ኤፍ 6:9 - ኦራ ጫ̈ቃ ማጻ̈ፋ

⁹ ላ̈ንታን! ዪንታ̇ ኣይላን ኢ̈ሺቻ̇ዚን ኣሻ̇ሪ ኢንታ̇ቦ ኮሽ̇ ኦ̈ብቴ። ኣሳ ኣ̈ፋብ ዬልቃ̇ር ፊርዲባ̈ሶ ዪንታ̇ባሬ ኢንታ̇ባሬ ፔቲ̇ ጎዲ ኣፋ̇ዎን ቆፒ̇ብቴ።

ኤፍ 6:9 ပူးပေါင်းရင်းမြစ်များ

ማ̈ቶ̈ሳ 22:10

ኢ ኣሽካራንሬ ጎይም ጋልዳ̇ ሉካ̇ሪ ኢ̈ታር ኮሻ̇ር ማ̈ቂ̇ን ፌ̈ብ ቤንቲ̇ኖ ኣስ ጌይዛ ዎይ ሺ̈ሺ̇ን ኢሳ̇ ኬ̈ምባር ኩሚዴ።

ማ̈ቶ̈ሳ 22:8

ኢ ዪኒ̇ፖ ዎሃ ፌ ኣሽካራንኮ ‘ዓዲሼ ኢሳ̇ ባዚ ዎይ ዬርጊ̇ንቲ ዉሪኔ፤ ጼይጊንቲ̇ኖ ኣሳን ኢሲ̇ን ጋርታ̇ ዬ̈ንዳቦ ቤይሲኖ ኣስ ማ̈ቂ̇ ቤንታ̇ካ̇ዬ።

ማ̈ቶ̈ሳ 24:48

ኣሽካራ ኢ̈ትኮ ‘ቴ ላ̈ ዓት ዬ̈ባሴ ጋሚኢ̈ሬ’ ጌዪ ቆፓ̇ሪ፥

ማ̈ቶ̈ሳ 24:51

ኢያ ቃጺ̇ ቃጻ̇ር ኣሺ̈ሬ፤ ኢ ዶኣዝ ቤሲ̇ንዳር ኣሳ ቲ̈ን ኮሽ ማይጻር ቤንታንዳብ ኮዪዝ ኢ̈ት ኣሳንባራ ማ̈ቃ̇̈ሬ ቤ̈ስ ኢና ኢ̈ብ ዬ̈ፊኬ ኣቺ̇ ሙንት ማ̈ቃ̇̈ሬ” ጌይዴ።

ማ̈ቶ̈ሳ 7:12

ዪዚ ኣሲ ዪንታ̇ብ ኦምፔን ዪንቲ̇ ኮዪዝ ባዛን ዪንታ̇ር ዪና̇ ኢዝፌ̈ን ኣሳንቦ ኦ̈ብቴ። ሙ̈ሳ ሂጋ̇ ማጻ̈ፋ ጋልዳ̇ሬ ማ ናባን ማጻ̈ፋ ጋልዳ̇ሬ ታማ̈ርሳዝ ሂጊ̇ን ዓና̇ ኢዞ” ጌይዴ።

