ኤፍ 3:8 - ኦራ ጫ̈ቃ ማጻ̈ፋ

⁸ ታ̈ኒ ጾ̈ሳ̇ ኣሳን ዎይንፖ̇ ጉ̈ጺዝ ኣስ ማ̈ቂ̇ናካሬ፤ ዎሳሊ ባዮ̇ ክርስቶ̈ሳ ዱሪቲ ኣይሁድ ባዮ̇ ኣሳንቦ ሶ̈ላምፔ̈ን ጾ̈ሲ ዓና̇ ኢዲ̇ሊን ታ̈ብ ኢሚ̇ዴ።

ኤፍ 3:8 ပူးပေါင်းရင်းမြစ်များ

ሉቃ̈ሳ 14:22

ኣይላ ማ̈ቃ̇ር ዬ̈ሪ ‘ላ̈! ዪንቲ̇ ታ̈ና ኪ̈ቲ̇ኖን ዎይ ዎቲንዶ̈ን ዓታ̇ር ቤሲ̇ ዎ ኩሚ ዉራካ̇ዬ’ ጌይዴ።

ዋ̈ኒ̇ሳ 1:16

ኢ̈ብ ኩማር ሺኖ ኮሺቲ ጋልዳፖ̇ ኑ̈ናር ዎይ ኣንጃ ጋልዳ ኣንጃ ዲጚዴ።

ሃዋ̈ራታን ኦ̈ሳ 5:41

ሃዋ̈ራታንሬ ዬሱ̈ሳ ሱምባራ ሜታ ኤካ̇ምፔ̈ኒ ጾ̈ሲ̇ ኢንታ̇ ማራ̇ጺኖኮታ̇ቦ ኡፋይቲ̇ሙታ̇ዶ̈ር ኣሳ ሺ̈ቂኖ ቤሳፖ̇ ኬስኪ ሉኪ̇ዴ።

ሃዋ̈ራታን ኦ̈ሳ 9:15

ጎዳ̈ዳሬ ኢ̈ኮ “ሉካ̇ቤ! ዪ ና̈ሳ̈ዲ ቴ ሱምን ኣይሁድ ባዮ̇ ኣሳንኬ ካ̈ቲንታ̇ን ቲ̈ን ማ ኢስሬ̈ላ ዎርዣ ቲ̈ን ዎይ ኤርሲዛ ታ̈ብ ማራጺ̇ንቲ̇ኖ ቴ ሚ̈ሻ̇ ኢያ።

ሮሜ 11:33

ጾ̈ሳ̇̈̇ ዱሪቲንዳ፣ ኢ ኤጪቲንዲኬ ኢ ኤሪቲንዳ ዎዛርፌ̈ን ጴቻ̇! ኢ ፊርዳ̈ዲ ኣሳ ኤራፖ ሺ፤ ኢ ኦ̈ዚንዶ ኣባቦ ኦ̈ርኮ ኦ̈ናካር ኤሪዝ ኣሲ ባዬ̇።

ሮሜ 12:10

ዎል ዎልኣ ኢሺክ ጌ̈ዲክፌ̈ን ዶ̈ሲንቲ̈ብቴ፤ ዎልዎልኣ ቦንቺ̇ንቲ̇ብቴ።

ሮሜ 2:4

ዎይ ጾ̈ሲ ኔ̈ብ ኮሺቲ ዎይሊሲኖንዳ ኔ̈ኒ ማ̈ሪቲ ጌላምፔ̈ን ማ̈ቂ̇ኖን ኤራካ̇ይዶራ ጾ̈ሳ̇ ኮሺ̇ቲንዶ፥ ኢ ዎይ ባዝ ዳንዳኣዚንዶ፥ ዎይሊን ኢ ጋርዣዝ ጋርዢን ኔ ሌቃ̇̈ርቤ?

1 ቆሮ 1:30

ጾ̈ሲ ዎቲናካር ዪንታ̇ ዬሱ̈ስ ክርስቶ̈ሳባር ፔታ̇ን ማ̈ቃ̇ር ዶኣምፔ̈ን ዎቲዴ። ጾ̈ሲ ዬሱ̈ስ ክርስቶ̈ሳ ኑ̈ቦ ኤሪቲ፣ ጺሊ̇ቲ፣ ጌ̈ሺ̇ቲኬ፣ ኑ̈ና ፌ ሱ̈ባር ዎዚዛ ማ̈ሲዴ።

1 ቆሮ 15:9

ታ̈ኒ ኣማ̇ኒኖ ኣሳን ዳካ̇ ላ̈ሊ̇ኖ ኣስ ማ̈ቂ̇ኖኮታ̇ቦ ሃዋ̈ራታን ዎይ̈ንፖ ጉ̈ጺ̇ዝ ኣሴ፤ ማ ሃዋ̈ራ ጌዪንታ̇ራር ጼይጊንታ̇ንዳብ ኮሺ̇ባ̈ሶ ኣሴ።

1 ቆሮ 2:9

ማ̈ቂ̇ናካሬ ጌ̈ሻ̇ ማጻ̈ፋ ጋልዳ፥ “ኣሳ ኣ̈ፊ ቤቃካ̇ዮን፥ ኣሳ ዋይ ሲስካካ̇ዮን፥ ኣሳ ቡ̈ዳ ጋርታ ቆፒ̇ንታ̇ካ̇ዮን፥ ጾ̈ሲ̇ ፌ ካዝ ኣሳንቦ ጊ̈ጊሲኔ” ጌይሬ።

