ዋ̈ኒ̇ሳ 1:10 - ኦራ ጫ̈ቃ ማጻ̈ፋ

¹⁰ ኢ ኣላሚን ዓኒ ጋርታ̇ ዎ። ኣላሚን ዓኖ̇ ኮቺ̇ኖ̈ዳር ኢያዶ̈ን ዓኒ̇ ኣላሚን ጋልዶ ኣሳን ኢያ ኤራካ̇ይ ኣቲ̇ዴ።

ዋ̈ኒ̇ሳ 1:10 ပူးပေါင်းရင်းမြစ်များ

ማ̈ቶ̈ሳ 11:27

ታ ባ̈ባ̈ዲ ታ̈ብ ዎይ ባዝ ኢሚ̇ኔ፤ ባ̈ባ̈ፖ̇ ሜላ ኦ̈ናካር ናኣ ኤሪዛ ባዬ̇፤ ዪና̇ ኢዝፌኒ ናኣ̈ፖ ሜላ ባ̈ባ̈ ኤሪዛ ባዬ̇። ባ̈ባ ኦ̈ናኮ ናኣ̈ዲ ኢባዝ ኤርሳካ̇ይ ኣቴ̇ጌይን ኦ̈ና̈ካር ባ̈ባ̈ ኤራንዳ̇ብ ዳንዳኢባ̈ሴ።

ዋ̈ኒ̇ሳ 1:11

ኢ ፌ ዳባ̇ ጌ̈ታንኮ ዬይንዶ̈ን ኢ ዳባ̇ን ኢያ ኣማ̇ናካ̇ይ ኣቲ̇ዴ።

ዋ̈ኒ̇ሳ 1:18

ጾ̈ሳ̇̇ ቤቂ̇ኖ ኣሲ ዉርሲ ኦ̈ናካር ባዬ̇፤ ዎቲናካሬ ጾ̈ሳ̇̇ ባ̈ባ̈ ላፍ ዎ ኢ ናኣ ፔታ̇ና፥ ኢ ፌ̈ቆማ̇ብ ጾ̈ሳ̇̇ዲ፥ ኣሳብ ኢባዝ ኤርሲኖ̈ዲ ኢያ።

ዋ̈ኒ̇ሳ 1:3

ጾ̈ሲ̇ ዎይ ባዝ ኮቺ̇ኖንዳር ፌ ቃ̈ላ ጎይባራ፤ ኮቺ̇ንቲ̇ኖ ባዛን ዎይን ጋርታ̇ ኢ ኮቻ̇ካ̇ዮ ባዚ ኣባካር ባዬ።

ዋ̈ኒ̇ሳ 1:5

ፎኢን ማ̇ ጋርታ̇ ፎኢ̈ሬ፤ ሚ̇ንዳ ፎኢንን ጋማካ̇ዬ።

ዋ̈ኒ̇ሳ 17:25

“ቴ ባ̈ባ ጺላ̇̈ዶ! ዓኒ̇ ኣላሚን ጋልዳ ዎ ኣሳን ኔ̈ና ኤራካ̇ይ ኣቲ̇ናካር ቴ ኔ̈ና ኤራ̈ሬ፤ ኣስ ዪንሬ ኔ ታ̈ና ኪ̈ታ̇ ሚሺኖን ኢንቲ̇ ኤሪ̈ሬ።

ዋ̈ኒ̇ሳ 5:17

ዬሱ̈ሳር ኢንታኮ “ቴ ባ̈ባ̈ዲ ዓኖ̇ ዬሊ̇ዝ ዲራ̈ስ ኦ̈ ሙታ̇ ዎ ማ ታ̈ናር ኦ̈ሬ” ጋ̈ር ማሂዴ።

ሃዋ̈ራታን ኦ̈ሳ 14:17

ዪ̈ፌን ማ̈ቂ̇ኔካሬ ኢ ፌ̈ና ማርኪ ቤይ ኣሻካ̇ዬ። ኢ ዎዛርፌ̈ን ኮሽ ጾ̈ስ ማ̈ቂ̇ኖን ኤሪሳንዳ̇ቦ ኣፋፖ̇ ዪንታ̇ብ ኢር ኬርሲዴ፤ ካ ካጺ̇ዝ ኬል̇ ዪንታ̇ብ ኢሚ̇ዴ፤ ማ ሙይዝ ባዝ ዪንታ̇ብ ዎይሊሳሪ ዪንታ̇ ኡፋይሲ̇ዴ” ጌይዴ።