ሉቃ̈ሳ 6:31

ኣሳን ዪንታ̇ብ ዎታምፔ̇ን ዪንቲ̇ ኮያዚንዲ̇ፌ̈ኒ ዪንታ̇ሬ ዪና̇ ኢዝፌ̈ን ኢንታ̇ብ ዎቲብቴ̇።

ዋ̈ኒ̇ሳ 13:13

“ዪንቲ̇ ታ̈ና ‘ኣስታማ̈ሪኬ ጎዴ’ ጌይሬ፤ ቴ ኣ̈ስታማ̈ሪክ ጎድኬ ማ̈ቂ̇ኖን ዪኖ̇ ዪንቲ̇ ጌይኖንዳ̇ ኪን።

ሃዋ̈ራታን ኦ̈ሳ 10:34

ጴ̈ጥሮ̈ሲ ሶ̈ሊ̈ርዶሪ “ጾ̈ሲ̇ ኦ̈ናካር ፔታ̇ና ዪርኪ̇ ፔታ̇ና̈ ሾክ̇ ዎታር ቤቂባ̈ሶን ኪን ቴ ዓት̇ ኤራዴ።

ሮሜ 2:11

ጾ̈ሲ ኣስ ጌይዛ ዎይ ዎልፌ̈ን ቤቂ̇̈ርዶኬ ኣሳ ኣ̈ፋብ ዬ̈ልቂ̇ ኤሪባ̈ሴ።

1 ቆሮ 1:2

ቆሮንቶ̈ሳ ካታማ ጋርታ ዎ ጾ̈ሳ̇̇ ዎ̈ሳ ኬ̈ንቦ፥ ዬሱ̈ስ ክርስቶ̈ሳባር ዎል ፔታ̇ን ማ̈ቃ̇ምፔ̈ኒ ጾ̈ሲ̇ ዪንታ̇ ቆሪ ኬሲ̇ኖንኬ ጺላ̇ ማ̈ቃምፔ̈ን ጼይጊኖንቦ፥ ማ ዪና̇ ኢዝፌ̈ን ዱማ ዱማ ቤሳ̇ ጋል̇ዳ ኢንታ̇ብኬ ኑ̈ቦ ጎድ ማ̈ቂ̇̈ኖ ኑ ጎዳ ዬሱ̈ስ ክሪስቶ̇̈ሳ ሱምን ጼይጊዛን ዎይንቦ፥

1 ቆሮ 7:22

ኣይላ ማ̈ቃር ዎዶሪ ጎዳ ኣማ̇ኒኖ ኣሲ ጎዳባራ ናጻ ኬስኪ̇ኔ፤ ማ ናጻ ዎዶሪ ጎዳ ኣማ̇ኒኖ ኣሲ ክርስቶ̈ሳ ኣይላ ማ̈ቂ̇̈ኔ።

ቆላ̈ሳ̈ሳ 3:25

ጾ̈ሳ̇ዲ ኪን ፊርዲዛኮታ̇ቦ ኢ̈ት ኦኖ ኣሲ ፌ ኢ̈ታ ኦ̈ሲንቦ ፌ̈ብ ኮሻ̇ዝ ቂጣ̈ቲን ኤኪ̇̈ሬ።

ቆላ̈ሳ̈ሳ 4:1

ላ̈ንታን! ዪንታ̇ባር ላ̈ ኣፋ ዎን ኤራ̈ሪ ዪንታ̇ ኣይላ̈ን ኮሽ̇ ቡ̈ዳባራ ኢንታ̇ ዎልፌ̈ን ቤቃ̇ር ኣቂሲብቴ።

ዓይ 2:13

ኣባ ጌይን ኣስ ማ̈ሪባ̈ሶ ኣሲ ኢ̈ብ ማ̈ሪቲ ቤዪ ኢ ጋልዳ ፋራ̇ዲንቲ̈ሬ፤ ኣስ ማ̈ሪዝ ኣሲ ፊርዳ ቃም̇ ኣባካር ኢ̈ጪ̇ባ̈ሴ።

ዓይ 2:8

ጾ̈ሳ̇̇ ቃ̈ላ ጋልዳ “ኔ ኔ̈ና ካዚንዲፌ̈ኒ ኔ ላጋ̇ ካቤ” ጋ̈ዚንዲፌ̈ኒ ጾ̈ሳ̇̇ ሂጊ̇ን ዪንቲ̇ ፎቴጌይን ኮሽ̇ ኦ̈ኔ።

ዓይ 5:4

ዪንቲ̇ ኮሺንቻ̇ር ሲስኪብቴ̇፥ ዪንታ̇ ጋዳ̇ ዛይዳ ዬ̈ሪ ቴይሲ̇ ፌ̈ሽኪ̇ኖ̈ ኣሳንቦ ጪጋካ̇ዮ ሚ̈ሺ̇ንዳ̇ ዪንታ̇ ጋልዳ ዉይሳ̈ሬ። ኦ̈ ፌ̈ሽኪኖ̈ ኣሳን ዬ̈ፊንዳሬ̈ ዎይ ዳንዳኢዝ ጾ̈ሳ̇̇ ዋይታ̇ ኣ̈̇ኔ።