ኤፍ 5:2 - ኦራ ጫ̈ቃ ማጻ̈ፋ

² ክርስቶ̈ሲ ኑ̈ና̇ ካኖንዲፌ̈ንኬ ጾ̈ሳ̇̇̈ቦ ኡፋይሲዝ ኮሽ ሳዉቂዝ ዣ̈ርሻፌ̈ን ማ̈ሃር ፌ ሼምፒ̇ን ኑ ጊሻ̇ቦ ጋ̈ር ዓይቃ̈ብ ኣ̈ ኢሚ̇ኖንዲፌ̈ኒ ዪንታ̇ር ዎልዎልኣ ካንባር ዶኢብቴ̇።

ኤፍ 5:2 ပူးပေါင်းရင်းမြစ်များ

ማ̈ቶ̈ሳ 20:28

ታ ኣሳ ናኣ̈ዳሬ ኣስ ማ̈ዳ̇ንዳብኬ ዎይሊንን ፋንዳቦ ኢንታኮታ̇ብ ቴ ሼምፒ̇ን ኣ̈ ኢማ̇ንዳብ ዬ̈ዶ̇ኬ ኣሲ ታ̈ና ማ̈ዳ̇ምፔ̈ን ቴ ዬ̈ካ̇ዬ” ጌይዴ።

ዋ̈ኒ̇ሳ 13:34

ቴ ዪንታ̇ብ ኦራ ኪ̈ታ ኢማ̇̈ሬ፤ ዪንቲ̇ ዎል ዎልኣ ካብቴ̇፤ ቴ ዪንታ̇ ካኖንዲፌ̈ን ዪንቲ̇ ዎል ዎልኣ ካንቲ̇ብቴ።

ዋ̈ኒ̇ሳ 6:51

ኣፋፖ̇ ሶ̈ቢኖ ሼምፓ ኢሚ̇ዝ ሶ̈ላ̇ ታ̈ና። ሶ̈ሊ̇ን ዪኖ̇ ሙይዝ ኣሲ ዎይ ሜናብ ዶኢ̈ሬ። ዓና̇ ኣላሚን ጋልዶ ኣሳንቦ ሼምፓ ማ̈ቃ̇ምፔ̈ኒ ቴ ኢማ̇ዝ ሶ̈ሊ̇ንዳ̇ ቴ ኣይሺ̇ንዶ̇” ጌይዴ።

ሮሜ 15:16

ዪና̇ ጾ̈ሲ̇ ታ̈ቦ ኢሚ̇ኖ ኢዲ̇ሊንዳ ታ̈ኒ ጾ̈ሳ̇̇ ዎጛላ ኣይሁድ ባዮ̇ ኣሳንቦ ሳባካ̇ሙታ̇ ቄ̈ሳፌ̈ን ማ̈ቃ̇ራ ዬሱ̈ስ ክርስቶ̈ሳብ ኦ̈ምፔ̈ኒዬ። ዪ̈ኮታ̇ቦ ኣይሁድ ባዮ̇ ኣሳን ጌ̈ሻ̇ ኣያ̇ናባራ ጌ̈ዥጋር ጾ̈ሳ̇̇ ኡፋይሲ̇ዝ ዣ̈ርሻፌ̈ን ማ̈ቃ̇ር ጾ̈ሳ̇̇̈ኮ ሺ̈ቃምፔ̈ኒ ታ̈ኒ ኦ̈ሬ።

ሮሜ 4:25

ጎዳ ዬሱ̈ሲ ኑ ናጋሪምቦ ዓይቃብ ኣ̈ ኢሚ̇ንቲ̇ኔ ማ ኑ̈ና ጺላ̇ ማ̈ሃንዳብ ዓይቃ ጋርታ̇ፖ ዲንዲኔ።

ሮሜ 8:3

ኣሲ ሂጊ̇ን ና̈ጊ ፎታ̇ንዳቦ ዎልቃ ባ̇ዮኮታ̇ቦ፥ ሂጊ̇ንዳ ኦ̈ ፎታንዳ̇ብ ዳንዳኣካ̇ዮ ባዚንዶ ጾ̈ሲ ኦ̈ኔ፤ ኢ ፌ ናኣ̈ ጌ̈ታ ናጋራንቻ̇ ኣስፌ̈ን ማይጺሳሪ ኣሳ ናጋራ ጊሻ̈ብ ኪ̈ቲ̇ ሚሺን ኢ ኣሳ ጋርታ ዎ ናጋራ ጋልዳ ፊርዲ̇ዴ።

