10 ዪዚ ጎዳ ኡፋይሲ̇ዝ ባዝ ኦ̈ንዳብ ኮዪብቴ።
ዪኒፌ̈ኖ ጎይባራ ክርስቶ̈ሳብ ኦ̈ዝ ኣሲ ጾ̈ሳ̇ ኡፋይሲ̈̇ሬ፤ ኣሳ ቲ̈ናር ቦንቺ̈ንቲ̇̈ሬ።
ዪ̈ዳሬ ዪንቲ ዎይፖ ኮሽ̇ ባዚን ዎኒ̇ኮ ኤራምፔ̈ኒ፤ ክርስቶ̈ሲ ዬ̈ይዝ ዲራስ ጌ̈ሽ̇ኬ ማዛ ኣባክ ዪንታ̇ ጋልዳ ባዮ̇ ኣስ ማ̈ቃ̇ር ዶኣኒፌ̈ኒዬ።
ዪንቲ̇ ታ̈ብ ኮሻ̇ዚንዲኬ ማ ኮሻ̇ዚምፓር ኣ̈ሪ ኣፍሮዲጣባር ታ̈ብ ሚሺኖን ታ ኤኪ̇ኔ፤ ዪና̇ ዪንቲ̇ ታ̈ብ ሚሺኖንዳ ኮሽ̇ ሳውቂ̇ዝ ጾ̈ሳ̇ ኡፋይታ̇ር ኤኪ̇ዝ ዣ̈ርሻ።
ኑ ዪኖ̇ ዎ̈ሳ̇ዚንዳ፥ ዪንቲ̇ ጾ̈ሳ̇ ኮያዚንዲፌ̈ኒ ዶኢሙታ ባዝ ዎይባራ ኢያ ኡፋ̈ይሳምፔ̈ኔ፤ ዪ̈ዳሬ ኮሽ ኦ̈ሳባራ ኣ̈ፍ ካጺ̇ሙታ̇ኬ ጾ̈ሳ̇ ሺ ኤሪሙታ ዲጫ̇ምፔ̈ኒ፣
ዎይ ባዝ ማላ̇ር ቤቂ̇ብቴ ኮሽ̇ ማ̈ቂ̇ኖን ኤኪ̇ብቴ።
ዪና ኑ̈ና ፋኖ ጾ̈ሳ̇ ቲ̈ን ኮሽ̇ኬ ኡፋይሲ̇ዝ ባዜ።
ኣስኒ ዓይቂ̇ኖ ማ̈ጪንዳ ኢዝቦ ናኢ ዎይ ናኣ ናኢ ዎኮ ዪን ናኣን ቲ̈ኒታር ፌ ኣ̈ሎ ኣሳን ማ̈ዲ̇ዛ̈ዲኬ ፌ̈ና ዬሊኖንቦ ኮሽ ኦ̈ሳ ኦ̈ር ማሃንዳብ ኮሻ̇ዚን ኤሮጋ̈ቤ፥ ዪና̇ ጾ̈ሳ̇̇ ኡፋይሲዝ ባዜ።
ዪዚ ኑ̈ኒ ኤንኢባሶ ካ̈ቲቲን ኤኪዛኮታቦ ጾ̈ሳ̇̈ ጋላቲስቶ፤ ኢያ ኡፋይሲዝ ጎይባራ ኢያ ቦንቺሙታ ኢ̈ችባር ኢ̈ብ ኦ̈ስቶ።
ዪንቲ ኢ̈ት ኦ̈ኖኮታ̇ቦ ሜታ ኤኪ̇ሙታ ጋ̈ርዢን ኣ ማ̈ዳ̇̈ራ? ዪንቲ ኮሽ ኦ̈ሳ ኦ̈ሪ ሜታ ኤኪ̇ሙታ̇ ጋ̈ርዤጌይን ጾ̈ሳ̇ ጋልዳፖ ኣንጃ ዲጚ̈ሬ።
ዪንቲ̇ ኢ̈ክ ኡካ̇ዚንዳ ሼምፓባሮ ሹቻንፌ̈ኒ ኣያ̇ና ኬ̈ ማ̈ቃ̇ር ኬ̈ጺንታ̇ንዳቦ፤ ዪኒ̇ባራ ዬሱ̈ስ ክርስቶ̈ሳ ጎይባራ ጾ̈ሳ̇ ኡፋይዝ ኣያና ዣርሻ ሺ̈ሻንዳቦ ዪንቲ̇ ጌ̈ሻ ቄ̈ሳ ማ̈ቂ̇̈ሬ።
