32 ዪ̈ዲ ጴች ሚስጢ̇ራ፤ ቴ ዪኖ̇ ዪንታ̇ክ ጋ̈ዚንዳ ክርስቶ̈ሳኬ ዎ̈ሳ ኬ̈ ጎይ።
ኢሲ̇ንዳ ኢሳ̇ዳዬ፥ ቱሪን ና̈ሳዲ ኢሳ̇ ላፍ ኤቃ̇ሪ ኢ ሶ̈ላዚን ሲስኪ̇ሬ፤ ኢ ሶ̈ላምባር ሲስካ̇ሪ ዎይሊን ኡፋይቲ̇̈ሬ፤ ቴ ኡፋዪሲ̇ንዳር ዪና̇ ኢዚዶ̈ራ ዓት ፎቲንቲ̇ኔ።
ፔቲ̇ ዉዲሪንዳ ፔቲ ኣቲና̈ባር ሳ̈ ኤ̈ዚንዲፌ̈ኒ ታ̈ናር ዪንታ̇ ክርስቶ̈ሳብ ሳ̈ ኤይኖኮታ̇ቦ ዪንቲ̇ ሜላ̈ክ ሉኪ̈ሬ ጌያ ቂና̈ታ ቴ ጋርታ̇ ጌሊኔ።
“ዪ̈ኮታ̇ቦ ኣሲ ፌ ባ̈ባኬ ፌ ኢንዲ̇ኬ ኣሻ̈ሪ ፌ ማጪ̇ምባራ ዎልኣ ፔታ̇ን ማ̈ቂሬ፤ ኢንቲ̇ ዎልኣ ፔቲ̇ ኣይሽ ማ̈ቂ̇̈ሬ” ጋ̈ሪ ጻ̈ፊንቲ̇ኔ።
ዎቲናካሬ ዪንታ̇ር ማ̈ቂ̇ን ኣስና̈ዲ ፌ̈ና ካዚንዲፌ̈ኒ ፌ ማጪ̇ን ካጋ̈ቤ፤ ማጪ̇ንዳሬ ፌ ኣስና ቦንቻ̇ጋ̈ቤ።
ታ̈ኒ ዎጛላ ሚስጢ̇ሪን ኢ̈ጫካ̇ይዶር ሶ̈ላምፔ̈ንኬ ማ ቴ ሶ̈ላንዳብ ኮሻ̇ዝ ቃ̈ሊን ጾ̈ሲ ታ̈ብ ኢማ̇ምፔ̈ኒ ታ̈ባር ጾ̈ሳ̇ ዎ̈ሲ̇ብቴ።
ዪና̇ ቴ ዎታዚንዳ ኢንቲ̇ ኢንታ̇ ቡ̈ዲንባር ሚ̈ጛርኬ ካንባራ ዎል ፔታ̇ን ማ̈ቃ̇ሪ፤ ኩም ማ̈ቂ̇ኖ ኤራ ዱሪቲን ዲጛሪ፥ ጾ̈ሳ̇ ሚስጢ̇ራ ማ̈ቂ̇ኖ ክርስቶ̈ሳ ኤራምፔ̈ኒ ዋ̈ያ̈ሬ።
ኑ ኣማ̇ኒን ኪንንዳ ጴች ማ̈ቂ̇ኖንዶ ኦ̈ናካር ካ̈ዳንዳብ ዳንዳኢባ̈ሴ ዪዳሬ ጾ̈ሲ፦ “ኣስ ማ̈ቃ̇ር ቤንቲ̇ዴ፥ ኪን ማ̈ቂ̇ኖ ኣያ̇ናባር ኤሪንቲ̇ዴ፥ ኪ̈ታንቻ̇ንቦ ቤንቲ̇ዴ፥ ዎርዣ ዎይቦ ሳባ̇ኪንቲ̇ዴ፥ ኣላሚን ጋልዳ ዎ ኣሳን ኢያ ኣማ̇ኒዴ፥ ቦንችባራ ኣፋ ሉኪ̇ዴ” ጋ̈ዚንዶ።
ዪና̇ ኢዝፌ̈ኒ ዳ̈ቆናን ቦንቺንቲ̇ኖንኬ ፌ ሶ̈ሊኖ ቃ̈ሊን ላ̈ሚ̇ባ̈ሶ ኣስ፣ ኡሽ̇ ዎይሊሲባ̈ሶ ኣስ፣ ኮሺ̇ባ̈ሶ ጎይባር ቤንቲ̇ዝ ሚ̈ሺ̇ ኮዪባ̈ሶ ኣስ ማ̈ቃ̇ንዳብ ኮሺ̇̈ሬ።
ጌ̈ሻ̇̈ ካታሚንዳ፥ ኦራን ዬሩሳ̈ላማ ፌ ኣስና̈ቦ ፌ̈ና ጌ̈ዚንር ዬ̈ዝ ኢሲንዲፌ̈ን ጊ̈ጊንታ̇ራ ኣፋ ጾ̈ሳ̇ ቲ̈ናፖ ቶ̈ራ ሶ̈ባምባ̇ር ቴ ቤቃ̇ዴ፤
