ዋ̈ኒ̇ሳ 10:16 - ኦራ ጫ̈ቃ ማጻ̈ፋ

¹⁶ ቴ ሞ̈ ዓ̈ ጋርታ ባዮ̇ ሜላ ዎይሊን ዶሪ ታ̈ብ ዎ፤ ቴ ኢንታ̇ ኤሄ̈ንዳ̇ብ ኮሻ̈ሬ፥ ኢንታር ቴ ቆ̈ን ሲስኪሬ፤ ዬ̈ሪ ፔቲ̇ ዉዳ ማ̈ቂ̇̈ሬ፥ ማ ኢንታ̇ ዬ̈ጚዝ ናሳ̈ዳሬ ፔታ̇ን ማ̈ቂ̈ሬ።

ዋ̈ኒ̇ሳ 10:16 ပူးပေါင်းရင်းမြစ်များ

1 ጴጥ 2:25

ዪንቲ ዪኖ ዶሪፌ̈ን ዣይቲ̇ ኣቲ̇ንዶ̈ን፤ ዎቲናካር ዓት ዪንቲ̇ ዪንታ̇ ሼምፒ̇ን ና̈ጊዛኬኬ ዬ̈ጚዛክ ኢ̈ክ ማ̈ቂ̇ኔ።

ዋ̈ኒ̇ሳ 11:52

ኣይሁድ ዎርዣ̈ቦ ሙታ̇ ጊዳካይዶን ላ̈ሊ̇ንቲኖ ጾ̈ሳ̇̇ ናኣን ሺ̈ሻ̇ንዳብኬ ዎል ፔታ̇ን ማሃንዳብ ዓይቂ̈ሬ።

ዋ̈ኒ̇ሳ 6:37

ቴ ባ̈ባ ታ̈ብ ኢሚ̇ኖ ኣሲ ዎይ ታ̈ክ ዬይሬ፤ ታ̈ክ ዬይኖን ቴ ኢንታ̇ ዛ̈ና ኬሳ̇ ሚሻባሴ።

ዋ̈ኒ̇ሳ 10:27

ቴ ዶራን ቴ ቆ̈ን ሲስኪ̈ሬ፤ ታ̈ናር ኢንታ̇ ኤራ̈ሬ፤ ኢንታ̇ር ቴ ዎሂን ዬ̈ሬ።

ዋ̈ኒ̇ሳ 10:11

“ኮሽ ዬ̈ን ና̈ሳ ታ̈ና፤ ኮሽ ዬ̈ን ና̈ሳ̈ዲ ፌ ዶራን ጊሽ ፌ ሼምፒ̇ን ዓይቃብ ኣ̈ ኢሚ̇̈ሬ።

ሳጻ 3:20

ዪዚ ቤቃ̇ቤ! ታ̈ኒ ካራ ጋልዳ ኤቃ̇ራ ካሪን ቆንካ̈ሬ፤ ኦ̈ናካር ቴ ቆ̈ን ሲስካ̇ር ካሪን ታ̈ብ ፊርቄጌይን ቴ ኢ̈ክ ጌላ̈ራ ኢባር ዎልኣ ፊሽ ሞ̈ሬ፤ ኢያር ታባር ሙይሬ፤

1 ጴጥ 2:10

ዪንቲ ሚን ጾ̈ሳ̇ ዎርዣ ጊዳካ̇ዬ፥ ዎቲናካር ዓት ዪንቲ̇ ጾ̈ሳ̇̇ ዎርዣ፤ ሚን ዪንቲ̇ ማ̈ሪቲ ዲጛካ̇ዮን፤ ዎቲናካር ዓት ማ̈ሪቲ ዲጚኔ።

2 ታሳ 2:13

ጾ̈ሳ̇ባር ካን̇ቲኖ ኑ ኢሺንታ̈ን! ኑ̈ኒ ዪንታ̇ጊሽ ዎይ ጋላስ ጾ̈ሳ̇ ጋላታንዳ̇ብ ኮሺ̇̈ሬ፤ ኑ ኢያ ጋላታዚንዳ ዪንቲ̇ ጌ̈ሻ̇ ኣያ̇ናባር ጌ̈ዥጋሪ ኪንን ኣማ̇ናሪ ፋጻምፔ̈ኒ ጾ̈ሲ ቲ̈ኒታር ዪንታ̇ ማራ̇ጺኒኮታ̇ቦ።

ማ̈ቶ̈ሳ 17:5

ጴ̈ጥሮ̈ሲ ቢርት ዪኖ̇ ሶ̈ላምባ̇ራ ቦ̈ርስ ሻ̈ራ ዬ̈ሪ ኢንታ̇ ጌ̈ሚዴ፥ ሻ̈ሪን ጋርታ̇ፖ̇ “ቴ ኢባር ኡፋይቲ̇ዛ፥ ታ ካዝ ቴ ናኣ ዓ̈ ኢያ፤ ዪንቲ̇ ኢ ጋ̈ዚን ሲስኪብቴ” ዪዝ ጌይዝ ጊርሲ̇ ሲስኪ̇ንቲ̇ዴ።

