኢዛ ኣብዝ ጋ̈ንዳብ ኮዪንዶኔ?” ጌይዴ።
ኢ ፌ ባ̈ባ̈ ጎይ ሶ̈ሊኖን ኢንታብ ጌላካ̇ዬ።
ቴ ሶ̈ላዚን ዪንታ̇ብ ኣባብ ጌላባሳ? ዪና̇ ዪንታ̇ብ ጌላባሶንዳ̇ ዪንቲ̇ ቴ ሶ̈ሊን ሲስካ̇ንዳብ ዳንዳኢባ̈ሶኮታ̇ቦ።
ጾ̈ሳ̇ ኣያ̇ና ኢ ጋልዳ ባዮ̇ ኣሲ ጾ̈ሳ̇ ጋልዳ̇ፖ ኢሚ̇ንቲ̇ዝ ባዝ ኤካ̇ንዳ̇ብ ዳንዳኢባ̈ሴ።
“ካኖ ፌ ጮ̈ሺ̇ን ላኣንዳብ ጋስ ማ̈ቂ̇̈ሬ” ዪኒፌ̈ኒ “ጉዲን ፌ ጋሊ̇ን ሜ̈ጪንታ̇ሪ ማ̈ቃ̇ር ቶቅላ ጋርታ ፊሪ̈ሬ” ጋ̈ር ሶ̈ሊኖ ሚሳ̇̈ላን ኪን ኢንታ ዬሊ̇ኔ።
ጾ̈ሳ̇ ናኣ ዬይኖንዶ፥ ኑ̈ናር ኪን ጾ̈ሳ̇ ኤራምፔ̈ን ኮሽ ቆፒ ቢርንዝ ቡ̈ዳ ኑ̈ብ ኢሚ̇ኖንዶ ኑ̈ኒ ኤሪሬ፤ ናኣ ዬሱ̈ስ ክርስ̇ቶሳ ጎይባራ ኑ̈ኒ ኪን ጾ̈ሳ̇ባራ ፔቲቲ ኑ̈ብ ዎ። ዬሱ̈ስ ክርስቶ̈ሲ ኪን ጾ̈ስኬ ሜናብ ሼምፓባር ዶኢ ኢሚ̇ዛ̈ዳ።
