5 ና̈ሳ ሜላኮ ቆ̈ን ኤሪባ̈ሶኮታ̇ቦ ኢ ጋልዳፖ̇ ዎጺርዶኬ፤ ኢ ዎሂን ዬባሴ” ጌይዴ።
ማ̈ቃ̇ሪ “ዪንቲ̇ ሲስኪ̇ዝ ባዛን ዎይ ኮሺንቻ̇ር ሲስኪብቴ! ዪንቲ̇ ማኪ̇ዝ ኢቂ̇ንባር ዪንታ̇ብ ማ̈ቃ̇ር ማኪንቲ̈ሬ፤ ኢዝፓ̇ር ሺሻር ዪንታ̇ብ ጉጂንቲ̈ሬ።
ዪዚ ዪንቲ̇ ዎዛርፌ̈ን ቃ̈ሊን ሲስካ̇ንዳብ ኮሺ̇̈ርኮ ና̈ጊንቲ̇ብቴ። ዎዳ ዎ̈ቦ ጉዢንቲ̇̈ሬ። ባዮ̇ ና̈ሳ ጋልዳፖ̇ ኢ ፌ̈ብ ዎ ባዚን ጊሊ̇ን ኢዛር ጌዳ ኤኪንታ̇̈ሬ” ጌይዴ።
ቴ ሞ̈ ዓ̈ ጋርታ ባዮ̇ ሜላ ዎይሊን ዶሪ ታ̈ብ ዎ፤ ቴ ኢንታ̇ ኤሄ̈ንዳ̇ብ ኮሻ̈ሬ፥ ኢንታር ቴ ቆ̈ን ሲስኪሬ፤ ዬ̈ሪ ፔቲ̇ ዉዳ ማ̈ቂ̇̈ሬ፥ ማ ኢንታ̇ ዬ̈ጚዝ ናሳ̈ዳሬ ፔታ̇ን ማ̈ቂ̈ሬ።
ፌ ዶራን ኬሲ̇ኖፖ̇ ዓኒ ኢንታ̇ ቲ̈ኒን ቲ̈ኒን ኣ̈̇ር ዬ̈ሬ፤ ዶራንሬ ኢ ቆ̈ን ኤራዚንኮታ̇ቦ ኢ ዎሂን ዬ̈ሬ።
ኣሲ ሼ̈ምፓ ኢማ̇ዝ ቲምርቲ̇ን ኢጺ̇ዚ ኬሊ̇ ዬይሬ፤ ዪኒ̇ፖ ፌ̈ብ ኮሽኪ̇ዝ ባዝሙታ ሶ̈ሊዝ ኣስታማ̈ሪ ፌ̈ብ ሺ̈ሺ̈ሬ።
ኢንታ̇ር ኬስኪ̇ኖንዳ ኑ ጋርታ̇ፖ። ማ̈ቂ̇ናካሬ ኢንቲ ሚናር ማ̈ቂ̇ን ኑ ኣስ ጊዳካ̇ዬ። ኢንቲ ዎን ኑ ኣስኮ ኑባራ ሚ̈ጛሪ ዶኢ̈ርዶን። ዎቲናካሬ ኢንቲ̇ ኑ ጋልዳፖ ፋጊንታ̇ር ሉኪ̇ኖንዳ ኢንቲ̇ ኑ ኣስ ማ̈ቃካ̇ዮን ኤርሲኔ።
ቴ ዪንታ̇ቦ ጻ̈ፋዚንዳ ዪንቲ ኪንን ኤሪባ̈ሶኮታ̇ቦ ጊዳካ̇ዬ፤ ዪንቲ ኪንን ኤሪዛኮታ̇ብኬ ኪን ጋርታፖ ማቃ ኬስኪባ̈ሶን ዪንቲ̇ ኤሪዛኮታ̇ቦ።
ኔ ኦ̈ሲንዶ፣ ኔ ዋ̈ዪንዲኬ ኔ ጋርዢን ታ̈ኒ ኤራ̈ሬ፤ ኢ̈ት ኦ̈ዝ ኣሳን ቤቃ̇ራ ሜላ̇ ኣሻ̇ር ኣ̈ካዮንዶ፥ ማ ሃዋ̈ራታ ባዪዶሪ ፌ̈ና ሃዋ̈ራታ ጌይዛን ኮሺንቻ ቤቃ̇ራ ኢንታ ማቃ ማቂ̇ዝ ኣስ ማ̈ቂ̇ኖን ኔ ዲጚኖን ቴ ኤራ̈ሬ።
