6 ጾ̈ሳ̇ ኪ̈ቲን ፎቲ ዎልቃፖ ኦ̈ዝ ክርስቶ̈ሳ ኣይላንፌ̈ን ማ̈ቃር ኦ̈ብትዶኬ ዪንታ̇ ላ̈ን ዪንታ̇ ቤቃ̇ምፔ̈ንኬ ኢንታ̇ ጋልዳፖ ኣንጃ̇ ኤካ̇ንዳቦ ጋ̈ር ኦ̈ፒ̇ቴ።
ኣፋ ዎ ቴ ባ̈ባ ጌይኖን ኦ̈ዝ ኣሲ ዎይ ታ̈ቦ ኢና̇ኢ፣ ሚሾ፣ ኢንዶ̇” ጌይዴ።
“ኣፋ ዎ ቴ ባ̈ባ̈ ጋዝ ባዚን ኦ̈ዝ ኣሳንዶኬ ሜላ̇ ታ̈ና ጎዳ̈ዶ! ጎዳ̈ዶ! ጌይዝ ኣሲ ዎይ ጾ̈ሳ̇̇ ካ̈ቲቲ ጋርታ̇ ጌሊባ̈ሴ።
ጾ̈ሳ̇̇̈ቦ ኪ̈ቲንቲ̇ዛን ዎይ ኢንቲ ታ̈ቦ ኢና̇ኢ፣ ሚሾ፣ ኢንዶ” ጌይዴ።
ዪንቲ̇ ዓኒፖ̇ ቲ̈ን ናጋራብ ኣይላ፤ ዓት ዎቲናካሬ ዪንቲ̇ ዪንታ̇ብ ኢሚ̇ንቲ̇ኖ ቲሚርቲ̇ምቦ ቡ̈ዳ ጋርታፖ̇ ኪ̈ቲንቲ̇ኖኮታ̇ቦ ጾ̈ሳ̇̈̇ቦ ጋላታ ማ̈ቆ̇።
ኣይላ ማ̈ቃር ዎዶሪ ጎዳ ኣማ̇ኒኖ ኣሲ ጎዳባራ ናጻ ኬስኪ̇ኔ፤ ማ ናጻ ዎዶሪ ጎዳ ኣማ̇ኒኖ ኣሲ ክርስቶ̈ሳ ኣይላ ማ̈ቂ̇̈ኔ።
ዪዶኮ ዓት ታ̈ኒ ኮሼ̇ ጌዪንታ̇ንዳብ ኮያዚን ኣሳን ቲ̈ንቤ ዎይ ጾ̈ሳ̇ ቲ̈ና? ዎይ ታ̈ኒ ኣስ ኡፋይሳ̇ንዳብ ዋያ̈ራ? ታ ኣስ ኡፋይሳ̇ንዳብ ዋያ̈ርፌ̈ንኮ ክርስቶ̈ሳ ኣይላ ማ̈ቃ̇ንዳብ ዳንዳ̈ኣባሴ።
ዪ̈ኮታ̇ቦ ጎዳ̇ዲ ኮያዚን ኣብዚኮ ኢዞ ቆ̈ፓ̇ር ኤሪብቴዶኬ ቦ̈ዛ ኣስ ማ̈ቃፒ̇ቴ።
ቴ ላጋን! ዪንቲ ዎይ ጋላስ ኪ̈ቲንታዚንዲፌ̈ኒ፥ ቴ ዪንታ̇ባር ዎምባር ሙታ̇ ጊዳካ̇ይዶን ቴ ዓት ዪንታ̇ፖ ጎት ዎንባራር ማ̈ቂ̇ን ቲ̈ኖንፖ ሺ ጾ̈ሳ̇̇̈ብ ኢ̈ጪ̇ ጋንዲ̇ሙታ̇ ዪንታ̇ ፋቲን ፎቲ ማ̈ቃ̇ምፔ̈ን ዎቲብቴ።
