4 ሼምፓ ኢባር ዎ፤ ዪና̇ ሼምፒ̇ንዳ̇ ኣሳ ናኣንቦ ፎኢን።
ም ጋርታ̇ ዎ ዎርዣን ጴች ፎኢን ቤቂ̇ዴ፤ ዓይቃ ጻና ዶኢኖ ኣሳን ጋልዳ፥ ፎኢን ኬስኪ̇ዴ” ጌዪ ሶ̈ሊኖ ቃ̈ሊን ፎቲንታ̇ምፔ̈ኔ።
ዪ̈ዳሬ ኣይሁድ ባዮ̇ንቦ ኔ ኪንን ቤይሲዝ ፎኢን፥ ኔ ዎርዣ ኢስሬ̈ላቦ ቦንቼ̇” ጌይዴ።
ዬሱ̈ሲ ኢዝኮ̇ “ዓይቃ ጋርታ̇ፖ̇ ኣስ ዲንዛ̈ዲኬ፥ ሼምፓ ኢሚ̇ዛ̈ዲ ታ̈ና፤ ታ̈ና ኣማ̇ኒዝ ኣሲ ዓይቂናካሬ ሼምፓባር ዶኢ̈ሬ።
ዬሱ̈ሲ ኢንታ̇ኮ “ዓት ዪዚ ፎኢን ጊላ̇ ቃ̈ም ዪንታ̇ባር ዶኢ̈ሬ፤ ፎኢን ዎምባ̇ራ ̈ሚ ዪንታ̇ ዬላ̇ካይዶን ዬ̇ ቢሪንቲ̇ብቴ̇፤ ምባር ዬ̇ዝ ኣሲ ኢ ዎይዲ ሉኪ̇̈ርኮ ኤሪባ̈ሴ።
ታ̈ና ኣማ̇ኒዝ ኣሲ ዎይ ም ጋርታ̇ ዶኣካ̇ዮ̈ዲፌ̈ኒ ታ̈ኒ ፎኢን ማ̈ቃ̇ራ ዓና̇ ኣላሚን ጋልዳ̇ ዬይኔ።
ዬሱ̈ሳሬ ኢ̈ኮ “ኣሳቦ ኪንን ቤይሲዛ̈ዲኬ ሼምፓ ኢሚ̇ዝ ጎይ ታ̈ና፤ ቴ ባጋ̇ባር ማ̈ቃካ̇ይ ኣቴጌይን ሜላ ኦ ጎይባርካር ማ̈ቂ̇ን ቴ ባ̈ባ̈ኮ ዬይዝ ኣሲ ኦ̈ናካር ባዬ̇።
ጾ̈ሲ̇ ፊርዲዛ̈ዲ፥ ፎኢን ኣላሚን ጋልዳ̇ ዬይንዶ̈ን ኣሳን ኢንታ̇ ኦ̈ሲን ኢ̈ት ማ̈ቂ̇ኖኮታ̇ቦ ፎኢንምፖ̇ ሚ̇ን ዶሲኖኮታ̇ቦ።
ባ̈ባ̈ ዓይቂ̇ኖን ዓይቃ ጋርታ̇ፖ̇ ዲንሪ ሼምፓ ኢማ̇ዚንዲፌ̈ኒ፥ ማ ናኣ̈ዳሬ ፌ ኮዪኖንቦ ዎይ ሼምፓ ኢሚ̇̈ሬ።
ባ̈ባ̈ዲ ኣሳብ ሼምፓ ኢማ̇ንዳብ ዳንዳኣዚንዲፌ̈ኒ ናኣ̈ዳር ኣሳብ ሼምፓ ኢማ̇ምፔ̈ን ሲልጣ̈ና ኢ̈ብ ኢሚ̇ኔ።
ዬሱ̈ሲ ማ̈ቃ̇ሪ ኣሳንኮ “ታ̈ኒ ዓኒ̇ ኣላሚምቦ̇ ፎኢን፤ ቴ ዎሂን ዬ̇ዝ ኣሲ ሼምፓ ፎኢን ዲጚ̈ርዶኬ ማ̇ ጋርታ̇ ቢሪንቲ̇ባ̈ሴ” ጋ̈ር ሶ̈ሊዴ።
