ኤፍ 4:1 - ኦራ ጫ̈ቃ ማጻ̈ፋ

¹ ዪዚ ጎዳ̈ብ ኦ̈ኖኮታ̇ቦ ቃሺ ኣ̈ል ጌሊኖ ታ ጳውሎ̈ሲ፥ ጾ̈ሲ ዪንታ̇ ጼይጊኖ ጼይሲ̇ንቦ ማ̈ቂ̇ዝ ኮሻ̇ ዶኢ ዶኣምፔ̈ን ቴ ዪንታ̇ ጌሻ̈ሬ።

ኤፍ 4:1 ပူးပေါင်းရင်းမြစ်များ

ሃዋ̈ራታን ኦ̈ሳ 9:31

ዪና̇ ኢዝባራ ይሁዳ፣ ጋሊላኬ ሳማ̈ራ ዎ ኣማ̇ኒኖ ኣሳን ሳሪቲ ዲጚዴ፤ ሚ̈ጚዴ፤ ማ ጾ̈ሳ̇̇̈ቦ ኢ̈ጪ̇ሙታ̇ ጾ̈ሳ̇ ቦንቺ̇ ጌ̈ሻ̇ ኣያ̇ናባር ሚ̈ጚሙታ̇ ኣሳር ኢንታ ጋልዳ ጉጂንቲ̇ሙታ̇ ዬይዴ።

ሮሜ 11:29

ጾ̈ሲ̈ ፌ ካንን ኢሚ̇ኖፖ̇ ዓኒኬ ዶሳር ማ̈ራጺ̈ኖፖ ዓኒ “ቴ ዓኖ̇ ኣባቦ ዎቴ” ጌዪባ̈ሴ።

ሮሜ 12:1

ዪዚ ቴ ኢሺንታን! ዪንታ̇ ኣሲቲ̈ንዶ ጾ̈ሳ̇̇ ኡፋይሲዝ ጌ̈ሽ ማ̈ቂ̇ኖ ሼምፓባሮ ዣርሻ ማ̈ሃሪ ጾ̈ሳ̇̈̇ቦ ሺ̈ሻ̇ምፔ̈ኒ ጾ̈ሳ̇ ኣሽኪቲምባራ ቴ ዪንታ̇ ጌሻ̈ሬ። ዪንቲ̇ ጾ̈ሳ̇̇̈ቦ ጎሽታ̇ንዳብ ኮሺ̇ዝ ኪን ጎይን ዓና̇ ኢዞ።

1 ቆሮ 4:16

ዪ̈ኮታ̇ቦ ዪንቲ ታ̈ና ማይጻር ቴ ዎሂን ዬ̇ምፔ̈ን ቴ ዪንታ̇ ጌሻ̈ሬ።

2 ቆሮ 10:1

ዪንታ̇̇ባር ዎዶራ “ዬ̈ልቂዝ ኣስ” ማ ዪንታ̇ ጋልዳፖ̇ ጎታ̇ራ “ኢ̈ጪባ̈ሶ ኣስ” ጌይንቲ̇ኖ ታ ጳውሎ̈ሲ ክርስቶ̈ሳ ኣሽኪቲንባርኬ ኮሺ̈̇ቲንባራ ዪንታ̇ ጌሻ̈ሬ።

2 ቆሮ 5:20

ኑ̈ኒ ክርስቶ̈ሳ ቤስ̇ ማ̈ቃ̇ሪ ኢ ባዝ ሶ̈ላንዳብ ኪ̈ቲንቲ̇ኖ ኣሴ፤ ጾ̈ሲ ኑባር ማ̈ቃ̇ሪ ዪንታ̇ ጼይጊ̈ሬ፤ ኑ̈ናሬ “ዪንቲ̇ ጾ̈ሳ̇̇̈ባር ኢጊንቲ̇ብቴ!” ጋ̈ሪ ክርስቶ̈ሳ ሱምባር ዪንታ̇ ጌሺ̈ሬ።

2 ቆሮ 6:1

ኑ̈ኒ ጾ̈ሳ̇̈̇ባር ዎልኣ ኦ̈ዝ ኣስ ማ̈ቂ̇ኖንዲፌ̈ኒ ዪንቲ̇ ኤኪ̇ኖ ጾ̈ሳ̇̇ ኮሺ̇ቲን ሜላ̇ ዓሪ ኣሻፒ̇ቴ ጋ̈ሪ ኑ ዪንታ̇ ጌሺ̈ሬ።

