ኢብ 2:2 - ኦራ ጫ̈ቃ ማጻ̈ፋ

² ኪ̈ታንቻ̈ ጎይባራ ሶ̈ሊንቲ̈ኖ ቃላ̈ ኪን ማ̈ቂኖኮ፤ ማ ዪና ቃ̈ሊን ሌቂ̇ ኢዝቦ ኪ̈ቲንቲ̇ባ̈ሶ ኣሲ ኢ̈ብ ኮሻ̇ዝ ቂጣ̈ቲን ኤኪ̇̈ርኮ፥

ኢብ 2:2 ပူးပေါင်းရင်းမြစ်များ

ሃዋ̈ራታን ኦ̈ሳ 7:53

ጾ̈ሳ̇̇ ሂጊ̇ን ዪንታ̇̇ብ ጾ̈ሳ̇̇ ኪታ̇ንቻ ጎይባራ ኢሚንቲ̇ንዶ̈ን ዪንቲ̇ ኢዞ ና̈ጋካ̇ይ ኣቲ̇ዴ” ጌይዴ።

ጋላ̈ታ 3:19

ዓት ዪዶኮ ሂጎ̇ ኣብዛብ ኬስኪ̇ና? ሂጎ̇ ዎሃ ኬስኪ̇ኖንዳ̇፥ ኢታ ኦ̈ሳ ጌይዛን ዎንኮ ኤርሳንዳቦ። ዪና̇ ሂጊ̇ን ማ̈ዲ̇ኖንዳ̇ ጾ̈ሲ ኣብራሃ̈ማብ ዎሃ ኢማ̇ንዳ ጌይኖ ዜር ዬይዝ ዲራሴ። ሂጎ̇ ጾ̈ሳ̇̇ብኬ ኣሳብኬ ጊዳ̇ ጌላሪ ኢንታ̇ ዎል ዬልዛ ሙ̈ሳቦ ጾ̈ሳ̇̇ ኪ̈ታንቻ̇ን ጎይባራ ኢሚ̇ንታ̇ሪ ኦ̈ሳ ጋልዳ ፌ̈ሽኪ̇ኔ።

ኢብ 10:28

ሙ̈ሳ ሂጊ̇ምቦ ኪ̈ቲንቲ̇ባ̈ሶ ኣስ ጋልዳ ናምኢ ዎይ ዓይዚ̇ ኣሲ ማርኪቴጌይን ዪ ና̈ሳ̈ዲ ማ̈ሪቲ ቤይ ዓይቂ̇̈ርዶን፥

ዪሁ 1:5

ባ̈ዛን ዪን ዎይ ዪንቲ ዓኒ̇ፖ ቲ̇ን ታማ̈ራሪ ኤሪኖ ማ̈ቂ̇ናካሬ ጾ̈ሳ̇ ፌ ዎርዣ ጊብጻ ጋዳ ዎን ጋርታፖ̇ ኬሳ̇ሪ ማ ኢንታ̇ ጋርታ̇ፖ ኢባር ኣማ̇ኒንታካ̇ይ ኣቲኖን ይሲ̇ኖንዶ ዪንታ ቆፊሳንዳብ ኮያ̈ሬ።

ኢብ 11:26

ጊዳክ ፌ ኤካ̇ዝ ጋቲን ቤቂ̇ኖኮታቦ ጊብጻ ጋዶ̇ ቆሊንምፖ ሺ ክርስቶ̈ሳ ጊሻ̇ቦ ጋ̈ሪ ሌቂንታ̇ዚንዳ ሺ ማ̈ቂ̇ኖን ቆፒ̇ዴ።

ኢብ 10:35

ዪዚ ዪንታ̇ብ ጴች ሺልማ̈ታ ኤሄ̈ዚንኮታ̇ብ ዪንቲ̇ ኢ̈ችቤይ ዶኣዚን ኣሻፒ̇ቴ።

ኢብ 11:6

ኣማ̇ና ባዪዶን ጾ̈ሳ̇ ኡፋይሳ̇ንዳብ ዳንዳኢንቲ̇ባ̈ሴ፤ ጾ̈ሳ̇ክ ሺ̈ቂዝ ኣሲ ጾ̈ሲ ዎንዴኬ ማ ኢያ ቡ̈ዳ ጋርታ̇ፖ ኮዪዝ ኣሳንቦ ኢንታ̇ ጋቲን ኢንታ̇ብ ኢሚ̇ዛ ማ̈ቂኖን ኣማ̇ናንዳብ ኮሺ̇̈ሬ።

ኢብ 1:1

ጾ̈ ሚኖ ኬል̇ባራ ዱማ ዱማ ጎይባራ ናባን ኖ̈ናባር ባ̈ቢንታንቦ ዎይሊን ጎይ ሶ̈ሊኔ።

ኢብ 12:25

ዪንታ̇ብ ሶ̈ሊዝ ጾ̈ሳ̇ ዪንቲ̇ ሲስኪባዳ̈ ጋካዮዲፌ̈ኒ ና̈ጊንቲ̇ብቴ፤ ዪን ጾ̈ሳ̇̈ዲ ኣሳ ጎይባራ ሳ̈ዳ̇ፖ ሶ̈ላምባ̇ራ ሲስካ̇ብዳ ጌይኖን ቡ̈ታካ̇ይ ኣቴ̇ጌይን፥ ኑ̈ኒ ኣፋፖ ኑ̈ብ ሶ̈ሊንታ̇ዚን ሲስካካ̇ይ ኣቴ̇ጌይንዶ ኑ ዎዛ̈ርታር ቡ̈ቲ̇ራ!

2 ጴጥ 1:19

ባዝ ዪን ዎይ ናባን ኑ̈ብ ሶ̈ሊኖ ባዛን ኪን ማ̈ቂ̇ኖን ኤርሲ̈ሬ፤ ዪ̈ኮታ̇ቦ ዪንቲ̇ ም ቤስ̇ ጋርታ ጋዲ̇ኖ ፎኢንን ያካ̇ዮ̈ዲፌ̈ን ና̈ጋዚንዲፌ̈ኒ ናባን ሶ̈ሊኖ ባዚን ዪና̇ ኢዝፌ̈ኒ ኮሺንቻክ ና̈ጊብቴ̇፤ ዪንቲ̇ ዪኖ̇ ዎታዚንዳ ጋማ ዳርኢዝ ዲራስኬ ሳ̈ዚ ዎንታ̇ንዳቦ ዎታዚምባራ ቤ̈ንታ̇ዝ ቤ̈ርሲ̇ን ዪንታ̇ ቡ̈ዲን ጋርታ ቤንቲ̇ዝ ዲራሴ።