ሮሜ 8:37

ዪዚ ኑ̈ኒ ኑ̈ና ካኖ ክርስቶ̈ሳባራ ባዛን ዪን ዎይ ጋማሪ ጋሚ̇ዝ ኣሳንፖ̇ ሺ̈ሬ።

1 ቆሮ 16:14

ዪንቲ ኦ̈ዝ ባዝ ዎይ ካንባር ኦ̈ብቴ።

1 ቆሮ 5:7

ዪንቲ̇ ዓት ኢርሻ ዪንታ̇ ጋርታ ባዪስ ኮሽ̇ ዎንዲፌ̈ኒ ኢርሻ ኢዝ ጋርታ̇ ሚሻካ̇ዮ ቢርት ሙኑቂኖ ሙኑቃፌ̈ኒ ማ̈ቃ̇ንዳቦ ጋምኢኖ ኢርሺን ፋይብቴ። ኣባ ጌይን ኑ ፋሲጋ ዶራ ዬሱ̈ሲ ኑ̈ብ ሹኪንቲ̇ኔ።

2 ቆሮ 2:14

ዎቲናካሬ ኑ̈ና ዎይ ጋላስ ክርስቶ̈ሳባር ጋሚዝ ኣስ ማሃር ቲ̈ኒዛ̈ብኬ ኮሽ ሳዉቂ̇ዝ ሺታ̇ፌ̈ን ክርስቶ̈ሳ ባዝ ኑ ኤራዚን ዎይ ዎይ ቤስ̇ ዬልምፔ̈ን ኑ̈ና ማ̈ዲ̇ዝ ጾ̈ሳ̇̇̈ቦ ጋላቲ ዬሎ̇።

2 ቆሮ 2:15

ኑ̈ኒ ፋጺዝ ኣሳንባር ማ̈ቂ̇ን ይዛንቦ ኮሽ̇ ሳዉቂ̇ዝ ሺታፌ̈ን ማ̈ቃ̇ር ክርስቶ̈ሳ ጎይባር ጾ̈ሳ̇ቦ ሺ̈ቂኖ ኣሴ።

2 ቆሮ 8:9

ኑ ጎዳ ዬሱ̈ስ ክርስቶ̈ሳ ኮሺ̇ቲን ዪንቲ̇ ኤሪ̈ሬ። ኢ ዎርባያ ማ̈ቂ̇ን ዪንቲ̇ ዱር ማ̈ቃ̇ምፔ̈ን፤ ኢ ዱርዶሪ ዪንታ̇ ጊሻ̇ቦ ጋ̈ሪ ዎርባያ ማ̈ቂ̇ኔ።

ጋላ̈ታ 1:4

ኑ ጾ̈ሳ̇ ኑ ባ̈ባ̈ ጌይኖንዲፌ̈ን ዓና̇ ኢ̈ታ̇ ኣላሚን ጋልዳፖ̇ ኑ̈ና ፋንዳቦ ኑ ናጋራ ጊሻ̇ብ ዬሱ̈ሲ ፌ̈ና ኣ̈ ኢሚ̇ዴ።

ጋላ̈ታ 2:20

ቴ ታ̈ና ክርስቶ̈ሳባር ሶቲንቲ̇ኖ̈ዲፌ̈ን ማሃ ፋይዳ̈ሬ። ዓኒፖ̇ ጌዳ ክርስቶ̈ሲ ታባር ዶኢ̈ርዶኬ ዓት ሼምፓ̇ባራ ዎ̈ዲ ታ̈ና ጊዳካ̇ዬ። ታ ዓት ሼምፓ̇ባር ሳ̈ዝ ጋልዳ̇ ዶኣዝ ዶኢንዳ ታ̈ና ካሪ ቴኮታ̇ቦ ፌ̈ና ኣ̈ር ኢሚ̇ኖ ጾ̈ሳ̇ ና̈ኣ ኣማ̇ናር ዲጚኖ ሼምፓባር ዎ ዶኢ።

ኤፍ 1:4

ኑ ኢ ቲ̈ን ጌ̈ሽ̇ኬ ኢ̈ታ ባዚ ኣባክ ኑ ጋልዳ ባዮ̇ ኣስ ማ̈ቃ̇ምፔ̈ኒ፤ ሳ̈ዶ̇ ሳ̈ዚንዲኬ ኣፎ ሳ̈ዚን ኮቺ̇ንታናፖ̇ ቲ̈ን ክርስቶ̈ሳ ጎይባር ኑ̈ና ማራ̇ጺኔ።

ኤፍ 3:17

ማ ኣማ̇ናባር ክርሲቶ̈ሲ ዪንታ̇ ቡ̈ዲን ጋርታ ዶኣምፔ̈ንኬ ዪንቲ̇ ጻ̈ጳ ሚሻር ካንባራ ሚጛምፔ̈ን ታ̈ኒ ጾ̈ሳ̇ ዎሳ̇̈ሬ።

ኤፍ 3:19

ኣሲ ክርስቶ̈ሳ ካንን ፎቲ ኤራንዳብ ዳንዳኢባ̈ስካሬ ዪንቲ ኢዞ ኤራምፔ̈ንኬ ማ ዪንቲ ጾ̈ሳ̇̇̈ ማይጻምፔ̈ን ቴ ዪንታ̇ብ ዎ̈ሳ̇̈ሬ።

