ኤፍ 4:14 - ኦራ ጫ̈ቃ ማጻ̈ፋ

¹⁴ ዪዚ ኑ ዓኒ̇ፖ̇ ጌዳ ኣሲ ኑ̈ና ዉጫባራ ባሊሙታ̇ኬ ቃልቂንቺ̇ሙታ ዱማ ዱማ ማቃ ቲሚርታ̇ባራ ኣይጊኬ ዋ̈ሳ ጋልዶ ዉርጊንዲፌ̈ኒ ጌዳክ ዓኒክ ኤንኢሙታ̇ ኣቂሊ̇ ናኢ ማ̈ቂ̇ባ̈ዳ።

ኤፍ 4:14 ပူးပေါင်းရင်းမြစ်များ

ማ̈ቶ̈ሳ 11:7

ዋ̈ኒ̇ሳ ታማ̈ራን ሉኪ̇ኖፖ ዎሃ ዬሱ̈ሲ ዎርዣ̈ቦ ዋ̈ኒ̇ሳ ባዝ ሶ̈ሊ̈ርዶሪ “ዪንቲ̇ ዚቃንታ̇ ባራሃ ጋርታ̇ ዋ̈ኒ̇ሳክ ኣብዝ ቤቃ̇ንዳ ጌዪ ሉኪ̇ና? ኣይጊ ኤንኢሲዝ ሾምባቂንዲፌ̈ን ጌዳክ ዓኒክ ጌይዝ ኣስ ቤቃ̇ንዳ̇ብ ሉኪ̇ና?

ማ̈ቶ̈ሳ 24:11

ዎይሊን ዎርዳ ናባን ዲንዲ̈ሬ፥ ኢንታ̇ር ዎይሊን ኣስ ባሊ̈ሬ።

ማ̈ቶ̈ሳ 24:24

ዎርዳባር ፌ̈ና ክርስቶ̈ሳ ዪዝ ጌይዛንኬ ዎርዳ ናባን ዲንዲ̈ሬ። ኢንታ̇ብ ዳንዳኢንቴ̇ጌይን ሜላ ኣቲ̇ን ጾ̈ሳ̇̇̈ቦ ማራ̇ጺንቲ̇ኖ ኣሳን ባሊንዳቦ ጴች ታሚ̇ራ̈ታኬ ጋራ̇ሚሲዝ ባዛን ቤይሲ̈ሬ።

ሃዋ̈ራታን ኦ̈ሳ 23:21

ዎቲናካሬ ኔ ኢንታ̇ኮን ሲስካፔ̇ ‘ኑ ኢያ ዎካይዶር ካ ሞ̈ንዳባዬ፤̇ ዋ̈ ኡሽካ̇ንዳባዬ̇’ ጋ̈ሪ ዎልኣ ዞሪንቲ̇ኖ ኦይዲ ታጳፓ ሺዝ ኣሲ ኢያ ዎንዳብ ባያር ና̈ጊ ዎ፤ ዪ̈ኮታ̇ቦ ኢንቲ ዓት ኔ ጋ̈ዝ ባዚን ሙታ̇ ሲስካ̇ንዳብ ና̈ጊ̈ኔ” ጌይዴ።

1 ቆሮ 12:2

ዪንቲ̇ ቲ̈ን ጾ̈ሳ̇ ኣማ̇ናካ̇ዮምባ̇ራ ዪንቲ̇ ኤራካ̇ዮ ባዝባር ቲ̈ኒንታ̈ሪ ኣሲ ኮቺ̇ኖ፥ ሶ̈ላንዳብ ዳንዳኢባ̈ሶ ሚሲላብ ጎሽታ̇ንዳብ ሉካ̇ዚን ዪንቲ̇ ኤሪ̈ሬ።

1 ቆሮ 14:20

ቴ ኢሺንታ̇ን! ኢ̈ት ባዛቦ ኣቂሊ ናኢፌ̈ን ማ̈ቂ̇ብትዶኬ ዪንቲ̇ ቆፒ̇ርዶሪ ኣቂሊ ናኢፌ̈ን ማ̈ቃፒ̇ቴ፤ ዪንታ̇ ቆፊንባራ ቡ̈ዳ ኤሪኖ ኣስ ማ̈ቂ̇ብቴ።

1 ቆሮ 3:19

ዓኒ̇ ኣላሚን ጋልዶ ኤሪቲንዳ ጾ̈ሳ̇ ቲ̈ን ዳሺቲ፥ ዪ̈ዳሬ “ጾ̈ሲ ኤራን ኢንታ ዉጪምባ̇ራ ኢንታ̇ ኤ̈ሬ” ጌዪ ጻ̈ፊንቲ̇ኖንዲፌ̈ኔ።

