5 ዪና ኢዝፌኒ ፔቲ̇ ጎድ፥ ፔቲ̇ ኣማ̇ናኬ ፔቲ̇ ጺንቃታ ዎ።
ዪዚ ዪንቲ̇ ሳ̈ዝ ጋልዳ ዎ ዎርዣ ዎይ̈ኮ ሉ̈ኪ̇ብቴ። ሉካ̇ር ባ̈ባ፣ ናኣ፣ ጌ̈ሻ̇ ኣያ̇ና ሱምባራ ኢንታ ጻማቂሙታ̇፥ ቴ ዪንታ̇ ኪቲ̇ኖ ባዛን ዎይ ፎታ̇ምፔን ኢንታ̇ ታማ̈ርሲሙታ̇፥ ታ̈ብ ታማ̈ሪ ማሂብቴ̇። ታ̈ናሬ ኣላሚን ዉርሲን ዬሊ̇ዝ ዲራ̈ስ ዎይ ጋላስ ዪንታ̇ባር ዎ” ጌይዴ።
ጾ̈ሳ̇̇̈ዲ ዎይ̈ቦ ጎድ ማ̈ቂ̇ኖ ዬሱ̈ስ ክርስቶ̈ስባራ ኢስሬ̈ል ዎርዣ̈ቦ ሚሺኖ ሳሪቲ ኢማ̇ዝ ኮሻ̇ ሶ̈ሊን ዪንቲ̇ ኤሪ̈ሬ።
“ዪዚ ዪ ዪንቲ̇ ሶቲ̇ኖ ዬሱ̈ሲ፥ ጾ̈ሲ̇ ኢያ ጎድኬ ክርስቶ̈ሳ ማሂኖን ኢስሬ̈ላ ዎርዣ ዎይ ኤሮጋ̈ቤ” ጌዪ ሶ̈ሊዴ።
ጾ̈ሲ ፔታ̇ኔ፤ ኣይሁዳር ማ̈ቆ̇ ኣይሁድ ባዮ̇ ኣሳንር ማ̈ቆ̇ ዎይን ኢ ጺላ̇ ማሂዛ̈ዲ ኣማ̇ና ጎይባራ።
ናኢቶ ክርስቶ̈ሲ ዪኒፌን ፋጊንቲ̇ና? ጳውሎ̈ሲ ዪንታ̇ ጊሻ̇ብ ሶቲ̇ንቲ̇ና? ዎይ ዪንቲ̇ ጻማ̇ቂንቲ̇ኖ̈ዲ ጳውሎ̈ሳ ሱምባሪያ?
ቆሮንቶ̈ሳ ካታማ ጋርታ ዎ ጾ̈ሳ̇̇ ዎ̈ሳ ኬ̈ንቦ፥ ዬሱ̈ስ ክርስቶ̈ሳባር ዎል ፔታ̇ን ማ̈ቃ̇ምፔ̈ኒ ጾ̈ሲ̇ ዪንታ̇ ቆሪ ኬሲ̇ኖንኬ ጺላ̇ ማ̈ቃምፔ̈ን ጼይጊኖንቦ፥ ማ ዪና̇ ኢዝፌ̈ን ዱማ ዱማ ቤሳ̇ ጋል̇ዳ ኢንታ̇ብኬ ኑ̈ቦ ጎድ ማ̈ቂ̇̈ኖ ኑ ጎዳ ዬሱ̈ስ ክሪስቶ̇̈ሳ ሱምን ጼይጊዛን ዎይንቦ፥
ኑ̈ኒ ኣይሁድ ዜር ማ̈ቂ̇ን ኣይሁድ ባዮ̇ ኣስ ማቂ̇ን፤ ኣይላ ማ̈ቂ̇ን ዎይ ኣይላ ጊዳካ̇ዮ ኣስ ማ̈ቂ̇ን፤ ኑ̈ኒ ዎልኣ ፔታ̇ን ማ̈ቃ̇ንዳቦ ጌ̈ሻ̇ ኣያ̇ናባር ጻማ̇ቂን̇ቲኔ፤ ኑ ዎይን ዪ̈ ፔቲ̇ ኣያ̇ና ጋልዳፖ ኡሽኪ̇ኔ።
ዱማ ዱማ ኦ̈ሳ ዎ፤ ዎቲናካር ጎዳ̈ዲ ፔታ̇ኔ።