ኤፍ 4:15

ዪኖ̇ ኣሻ̇ሪ ኑ̈ኒ ኪን ማ̈ቂ̇ኖባዚን ካንባር ሶ̈ሊሙታ̇ ባዝ ዎይ̈ባራ ዎይ̈ፖ̇ ሾ̈ክ ጋር ቆ̈ም ማ̈ቂ̇ኖ ክርስቶ̈ሳክ ዲጪ̇ስቶ።

ኤፍ 4:2

ካንባር ዪንቲ ዎል ዎልኣ ዳንዳኢሙታ̇ ዎይ ጋላስ ዪንታ̇ ዪርክ ዎቲሙታ̇ኬ ኮሺ̇ቲባርኬ ጋርዣባር ዶኢብቴ።

ኤፍ 5:15

ዪዚ ዪንቲ̇ ዎዛርፌ̈ን ዶኣንዳብ ኮሺ̈̇ርኮ ኮሺንቻ̇ር ቆፒ̇ብቴ፥ ኤ̈ራንፌ̈ን ማ̈ቂብቴዶኬ ኤ̈ሪ̈ ባዮ̇ ኣስ ማ̈ቃፒ̇ቴ።

ኤፍ 5:25

ኣስኒንታ̇ን! ክርስቶ̈ሲ ዎ̈ሳ ኬ̈ን ካኖንዲፌ̈ንኬ ኢዝ ጊሻ̇ብ ፌ̈ና ዓይቃብ ኣ̈ር ኢሚ̇ኖንዲፌ̈ን ዪንታ̇ር ዪንታ̇ ማጫ̇ን ካብቴ።

ፊል 4:18

ዪንቲ̇ ታ̈ብ ኮሻ̇ዚንዲኬ ማ ኮሻ̇ዚምፓር ኣ̈ሪ ኣፍሮዲጣባር ታ̈ብ ሚሺኖን ታ ኤኪ̇ኔ፤ ዪና̇ ዪንቲ̇ ታ̈ብ ሚሺኖንዳ ኮሽ̇ ሳውቂ̇ዝ ጾ̈ሳ̇ ኡፋይታ̇ር ኤኪ̇ዝ ዣ̈ርሻ።

ቆላ̈ሳ̈ሳ 3:14

ዪን ዎይንፖ ሺ ዎይ ባዝ ሺ̈ሻር ዎልኣ ፔታ̇ን ማሃንዳብ ዳንዳኣዚን ካንን ማኢብቴ።

1 ታሳ 4:9

ዎልዎልኣ ካንታዚን ጎይ ዪንቲ̇ ጾ̈ሳ̇̇ ጋልዳፖ ታማ̈ሪኖኮታ̇ቦ ባዚን ዪኒ̇ ጎይ ኦ̈ናካር ዪንታ̇ብ ጻ̈ፋንዳብ ኮሺ̇ባ̈ሴ።

1 ጢማ̈ 2:6

ኢያሬ ኣስ ዎይዳ ናጋራ ጋርታፖ ፋንዳ̇ቦ ፌ̈ና ኣ̈ ኢሚ̇ዴ፤ ዪ̈ዳር ጾ̈ሳ̇̇ ጌይኖ ኬሊ̇ን ዬሊ̇ን ኢ ፌ ፋቲ ኦ̈ሲን ቤይሲኖ ማርካ።

1 ጢማ̈ 4:12

ኔ̈ና ናኤ ጌዪ ኦናካር ሌቃ̈ፖጋ̈ቤ፤ ዎቲናካሬ ኔ̈ኒ ኣማ̇ኒዝ ኣሳን ዎይንቦ ኔ ሶ̈ሊዝ ሶ̈ላባራ፥ ካንባራ፥ ኣማ̇ናባራ፥ ጌ̈ሺቲባርኬ ኮሽ ኦ̈ሳባራ ኢንታ̇ብ ሚሳ̇̈ሊ ማ̈ቃ̇ር ቤንታ̇ቤ።

ቲ̈ታ̇ 2:14

ኢ ኑ̈ና ዉጫ ኦ̈ሳ ዎይ ጋልዳፖ ፋንዳብኬ ኮሽ ኦ̈ሳ ኦ̈ንዳቦ ሚ̈ጛር ኤቂ̇ኖንኬ ጾ̈ሳ̇̇̈ቦ ቆሪንቲ̇ኖ ዎርዣ ማ̈ቃ̇ምፔ̈ኒ ኑ̈ና ጌ̈ሻ̇ንዳ̇ቦ ፌ̈ና ዓይቃብ ኣ̈ ኢሚ̇ዴ።

