ኤፍ 4:22 - ኦራ ጫ̈ቃ ማጻ̈ፋ

²² ዪንቲ̇ ሚን ዶኢኖ ዶኢን ጎይ ዓት ታማ̈ሪኔ፤ ዪንታ̇ ባሊር ናጋራ ኦ̈ምፔን ቲ̈ናዝ ኢታ̇ ኢኒ̇ንባር ኢ̈ቲኖ ሚኖ ዪንታ̇ ኣሲቲንዶ ዪንታ̇ ጋልዳፖ̇ ጋ̈ራር ቶጚብቴ።

ኤፍ 4:22 ပူးပေါင်းရင်းမြစ်များ

ሮሜ 6:6

ሚኖ ናጋራንቻ ማ̈ቂ̇ኖ ኑ ኣሲቲንዳ ፋካምፔ̈ንኬ ኑ̈ኒ ናጋራብ ኣይላ ማ̈ቃ̇ዚን ጋርታፖ̇ ኣታ̇ንዳቦ ናጋራንቻ̇ ማ̈ቂ̇ኖ ኑ ኣሲቲንዳ ክርስቶ̈ሳባር ሶ̈ቲንቲ̇ኖን ኑ ኤሪ̈ሬ።

ሮሜ 7:11

ናጋሮ ሂጋ̇ ጋልዳፖ ዬይኖ ኪ̈ቲ̇ንባራ ጎይ ዲጛሪ ታ̈ና ማቂ̇ዴ፤ ማ ዪና̇ ሂጊ̇ንባራ ታ̈ና ዎዴ።

2 ቆሮ 11:3

ሾ̈ሺ̇ ፌ ዉጪ̇ምባራ ሄዋ̈ኖ ባሊኖንዲፌ̈ኒ ዪንታ̇ ቆፊንዳር ኢ̈ታራ ዪንቲ̇ ኣሽካኬ ኮሽ ማ̈ቂ̇ኖ ቡ̈ዳባራ ክርስቶ̈ሳብ ኣማ̇ኒንታዚንዶ ኣሺ̇ዝዳ ጌያ ኢ̈ጫ̇̈ሬ።

ጋላ̈ታ 1:13

ታ̈ኒ ቲ̈ን ኣይሁድ ኣማ̇ናባራ ዎዛርፌ̈ን ዶኢኖኮ፥ ኣማ̇ኒዝ ኣሳን ላ̈ላ̇ ይሳንዳብ ዎዛርፌን ቡ̈ቲቲኖኮ ዪንቲ̇ ሲስኪ̇ኔ።

ኤፍ 2:3

ዓኒ̇ፖ ቲ̈ን ኑ̈ናር ዎይን ኢንታ̇ፌ̈ን ናጋራንቻ̇ ማ̈ቂ̇ኖ ኑ ኣሲቲንዳ ኑ̈ና ኪ̈ቲኖንዲፌ̈ንኬ ኑ ቆፊንዲፌ̈ን ኦ̈ሙታ ኢንታ ጊዳ̇ ጋምኢኔ፤ ኑ̈ናር ሜላንፌኒ ኑ ኮቺ̇ንታምባ̇ራ ጾ̈ሳ̇ ጎይላ ጻና ዎ ኣሴ።

ኤፍ 4:17

ዪዚ ዓኒፖ̇ ጌዳ ፋባ̈ሶ ቆፊባር ዎ ጾ̈ሳ̇ ኤሪባ̈ሶ ኣሳንፌ̈ኒ ማ̈ቃር ዶኣፒ̇ቴ ጋ̈ር ጎዳ ሱ̈ምባር ቴ ዪንታ̇ብ ሶ̈ላ̈ሬ።

ኤፍ 4:25

ዪ̈ኮታ̇ቦ ማ̈ቃ ሶ̈ላዚን ኣሻ̇ሪ ኑ ዎይን ክርስቶ̈ሳባራ ፔቲ̇ ጋል̇ ማ̈ቂኖኮታ̇ቦ ኣሲ ዎል ዎልኣ ኪን ሶ̈ላ ሶ̈ላጋቤ።

ኤፍ 4:31

ኢታ ቆፊ፣ ዛላ̇፣ ጎይል፣ ዉይሳ፣ ቆ̈ሳኬ ኢ̈ት ማ̈ቂ̇ኖ ባዝ ዎይ ዪንታ̇ ጋ̈ልዳፖ̇ ፋ̈ይብቴ።

ቆላ̈ሳ̈ሳ 2:11

ዪንቲ ክርስቶ̈ሳ ኣማ̇ኒኖኮታ̇ቦ ጋራ̇ዚንቲ̇ኔ፤ ዪና̇ ና̈ጋራንቻ ማ̈ቂ̇ኖ ዪንታ̇ ኣሲቲን ይሳ̇ንዳቦ ክርስቶ̈ሳ ኩሽባር ጋራ̇ዚንቲንዶኬ ኣሳ ኩ̈ሽባራ ጋራ̇ዚንታ̇ካ̇ዬ።

