ኤፍ 4:12 - ኦራ ጫ̈ቃ ማጻ̈ፋ

¹² ዪኖ̇ ኢ ኦ̈ኖንዳ ክርስቶ̈ሳይ ማ̈ቂ̇ኖ ኣሳን ሚ̈ጛምፔ̈ንኬ ኢንቲ ጾ̈ሳ̇ ኦ̈ሳ ኦ̈ምፔ̈ኒ ጊ̈ጊንቲ̇ኖ ኣስ ማ̈ሳንዳቦ።

ኤፍ 4:12 ပူးပေါင်းရင်းမြစ်များ

ሉቃ̈ሳ 22:32

ታ̈ኒ ኔ ኔ ኣማ̇ኒን ጋልዳፖ̇ ኬዳካ̇ይፌ̈ኒ ኔኮታ̇ብ ዎ̈ሳ̇ዴ። ኔ̈ናር ታ̈ክ ማ̈ቂ̇ኖ ኬል̇ባራ ኔ ኢሺንታ̇ን ሚ̈ንቤ” ጌይዴ።

ሃዋ̈ራታን ኦ̈ሳ 1:17

ኢ ኑ ጋርታ̇ፖ̇ ፔታ̇ና ማ̈ቃ̇ር ፋይዲንታሪ ዓና̇ ኦ̈ሲን ጋልዳ ቤንታ̇ር ኑባር ኦ̈ኖ ኣሴ” ጌይዴ።

ሃዋ̈ራታን ኦ̈ሳ 1:25

ዪሁዶ ፌ̈ብ ማ̈ቂ̇ዝ ቤስ̇ ሉካ̇ሪ ኣሺ̇ኖ ኦ̈ሲ̇ምቦ̇ ኢ ቤሲ̇ን ሃ̈ዋ̈ራ ማ̈ቃ̇ር ኦ̈ምፔ̈ኖ ኦ̈ናኮ ኑ̈ና ቤይሳቤ” ጌዪ ዎ̈ሲ̇ዴ።

ሃዋ̈ራታን ኦ̈ሳ 11:23

ኢያሬ ሉኪ̇ ኢና ዬላ̇ሪ ጾ̈ሲ ዎርዣ̈ቦ ዎዛርፌ̈ን ፌ ኣንጃ ዎይሊሲኖኮ ቤቃ̇ሪ ኡፋይቲ̇ዴ፤ ዎይን ፎቲ ቡ̈ዳባራ ሚ̈ጛሪ ጎዳ̈ቦ ኣማኒንቲ̇ኖ ማ̈ቃ̇ር ዶኣምፔ̈ን ኢንታ̇ ዞሪዴ።

ሃዋ̈ራታን ኦ̈ሳ 20:24

ጾ̈ሳ̇̇ ኮሺቲ ዎጛሊን ታማ̈ርሳንዳ̇ቦ ታ̈ኒ ጎዳ ዬሱ̈ሳ ጋልዳፖ ኤኪ̇ኖ ኪ̈ቲን ኦ̈ር ፎቴጌይንዶ ቴ ዓይቄ̇ጌይናር ታ̈ና ሚቻ̇ባሴ፤ ቴ ሼምፒ̇ንባር ቴ ቆይታ̇ባሴ።

ሃዋ̈ራታን ኦ̈ሳ 20:28

ጌ̈ሻ̇ ኣያ̇ናዲ ፌ ዎርዣ̈ ና̈ጎ ጋ̈̈ር ዪንታ ማራ̇ጺኖ̈ኮታ̇ቦ ዪዚ ዪንቲ̇ ዪንታ ቆሚንዲኬ ዎርዣ ኮሺንቻር ና̈ጊብቴ̇፤ ኢ ፌ ሱ̈ምባር ዎዚኖ ዎ̈ሳ ኬ̈ን ና̈ጊብቴ።