ሃዋ̈ራታን ኦ̈ሳ 22:14

ኢያር ታ̈ኮ ‘ኑ ባ̈ቢንታ̇ን ጾ̈ሳ̇̈ዲ ኣብዝ ኮዪ̈ርኮ ኔ ኤራምፔ̈ኒ ጎዳ ጌ̈ሻ̇ ቤቃ̇ምፔ̈ንኬ ኢ ቃ̈ሊን ሲስካምፔ̈ን ኔ̈ና ቲ̈ኒታር ማራ̇ጺኔ።

ሃዋ̈ራታን ኦ̈ሳ 18:10

ቴ ኔባር ዎ፤ ካታሚን ዓኒ̇ ጋርታ̇ ታ̈ቦ ዎይሊን ኣሲ ዎኮታ̇ቦ ኔ ጋልዳ ኢ̈ታ ባዝ ኣባክ ዬልዝ ኣሲ ኦ̈ናካር ባዬ̇” ጌይዴ።

ሃዋ̈ራታን ኦ̈ሳ 15:14

ጾ̈ሲ̇ ኣይሁድ ባዮ̇ ኣሳንቦ ቆፒ̇ኖን ቤይሳንዳቦ ቲ̈ኒታሪ ኢንታ ጋርታ̇ፖ̇ ፌ̈ብ ማ̈ቂ̇ዝ ዎርዦ ማራ̇ጺኖን ኑ ኢሻ ሲሞ̈ኒ ኑ̈ብ ዓታር ሶ̈ሊኔ።

ኢብ 13:20

ዶራንቦ ጴች ዬ̈ን ናእ ማ̈ቂ̇ኖ ኑ ጎዳ ዬሱ̈ስ ክርስቶ̈ሳ ሜናብ ዶኢዝ ጫ̈ቃ ሱ̈ንባራ ዓይቃ ጋርታፖ ዲንኖ ሳሪቲ ጾ̈ሳ̇̇̈ዲ፥

ዋ̈ኒ̇ሳ 10:2

ካሪንባር ጌሊዛ̈ዲ ዶራን ዬጚዝ ና̈ሳ̈̈ዳ።

1 ጴጥ 5:4

ዪንቲ ዪኖ̇ ዎቴጌይንዶ ጴቻ ዎይ ኣቂሲዝ ጎዳ ዬ̈ዚምባራ ሜናብ ዶኢዝ ቦ̈ንች ኣኪሊላ ዪንቲ̇ ኤኪ̇̈ሬ።

ዋ̈ኒ̇ሳ 10:3

ካሪን ና̈ጊዛ̈ዲ ኢ̈ቦ ካሪን ፊርቂ̇̈ሬ፤ ዶራንሬ ኢ ቆ̈ን ሲስኪ̇̈ሬ፤ ኢያር ፌ ዶራን ኢንታ̇ ሱምምባር ጼይጊ̈ሬ ማ ቲ̈ናሪ ኢንታ̇ ዛ̈ና ኤ̈ጚ̈ሬ።

ዋ̈ኒ̇ሳ 10:4

ፌ ዶራን ኬሲ̇ኖፖ̇ ዓኒ ኢንታ̇ ቲ̈ኒን ቲ̈ኒን ኣ̈̇ር ዬ̈ሬ፤ ዶራንሬ ኢ ቆ̈ን ኤራዚንኮታ̇ቦ ኢ ዎሂን ዬ̈ሬ።

ዋ̈ኒ̇ሳ 10:5

ና̈ሳ ሜላኮ ቆ̈ን ኤሪባ̈ሶኮታ̇ቦ ኢ ጋልዳፖ̇ ዎጺርዶኬ፤ ኢ ዎሂን ዬባሴ” ጌይዴ።

ዋ̈ኒ̇ሳ 17:20

“ኢንታ̇ ቃ̈ሊን ሲስካ̇ር ታ̈ና ኣማ̇ኒዛንቦ ዎይ ዎ̈ሳ̇ርዶኬ ኢንታ̇ብ ሙታ̇ ዎ̈ሳባሴ።

ሮሜ 11:25

ቴ ኢሺንታ̇ን! “ኑ ኤራን” ጋ̈ሪ ኦቲርቃ̇ካ̇ይፌ̈ኒ ፔቲ̇ ባዝ ቴ ዪንታ̇ብ ሶ̈ላንዳብ ኮያ̈ሬ፤ ኢስሬ̈ላን ቡ̈ዳ ዛቢስ ማ̈ቂ̇ኖንዳ ኣይሁድ ባዮ̇ን ዎይ ኣታካይዶር ጾ̈ሳ̇̇̈ኮ ዬይዝ ዲራስዶኬ ሜናብ ጊዳካ̇ዮንዶ ዪኖ̇ ኤሪብቴ።

ሉቃ̈ሳ 15:8

“ማ ቢራፖ̇ ኦ̈ንቲ̇ኖ ታጳ̇ ሳንቲ̇ ኢዝቦ ዎ ፔቲ̇ ማጪ̇ንዳ̇ ኢዝ ሳንታ̇ን ታጳ̇ን ጋርታ̇ፖ̇ ፔታ̇ኒን ዬጌይን ኢዞ ዲጚዝ ዲራ̈ስ ታማ ፎ̈ኢሳ ኬ̈ ጋርሲ̇ን ፊታ̇ ኮሺንቻ̇ ኮያባሶ ኣሲን ኢዛ ኦ̈ኖ?