ጋላ̈ታ 4:12

ቴ ኢሺንታን! ቴ ዪንታ̇ ጌሻ̈ሬ፤ ታ̈ኒ ሚን ዪንቲ̇ ዎንዲፌ̈ኒ ዪንታ̇ ማይጺኖኮታ̇ቦ ዓት ዪንታ̇ሬ “ኣይሁድ ዎጊን ና̈ጋንዳ ኮሺ̇̈ሬ” ጋ̈ዚን ኣሻ̇ሪ ታ̈ና ማይጺብቴ። ዪንቲ ታ̈ብ ኣባካር ኢ̈ሳ̇ካ̇ዬ።

ኤፍ 2:10

ኣባ ጌይን ኑ̈ኒ ጾ̈ሲ ቲ̈ኒታር ጊ̈ጊ̇ሲኖ ኮሻ̇ ኦ̈ሳን ኦ̈ምፔ̈ን ዬሱ̈ስ ክርስቶ̈ሳ ጎይባር ማ̈ቃ̇ር ኮቺንቲ̇ኖ ጾ̈ሳ̇ ኮቺንቴ̇።

ኤፍ 3:1

ዪ̈ኮታ̇ቦ ታ ጳ̈ውሎ̈ሲ ኣይሁድ ባዮ̇ን ዪንታ̇ቦ ዬሱ̈ስ ክርስቶ̈ሳ ዎጛሊን ሳባ̇ካ̈ሬ ጋ̈ራ ቃሺ ኣ̈ል ጌሊኔ።

ኤፍ 4:17

ዪዚ ዓኒፖ̇ ጌዳ ፋባ̈ሶ ቆፊባር ዎ ጾ̈ሳ̇ ኤሪባ̈ሶ ኣሳንፌ̈ኒ ማ̈ቃር ዶኣፒ̇ቴ ጋ̈ር ጎዳ ሱ̈ምባር ቴ ዪንታ̇ብ ሶ̈ላ̈ሬ።

ኤፍ 4:4

ዪንቲ̇ ጼይጊንቲ̇ኖንዳ ፔቲ̇ ታስፋቦ ማ̈ቂ̇ኖንዲፌ̈ኒ ፔቲ̇ ጋል̇ኬ ፔቲ̇ ኣያ̇ና ዎ።

ኤፍ 5:2

ክርስቶ̈ሲ ኑ̈ና̇ ካኖንዲፌ̈ንኬ ጾ̈ሳ̇̇̈ቦ ኡፋይሲዝ ኮሽ ሳዉቂዝ ዣ̈ርሻፌ̈ን ማ̈ሃር ፌ ሼምፒ̇ን ኑ ጊሻ̇ቦ ጋ̈ር ዓይቃ̈ብ ኣ̈ ኢሚ̇ኖንዲፌ̈ኒ ዪንታ̇ር ዎልዎልኣ ካንባር ዶኢብቴ̇።

ፊል 1:27

ዪዚ ዎይባዛ̈ፖ ሺ ዪንቲ ዶ̈ኣዝ ዶኢንዳ ዬሱ̈ስ ክርስቶ̈ሳ ዎጛሊን ቦንቺሺዛ ማ̈ቆ̇ጋ̈ቤ፤ ዪና̇ሬ ታ̈ኒ ዪንታ̇̈ኮ ሉካ̇ራር ማ̈ቆ ማ ጎት ዎዶራር ዪንቲ ፔቲ̇ ቡ̈ዳባር ሚ̈ጛር ኤቂ̇ኖንዲኬ ማ ዎል ፔታ̇ን ማ̈ቃ̇̈ሪ ዎጛላ ቃ̈ሊን ኪንንቦ ቡቲታዚን ቴ ሲስካ̈ሬ።

ፊል 3:14

ጾ̈ሳ̇̇̈ዲ ዬሱ̈ስ ክርስቶ̈ሳ ጎይባራ ታ̈ና ፉዳ ጼይጊኖኮታ̇ቦ ኢ ታ̈ብ ኢማ̈ዝ ሺልማ̈ቲን ኤካ̈ንዳቦ ሚ̈ጛር ቤስ̇ ኢዞ ዬላ̇ንዳብ ዎጻ̇̈ሬ።