ኑ ጾ̈ሳ̇̇̈ዲ ዎይ ባዝ ኮ̈ቺ̇ኖ ኢያ ማ̈ቂ̇ኖንዲኬ ኑ̈ናር ኢዬይ ማ̈ቂ̇ኖ ፔታ̇ና ጾ̈ሳ̇̇፥ ባ̈ባ̈ ኢ ሙ̈ታ̇፤ ማ ዎይ ባዝ ኮ̈ቺ̇ኖ̈ዲኬ ኑ̈ናር ሼምፓባር ጋዲ̇ኖ ፔታ̇ና ጎዳ ዬሱ̈ስ ክርስቶ̈ሳ ሙ̈ታ̇።
ፔቲ̇ ኣሲ ዪንታ̇ክ ዬ̈ሪ ኑ ዪንታ̇ ሳባ̇ኪኖ ጊዳካ̇ይዶን ሜላ ዬሱ̈ሳ ዪንታ̇ ሳባኬጌዪን ዎይ ዪንቲ̇ ኤኪ̇ኖ ጌ̈ሻ ኣያ̇ና ጊዳካዶን ሜላ ኣያ̇ና ዪንቲ̇ ኤኬ̇ጌይን ዎይ ዪንቲ̇ ኣማ̇ናር ኤኪ̇ኖ ዎጛሊን ጊዳካ̇ይዶን ሜላ ዎጛላ ኤኬ̇ጌዪን ዪንቲ̇ ጋሚንታር ዚምዶኢኔ ጌንቴ።
ኑ̈ኒ ዬሱ̈ስ ክርስቶ̈ሳባር ማ̈ቄ̇ጌይን ኑ̈ና ማ̈ዳ̇ዚንዳ ካንባራ ቤንቲ̇ዝ ኣማ̇ኒንዳ̇ዶኬ ኔ ጋራ̇ዚንቲ̇ናር ጋራ̇ዚንታ̇ካ̇ይ ኣቲ̇ናር ኣባካር ማ̈ዳ̇ባሴ።
ዪና̇ሬ ኑ ዎይን ጾ̈ሳ̇ ና̈ኣ ኤራሪ ኣማ̇ናባር ቤንቲ̇ኖ ፔቲ̇ቲንኮ ዬላ̇ሪ፥ ኑ ኣማ̇ኒንባር ሚ̈ጛሪ ክርስቶ̈ሳ ማ̈ይጻምፔ̈ኒዬ።
ማ ኣሲ ዎይ “ዬሱ̈ሲ ጎዴ” ጌዪ ማርኪቲሙታ፥ ጾ̈ሳ̇̇̈ ባ̈ባ̈ቦ ቦንች ኢማ̇ምፔ̈ኒዬ።
ጎ̈ዳ ዬሱ̈ስ ክርስቶ̈ሳ ኤራዚምፖ ሺዝ ባ̈ዚ ኣባካር ባዮ̇ን ቴ ኣማ̇ኒኖንኮታ̇ ባዝ ዎይዳ ፋባ̈ሶ ባዝፌ̈ን ፋይዲኔ። ቴ ኢ ጊሻ̇ቦ ጋ̈ራ ዎይ ባዝ ኣሺ̇ኔ፤ ክርስቶ̈ሳ ዲጛ̈ንዳቦ ጋ̈ራ ዎይ ባዝ ቶጚቲኖ ፒቲፌ̈ን ፋይዲኔ።
ዬሱ̈ስ ክርስቶ̈ሳብ ሃዋ̈ራ ማ̈ቂ̇ኖ ጾ̈ሳ̇ ኣይላ፥ ጾ̈ሳ̇̈̇ ማራ̇ጺ̇ኖ ኣሳን ሚ̈ንንዳብኬ ኪን ኣማ̈ና ጎይን ኤርሳምፔ̈ን ሹ̈ሚንቲ̇ኖ ታ ጳ̈ውሎ̈ሳ ጋልዳፖ ጻፊንቲ̇ኖ ኪ̈ታ፦
ኑ ኣማ̇ናዝ ኣማ̇ኒን ፔታ̇ን ማ̈ቂ̇ኖ ጎይባራ ታ̈ብ ኪን ናኢ ማ̈ቂ̇ኖ ቲ̇ቶ̇! ጾ̈ሳ̇ ኑ ባ̈ባ̈ፔኬ ኑ̈ና ፋዛ ዬሱ̈ስ ክርስቶ̈ሳፖ ኢ ኮሺ̇ቲንዲኬ ሳሪቲን ኔ̈ብ ማ̈ቆ̇።