2 ቆሮ 2:17

ኑ̈ኒ ጾ̈ሳ̇ ቃ̈ሊን ዛላ ባዝፌ̈ን ማሂዝ ዎይሊን ኣሳንፌ̈ን ጊዳካዬ። ዎቲናካሬ ጾ̈ሳ̇ ቲ̈ናፖ̇ ኪ̈ቲንታ̇ር ዬይኖ ኮሽ̇ ኪ̈ታ̇ንቻ̇ንፌ̈ኒ ክርስቶ̈ሳባር ማ̈ቃ̇ር ጾ̈ሳ̇ ቲ̈ን ኪን ቡ̈ዳፖ̇ ሶ̈ሊ̈ሬ።

2 ቆሮ 4:2

ጌ̈ማ ኦ̈ዚን ኣስ ዬ̈ሊዝ ባዝ ማ̈ቂ̇ኖ ባዛን ዎይ ኑ̈ ኦ̈ባ̈ሴ፤ ማ ውጫር ውጪቲባ̈ሴ፤ ጾ̈ሳ̇ ቃ̈ላዳር ላሚ̇ባ̈ሴ፤ ዪኒፖ̇ ኪን ባዚን ፋላ̇ ጋልዳ ቤይሲሙታ̇ ኑ̈ኒ ጌ̈ሺ̇ቲባር ዶኢሙታ̇ ዎንዶ ኣስ ዎይ̈ቦ ጾ̈ሳ̇ ቲ̈ን ፋላ̇ ማሂ̈ሬ።

ጋላ̈ታ 3:1

ጋላ̈ታ ኣሳን ቦ̈ዛን! ዪንታ̇ ቢቲኖ ኦ̈ኖ? ዬሱ̈ስ ክርስቶ̈ሲ ዪንታ̇ቦ ጋ̈ሪ ማስቃ̇ላ ጋልዳ̇ ሶቲንቲ̇ኖንዶ ቴ ዪንታ̇ ኮሺንቻ ታማ̈ርሳካ?

ኤፍ 6:11

ሴ̈ጣና̈ኮን ዉጫ ኦ̈ሲን ጋማንዳ̇ቦ ጾ̈ሳ̇ኮ ኦላ ማሳ̇̈ራ ዎይ ጊጺ̇ብቴ።

1 ጢማ̈ 3:6

ኦ̈ቲራባር ኩማሪ ሴ̈ጣና ኤኪ̇ኖ ፊርዲን ኤካካ̇ዮ̈ዲፌ̈ኒ ቢርት ኣማ̇ኒኖ ኣሲ ዎ̈ሳ ኬ̈ ቲ̈ኒዝ ኣስ ማ̈ቃፖጋ̈ቤ።

2 ጢማ̈ 1:15

ኢ̈ሳ ጋ̈ዳ ዎን ዎይ ታና̈ ኣሻር ሉኪ̇ኖን ኔ̈ ኤራ̈ሬ፤ ዪን ኣሳን ጋርታ̇ፖ ናምኣን ፊጋሎሳኬ ሄርሞጌ̈ኔ̈ሳኬ።

2 ጢማ̈ 3:13

ዎቲናካር ኢ̈ታ ኣሳንኬ ማይጺሳር ኣቂዝ ኣሳን ሜላን ባሊሙታ̇ኬ ፌ ቆሚ̇ምባር ባሊቲ̇ሙታ̇፥ ኢ̈ታ ባዝ ጋልዳ ኢ̈ታ ባዝ ጉጂ̇ሙታ̇ ሉኪ̇̈ሬ።

2 ጢማ̈ 4:3

ኣሲ ሼ̈ምፓ ኢማ̇ዝ ቲምርቲ̇ን ኢጺ̇ዚ ኬሊ̇ ዬይሬ፤ ዪኒ̇ፖ ፌ̈ብ ኮሽኪ̇ዝ ባዝሙታ ሶ̈ሊዝ ኣስታማ̈ሪ ፌ̈ብ ሺ̈ሺ̈ሬ።

ኢብ 13:9

ኤሪንታ̇ካዮ ዱማ ዱማ ኦራ ቲሚርታ̇ባር ካ̈ቲንታ̇ር ሉካፒ̇ቴ፤ ኑ ቡ̈ዲንዳ ፊ̈ሻ ዎጋ ና̈ጋባር ጊዳካይዶን ጾ̈ሳ̇̈̇ ኪልስባር ሚ̈ጚኖኮ ኮሼ̇፤ ዪኖ̇ ፊ̈ሻ ዎጊን ና̈ጊዝ ኣሳን ኣባካር ጻቃ̇ሚንታካ̇ዬ።

ዓይ 1:6

ና̈ሳ ዪ ጌሺ̈ርዶ̈ሪ “ጾ̈ሲ̇ ታ̈ብ ኢማ̇ንዳዶኔ?” ጋ̈ካ̇ይዶር ኣማ̇ናባር ኢያ ጌሾ ጋ̈ቤ̈። ኣባ ጌዬጌይንዶ ሲዝ ኣሲ ኣይጊባር ጌዳክ ዓኒክ ኤንኢዝ ባሃ̈ራ ጋልዶ ውርጊፌ̈ኒዬ።