ቆላ̈ሳ̈ሳ 1:10

ኑ ዪኖ̇ ዎ̈ሳ̇ዚንዳ፥ ዪንቲ̇ ጾ̈ሳ̇ ኮያዚንዲፌ̈ኒ ዶኢሙታ ባዝ ዎይባራ ኢያ ኡፋ̈ይሳምፔ̈ኔ፤ ዪ̈ዳሬ ኮሽ ኦ̈ሳባራ ኣ̈ፍ ካጺ̇ሙታ̇ኬ ጾ̈ሳ̇ ሺ ኤሪሙታ ዲጫ̇ምፔ̈ኒ፣

ቆላ̈ሳ̈ሳ 2:6

ዪዚ ዪንቲ̇ ጎዳ ዬሱ̈ስ ክርስቶ̈ሳ ኣማ̇ኒኖንዲፌ̈ኒ ኢባ̈ራ ዶኢብቴ።

ቆላ̈ሳ̈ሳ 4:12

ዬሱ̈ስ ክርስቶ̈ሳብ ኣይላ ማ̈ቂ̇ኖ ዪንታ̇ ጋዶ̇ ና̈ሳ ኤጳ̈ፍራሬ ዪንታ̇ ሳሮ ጌይኔ። ዪንቲ ጾ̈ሳ̇̇ ጎይባራ ዲጫ̇ንፔ̈ንኬ ጾ̈ሳ̇̇ ቆፊን ዎይ ኦ̈ ፎታምፔ̈ኒ ዪንታ̇ ኮታ̇ ኢ ዎይ ጋላስ ዎ̈ሳባር ዳ̈ቡሪ̈ሬ።

1 ታሳ 2:12

ፌ ካ̈ቲቲንኬኬ ፌ ቦንቺ̇ንኮ ዪንታ̇ ጼይጊኖ ጾ̈ሳ̇̇̈ቦ ኮሻ̇ዚንዲፌ̈ን ዪንቲ ዶኣምፔ̈ኒ ኑ ዪንታ̇ ዞሪኖን፥ ሚ̈ንኖንዲኬ ሚ̈ንር ዪንታ̇ ጌሺኖን ዪንቲ̇ ኤሪ̈ሬ።

2 ታሳ 1:11

ኑ ዪኖ̇ ቆፒ̇ሙታ̇ ዎይ ጋላስ ዪንታ̇ ጊሻ̇ብ ጾ̈ሳ̇ ዎሳ̇ዚንዳ፥ ጾ̈ሳ̇ ዪንታ̇ ጼይጊኖ ጼይሲ̇ምቦ ኢ ዪንታ̇ ማ̈ቂ̇ዝ ኣስ ማሃንፔ̈ንኬ ዪንቲ̇ ኮሽ̇ ባዝ ኦ̈ንዳብ ዶሳዚንዲኬ ዪንታ ኣማ̇ኒኖኮታ̇ቦ ኦ̈ዝ ኦ̈ሲን ዎይ ኢ ፌ ዎልቂንባር ዪንታ̇ ፎቲሳምፔ̈ኒዬ።

2 ጢማ̈ 1:9

ኑ ኦ̈ኖ ኮሻ̇ ኦ̈ሲንኮታ̇ቦ ጊዳካ̇ይዶን ኢ ፌ ጌይኖንዲፌ̈ንኬ ፌ ካንንባር ኑ̈ና ፋዴ፤ ኑ ጌ̈ሽ ኣስ ማ̈ቃ̇ምፔ̈ኒ ኑ̈ና ጼይጊዴ፤ ዪና̇ ኮሺቲንዶ ሚን ሳ̈ዝ ሲሳፖ ዬሱ̈ስ ክርስቶ̈ሳ ጎይባራ ኑ̈ብ ኢሚ̇ኔ።

ቲ̈ታ̇ 2:10

ኢንቲ̇ ፌ ላ̈ን ሚ̈ሽ ዉ̈ቃፖ̇ጋ̈ቤ፤ ዪዳሬ ኣባቦ ጌይን ኑ̈ና ፋዝ ጾ̈ሳ̇ ቲሚርቲ̇ን ዎይ ባዝባራ ቦንቺንታ̇ምፔ̈ን ኢንቲ ዎይ ጋላስ ኮሽ̇ ኦ̈ሳ ኦ̈ሙታ̇ ኢንቲ̇ ኣማ̇ኒንቲ̇ኖ ኣስ ማ̈ቂ̇ኖን ቤይሳጋ̈ቤ።

