ዓይ 1:3 - ኦራ ጫ̈ቃ ማጻ̈ፋ

³ ኣባ ጌዬ̈ጌይንዶ ባዛን ዪን ዪንታ̇ ኣማ̇ኒ̇ን ፋ̈ጪ̇ ቤቃ̇ዚንዳ ዳንዳኣ ዪንታ̇ብ ዶኣምፔ̈ን ዎታዚን ዪንቲ̇ ኤሪ̈ሬ።

ዓይ 1:3 ပူးပေါင်းရင်းမြစ်များ

ሉቃ̈ሳ 21:19

ዪንቲ̇ ሚ̈ጚ ኤቄ̇ጌይን ዪንታ̇ ሼምፒ̇ን ቡ̈ታ̇̈ሬ።

ሮሜ 15:4

ጌ̈ሻ̇ ማጻ̈ፋን ጋልዳ ጻ̈ፊንቲ̇ኖ ባዛን ኑ̈ብ ቲሚር̇ታ ማ̈ቃምፔ̈ኒ ጻ̈ፊንቲ̇ኔ። ጻ̈ፊንቲ̇ኖ ባዛን ዪን ኑ̈ና ጋርዢዝ ኣስኬ ሚ̈ጚዝ ኣስ ዎቲዛኮታ̇ቦ ኑ̈ኒ ታስፋባራ ና̈ጋንዳብ ዳንዳኢ̈ሬ።

ሮሜ 2:7

ኮሽ̇ ኦሳ̇ ሚ̈ጛር ኦ̈ሙታ̇ ቦንችኬ ዪባ̈ሶ ሼምፓ ዲጛንዳቦ ኮዪዛንቦ ጾ̈ሳ̇̇̈ዲ ሜናብ ሼምፓባር ዶኢ ኢሚ̇̈ሬ።

ሮሜ 8:25

ኑ̈ብ ኣፍባር ቤንታ̇ንዳብ ዳንዳኢባ̈ሶ ባዝ ጋልዳ ታስፋ ጋዴ̇ጌይንዶ ኑ ኢዞ ጋርዣር ናጊ̈ሬ።

ሮሜ 8:28

ጾ̈ሳ̇̇̈ ካዛንብኬ ኢ ቆፊንዲፌ̈ን ጼይጊንቲ̇ኖ ኣሳንቦ ጾ̈ሳ̇̇̈ዲ ዎይ ባዝ ኢንታ̇ብ ኮሻ̇ብ ኦ̈ዚን ኑ ኤሪ̈ሬ።

2 ቆሮ 4:17

ዓት ኑ̈ና ዋ̈ዪዝ ጊላ̇ ጊዛብ ሙታ̇ ጋምኣዝ ሜቲን ጊሊ̇ን ዓና ዎይሊን ጴች ማ̈ቂ̇ኖ ሜናብ ዶኢዝ ቦንች ኑ̈ብ ቤይሳ̈ሬ።

ቆላ̈ሳ̈ሳ 1:11

ጾ̈ሲ ፌ ዎልቃ ጴቻ̇̈ባራ ዪንታ̇ ሚ̈ንንፔ̈ኒ፣ ዪንታ̇ሬ ዪንታ̇ ዬሊ̇ዝ ባዝ ዎይ ኡፋይስባራ ዳ̈ንዳኣንፔ̈ንኬ ሚ̈ጛንዳብ ጊ̈ጊንቲ̇ኖ ኣስ ማ̈ቃ̇ምፔ̈ኒ፣

2 ታሳ 1:4

ዪ̈ኮታ̇ቦ ዎይሊን ሜታ ዪንታ̇ ዬሊ̇ናካሬ ዪንቲ̇ ኢዝ ጊዳ̇ ጋርታ ዎዛርፌ̈ን ጋርዢ ዪንታ̇ ኣማ̇ኒንባር ሚ̈ጚኖንዶ ዎ̈ሳ ኬ̈ንቦ ኑ ዪንታ̇ባዝ ሶ̈ሊሙታ ዪንታ̇ባር ኬርፊ̈ሬ።

2 ታሳ 3:5

ጎዳ ዪንታ̇ ቡ̈ዲን ፌ ካንንኮኬ ክርስቶ̈ሳ ዳንዳኢንኮ ማሆጋ̈ቤ።

ኢብ 10:36

ዪንቲ̇ ጾ̈ሳ̇ ኮያዝ ባዚን ኦ̈ሪ ኢ ዪንታ̇ብ ኢማ̇ንዳብ ቃ̈ላ ጌሊኖ ባዚን ዲጛንዳብ ጋርዣር ና̈ጋንዳብ ኮሺ̇̈ሬ።

ኢብ 12:1

ዪዚ ዪንፌ̈ኖ ዎይሊን ማርካን ሻ̈ራፌ̈ን ኑ ቡጊዲምባር ዎኮታ̇ቦ ኑ̈ብ ቶ̈ፊፌ̈ን ማ̈ቂ̇ኖ ባዛን ዎይ፥ ኑ ጋልዳ ኑ̈ና ባቂ̇ ኤ̈ኖ ናጋሪን ፋይሪ ኑ ቲ̈ን ዎን ዎን ሚ̈ጛር ዎጺ̇ስቶ።

ኢብ 6:12

ኑ ኢኒ̇ታዚንዳሬ ኣማ̇ናባርኬ ጋርዢ ሚ̈ጛር ኢንታ̇ብ ታስፋ ኢሚ̇ኖ ባዚን ኤኪ̇ዝ ኣሳን ማይጻምፔ̈ንዶኬ ቦ̈ዛ ማ̈ቃ̇ምፔ̈ን ጊዳካ̇ዬ።

1 ጴጥ 1:7

ዪኒ̇ፌ̈ኖ ፋታና ዪንታ̇ ዬላ̇ዚንዳ ዪንታ̇ ኣማ̇ኒን ኪን ማ̈ቂ̇ኖን ኤራንዳቦ፤ ሜላ ኣቲ̇ን ዪዝ ዎርቆ ዎርቃ ማ̈ቂ̇ኖን ኤሪንታ̇ዚንዳ ታማባር ባያ̇? ዎርቃ̇ፖ ሺዝ ዪንታ̇ ኣማ̇ኒንዳ ዪና̇ ኢዝፌ̈ኒ ፋታ̇ኒንታ̇ንዳብ ኮሻ̇̈ሬ፤ ዪና̇ ፋታ̇ኒንቲ̇ኖ ዪንታ̇ ኣማ̇ኒንኮታ̇ ዬሱ̈ስ ክርስቶ̈ሲ ዬይዝ ጋላስ ዪንቲ̇ ኣንጃኬ ቦ̈ንችኬ ዲጚ̈ሬ።

2 ጴጥ 1:6

ኤሪን ጋልዳ ፌ̈ና ኢ̈ታ ባዝ ጋልዳፖ ና̈ጊ፣ ማ ኢዝ ጋልዳ ዳ̈ንዳኣ፣ ዳንዳኢን ጋ̈ልዳ ጾ̈ሳ̇̇̈ቦ ጎሽቲ፣