ዓይ 3:4

ባሃ̈ራ ጋልዶ ጎጚ ኣባካር ጴች̇ ማ̈ቂናካሬ፥ ጴች ኣይጊ ኢያ ሱጊ ኤኪ̇ ሉኪ̇̈ርካራሬ፥ ኢዞ ዋ̇ዝ ና̈ሳ̈ዲ ዋ̈ ፋጊዝ ጊላ̇ ሚባራ ኢዞ ቲ̈ኒ ፌ ኮዪኖ ጎይ ኤኪ̇ ሉኪ̇̈ሬ።

2 ጴጥ 2:18

ባሊዝ ቲሚርታ ጋርታፖ̇ ዬ̈ር ቢርት ሚ̈ጛካ̇ዮ ኣሳን ፋባ̈ሶ ኦቲራ ሶ̈ላ ሶ̈ሊሙታ̇ ኢ̈ታ ናጋራ ኢና̇ባርኬ ኦሎላባር ኢንታ ጪ̈ጪንቺሙታ̇ ኢንታ ባሊሬ።

1 ዋ̈ኒ̇ 2:19

ኢንታ̇ር ኬስኪ̇ኖንዳ ኑ ጋርታ̇ፖ። ማ̈ቂ̇ናካሬ ኢንቲ ሚናር ማ̈ቂ̇ን ኑ ኣስ ጊዳካ̇ዬ። ኢንቲ ዎን ኑ ኣስኮ ኑባራ ሚ̈ጛሪ ዶኢ̈ርዶን። ዎቲናካሬ ኢንቲ̇ ኑ ጋልዳፖ ፋጊንታ̇ር ሉኪ̇ኖንዳ ኢንቲ̇ ኑ ኣስ ማ̈ቃካ̇ዮን ኤርሲኔ።

1 ዋ̈ኒ̇ 2:26

ዪንታ̇ ባል̇ዝ ኣሳ̈ን ጎይ ቴ ዪኖ̇ ዪንታ̇ብ ጻ̈ፊኔ።

1 ዋ̈ኒ̇ 4:1

ቴ ኢሺንታ̇ን! ኣላሚን ዓኒ̇ ጋልዳ ኣስ ባሊዚ ማቃ ማቂ̇ዝ ናባን ኬስኪ̇ኖኮታ̇ቦ ኣያ̇ና ዎይ ኪን ጌዪ ኤካፒ̇ቴ፤ “ጾ̈ሳ̇ ጋልዳፖ ዬይኖ ኣያ̇ናቤ ኢ̈ታ ኣያ̇ና” ጋ̈ሪ ጌ̈ዚንር ቆፓ̇ር ቤቂ̇ብቴ።

ዪሁ 1:12

ዪንቲ̇ ካንባራ ዎልኣ ሞ̈ንዳብ ሺ̈ቃዝ ቤሲ̇ን ጋልዳ ዬ̈ላ̇ ቤይ ዪንታ̇ባር ሺ̈ቃር ሞ̈ንዳብ ኮዪዝ ዢምባ̇ራ ኣስፌ̈ኒዬ፤ ኢንቲ ፌ ቆ̈ማ̇ብ ሙ̈ታ ቆፒ̇ዝ ጋይጫናእፌ̈ኔ፤ ኢንቲ ኣይጊ ጌዳክ ዓኒክ ኤንኢሲዝ ኢሪ ባዮ̇ ሻ̈ራፌ̈ኒዬ፤ ኣ̈ፍ ካጺ̇ባ̈ሶ ሚፌ̈ኒዬ፤ ማ ጻጲንባር ሚዲንታ̇ሪ ናምኢ ቶህ ዓይቂ̇ኖ ሚፌ̈ኔ።

ሳጻ 19:20

ዎቲናካሬ ማ̈ታ ባዛ̈ ኤ̈ንቲ̇ዴ፤ ኢ ቲ̈ኒን ጋርታ̇ ዎይሊን ታሚ̇ራ̈ታ ኦ̈ዛ ዎርዳ ናባ̈ዲ ኢያር ኢባር ዎልኣ ኤንቲዴ፤ ኢ ቲ̈ን ማ̈ታ ባዛ̈ ማላ̈ ኢንታ ጋልዳ ዎንኬ ማ̈ታ ባዛ̈ ሚሲላ̈ቦ ሞ̈ኪንቲ̇ዛን ታሚ̇ራታ ኦ̈ሙታ ባሊኔ፤ ዪን ናምኣን ዓይቃካ̇ይ ሼምፓባር ዎዶን ዲ̈ናባር ኤይቲ̇ዝ ታማ ባሃ̈ራ ጋርታ ቶጚቲ̇ዴ።