ሃዋ̈ራታን ኦ̈ሳ 9:31

ዪና̇ ኢዝባራ ይሁዳ፣ ጋሊላኬ ሳማ̈ራ ዎ ኣማ̇ኒኖ ኣሳን ሳሪቲ ዲጚዴ፤ ሚ̈ጚዴ፤ ማ ጾ̈ሳ̇̇̈ቦ ኢ̈ጪ̇ሙታ̇ ጾ̈ሳ̇ ቦንቺ̇ ጌ̈ሻ̇ ኣያ̇ናባር ሚ̈ጚሙታ̇ ኣሳር ኢንታ ጋልዳ ጉጂንቲ̇ሙታ̇ ዬይዴ።

ሮሜ 12:5

ዪና ኢዝፌ̈ን ኑ̈ናሬ ዱማ ዱማ ኣስዶ̈ን ክርስቶ̈ሳባራ ዎል ፔታ̇ኔ፤ ኑ̈ኒ ዎይን ፔቲ̈ ጋ̈ል ጋልዳ ዎ ጊሻ̇ቦ ዎልዎልኣ ኤ̈ንቲ̇ኔ።

ሮሜ 12:7

ኑ̈ቦ ኢሚንቲ̇ኖንዳ ሜ̈ላን ማ̈ዲ̇ዝባዝኮ ሚ̈ጛር ማ̈ዲስቶ̇፤ ታ̈ማር̇ሲኮ ሚ̈ጛር ታማ̈ርሲስቶ̇፤

ሮሜ 14:19

ዪዚ ኑ̈ቦ ሳሪቲ ቤ̈ንቲዝ ጎ̈ይንዲኬ ኑ ዎል ዎልኣ ኑ ኣማ̇ኒን ሚንዝ ጎ̈ይ ሚ̈ጛር ኮዪስቶ̇።

ሮሜ 15:14

ቴ ኢሺንታን! ዪንቲ ኮሺ̇ቲባርኬ ኤራባር ኩሚኖ ኣስ ማ̈ቂኖንዲኬ ዎልዎልኣ ዞራንዳ̇ቦ ዳንዳ̇ኢዛ ማ̈ቂ̇ኖን ኪንባር ቴ ኤሪኔ።

ሮሜ 15:2

ኑ ዎይን ሜላን ፌ ኣማ̇ኒንባር ሚ̈ጛንፔ̈ን፤ ኢንታ̇ ማ̈ዲ̇ዝ ባዝኬ ኢንታ̇ ኡፋይሲ̇ዝ ባዝ ኦ̈ስቶ።

ሮሜ 15:29

ታ̈ኒ ዪንታ̇ኮ ዬይዚ ቃሚን ክርስቶ̈ሳ ኣንጂንባር ኩማራ ዪንታ̇ኮ ዬዚን ቴ ኤራ̈ሬ።

1 ቆሮ 12:27

ዪንታ̇̇ሬ ክርስቶ̈ሳብ ጋሌ̇፤ ዪንቲ̇ ዎይ ዪንታ̇̇ ቆሚ̇ን ቆሚ̇ን ኢብ ጋሌ̇።

1 ቆሮ 12:7

ዎይ ኣሳንቦ ኢንቲ̇ ጌ̈ሻ̇ ኣያ̇ና ቤይሲዝ ኪልስ ኢማ̇ዚንዳ ዎይንቦ ማ̈ዳ̇ምፔ̈ኔ።

1 ቆሮ 14:12

ዪንታ̇̇ሬ ጌ̈ሻ̇ ኣያ̇ና ኢማ̇ዝ ኪልሲን ኤካ̇ንዳብ ሚ̈ጛር ኮዪዝ ኣስ ማ̈ቂ̇ኖኮታ̇ቦ፤ ዪንቲ̇ ዎይፖ̇ ሺ ኣማ̇ኒኖ ኣሳን ሚ̈ንንዳብ ዳንዳኣዝ ኪልሲን ዪንታ̇̇ብ ዎይላንፔ̈ኒ ኮዪብቴ̇።

