ኤፍ 4:16 - ኦራ ጫ̈ቃ ማጻ̈ፋ

¹⁶ ኣሳቦ ዎ ዱማ ዱማ ጋ̈ላ̇ን ሻሽ̇ባር ዎልኣ ፔታ̇ን ኤ̈ንቲ̇ኖ̈ዲፌ̈ኒ ኣማ̇ኒዝ ኣሳን ዎልዎልኣ ኤ̈ንቲ̇ኖ̈ዲ ክርስቶ̈ሳባራ፤ ዪ̈ኮታ̇ቦ ዪን ዱማ ዱማ ጋላ̇ን ፌ̈ብ ኢሚ̇ኖ ኦ̈ሲን ኮሺንቺ̇ ፎቴጌይንዶ ጋሊ̇ ዎይ ዲጪ̇̈ሬ፥ ማ ካንባራ ሚ̈ጚ̈ሬ።

ኤፍ 4:16 ပူးပေါင်းရင်းမြစ်များ

ዋ̈ኒ̇ሳ 15:5

“ዎይኒምቦ̇ ኡባ̇̈ዲ ታ̈ና፤ ዪንታ̇ር ታ̈ብ ሻቃን። ዎይሊን ኣ̈ፍ ካጺ̇ዛዲ ታባር ዶኢዛዲኬ ታናር ኢባር ዎዳ፤ ቴ ባዪዶ̈ን ዪንቲ̇ ዪንታ̇ ዎልቃባር ኣባካር ዎታንዳ̇ብ ዳንዳኢባ̈ሴ።

ሮሜ 12:4

ፔቲ̇ ኣሳ ጋልዳ ዱማ ዱማ ጋሊ̇ ዎ፤ ዪ̈ን ጋላ̇ን ኢንታ ኦ̈ሲንዳሬ ዱማ ዱማ።

1 ቆሮ 10:17

ኑ ሞ̈ዝ ሶ̈ሊንዳ ፔታ̇ን ማ̈ቂ̇ኖኮታ̇ቦ ኑ̈ናር ዪና̇ ፔቲ̇ ሶ̈ሊን ዎልኣ ፋጊንታዚንኮታ̇ቦ ኑ ዎይሊን ማ̈ቂ̇ናካሬ ኑ ዎልኣ ፔታ̇ኔ።

1 ቆሮ 13:13

ዪዚ ኣማ̇ና፣ ካን፣ ታስፋ ዪን ዓይዛን ሚ̈ጛር ዶኢ̈ሬ ዎቲናካሬ ዪን ጋርታፖ̇ ሺዚንዳ ካን።

1 ቆሮ 8:1

ማ ኤ̈ቃብ ሹ̈ኪንቲ̇ኖ ኣይሽ ጎይ ዪንቲ̇ ጌይኖንዲፌ̈ኒ ኪን ኑ ዎይንቦ ኤራ ዎ፤ ማ̈ቂ̇ናካሬ ኤሮ ኣስ ኦቲርሲ̇̈ሬ፤ ካን ኣስ ሚ̈ን ኤሲ̇̈ሬ።

ጋላ̈ታ 5:22

ጌ̈ሻ̇ ኣያ̇ና̈ዲ ኣሳ ሼምፓ ጋርታ̇ ቤይሲዝ ኣ̈ፋን ካ̈ን፣ ኡፋይስ̇፣ ሳሪቲ፣ ዳንዳኣ፣ ኮሺ̇ቲ፣ ኣማ̇ኒንቲ̇ዝ ኣስ ማ̈ቂ፣

ጋላ̈ታ 5:6

ኑ̈ኒ ዬሱ̈ስ ክርስቶ̈ሳባር ማ̈ቄ̇ጌይን ኑ̈ና ማ̈ዳ̇ዚንዳ ካንባራ ቤንቲ̇ዝ ኣማ̇ኒንዳ̇ዶኬ ኔ ጋራ̇ዚንቲ̇ናር ጋራ̇ዚንታ̇ካ̇ይ ኣቲ̇ናር ኣባካር ማ̈ዳ̇ባሴ።

