ዋ̈ኒ̇ሳ 1:1 - ኦራ ጫ̈ቃ ማጻ̈ፋ

¹ ባዝ ዎይ ኮቺ̇ንታ̇ናፖ̇ ቲ̈ን ቃ̈ላ ዎ፤ ቃ̈ላ̈ዳሬ ጾ̈ሳ̇̇ባራ ዎልኣ ዎ፤ ቃ̈ላ ዪ̈ዲ ጾ̈ሴ̇።

ዋ̈ኒ̇ሳ 1:1 ပူးပေါင်းရင်းမြစ်များ

ሉቃ̈ሳ 24:53

ጾ̈ሳ̇̇ ጋላቲሙታ̇ ዎይ ጋላስ ጾ̈ሳ̇̇ ኬ̈ ጋርታ̇ ቲንእ ጋ̈ካ̇ይ ዶኢዴ።

ዋ̈ኒ̇ሳ 1:14

ቃ̈ላ̈ዳር ኣስ ማ̈ቃ̇ር ኑ ጊዳ̇ ዶኢዴ፤ ኑ̈ናሬ ኣንጃኬ ኪንቲ ኩማሪ ፌ ባ̈ባፖ̇ ዬይኖ ፔቲ̇ ናኣ ኢ ቦንቺ̇ን ኑ ቤቂ̇ዴ።

ዋ̈ኒ̇ሳ 1:18

ጾ̈ሳ̇̇ ቤቂ̇ኖ ኣሲ ዉርሲ ኦ̈ናካር ባዬ̇፤ ዎቲናካሬ ጾ̈ሳ̇̇ ባ̈ባ̈ ላፍ ዎ ኢ ናኣ ፔታ̇ና፥ ኢ ፌ̈ቆማ̇ብ ጾ̈ሳ̇̇ዲ፥ ኣሳብ ኢባዝ ኤርሲኖ̈ዲ ኢያ።

ዋ̈ኒ̇ሳ 1:2

ቃ̈ላ̈ዳር ቲናፖ̇ ጾ̈ሳ̇̇ባር ዎ።

ዋ̈ኒ̇ሳ 16:28

ታ̈ኒ ቴ ባ̈ባ̈ ቲ̈ናፖ̇ ዓና̇ ኣላሚን ጋልዳ̇ ዬይኔ። ዓት ዓና̇ ኣላሚን ኣሻ̇ራ ማ̈ቃ̇ ቴ ባ̈ባ̈ኮ ሉካ̇̈ሬ” ጌይዴ።

ዋ̈ኒ̇ሳ 17:5

ቴ ባ̈ባ̈ዶ! ሳ̈ዝ ኤ̈ሺ̇ን ኮቺ̇ንታካ̇ይዶ̈ን ታ̈ብ ኔ ቲ̈ን ዎ ቦንቺ̇ንዲፌ̈ኒ ዓት ኔ ታ̈ና ኢዝፌ̈ን ኔ ቲ̈ን ቦንቻ̇ቤ።

ዋ̈ኒ̇ሳ 20:28

ቶ̈ማ̈ሳሬ ኢ̈ኮ “ቴ ጎዳ̈ዶ! ቴ ጾ̈ሳ̇̇̈ዶ!” ጌይዴ።

ዋ̈ኒ̇ሳ 8:58

ዬሱ̈ሳር ኢንታኮ “ቴ ዪንታ̇ክ ኪን ጋ̈ሬ፥ ኣብራሃ̈ሚ ዬሊንታ̇ናፖ̇ ቲ̈ን ታ ታ̈ና” ጌይዴ።

ሮሜ 9:5

ኢንቲ̇ ሚኖ ኢስሬ̈ላንቦ ባ̈ቢንታ̇ ማ̈ቂ̇ኖን ጋልዳፖ ዬሊንቲ̇ኔ፤ ክርስቶ̈ሳር ኢንታ̇ ዜር ጋርታ̇ፖ ዬሊንቲ̇ኔ፤ ኢ ዎይፖ ሾክ ጌይኖ̈ዳ፤ ማ ኢ ሜናብ ኣንጂንቲ̇ኖ ጾ̈ሴ̇። ኣሚንኤ!