ቲ̈ታ̇ 3:3

ኑ̈ኒ ኣማ̇ናናፖ̈ ቲ̈ን ኣባክ ቆፒ ኤሪባ̈ሶ ዳሻን፤ ኪቲንቲባሶ ዉ̈ጫን፤ ዎብ̇ ጎይ ሉኪ̇ዛን፥ ዱማ ዱማ ኢ̈ታ ኢና̇ብኬ ኡፋይሳቦ ኣይላ ማ̈ቃ̇ር ኣቲ̇ኖን። ዎልዎልኣ ኢጺንቲሙታ̇ኬ ጎይሊንቲሙታ̇ ኢ̈ቲቲባርኬ ኣሳብ ሚቃ̇ይና ቆፒ̇ሙታ ዎን።

ኢብ 12:1

ዪዚ ዪንፌ̈ኖ ዎይሊን ማርካን ሻ̈ራፌ̈ን ኑ ቡጊዲምባር ዎኮታ̇ቦ ኑ̈ብ ቶ̈ፊፌ̈ን ማ̈ቂ̇ኖ ባዛን ዎይ፥ ኑ ጋልዳ ኑ̈ና ባቂ̇ ኤ̈ኖ ናጋሪን ፋይሪ ኑ ቲ̈ን ዎን ዎን ሚ̈ጛር ዎጺ̇ስቶ።

ኢብ 3:13

ዎቲናካሬ ዪንታ̇̈ ጋርታ ኦ̈ናካሬ ናጋራባር ባሊታ̇ሪ ኪ̈ቲንታካ̇ይ ኣታካ̇ዮ̈ዲፌ̈ን ዓታ̇ቦ ጊያ̈ቦ ጋ̈ካ̇ይዶ̈ር ዎይ ጋላስ ዎል ዎልኣ ሚ̈ንብቴ።

ዓይ 1:21

ዪ̈ኮታ̇ቦ̈ ቄዝ ባዝኬ ዪንታ ጋርታ̇ ዎይላር ቤንቲ̇ዝ ኢ̈ቲቲ ቆፋ ፋይሪ ዪንታ ሼምፒ̇ን ፋንዳብ ዳንዳኣዚን ዪንታ̇ ጋርታ ቶኪንቲ̇ኖን ጾ̈ሳ̇̇ ቃ̈ሊን ኮሽ̇ ቡ̈ዳባር ኤኪ̇ብቴ̇።

ዓይ 1:26

ፌ ኖ̈ኒን ና̈ጋካ̇ይዶር ፌ ቡ̈ዳባር ባሊቲ̇ሙታ̇ ፌ̈ና ኣማ̇ና ጌይዝ ና̈ሳዲ፥ ኢ ፌ̈ና ዳሺቺ̈ሬ፤ ኢ ኣማ̇ና̈ዳር ሜላ̇ ዓሪዬ̈።

1 ጴጥ 1:18

ዪንቲ ዪንታ̇ ባ̈ቢንታ̇ን ጋልዳፖ ኤኪ̇ኖ ፋባሶ ዶኢን ጋልዳፖ ጾ̈ሲ ዪንታ̇ ፋኖንዳ ዪዝ ዎርቃባርኬ ቢራባር ጊዳካ̇ዮን ዪንቲ̇ ኤሪ̈ሬ።

1 ጴጥ 4:3

ጾ̈ሳ̇̇ ኤሪባ̈ሶ ኣሳን ዎታዚንዲፌ̈ኒ ኣሲቲ ኢ̈ታ ኢኒ̇ን ኩምሙታ፣ ማሲቲሙታ፣ ዎልኣ ሺ̈ቃር ኡሽኪ̇ ማሲታሪ ዶጚ ዬጺ̇ሙታ̇፣ ማቃ ጾ̈ሳ̇̇ብ ጎይኒሙታ ኣ̈ኖ ቲ̈ኖ ኬሊ̇ን ዪንታ̇ብ ጊዶጋ̈ቤ።

2 ጴጥ 2:13

ኢንቲ ኢ̈ታ ባዝ ኦ̈ኖኮታ̇ቦ ፌ ኦ̈ኖምቦ̇ ፌ ቂጣ̈ቲን ኤኪ̇̈ሬ፤ ኢንታ ኡፋይሳ̇ዚንዳ ጋላስ̇ ኣዋ ኩሉላባር ማሲታዚንዲኬ ዶንኬ፤ ዪንታ̇ባር ሞ̈ንዳብኬ ኡሽካ̇ንዳብኬ ዶኢ̈ርዶሪ ናጋራባር ኩሚ̇ኖ ቄጺ̇ኖ ኣስዶ̈ሪ ዪንታ̇ባር ዶኢ̈ሬ።

2 ጴጥ 2:7

ዎቲናካር ኢና ጋዶ̇ ኣሳን ኦ̈ሙታ ዎ ኣስ ዬልቂዝ ኢ̈ታ ኦ̈ሲንኮታ̇ ጫና̇ቂንቲ̇ ሙታ ዎ ጺ̇ላ ማ̈ቂ̇ኖ ሎ̈ጢ ጌይዝ ና̈ሳ ቡ̈ቲሲዴ።