ኤፍ 1:4

ኑ ኢ ቲ̈ን ጌ̈ሽ̇ኬ ኢ̈ታ ባዚ ኣባክ ኑ ጋልዳ ባዮ̇ ኣስ ማ̈ቃ̇ምፔ̈ኒ፤ ሳ̈ዶ̇ ሳ̈ዚንዲኬ ኣፎ ሳ̈ዚን ኮቺ̇ንታናፖ̇ ቲ̈ን ክርስቶ̈ሳ ጎይባር ኑ̈ና ማራ̇ጺኔ።

ኤፍ 3:17

ማ ኣማ̇ናባር ክርሲቶ̈ሲ ዪንታ̇ ቡ̈ዲን ጋርታ ዶኣምፔ̈ንኬ ዪንቲ̇ ጻ̈ጳ ሚሻር ካንባራ ሚጛምፔ̈ን ታ̈ኒ ጾ̈ሳ̇ ዎሳ̇̈ሬ።

ኤፍ 3:7

ጾ̈ሲ̇ ፌ ዎልቃ ታባር ማ̈ቃ̇ር ኦ̈ምፔ̈ን ዎቲኖኮታ̇ቦ ታ̈ኒ ኢ ታ̈ብ ኢሚ̇ኖ ፌ ኮሺ̇ቲንባራ ዓና̇ ዎጛላ ኦ̈ሲን ኦ̈ዝ ኣስ ማ̈ቃ̇ዴ።

ኤፍ 4:12

ዪኖ̇ ኢ ኦ̈ኖንዳ ክርስቶ̈ሳይ ማ̈ቂ̇ኖ ኣሳን ሚ̈ጛምፔ̈ንኬ ኢንቲ ጾ̈ሳ̇ ኦ̈ሳ ኦ̈ምፔ̈ኒ ጊ̈ጊንቲ̇ኖ ኣስ ማ̈ሳንዳቦ።

ኤፍ 4:15

ዪኖ̇ ኣሻ̇ሪ ኑ̈ኒ ኪን ማ̈ቂ̇ኖባዚን ካንባር ሶ̈ሊሙታ̇ ባዝ ዎይ̈ባራ ዎይ̈ፖ̇ ሾ̈ክ ጋር ቆ̈ም ማ̈ቂ̇ኖ ክርስቶ̈ሳክ ዲጪ̇ስቶ።

ፊል 1:9

ዪንታ̇ ካንንዳ ጴች̇ ኤራባ̈ርኬ ቆ̈ፊ̈ባራ ቲ̈ኖንፖ ኣ̈ር ዲጫ̇ሙ̈ታ ሉካ̇ምፔ̈ን ቴ ጾ̈ሳ̇̇ ዎ̈ሳ̇̈ሬ።

ቆላ̈ሳ̈ሳ 2:19

ዪ ና̈ሳ̈ዲ ቆም̇ ማ̈ቂ̇ኖ ክሪቶ̈ሳባር ኣባካር ፔቲቲ ኢ̈ብ ባዬ̇። ጋሊ̇ ዎይ ሻሽ̇ባራ ዎል ዬልሪ ጾ̈ሲ ኢሚ̇ኖ ዲቺ̇ንዲፌ̈ኒ ዲቺ̇ዛ̈ዲ ቆማ̈̇ዳ።

ቆላ̈ሳ̈ሳ 2:2

ዪና̇ ቴ ዎታዚንዳ ኢንቲ̇ ኢንታ̇ ቡ̈ዲንባር ሚ̈ጛርኬ ካንባራ ዎል ፔታ̇ን ማ̈ቃ̇ሪ፤ ኩም ማ̈ቂ̇ኖ ኤራ ዱሪቲን ዲጛሪ፥ ጾ̈ሳ̇ ሚስጢ̇ራ ማ̈ቂ̇ኖ ክርስቶ̈ሳ ኤራምፔ̈ኒ ዋ̈ያ̈ሬ።