ኤፍ 3:9

ዎይ ባዝ ኮቺ̇ኖ ጾ̈ሳ̇̇̈ዲ ዚቃንታ ኣ̈ኖ ላይ ጋርታ ኢ ኣቻ̇ር ጋዲ̇ኖ ሚስጢ̇ሪን ኦ̈ሲን ኣብዝኮ ታ̈ኒ ዎይ̈ቦ ቤይሳምፔ̈ን ታ̈ብ ኢሚ̇ኔ።

ፊል 2:6

ዬሱ̈ስ ክርስቶ̈ሲ ኢ ፌ ቆሚ̇ን ጾ̈ስዶሪ፥ ዪኖ̇ ኢ ጾ̈ሳ̇ባራ ዎልፌ̈ን ዎንዶ “ታ̈ኒ ኣሻ̇ንዳብ ኮሻ̇ባሴ” ጋ̈ሪ ቆፓካዬ።

ቆላ̈ሳ̈ሳ 1:15

ኣስ ኣፍባራ ቤንቲ̇ባ̈ሶ ጾ̈ሳ̇̇̈ዲ ኣ ማይጺ̈ርኮ ኤርሲኖ̈ዲ ክርስቶ̈ሳ። ኢ ኮቺንቲ̇ኖ ባዝ ዎይፖ ጴቻ̇ዳኬ ኡሳ̇̈ዳ።

ቆላ̈ሳ̈ሳ 1:17

ኢ ዎይ ባ̈ዛ̈ፖ ቲ̈ን ዎ፤ ኮ̈ቺንቲ ዎይ ዎልዎልኣ ኤ̈ር ዎል ፔታ̇ን ኦ̈ምፔ̈ኒ ማ̈ቂ̇ኖ̈ዲ ኢ ጎይባራ።

1 ጢማ̈ 3:16

ኑ ኣማ̇ኒን ኪንንዳ ጴች ማ̈ቂ̇ኖንዶ ኦ̈ናካር ካ̈ዳንዳብ ዳንዳኢባ̈ሴ ዪዳሬ ጾ̈ሲ፦ “ኣስ ማ̈ቃ̇ር ቤንቲ̇ዴ፥ ኪን ማ̈ቂ̇ኖ ኣያ̇ናባር ኤሪንቲ̇ዴ፥ ኪ̈ታንቻ̇ንቦ ቤንቲ̇ዴ፥ ዎርዣ ዎይቦ ሳባ̇ኪንቲ̇ዴ፥ ኣላሚን ጋልዳ ዎ ኣሳን ኢያ ኣማ̇ኒዴ፥ ቦንችባራ ኣፋ ሉኪ̇ዴ” ጋ̈ዚንዶ።

ቲ̈ታ̇ 2:13

ዪዚ ዪኒ̇ ጎይባራ ኣንጂንቲ̇ኖ ኑ ታስፋ ኢያሬ ኑ̈ና ፋዛ ጴቻ ኑ ጾ̈ሳ̇ ዬሱ̈ስ ክሪስቶ̈ሲ ፌ ቦ̈ንችባራ ማ̈ቂ̇ ዬ̈ዚን ኑ ና̈ጊሬ።

ኢብ 13:8

ዬ̈ሱ̈ስ ክርስቶ̈ሲ ዚና̈ባር ዓታ̇̈ባር ሜናባሬ ኢ ኢያ፤ ላ̈ሚንቲ̇ባ̈ሴ።

ኢብ 7:3

ማልካጻ̈ዲቂ ኢ̈ብ ኤሪንቲ̇ኖ ባ̈ባ ዎይ ኢንዶ ዎይ ዜር ባዬ፤ ኢ ዬሊንቲ̇ኖንዳሬ ዓይቂ̇ኖንዳሬ ኣ̈ንታ̇ኮ ኤሪንቲ̇ዝ ባዚ ባዬ፤ ዪ ማልካጻ̈ዲቂ ጾ̈ሳ̇ ናኣ ዬሱ̈ሳ ሚሳ̇̈ሊ ማ̈ቃ̇ሪ ሜናቦ ቄ̈ሳ̈ ማ̈ቃ̇ር ዶኢ̈ሬ።

2 ጴጥ 1:1

ኑ ጾ̈ሳ̇ፔኬ ኑ̈ና ፋዛ ዬሱ̈ስ ክርስቶ̈ሳ ጋልዳፖ ቤንቲ̇ዝ ጺሊ̇ቲ ጎይባራ ኑ̈ኮንዲፌ̈ኒ ቦንቺ̇ንቲኖ ኣማ̇ና ዲጚኖንቦ፥ ዬሱ̈ስ ክርስቶ̈ሳቦ ኣይላኬ ሃዋ̈ራኬ ማ̈ቂ̇ኖ ቴ ሲሞ̈ን ጴ̈ጥሮ̈ሲ ዓና̇ ዪንታ̇ብ ጻ̈ፊኔ።