ኢብ 13:21

ዪንቲ ኢ ጌይኖን ኦ̈ዝ ኣስ ማ̈ቃ̇ምፔኒ ኮሽ ባዝ ዎይባራ ዪንታ̇ ሚ̈ንር ኤሶ̇ጋ̈ቤ፤ ዬሱ̈ስ ክርስቶ̈ሳ ጎይባራ ፌ̈ና ኡፋይሲዝ ባዝ ኑባር ማ̈ቃ̇ር ኦ̈ጋ̈ቤ፤ ዬሱ̈ስ ክርስቶ̈ሳቦ ሜናፖ ሜናቦ ቦንች ማ̈ቆ̇፤ ኣሚንኤ።

ኢብ 3:1

ዪ̈ኮታ̇ቦ ጾ̈ሲ ዪንታ̇ ጼይጊኖ ቴ ኢሺንታ̇ን! ኑ ሶ̈ላዝ ኣማ̇ኒንቦ ጾ̈ሲ̇ ኢያ ኪ̈ታ̇ር ሚሺኖ ቄ̈ሳ̈ን ኣላቃ̈ ዬ̈ሱ̈ሳ ቆፒ̇ብቴ።

1 ጴጥ 2:11

ቴ ላጋ̇ን! ዪንቲ ዓኒ̇ ኣላሚን ጋልዳ ዛቃ̇ኬ ቤት ማ̈ቂ̇ኖኮታቦ ዪንታ̇ ሼምፒ̇ን ኦላዝ ናጋራ ኢኒ̇ን ጋልዳፖ ጎታ̇ምፔ̈ን ቴ ዪንታ̇ ጌሻ̇̈ሬ።

1 ጴጥ 3:9

ዪንታ̇ብ ኢ̈ት ኦ̈ኖ̈ቦ ኢ̈ት ኦ̈ ማሃፒ̇ቴ ዪንታ̇ ቆ̈ኖ̈ዳ ቆ̈ ማሃፒ̇ቴ ዪኒ̇ፖ ኢያ ኣንጂብቴ። ዪንቲ ጼይጊንቲ̇ኖንዳ ዪኒፌ̈ን ኦ̈ሪ ኣንጃ̇ ዲጛ̈ምፔ̈ኒዬ።

1 ጴጥ 5:10

ጊሊ̇ ጊዛብ ዪንቲ̇ ሜታ ኤኪ̇ኖፖ̇ ዓኒ ክርስቶ̈ሳ ጎይባራ ሜና ቦንቻ̇ብ ዪንታ̇ ጼይጊኖ ኮሺ̇ቲ ዎይ ኢ̈ክ ዎ ጾ̈ሳ̇̇̈ዲ ኢ ዪንታ̇ ዬሊ̇ኖ ሜቲን ጋርታፖ ዪንታ̇ ኬሳ̇ር ሚ̈ን ኤሲ̇̈ሬ።

2 ጴጥ 1:3

ፌ ቦንችባርኬ ፌ ኮሺ̇ቲንባራ ኑ̈ና ጼይጊኖ ጾ̈ሳ̇̇ ኢያ ኑ ኤሪኖኮታ̇ቦ ኢ ጾ̈ሲቲ ዎልቂንዳ ሼምፓ ዲጛንዳብኬ ጾ̈ሳ̇ቦ ጎሽታ̇ንዳብ ኮሺ̇ዝ ባዛን ዎይ ኑ̈ብ ኢሚ̇ኔ።

2 ዋ̈ኒ̇ 1:5

ዓታ̇ር ጎዳቲ̇ንዴ! ሚናፖ ዎንዲዶኬ ቴ ኔ̈ቦ ኦራ ኪ̈ታ ጻ̈ፋባሴ፥ ቴ ኔ̈ብ ጻ̈ፋዚንዳ “ኑ ዎልዎልኣ ካንቲ̇ስቶ” ጋ̈ዚን ሚናፖ ኑ ጊዳ ዎ ኪ̈ቲንዶ።