1 ቆሮ 14:14

ታ̈ኒ ኦራ ኖ̈ናባር ዎሳ̇ምባራ ቴ ዚምጋር ዎ̈ሳ̇ርዶኬ ታ ኣብዝ ጋ̈ርኮ ታ̈ብ ኤሪንታባሴ።

1 ቆሮ 14:26

ቴ ኢሺንታን! ዪዚ ኣብዝ ዎታ̇ንዳ ኮሺ̇̈ራ? ዪንቲ̇ ዎሳ̇ንዳብ ሺ̈ቃምባ̇ራ ዪንታ̇ ጋርታ̇ፖ ፔታ̇ና̈ቦ ማዝሙራ ዬጺ̇̈ዝ፤ ሜላ̈ቦ ኣስ ታማ̈ርሲ̈ዝ፤ ፔታ̇ና̈ቦ ኣሳብ ጌ̈ሚቲኖ ባዝ ፋላ̇ ጋልዳ ኬሲ̇ዝ፤ ፔታ̇ና̈ቦ ኦራ ኖ̈ናባር ሶ̈ሊዝ፤ ማ ሜላ̈ቦ ኦራ ኖ̈ናባር ሶ̈ሊኖን ቢሊ̇ዝ ኪልሲ ዎ፤ ዪዚ ዪን ዎይ ኪልሳን ኣማ̇ኒኖ ኣሳን ሚ̈ንር ኤሲ̇ዝ ባዝ ማ̈ቃ̇ንዳብ ኮሺ̈̇ሬ።

2 ቆሮ 12:19

ዓኖ̇ ዬላ̇ር ዪንቲ̇ ቆፓ̇ዚንዳ ኑ ዪንታ̇̇ ቲ̈ን ኤቃ̇ሪ ኑ ኑ̈ና ማ̈ዳ̇ንዳቦ ሶ̈ሊዛ ዪንታ̇ክ ማይጺ̈ራ? ኑ̈ኒ ክርስቶ̈ሳባር ማ̈ቃ̇̈ሪ ጾ̈ሳ̇ ቲ̈ን ሶ̈ሊ̈ሬ፤ ኑ ላጋ̇ን! ኑ ዓ ዎይ ዎቲዛ̈ዲ ዪንታ̇ ሚ̈ንንዳቦ ጋ̈ሪዬ።

2 ቆሮ 13:11

ዪዚ ቴ ኢሺንታ̇ን! ሳሮ ዶኢብቴ̇! ዪንታ̇ ኣማ̇ኒንባር ሚ̈ጚብቴ! ቴ ዞሪን ኤኪ̇ብቴ፤ ዎልዎልኣ ፔቲ̇ ቆፊ ዪንታ̇̇ብ ዶኦጋ̈ቤ፤ ሳሪቲባር ዶኢብቴ ካንኬ ሳሪቲ ጾ̈ሳ̇̇̈ዲ ዪንታ̇̇ባር ማ̈ቂ̇̈̃ሬ።

2 ቆሮ 13:9

ኑ̈ኒ ዳ̈ቡሪዛን ማ̈ቂ̇ን ዪንቲ̇ ሚ̈ንን ማ̈ቂ̇ኖኮ ኑ̈ና ኡፋይሳ̇̈ሬ፤ ኑ ዎ̈ሳ̇ዝ ዎ̈ሲንዳ ዪንቲ̇ ኣማ̇ናባር ሚ̈ጚኖ ኣስ ማ̈ቃ̇ምፔ̈ኔ።

2 ቆሮ 3:8

ጌ̈ሻ̇ ኣያ̇ና ጎይባር ማ̈ቃ̇ዝ ኦ̈ሲንዳ ሺ ቦንቺ̇ ኢዝቦ ዶኢባሳ?

