23 ዪንታ̇ ቡ̈ዳ ጋርታ̇ ዎ ቆፋ̈ዲ ጌ̈ሻ̇ ኣያ̇ናባር ኦራ ማ̈ቆጋ̈ቤ።
ኮሽ̇ ማ̈ቂኖንዲኬ፥ ኡፋ̈ይሳዚን ማ ማዛ ኢዝ ጋልዳ ባዮ̇ን ጾ̈ሳ̇ ቆፊን ኤራንዳ̇ቦ ዪንታ̇ ቡ̈ዲን ኦ̈ራሙታ̇ዶ̈ሪ ዪንታ̇ ኣሲቲንባር ላ̈ሚንቲ̇ብትዶኬ ዓና ኣላሚን ጋልዳ ዎ ኣሳን ማይጻፒ̇ቴ።
ኑ̈ኒ ጻማ̇ቂንታ̇ምባ̇ራ ኑ̈ናር ኢባር ዎልኣ ዓይቂ̇ኔ፤ ኢባር ዎልኣ ዱ̈ኪንቲ̇ኔ፤ ዪ̈ኮታ̇ቦ ክርስቶ̈ሲ ጾ̈ሳ̇ ባ̈ባ ዎልቃ ቦንቺ̇ንቲኖምባራ ዓይቃ ጋርታ̇ፖ ዲንዲ̇ኖንዲፌ̈ኒ ኑ̈ናር ኦራ ሼምፓባር ዶኢ̈ሬ።
ኔ ኣሲቲን ኔ̈ክ ጋ̈ዝ ባዚምቦ ሙታ̇ ቆፓ̇ዚንዳ ኔ̈ክ ዓይቃ ኤካ̇ ዬ̈ሬ፤ ጌ̈ሻ̇ ኣያ̇ና ባዝ ቆፓ̇ዚንዳ ሼምፓኬ ሳሪቲ ኢማ̈̇ሬ።
ኣባ ጌይን ኑ̈ኒ ጾ̈ሲ ቲ̈ኒታር ጊ̈ጊ̇ሲኖ ኮሻ̇ ኦ̈ሳን ኦ̈ምፔ̈ን ዬሱ̈ስ ክርስቶ̈ሳ ጎይባር ማ̈ቃ̇ር ኮቺንቲ̇ኖ ጾ̈ሳ̇ ኮቺንቴ̇።
ዪንቲ̇ ዪንታ̇ ኮቺ̇ኖ ጾ̈ሳ̇̇ ማይጺሙታ̇ ጾ̈ሳ̇ ኤራባር ኦራ ማ̈ቂ̇ሙታ̇ ሉኪ̇ዝ ኦራ ኣሲቲ ማኢኔ።
ኑ ኦ̈ኖ ጺሊ̇ቲ ኦ̈ሳባር ጊዳካ̇ይዶን ጾ̈ሳ̇ ፌ ማ̈ሪቲንባር ኑ̈ና ፋዴ። ኢ ኑ̈ና ፋኖንዳ ጌ̈ሻ ኣያ̇ናባራ፤ ዪ ጌ̈ሻ ኣያ̇ና̈ዲ ኑ ናጋሪን ሜ̈ጪ ጌ̈ሻ̇ር ኦራ ሼምፓ ኑ̈ብ ኢማ̇ሪ ኦራ ጎይ ዬምፔ̈ን ኑ̈ና ዎቲዴ።
ዪ̈ኮታ̇ቦ ዪንታ̇ ቡዲን ኦ̈ሳብ ጊ̈ጊብቴ፤ ኢ̈ት ባዝ ጋልዳፖ ዪንቲ̇ ዪንታ̇ ና̈ጊብቴ፤ ዬሱ̈ስ ክርስቶ̈ሲ ዬይዝ ጋላስ̇ ዲጛዝ ኣንጂንቦ ኩም ታስፋ ዪንታ̇ብ ዶኦጋ̈ቤ።
