17 ዪ̈ኮታ̇ቦ ጎዳ̇ዲ ኮያዚን ኣብዚኮ ኢዞ ቆ̈ፓ̇ር ኤሪብቴዶኬ ቦ̈ዛ ኣስ ማ̈ቃፒ̇ቴ።
ኦ̈ናካር ማ̈ቂ̇ን ጾ̈ሲ̇ ጌይኖ ባዚን ኦ̈ንዳብ ኮዪዝ ኣሲ ዎኮ ዓና̇ ቲሚርቲ̇ንዳ ጾ̈ሳ̇̇ ጋልዳፖ̇ ዬይኖን ዎይ ቴ ጋልዳፖ̇ ማ̈ቂ̇ኖን ኤሪስታ̇።
ኮሽ̇ ማ̈ቂኖንዲኬ፥ ኡፋ̈ይሳዚን ማ ማዛ ኢዝ ጋልዳ ባዮ̇ን ጾ̈ሳ̇ ቆፊን ኤራንዳ̇ቦ ዪንታ̇ ቡ̈ዲን ኦ̈ራሙታ̇ዶ̈ሪ ዪንታ̇ ኣሲቲንባር ላ̈ሚንቲ̇ብትዶኬ ዓና ኣላሚን ጋልዳ ዎ ኣሳን ማይጻፒ̇ቴ።
ዪዚ ዪንቲ̇ ዎዛርፌ̈ን ዶኣንዳብ ኮሺ̈̇ርኮ ኮሺንቻ̇ር ቆፒ̇ብቴ፥ ኤ̈ራንፌ̈ን ማ̈ቂብቴዶኬ ኤ̈ሪ̈ ባዮ̇ ኣስ ማ̈ቃፒ̇ቴ።
ዪ̈ኮታ̇ቦ ኑ̈ናር ዪንታ̇ኮን ሲስኪ̇ኖ ቃማ̇ፖ ኤ̈ሪ ዪንታ̇ኮታ̇ቦ ዎ̈ሲ̇ሙታ̇ ጌ̈ሻ ኣያ̇ና ጋልዳፖ ኢሚ̇ንቲ̇ዝ ኤራኬ ኮሽ ቆፊ ዎይ ጾ̈ሲ ዪንታ̇ቦ ዎይሊሲን ዪንቲ̇ ኢ ቆፊን ኦ̈ምፔ̈ኒ ዪንታ̇ብ ጾ̈ሳ̇̇ ጌሻዚን ኑ̈ኒ ኣሻካ̇ዬ።
ዪንታ̇ብ ቤንቲ̇ኖ ኬሊ̇ን ኢዞ ሜላ̇ ይሳካ̇ይዶር ኦ̈ሳጋልዳ ፌ̈ሺ̇ሙታ̇ ኣማ̇ናካ̇ዮ ኣሳንባራ ኤራባር ዶኢብቴ̇።
ዎይ ባዛብ ጾ̈ሳ̇̇ ጋላቲብቴ፤ ዬሱ̈ስ ክርስቶ̈ሳ ኣማ̇ኒኖ ኣሳ ጋልዳፖ̇ ጾ̈ሳ̇ ኮያዚን ዪኖ̇።
ዪ̈ ና̈ሳ̈ዲ ዓኒ̇ፖ ጌዳ ፌ ዶኣዝ ላይን ጋርታ̇ ጾ̈ሳ̇ ኡፋይሳ̇ንዳብዶኬ ፌ ኢ̈ታ ኢኒ̇ን ኩምንዳብ ዶኢባ̈ሴ።