2 ቆሮ 4:1

ጾ̈ሲ ፌ ማ̈ሪቲምባራ ዓና̇ ኦ̈ሲን ኑ̈ብ ኢሚ̇ኖኮታ̇ቦ ኑ̈ኒ ቦስባ̈ዳ።

2 ቆሮ 5:18

ዪ̈ ዎይ ማ̈ቂ̇ኖ̈ዲ ኑ̈ና ክርስቶ̈ሳ ጎይባራ ፌባር ኢጊንኖ ማ ሜላን ኢጊንዝ ኦ̈ሳ ኑ̈ብ ኢሚ̇ኖ ጾ̈ሳ̇ ጎይባራ።

2 ቆሮ 6:3

ኑ ኦ̈ሲን ኣሳ ቲ̈ን ኢ̈ት ማ̈ቃር ቤንታ̇ካ̇ይፌ̈ኒ ኣባካር ማ̈ቂ̇ን ኑ̈ኒ ኦ̈ባካር ፊ ማ̈ቂ̇ባዳ።

2 ቆሮ 7:1

ታ ላጋ̇ን! ጾ̈ሲ̇ ዪ̈ ዎይ ታስፋ ኑ̈ብ ኢሚ̇ኖኮታ̇ቦ ኑ ኣሲቲን ቄ̇ዝ ባዝ ዎይ ጋልዳፖ̇ ኑ ኑ̈ና ጌ̈ሺ̇ስቶ፤ ጾ̈ሳ̇̇̈ቦ ኢ̈ጪ̇ሙታ̇ዶ̈ሪ ኑ ዉርሲ ጌ̈ሽ ማ̈ቃ̇ር ዶኢስቶ።

ኤፍ 1:23

ዎሳ ኬ̈ንዳሬ ዎይ ባዝ ዎይ ጎይባራ ኩምዛ ክርስቶ̈ሳባር ኩም ማ̈ቂ̇ኖ ኢ ጋሌ̇።

ኤፍ 4:16

ኣሳቦ ዎ ዱማ ዱማ ጋ̈ላ̇ን ሻሽ̇ባር ዎልኣ ፔታ̇ን ኤ̈ንቲ̇ኖ̈ዲፌ̈ኒ ኣማ̇ኒዝ ኣሳን ዎልዎልኣ ኤ̈ንቲ̇ኖ̈ዲ ክርስቶ̈ሳባራ፤ ዪ̈ኮታ̇ቦ ዪን ዱማ ዱማ ጋላ̇ን ፌ̈ብ ኢሚ̇ኖ ኦ̈ሲን ኮሺንቺ̇ ፎቴጌይንዶ ጋሊ̇ ዎይ ዲጪ̇̈ሬ፥ ማ ካንባራ ሚ̈ጚ̈ሬ።

ኤፍ 4:29

ዪንታ̇ ኖ̈ና ጋርታፖ ኢታ̇ ሶ̈ሎ ኬስካፖ̇ጋ̈ቤ ዎቲናካሬ ኮሺ̇ኖንዲፌ̈ኒ ሲስኪ̇ዝ ኣሳንቦ ኡፋይሲዝ ባዝኬ ሚ̈ንንዳብ ማ̈ቂ̇ዝ ባዝ ሶ̈ሊብቴ።

ኤፍ 4:4

ዪንቲ̇ ጼይጊንቲ̇ኖንዳ ፔቲ̇ ታስፋቦ ማ̈ቂ̇ኖንዲፌ̈ኒ ፔቲ̇ ጋል̇ኬ ፔቲ̇ ኣያ̇ና ዎ።

ቆላ̈ሳ̈ሳ 1:24

ታ̈ኒ ዓት ዪንታ̇ ጊሻ̇ቦ ኤካ̇ዝ ሜቲንዳ ታ̈ና ኡፋይሲ̇ኔ፤ ክርስቶ̈ሲ ፌ̈ብ ጋላ̇ ማ̈ቂ̇ኖ ዎ̈ሳ ኬ̈ንኮታ̇ቦ ሜ̈ታ ኤካ̇ምባራ ኣቲ̇ኖን ታ̈ኒ ሜታ ኤካ̇ሙታ̇ ኩምሬ።

