16 ኢ̈ብ ኩማር ሺኖ ኮሺቲ ጋልዳፖ̇ ኑ̈ናር ዎይ ኣንጃ ጋልዳ ኣንጃ ዲጚዴ።
ዎ ና̈ሳቦ ጉ̈ዢንቲሬ ኢ̈ብ ዎይሊ̈ሬ፤ ባዮ̇ ና̈ሳ ጋልዳ̇ፖ ሜላ ኣቲ̇ን ኢ̈ብ ዎን ኢዛር ኤኪ̇ንታ̇̈ሬ።
ታ̈ኒ ዓት ዪንታ̇ ማ̈ሪቲቦ ዋ̈ባር ጻማ̇ቃ̈ርዶ̈ን ታ̈ፖ̇ ዎሃ ዬይዛ̈ዲ ዪንታ̇ ጌ̈ሻ̇ ኣያ̇ናባርኬ ታማባራ ጻማ̇ቂ̈ሬ። ኢ ታ̈ፖ̇ ዎይሊን ሺ̈ሬ፥ ታ̈ኒ ሜላ ኣቲ̇ን ኢ ቶሂቶ̇ ጫ̈ሚ̇ን ቶ̈ካ̇ንዳብ ጊዳካ̇ዮ ኣሴ።
ዎቲናካሬ ዋ̈ኒ̇ሲ ኢ̈ኮ “ታ̈ኒ ኔ ኩሽታ̇ ጻማ̇ቂንታ̇ንዳብ ኮሻ̈̇ርዶኬ ኔ ዎዛርፌ̈ኒ ታ̈ክ ዬ̈ራ?” ጋ̈ሪ ኢያ ካያንዳ̇ብ ኮዪዴ።
ዪንታ̇ ጻላ̈ታን ጋርታ̇ፖ̇ ኦ̈ናካር ሞ̈ታባር ዪንታ̇ ጋማንፔ̈ንባዮ̇ ቃ̈ላኬ ኤራኬ ቴ ዪንታ̇ብ ኢማ̇ንዳ̇።
ጾ̈ሲ̇ ፌ ኣያ̇ና ሱ̈ቂታካ̇ይ ኢሚ̇ዛኮታ̇ቦ ጾ̈ሲ̇ ኪ̈ቲ̇ ሚሺኖ̈ዲ ጾ̈ሳ̇̇ ቃ̈ሊን ሶ̈ሊ̈ሬ።
ፔቲ̇ ኣሲ ኦ̈ኖ ናጋራጊሽ ዓይቃ ኣስ ዎይ ጋልዳ ካውቴጌይን፤ ጾ̈ሳ̇̇̈ኮን ጊዳር ሺኖ ካንንዲኬ ኪልሲን ኤካ̇ሪ ጺሊ̇ኖን ዎይ ፔቲ̇ ና̈ሳ ዬሱ̈ስ ክርስቶ̈ሳ ጎይባራ ሼምፓባር ሺ ዶኢ̈ ካውቲ̈ሬ።
ኑ̈ኒ ዓት ኣማ̇ናባር ሚ̈ጛር ዎ ቤሲ̇ን ኢ ካንን ጋርታ̇ ጌሊኖንዳ ኢ ጎይባራ፤ ማ ጾ̈ሳ̇ ፌ ቦንቻ̇ ኑ̈ብ ኢማ̇ዚንኮታ̇ቦ ዪኒ̇ባር ኑ̈ኒ ኬርፊ̈ሬ።
ናጋራ ዎይላምፔ̈ኒ ሂጋ̇ ዬይዴ፤ ዎቲናካሬ ናጋራ ዎይሊሙታ ሉካ̇ምባራ ጾ̈ሳ̇ ካን ኢዝፖ ሺ ዎይሊዴ።
ዎቲናካሬ ዪንቲ̇ ጾ̈ሳ̇ ኣያ̇ና ዪንታ̇ ጋርታ ዎኮታ̇ቦ ጾ̈ሳ̇̇ ኣያ̇ና ኮያዚንዲፌ̈ንዶኬ ዪንታ̇ ኣሲቲ̇ን ኮያዚንዲፌ̈ን ዶኢባ̈ሴ። ክርስቶ̈ሳ ኣያ̇ና ኢ̈ብ ባዮ̇ ኣሲ ኢ ክርስቶ̈ሳይ ጊዳካ̇ዬ።
ዎሳ ኬ̈ንዳሬ ዎይ ባዝ ዎይ ጎይባራ ኩምዛ ክርስቶ̈ሳባር ኩም ማ̈ቂ̇ኖ ኢ ጋሌ̇።
ኣሲ ክርስቶ̈ሳ ካንን ፎቲ ኤራንዳብ ዳንዳኢባ̈ስካሬ ዪንቲ ኢዞ ኤራምፔ̈ንኬ ማ ዪንቲ ጾ̈ሳ̇̇̈ ማይጻምፔ̈ን ቴ ዪንታ̇ብ ዎ̈ሳ̇̈ሬ።
ጾ̈ሳ̇ ባ̈ባዲ ፌ ናኣ ጋርታ̇ ጾ̈ሲቲ ኩም ዶኣምፔ̈ኒ ዶሲኔ።
ጾ̈ሲ ኣ̈ቻ̇ር ጋዲ̇ኖ ጴች̇ ኤራኬ ኤጪቲ ዱርቲ ዎይ ክርስቶ̈ሳክ ዎ።
ዪን ናባን ጋርታ ዎ ክርስቶ̈ሳ ኣያ̇ናዲ ክርስቶ̈ሳ ጋልዳ ዬላ̇ዝ ሜቲንዲኬ ዪና̇ ሜቲንፖ ዎሃ ኢ ዲጛዝ ቦንቺ̇ን ቲ̈ኒታር ሶ̈ሊኔ፤ ኢንታ̇ር ዪ ዎይ ኣ ኬል̇ ማ̈ቂ̇̈ርኮ ዎዛርታር ማ̈ቂ̇̈ርኮ ዎይሊን ቆፓ̇ር ቢሪን ቤቂ̇ኔ።