1 ዋ̈ኒ̇ 5:20

ጾ̈ሳ̇ ናኣ ዬይኖንዶ፥ ኑ̈ናር ኪን ጾ̈ሳ̇ ኤራምፔ̈ን ኮሽ ቆፒ ቢርንዝ ቡ̈ዳ ኑ̈ብ ኢሚ̇ኖንዶ ኑ̈ኒ ኤሪሬ፤ ናኣ ዬሱ̈ስ ክርስ̇ቶሳ ጎይባራ ኑ̈ኒ ኪን ጾ̈ሳ̇ባራ ፔቲቲ ኑ̈ብ ዎ። ዬሱ̈ስ ክርስቶ̈ሲ ኪን ጾ̈ስኬ ሜናብ ሼምፓባር ዶኢ ኢሚ̇ዛ̈ዳ።

1 ዋ̈ኒ̇ 5:7

ዓይዚ̇̈ ማርካን ዎ።

ሳጻ 1:11

ዪና̇ ጊርሲን ታ̈ኮ፤ “ኔ̈ኒ ቤቃ̇ዚንዶ ማጻ̈ፋ ጋልዳ ጻ̈ፋራ ኤፍሶ̈ና፣ ሴርሜኔሳ፣ ጴርጋሞ̈ና፣ ታጥሮ̈ና፣ ሴርዴ̈ሳ፣ ፊላ̈ዴልፋኬ ሎዶ̈ቃ ዪን ታብዛ ዎ̈ሳ ኬ̈ን ጋርታ ሚሻቤ” ጌይዴ።

ሳጻ 1:17

ቴ ኢያ ቤቃ̇ራ ዓይቂ̇ኖ ኣስፌ̈ን ማ̈ቃ̇ራ ኢ ቶሂን ጻና ኬዳ̇ዴ፤ ኢያር ፌ ኡሻቻ̇ ኩሺን ታ ጋልዳ ጋዳ̇ሪ ታ̈ኮ ዪዝ ጌይዴ “ኢ̈ጫፔ፤ ቲ̈ኖ̈ዳሬ ጋሶ̈ዳሬ ታ̈ና፤

ሳጻ 1:2

ዋ̈ኒ̇ሳሬ ጾ̈ሳ̇̈ ቃ̈ሊን ጎይ፥ ዬ̈ሱ̈ስ ክርስቶ̈ሲ ቤይሲኖ ኪን ባዚን ጎይኬ ማ ፌ ቤቂ̇ኖ ባዛን ዎይ ማርኪቲዴ።

ሳጻ 1:8

ሚናፖ ዎ፥ ዓታ̇ር ዎ፥ ጊዳክ ዬይዛ ዎይን ዳንዳ̇ኢዛ ጎዳ ጾ̈ሳ̇̈ዲ “ኣልፋሬ ኦሜ̈ጋር ታ̈ና!” ጌይሬ።

ሳጻ 19:13

ኢ ሱ̈ ጋርታ ሚሺ ኬሲ̇ኖ ኣፊላ ማኢኔ፤ ኢ ሱ̈ምዳሬ “ጾ̈ሳ̇̈̇ ቃላ” ጌዪንቲ̇̈ሬ።

ሳጻ 2:8

ሴምሪኔ̈ሳ ዎ̈ሳ ኬ̈ ኪ̈ታንቻ̇̈ቦ ዪዝ ጋ̈ር ጻ̈ፋቤ፦ ቲ̈ኖዳሬ ዉርሲዳ̇ር ኢያ ማ̈ቂ̇ኖ፥ ዓይቃ̇ሪ ማ ዓይቃ ጋርታ̇ፖ ዲንዳር ሼምፓባር ዎዲ ሶ̈ሊኖ ሶ̈ላ፤

ሳጻ 21:6

ዪኒፖ ዓኒ ታ̈ኮ “ፎቲንቲ̇ዴ! ኣልፋሬ ኦሜ̈ጋሬ፥ ቲ̈ኖዳሬ ጋሶ̈ዳሬ ታ̈ና፤ ባርሲንቲኖ̈ቦ ሼምፓ ኢሚ̇ዝ ዋ̈ ዶቃ ጋርታ̇ፖ ኣባካር ጪጋካ̇ይዶን ቴ ሜላ̇ ኢማ̇ንዳ።

ሳጻ 22:13

ኣልፋኬ ኦሜ̈ጋኬ፤ ቲ̈ኖ̈ዳኬ ጋሶ̈ዳክ፥ ኤ̈ዲኬ ዉርሲዳሬ ታ̈ና።

ሳጻ 3:14

ሎ̈ዶቃ ዎ̈ሳ ኬ̈ን ኪታንቻ̇̈ቦ ዪዝ ጋ̈ር ጻ̈ፋቤ፦ “ኣሚንኤ ማ̈ቂ̇ኖ፥ ኪንኬ ኣማ̇ኒንቲኖ ማርካ̇፥ ጾ̈ሲ̈ ኮቺ̇ኖ ባዝ ዎይቦ ላ̈ ማ̈ቂ̇ኖ ሶ̈ሊኖ ሶ̈ላ፦