ቆላ̈ሳ̈ሳ 1:28

ኑ̈ኒ ኣሲ ዎይ ክርስቶ̈ስባራ ዲጫ̇ር ቤንታ̇ምፔ̈ን ዎታንዳቦ ኣስ ዎይ̈ዳ ኤራ ዎይ̈ባራ ዞሪሙታ̇ኬ ታማ̈ርሲሙታ̇ ክርስቶ̈ሳ ባዝ ሳባ̇ኪ̈ሬ።

ቆላ̈ሳ̈ሳ 4:17

ኣርኪጳ̈ሳኮ “ጎዳ ኔ̈ና ኦ̈ ጌይ ኔ̈ብ ኢሚ̇ኖ ኦ̈ሲን ኦ̈ ፎታቤ” ጋ̈ር ኢ̈ብ ሶ̈ሊብቴ።

1 ጢማ̈ 1:12

ፌ ኦ̈ሳብ ሹ̈ማሪ ኣማ̇ኒንቲ̇ኖ ኣስ ማሃር ታ̈ና ፋይዲኖ ኑ ጎዳ ዬሱ̈ስ ክርስቶ̈ሳ ቴ ጋ̈ላታሬ።

2 ጢማ̈ 4:11

ታባር ሉቃ̈ሲ ሙታ̇ ዎ፤ ማ̈ርቆ̈ሳ ቴ ኦ̈ዝ ኦ̈ሲምቦ ታ̈ብ ኮሺ̇ዝ ኣስ ማ̈ቂ̇ኖኮታ̇ቦ ኔባር ኢያ ኮያር ታ̈ብ ኤካ̇ ዬ̈ቤ።

2 ጢማ̈ 4:5

ዎቲናካር ኔ̈ኒ ዎይ ባዝባራ ኔ̈ና ና̈ጋቤ፤ ሜ̈ታ ጋርታ ጋርዣቤ፤ ዎጛላ ኦ̈ሲን ኦ̈ቤ፤ ኔ̈ብ ኢሚንቲ̇ኖ ኦ̈ሲን ኦ̈ ፎታቤ።

ኢብ 13:17

ዪንታ̇ ቲ̈ኒዝ ኣሳንቦ ኪ̈ቲንቲ̇ብቴ፤ ኢንታ ሲልጣ̈ኒን ጻና ዶኢብቴ፤ ኢንቲ ዪንታ̇ኮታ ኦይጪንቲ̇ዛኮታ̇ቦ ዪንታ̇ኮታ̇ብ ሚ̈ጛር ኦ̈ሬ፤ ዪንቲ ኢንታብ ኪ̈ቲንቲ̇ዝ ባዝ ማ̈ቄ̇ጌዪን ኢንቲ ፌ ኦ̈ሲን ኡፋይስባራ ኦ̈ሬ፤ ዪኒፖ ኣቴይን ሺን̇ ጌዪሙታ̇ዶር ኦ̈ሬ፤ ዪንቲ̇ ኢንታ̇ብ ኪ̈ቲንታካ̇ይ ኣቴ̇ጌይን ዪንታ̇ብ ኮሽ̇ ጊዳካ̇ዬ።

ኢብ 6:1

ዪዚ ክርስቶ̈ሳ ጎይ ኢሚንቲ̇ኖ ሚኖ ቲሚርቲ̇ንፖ ኣ̈ሪ ኣማ̇ናባር ጋምኢኖ ኣሲ ታማ̈ራንዳብ ኮሻ̇ዝ ቲሚርቲ̇ንኮ ቲ̈ን ሉኪ̇ስቶ፤ ማ̈ዲ̇ባ̈ሶ ኦ̈ሲን ጋርታፖ ማ̈ቃር ማ̈ሪቲ ጌሊዝ ጎይኬ ጾ̈ሳ̇̈ ኣማ̇ኒዝ ጎይ፤