ታ̈ኒ ዓና̇ ሳ̈ዚን ጋልዳ ዎምባራ ዓና̇ ሳ̈ዚምቦ ፎኢን” ጌይዴ።
ኢንታሬ ሶ̈ሊኖንዳ ‘ክርስቶ̈ሲ ሜታ ኤኪ̇̈ሬ፤ ዓይቃ ጋርታፖ ዲንዳባር ቲ̈ን ማ̈ቃ̇ሪ ፋቲ ፎኢን ኢስሬ̈̈ላ ዎርዣ̈ባኬ ኣይሁድ ባዮ̇ ኣሳንቦ ቤይሲ̈ሬ’ ጌይሬ።”
ዪ̈ኮታ̇ቦ “ቲ̈ኖ ና̈ሳ ኣዳ̇̈ሚ ሼምፓባሮ ኮቺ̇ንት ማ̈ቂ̇ኔ” ጋ̈ር ጻ̈ፊንቲ̇ኔ። ዎቲናካር ዎሆ ኣዳ̇̈ሚ ኢያሬ ክርስቶ̈ሲ ሼምፓ ኢሚ̇ዝ ኣያ̇ና ማ̈ቂ̇ኔ።
ኣባጌዪን ዎይ ባዚ ቤንታ̇ምፔን ዎቲዛዲ ፎኢን፤ ዪ̈ኮታ̇ቦ፥ “ኣን ኔ ሱርቂ̇ኖዶ! ባርካ̇ቤ፥ ዓይቃ ጋርታፖ̇ ዲንዳ̇̈ቤ ክርስቶ̈ሲ ኔ̈ብ ፎኢሲ̈ሬ” ጌይኔ።
ዪንታ̇ብ ሼምፓ ማ̈ቂ̇ኖ ክርስቶ̈ሲ ቦንችባራ ቤንታ̇ምባራ ዪንታ̇ሬ ኢባር ዎልኣ ቦንችባራ ቤንቲ̇̈ሬ።
ዎይ ባዚ ኮቺንታ̇ናፖ ቲ̈ን ዎ፥ ኑ ኑ ኣ̈ፊንባር ቤቂ̇ኖን፥ ኑ ኩሺንባር ዎ̈ሺኖን ሼምፓ ቃ̈ሊን ጎይ ኑ ዪንታ̇ብ ሶ̈ሊ̈ሬ። ኑ̈ኒ ኢያ ቤቂ̇ኔ፤ ኑ ኩሺንባራር ኢያ ኤ̈ኔ።
ዪ ሼምፓ ቤንቲ̇ን ኑ ኢያ ቤቂ̇ኔ፤ ዪ̈ኮታ̇ቦ ኑ̈ኒ ኢባዝ ማርኪቲ̈ሬ፤ ማ ጾ̈ሳ̇ ባ̈ባ̈ ቲ̈ን ዎ ኑ̈ብ ቤንቲ̇ኖ ሜና ሼምፓባር ዶኢንዶ ዪንታ̇ብ ሶ̈ሊ̈ሬ።
ማርኪቲንዳሬ ጾ̈ሳ̇ ኑ̈ቦ ሜና̈ብ ዶኣዚ ሼ̈ምፓ ኢሚ̇̈ኖንዲኬ ዪና̇ ሼምፒን ቤንቲ̇ኖንዳ ናኣ ጎይባራ ማ̈ቂ̇ኖን ማርኪታ̈ሬ።
ዓኒ̇ፖ ዎሃ ኪ̈ታንቻዲ ጾ̈̈ሳ̇̈ዲኬ ዶራ̈ ዙፋ̈ና ጋልዳፖ ኬስኪ̇ዛ ኮሽ̇ ማስቶ̈ታፌ̈ን ዪል ጌይኖን ሼምፓ ኢሚ̇ዝ ዋ̈ን ታ̈ና ቤይሲዴ።
“ቴ ዬሱ̈ሲ፥ ዪኖ̇ ዪንታ̇ብ ማርኪታምፔ̈ን ቴ ኪ̈ታንቻ ዎ̈ሳ ኬ̈ንቦ ሚሺኔ፤ ታ̈ኒ ዳ̈ዊታ ኮችኬ ኢ ዜር፤ ማ ፎኢሲዝ ዎን ቤርሴ።”