ዪ̈ኮታ̇ቦ ኑ̈ናር ዪንታ̇ኮን ሲስኪ̇ኖ ቃማ̇ፖ ኤ̈ሪ ዪንታ̇ኮታ̇ቦ ዎ̈ሲ̇ሙታ̇ ጌ̈ሻ ኣያ̇ና ጋልዳፖ ኢሚ̇ንቲ̇ዝ ኤራኬ ኮሽ ቆፊ ዎይ ጾ̈ሲ ዪንታ̇ቦ ዎይሊሲን ዪንቲ̇ ኢ ቆፊን ኦ̈ምፔ̈ኒ ዪንታ̇ብ ጾ̈ሳ̇̇ ጌሻዚን ኑ̈ኒ ኣሻካ̇ዬ።
ዬሱ̈ስ ክርስቶ̈ሳብ ኣይላ ማ̈ቂ̇ኖ ዪንታ̇ ጋዶ̇ ና̈ሳ ኤጳ̈ፍራሬ ዪንታ̇ ሳሮ ጌይኔ። ዪንቲ ጾ̈ሳ̇̇ ጎይባራ ዲጫ̇ንፔ̈ንኬ ጾ̈ሳ̇̇ ቆፊን ዎይ ኦ̈ ፎታምፔ̈ኒ ዪንታ̇ ኮታ̇ ኢ ዎይ ጋላስ ዎ̈ሳባር ዳ̈ቡሪ̈ሬ።
ዎቲናካር ጾ̈ሲ ዎጛላ ኦ̈ሲንዶ ኑ̈ቦ ዓዳራባር ኢሚ̇ኖኮታ̇ቦ ሶ̈ሊ̈ሬ። ኑ ዪኖ̇ ዎታዚንዳ ኑ ቡ̈ዲን ቤቂ̇ዝ ጾ̈ሳ̇ ኡፋይሳ̇ንዳብ ጋ̈ሪዶኬ ኣስ ኡፋይሳ̇ንዳ̇ቦ ጋ̈ር ጊዳካ̇ዬ።
ጾ̈ሳ̇ ዪንታ̇ ጋልዳፖ̇ ኮያዚንዳ ዪንቲ ጌሺ̇ቲባር ዶኣምፔ̈ንኬ ኦሎላ ጋልዳፖ ጎታ̇ምፔ̈ኔ።
ዪንቲ̇ ጾ̈ሳ̇ ኮያዝ ባዚን ኦ̈ሪ ኢ ዪንታ̇ብ ኢማ̇ንዳብ ቃ̈ላ ጌሊኖ ባዚን ዲጛንዳብ ጋርዣር ና̈ጋንዳብ ኮሺ̇̈ሬ።
ዪንቲ ኢ ጌይኖን ኦ̈ዝ ኣስ ማ̈ቃ̇ምፔኒ ኮሽ ባዝ ዎይባራ ዪንታ̇ ሚ̈ንር ኤሶ̇ጋ̈ቤ፤ ዬሱ̈ስ ክርስቶ̈ሳ ጎይባራ ፌ̈ና ኡፋይሲዝ ባዝ ኑባር ማ̈ቃ̇ር ኦ̈ጋ̈ቤ፤ ዬሱ̈ስ ክርስቶ̈ሳቦ ሜናፖ ሜናቦ ቦንች ማ̈ቆ̇፤ ኣሚንኤ።
ዪንቲ ኮሽ ኦ̈ሙታ ዳሻንኮን ኤራ ጉ̈ጺኖ ሶ̈ሊን ዚምዶኢሳምፔ̈ኒ ጾ̈ሳ̇ ኮዪ̈ሬ።
ዪ̈ ና̈ሳ̈ዲ ዓኒ̇ፖ ጌዳ ፌ ዶኣዝ ላይን ጋርታ̇ ጾ̈ሳ̇ ኡፋይሳ̇ንዳብዶኬ ፌ ኢ̈ታ ኢኒ̇ን ኩምንዳብ ዶኢባ̈ሴ።
ኣላሚን̇ዲኬ ኣሲ ኢኒ̇ቲዝ ኢዝ ጋርታ ዎ ባዚ ዎይ ዪ̈ሬ፤ ዎቲናካር ጾ̈ሲ ጋ̈ዚን ፎቲዛ̈ዲ ሜናቦ ዶኢ̈ሬ።