ኢብ 8:3

ቄ̈ሳ ኣላቃን ዎይ ሹሚንታ̇ዚንዳ ጾ̈ሳ̇ብ ኢሚንቲዝ ባዛንኬ ሜሃ ዣ̈ርሻን ኢ̈ቦ ሺ̈ሻ̇ንዳቦ፤ ዪ̈ኮታ̇ቦ ቄ̈ሳ ዪ̈ዳሬ ሺ̈ሺ̇ዛ ፔቲ̇ ባዚ ኢ̈ብ ዶኣንዳብ ኮሺ̇̈ሬ።

ኢብ 9:14

ጌ̈ሻ ኣያ̇ና ጎይባራ ሜናብ ፌ̈ና ማዛ ባዮ̇ ዣርሻ ማሃር ጾ̈ሳ̇ቦ ሺ̈ሺ̇ኖ ክርስቶ̈ሳ ሱ̈ን ኑ̈ኒ ሜናብ ዶኢዝ ጾ̈ሳ̇ቦ ኦ̈ምፔን ኑ ቆፊንዶ ማ̈ዲባ̈ሶ ዎጋን ጋርታፖ ዎዛርፌ̈ን ሺ ጌ̈ሻ̇ንዳዶ̈ኔ!

ኢብ 9:23

ዪዚ ዪን ኣፎ ባዛንቦ ምሳ̇̈ሊ ማ̈ቂ̇ኖን ዎይ ዪኒ̇ፌ̈ኖ ዎጋባራ ጌ̈ዥጋንዳ̇ብ ኮሺ̇ኔ፤ ኣፎ ባዛን ዎቲናካሬ ዪ̈ፖ ሺ ማ̈ቂ̇ኖ ዣ̈ርሻባር ጌዥጋንዳብ ኮሺ̇̈ሬ።

ኢብ 9:26

ዎን ዪ̈ፌ̈ን ማቂኔኮ ኣላሚን ኮቺንቲ̇ኖፖ ኤ̈ሪ ክርስቶ̈ሲ ዎይሊን ሜታ ኤካ̇ንዳብ ኮሺ̈ርዶን፤ ዓት ዎቲናካሬ ዉርሲ ኬል̇ ጋልዳ ናጋራ ይሳንዳቦ ናምኢ ኮሺባ̈ሶ ማሃሪ ፌ̈ና ፔቲ̇ ቶህ ዣርሻ ማሃሪ ቤንቲ̇ኔ።

1 ጴጥ 4:8

ካን ዎይሊን ናጋራ ካጚዛኮታቦ ዎይ ባዛፖ ሺ ዎልዎልኣ ሚ̈ጛር ካንቲ̇ብቴ።

1 ዋ̈ኒ̇ 3:16

ካን ኣብዝኮ ኑ̈ኒ ኤሪኖንዳ ዬሱ̈ስ ክርስ̇ቶ̈ሲ ፌ ሼምፒ̇ን ኑኮታ̇ቦ ኣ̈ ኢሚ̈ኖ̈ንኮታ̇ቦ፤ ኑ̈ናሬ ኑ ሼምፒን ኑ ኢሺንታ̇ንኮታ ኣ̈ ኢማ̇ንዳቦ ኮሺ̈̇ሬ።

1 ዋ̈ኒ̇ 3:23

ጾ̈ሳ̇ ኪ̈ቲንዳ ኑ̈ኒ ናኣ ዬሱ̈ስ ክርስቶ̈ሳ ኣማ̇ናምፔ̈ንኬ ክርስቶ̈ሲ ኑ̈ና ኪ̈ቲ̇ኖንዲፌ̈ን ዎልዎልኣ ካንታምፔ̈ኒዬ።

ሳጻ 5:9

ኢንቲ̇ ኦራ ማዝሙራባራ፦ “ኔ̈ኒ ማጻ̈ፊን ኤካ̇ንዳብኬ፥ ኢዝ ጋልዳ ዎ ማይታማን ፊርቃ̇ንዳቦ ኔ̈ብ ቤይሲ̈ሬ፤ ኣባ ጌይን ኔ̈ኒ ሹኪንታ̇ራ ኔ ሱ̈ንባር ኣሳ ዜር ጌይዛ ዎይ ጋርታፖ፥ ሳ̈ዝ ኤ̈ሺ̇ን ጋልዳ ኣሲ ሶ̈ሊንቲ̇ዝ ኖ̈ና ዎይ ጋርታፖ፥ ኣሳ ኮች ጌይዛ ዎይ ጋርታፖ፥ ዎ̈ርዣ ዎይ ጋርታፖ፥ ኣሳ ናኣን ጾ̈ሳ̇ቦ ዎዛንዳቦ፥ ኔ̈ኒ ሹኪንቲ̇ኔ።