1 ታሳ 1:3

ዪንቲ̇ ኣማ̇ናባር ኦ̈ኖ ኦ̈ሲንዶ፥ ካንቦ ጌዪ ዳ̈ቡሪኖ ዳ̈ቡርሲንዲኬ ዬሱ̈ስ ክርስቶ̈ሳባር ዪንታ̇ብ ዎ ታስፊንፖ ቤንቲ̇ኖ ዪንታ̇ ጋርዢን ኑ ባ̈ባ̈ ኑ ጾ̈ሳ̇ ቲ̈ን ዎይ ጋላስ ኑ ቆፒ̇̈ሬ።

1 ታሳ 2:13

ማ̈ ኑ̈ኒ ዪንታ̇ኮ̈ታ ጾ̈ሳ̇ ዎይ ጋ̈ላስ ጋ̈ላታዚንዳ ዪንቲ̇ ኣማ̇ኒዝ ኣሳን ጋልዳ ኦ̈ዝ ዪና̇ ቃ̈ሊን ዪንቲ ኑ ጋልዳፖ̇ ሲስኪ̇ኖንባራ ኣሲ ሶ̈ሊዛ̈ዲፌ̈ን ማሃር ቤ̈ቃካ̇ይዶር ጾ̈ሲ ሶ̈ሊዛ̈ዲፌ̈ን ማሃር ኤኪ̇ኔ፤ ኢዛ̈ር ኪን ጾ̈ሳ̇ ቃ̈ላ።

1 ታሳ 3:12

ኑ ዪንታ̇ ካዚንዲፌ̈ኒ ዪንቲ̇ ዎልዎልኣ ካንታ̇ምፔ̈ንኬ ማ ዪንቲ̇ ሜ̈ላን ካዝ ካንን ዎይላ ዲጫ̇ምፔ̈ኒ ጎዳ ዪንታ̇ ማ̈ዶ̇ጋ̈ቤ።

2 ታሳ 1:3

ኑ ኢሽንታን! ዪንታ̇ ኣማ̇ኒንዳ ዎይ ጋላስ ዲጫ̇ሙታ ሉካ̇ዚንኮታ̇ብኬ ዪንታ̇ብ ዎልዎልኣ ዎ ካንንዳ ዲጫ̇ሙታ̇ ሉኪ̇ኖምቦ ኑ̈ኒ ዪንታ̇ጊሻ̇ቦ ዎይ ጋላስ ጾ̈ሳ̇ ጋላታንዳብ ኮሺ̇̈ሬ።

1 ጢማ̈ 1:5

ዓና ኪ̈ቲን ቆፊንዳ ኪን ቡ̈ዳ ጋርታፖ፥ ኮሽ ቆፊ ጋልዳፔኬ ኪን ኣማ̈ና ጋልዳፖ ቤንቲ̇ዝ ካ̈ንንዶ።

1 ጴጥ 1:22

ዪንታ̇ ኢሺንታ̇ንቦ ኪን ካን ዶኣምፔ̈ኒ ዪንቲ̇ ኪንንቦ ኪ̈ቲንቲ̇ሙታ ዪንታ̇ ሼምፒ̇ን ጌ̈ሺ̇ኔ፤ ዪ̈ኮታ̇ቦ ዎል ዎልኣ ቡ̈ዳፖ ካንቲ̇ብቴ።

1 ዋ̈ኒ̇ 4:16

ጾ̈ሲ ኑ̈ና ካዝ ካንንዶ ኑ̈ኒ ኤሪኔ ማ ኣማ̇ኒኔ። ጾ̈ሲ ካ̈ን ጾ̈ሴ፤ ካ̈ንባር ዶኢዝ ኣሲ ጾ̈ሳ̇̈̇ባር ዶኢ̈ሬ፤ ጾ̈ሳ̇̇ር ኢባር ዶኢ̈ሬ።