ጾ̈ሳ̇̈ ቃ̈ላ ዪንታ̇ብ ቲ̈ን ሶ̈ሊኖ ዪንታ̇ ቲ̈ኒዝ ኣሳን ቦቲጛፒቴ፤ ኢንታ ዶኢንዲኬ ኢንታ ኦ̈ሲን ቆፒሙታ̇ዶሪ ኢንታ ኣማ̇ኒን ዎሂን ዬብቴ።
ዎሃ ማ̈ቃ̇ሪ ፌ ኣማ̇ኒን ኣሺ̇ኖ ኣሳን ኢንቲ ፌ ቆማ̇ብ ጾ̈ሳ̇̈ ናኣ ማሃር ማስቃላ ጋልዳ ሶቲ̇ዛኮታ̇ብኬ ኣሳ ቲ̈ን ኢያ ዬ̈ሊዛኮታቦ፥ ኢንታ̇ ማ̈ሪቲ ጎይ ጋልዳ ማሃንዳብ ዳንዳኢባ̈ሴ።
“ኔ̈ብ ኣማ̇ና ዎ፤ ታ̈ቦ ኮሽ̇ ኦ̈ሲ ዎ̈” ዪዝ ጌይዝ ኣሲ ዎኮ̈ “ኔ ኣማ̇ኒን ኦ̈ሲ ቤዪ ታ̈ና ቤይሳቤ̈፤ ታ̈ናሬ ታ ኣማ̇ኒን ኮሽ̇ ኦ̈ሳባር ኔ̈ና ቤይሳንዳ̇” ኢ̈ክ ጋ̈ሬ።
ዪና̈ ዋ̈ሲ̇ንዳ ዓት ዪንታ̇ ፋዚን ጺ̈ንቃ̇ታ ሚሳ̇̈ሊንዶ፤ ዪና̇ ጺንቃ̇ቲንዳ ኣሳ ጋልዶ ቃት ጌ̈ሻዚን ጊዳካ̇ይዶን ኮሽ ቆፊ ዲጛንዳቦ ጾ̈ሳ̇̇̈ቦ ሺ̈ቂዝ ዎ̈ሳ። ዪና ዪንታ̇ ፋዚንዳሬ ዬሱ̈ስ ክርስቶ̈ሳ ዲንዲን ጎይባራ።
ኑ ጾ̈ሳ̇ፔኬ ኑ̈ና ፋዛ ዬሱ̈ስ ክርስቶ̈ሳ ጋልዳፖ ቤንቲ̇ዝ ጺሊ̇ቲ ጎይባራ ኑ̈ኮንዲፌ̈ኒ ቦንቺ̇ንቲኖ ኣማ̇ና ዲጚኖንቦ፥ ዬሱ̈ስ ክርስቶ̈ሳቦ ኣይላኬ ሃዋ̈ራኬ ማ̈ቂ̇ኖ ቴ ሲሞ̈ን ጴ̈ጥሮ̈ሲ ዓና̇ ዪንታ̇ብ ጻ̈ፊኔ።
ዎቲናካር ቴ ላጋ̇ን! ዪንቲ̇ ዎይፖ ሺ ጌ̈ሽ ማ̈ቂ̇ኖ ዪንታ̇ ኣማ̇ኒንባራ ሚ̈ጚብቴ፥ ማ ጌ̈ሻ ኣያ̇ና ኢማ̇ዝ ዎልቂ̇ንባራ ዎ̈ሲ̇ብቴ።
ቴ ላጋ̇ን! ኑ ዎይን ዎልኣ ኤኪ̇ኖ ፋቲን ጎይ ቴ ዪንታ̇ቦ ጻ̈ፋንዳብ ኮዪንዶን፥ ዎቲናካር ዓት ናምኢንንዳብ ኮሺባ̈ሶ ጎይባራ ፔቲ̇ ቶህ ጾ̈ሲ ፌ ዎርዣ̈ብ ኢሚ̇ኖ ኣማ̇ኒንኮታ̇ ዪንቲ̇ ሚ̈ጛር ኦሊንታ̇ምፔ̈ኒ ዪንታ̇ ዞራንዳቦ ታ̈ብ ኮሺ̇ኔ።
