ዋ̈ኒ̇ሳ 1:41 - ኦራ ጫ̈ቃ ማጻ̈ፋ

⁴¹ ኢንድራ̈ስ ቲ̈ኒታር ፌ ኢሻ ሲሞ̈ናክ ሉካ̇ሪ “ኑ̈ኒ ሜሲሃ ቤቃ̇ሼ!” ጌይዴ። ሜሲሃ ጌይዛ̈ዲ ክርስቶ̈ሳ ጌንቴ̇።

ዋ̈ኒ̇ሳ 1:41 ပူးပေါင်းရင်းမြစ်များ

ሉቃ̈ሳ 2:17

ኢንታ̇ር ናኣ ኣቂላ ቤቂ̇ኖፖ̇ ዓኒ ኪ̈ታንቻ̇ ኢንታ̇ብ ናኣ ጎይ ሶ̈ሊኖ ባዛን ዎይ ኢንታ̇ብ ሶ̈ሊዴ።

ሉቃ̈ሳ 2:38

ኢዛ ዪና̇ ኢዝባራ ዮ̈ሴ̈ፋኬ ማ̈ራ̈ማባሮ̈ኮ ዬ̈ራ ጾ̈ሳ̇̇ ጋላታራ ጾ̈ሲ̇ ዬሩሳ̈ላም ናጻ ኬሳ̇ዝ ጋላሲ̇ን ና̈ጊዝ ኣሳንቦ ዎይ ናኣ ኣቂላ ባዚን ሶ̈ላዴ።

ዋ̈ኒ̇ሳ 1:45

ፊልጶ̈ሲ ናቲኔ̈ላ ዬላ̇ሪ ኢ̈ኮ “ሙ̈ሶ ሂጋ̇ ማጻ̈ፋ ጋልዳ̇፥ ናባንሬ ቲምቢ̈ታ ማጻ̈ፋ ጋልዳ̇ ኢ ባዝ ጻ̈ፊኖ ዮ̈ሴ̈ፋ ናኣ ና̈ዝሬ̈ቶ ዬሱ̈ሳ ኑ ዬሊ̇ዴ” ጌይዴ።

ዋ̈ኒ̇ሳ 4:25

ኣሲንዳር ኢ̈ኮ “ክርስቶ̈ሳ ጌይዝ ሜሲሃ ዬ̈ዚን ቴ ኤራ̈ሬ። ኢ ዬ̈ሪ ዎይ ባዝ ኑ̈ብ ሶ̈ሊ̈ሬ” ጋ̈ዴ።

ሃዋ̈ራታን ኦ̈ሳ 10:38

ጾ̈ሲ̇ ና̈ዝሬ̈ት ዬሱ̈ሳቦ ጌ̈ሻ̇ ኣያ̇ናኬ ዎልቃኬ ኢሚ̇ዴ። ኢያሬ ጾ̈ሲ̇ ኢባር ዎ̈ኮታ̇ቦ ፌ ዬሊ̇ኖ ቤስ̇ ዎይ ኮሽ̇ ባዝ ኦ̈ሙታ̇ ሴ̈ጣናባር ቃቺ̇ንታ̇ር ዎን ዎይ ፋሙታ̇ ዬ̇ዴ።

ሃዋ̈ራታን ኦ̈ሳ 4:27

“ኪንባራ ሄሮ̈ዲስኬ ጴንጤና̈ዋ ጲላ̈ጦ̈ሲ ኣይሁድ ባዮ̇ ኣሳንባርኬ ኢስሬ̈ላ ጋዶ̇ ዎርዣባር ዎልኣ ማ̈ቃ̇ር ዓኒ̇ ካታሚን ጋርታ̇ ሺ̈ቃሪ ኔ ኪ̈ታ̇ር ሚሺኖ ኔ ጌ̈ሻ̇ ናኣ ክርስቶ̈ሳ ጋልዳ̇ ኢ̈ታ ባዝ ኦንዳብ ዞሪንታ̇ር ዲንዲ̇ዴ።

1 ዋ̈ኒ̇ 1:3

ዪንታ̇ብ ኑ̈ባራ ፔ̈ቲቲ ዶኣምፔ̈ን ኑ̈ኒ ሲስኪ̇ኖንዲኬ ቤቂ̇ኖንዶ ዪንታ̇̈ቦ ሶ̈ሊሬ። ዪና̇ ኑ ፔቲ̇ቲ̇ንዳሬ ባ̈ባ̈ባርኬ ናኣ ዬ̈ሱ̈ስ ክርስቶ̈ሳባራ።