1 ቆሮ 1:21

ኣሲ ፌ ኤራባር ጾ̈ሳ̇ ኤራንዳብ ዳንዳኣካይፌ̈ኒ ጾ̈ሲ ፌ ኤራባር ዎቲዴ። ዎቲናካሬ ኣሲ ቦ̈ዛ ባዝፌ̈ን ፋይዲኖ ኑ ሳባ̇ኪኖ ቃ̈ሊምባ̇ራ ኣማ̇ኒዝ ኣሳን ፋንዳቦ ጾ̈ሲ̇ ዶሲዴ።

1 ቆሮ 2:8

ዓኒ̇ ኣላሚን ላ̈̇ን ጋርታ̇ፖ ዓና̇ ጾ̈ሳ̇̇ ኤሪን ኤሪኖ ኦ̈ናካር ባዬ̇፤ ኢንቲ̇ ዎን ዪኖ̇ ኤሪኖኮ ቦንቺንቲ̇ኖ ጎዳ ሶቲ̇ባ̈ስዶ̈ን።

1 ቆሮ 8:6

ኑ ጾ̈ሳ̇̇̈ዲ ዎይ ባዝ ኮ̈ቺ̇ኖ ኢያ ማ̈ቂ̇ኖንዲኬ ኑ̈ናር ኢዬይ ማ̈ቂ̇ኖ ፔታ̇ና ጾ̈ሳ̇̇፥ ባ̈ባ̈ ኢ ሙ̈ታ̇፤ ማ ዎይ ባዝ ኮ̈ቺ̇ኖ̈ዲኬ ኑ̈ናር ሼምፓባር ጋዲ̇ኖ ፔታ̇ና ጎዳ ዬሱ̈ስ ክርስቶ̈ሳ ሙ̈ታ̇።

ቆላ̈ሳ̈ሳ 1:16

ዎይ ባዝ ኮቺ̇ኖ̈ ኢያ። ኣፋር ማ̈ቂ̇ን ሳ̈ዳ̇ር ዎን፥ ቤቂ̇ን ቤንቲ̇ዛንሬ ቤንቲ̇ባ̈ሶንሬ፥ ኣፋ ዎ ጴች ዎልቃባሮንኬ ጋዣን፥ ላ̈ንኬ ሲልጣ̈ናባሮን ዎይ ጾ̈ሲ ኢባር ማ̈ቃ̇ር ኢ̈ብ ኮቺ̇ኔ።

ኢብ 11:3

ኣላሚንዳ ጾ̈ሳ̇ ቃ̈ላባራ ኮቺንቲ̇ኖን ኑ ኤራዚንዳ ኣማ̇ናባራ፤ ዪ̈ኮታ̇ቦ ኣ̈ፍባር ቤንቲ̇ዝ ባዚ ዎይ ኣ̈ፍባር ቤንቲ̇ባ̈ሶ ባዝ ጋልዳፖ ኮቺንቲ̇ኖን ኑ ኤሪ̈ሬ።

1 ዋ̈ኒ̇ 3:1

ኑ̈ኒ ጾ̈ሳ̇ ናኤ ጌይንቲ ጼ̈ይጊንታም̈ኒ ጾ̈ሳ̇ ኑ̈ና ዎዛ̈ርፌ̈ን ካኖኮ ቤቂ̇ብቴ! ኪንባራ ኑ̈ኒ ጾ̈ሳ̇ ናኣን። ኣላሚን ዓና̇ ኑ̈ና ኤራባሶንዳ ኢዛ ጾ̈ሳ̇ ኤራካ̇ዮኮታ̇ቦ።