ጋላ̈ታ 1:16

ታ̈ኒ ኣይሁድ ባዮ̇ ኣሳን ጋርታ ጾ̈ሳ̇̇ ናኣ ባዝ ሳባ̇ካኒፌን ጾ̈ሲ ኢያ ታ̈ና ኤሪሳንዳብ ኮዪኖ ኬል̇ባራ ታ̈ኒ ኦባርካር ዞሪንታካ̇ዬ።

ጋላ̈ታ 2:8

ጴጥሮ̈ሳ ኣይሁዳንቦ ሃዋ̈ራ ማ̈ቃ̇ምፔ̈ን ዎቲኖ ጾ̈ሳ̇̇̈ዲ ታ̈ናሬ ኣይሁድ ባዮ̇ ኣሳንቦ ሃዋ̈ራ ማ̈ቃ̇ር ኦ̈ሳ̇ምፔ̈ን ዎቲኔ።

ኤፍ 2:7

ዪኖ̇ ኢ ኦ̈ኖንዳ ኢ ዬሱ̈ስ ክርስቶ̈ሳ ጎይባራ ቤይሲኖ ፌ ኣሽኪቲንዲኬ ዎይ̈ፖ ኣ̈ር ሺዝ ፌ ኮሺ̇ቲንባር ዱር ማ̈ቂ̇ኖን ቢርት ቲ̈ን ዬ̈ዝ ላይን ጋርታ ኑ̈ና ቤይሳንዳብ ጋ̈ሪ ዎቲኔ።

ኤፍ 3:1

ዪ̈ኮታ̇ቦ ታ ጳ̈ውሎ̈ሲ ኣይሁድ ባዮ̇ን ዪንታ̇ቦ ዬሱ̈ስ ክርስቶ̈ሳ ዎጛሊን ሳባ̇ካ̈ሬ ጋ̈ራ ቃሺ ኣ̈ል ጌሊኔ።

ኤፍ 3:16

ዪንታ̇ ጋርቶ ኣሲቲን ጾ̈ሳ̇̇̈ባር ሚ̈ንምፔ̇̈ኖ ዎልቆ ጾ̈ሳ̇ ፌ ኣያ̇ና ጎይባር ፌ ቦንቻ̇ ዎይሊን ጋልዳፖ̇ ዪንታ̇ብ ኢማ̇ምፔን ቴ ኢያ ዎ̈ሳ̇̈ሬ።

ኤፍ 3:19

ኣሲ ክርስቶ̈ሳ ካንን ፎቲ ኤራንዳብ ዳንዳኢባ̈ስካሬ ዪንቲ ኢዞ ኤራምፔ̈ንኬ ማ ዪንቲ ጾ̈ሳ̇̇̈ ማይጻምፔ̈ን ቴ ዪንታ̇ብ ዎ̈ሳ̇̈ሬ።

ኤፍ 3:2

ቴ ዪንታ̇ ማ̈ዳምፔ̈ኒ፤ ጾ̈ሳ̇ ፌ ኮሺ̇ቲንባራ፤ ዪኖ̇ ኦ̈ሲን ታ̈ብ ኢሚ̇ኖን ዪንቲ̇ ኮሺንቺ̇ ሲስኪ̇ኔ።

ፊል 2:3

ዪንቲ̇ ኦቲርቂባ̈ሶ ማ̈ቃ̇ሪ ሜላ̈ን ዪንታ̇ፖ ሺዛ ማሃር ፋይዲብቴዶኬ ዪንቲ ዪንታ̇ ካሪ ዎይ “ታ̈ፖ ኣ̈ዛ ኦ̈ኖ” ጋ̈̈̈ሪ ኣባክ ፔቲ̇ባዝ ዎታፒ̇ቴ።

ፊል 4:19

ዪዚ ቴ ጾ̈ሳ̇̇̈ዲ ፌ ዱሪቲ ዎይሊን̈ዲፌ̈ኒ ዬሱ̈ስ ክርስቶ̈ሳ ጎይባራ ዪንታ̇ቦ ኮሺ̇ዝ ባዛን ዎይ ዎይሊሳር ኢሚ̇̈ሬ።

1 ጢማ̈ 1:13

ዓኒ̇ፖ ቲ̈ን ታ̈ኒ ጎዳ ቆ̈ሳ̇ ኢያ ኣማ̇ኒኖ ዳካ̇ ዎቲኖ ውጫ ኣስ ማ̈ቂ̇ናካሬ ታ ዪኖ̇ ዎቲኖንዳ ኤራካ̇ይ ኣታ̇ርኬ ኢያ ኣማ̇ናካ̇ዮ ኬል̇ባራ ማ̈ቂ̇ኖጊሻ̇ቦ ኢ ታ̈ብ ኣቶ̇ ጌይኔ።

1 ጢማ̈ 1:15

“ዬሱ̈ስ ክርስቶ̈ሲ ናጋራንቻ̇ን ፋንዳቦ ኣላሚን ዓኒ ጋ̈ላዳ ዬይዴ” ጋ̈ዝ ቃ̈ሊን ኪንኬ ኣሲ ዎይ ኣማ̇ናንዳብ ኮሺ̇ዝ ቃ̈ላ፤ ናጋራንች ዎይንፖ ሺ ናጋራንቻ ታ̈ና።

1 ጢማ̈ 2:7

ታ̈ናር ዪኖ̇ ሶ̈ላንዳብኬ ኪንን ማርኪታንዳ̇ቦ ሃዋ̈ራኬ ኣስታማ̈ሪ ማ̈ቃ̇ራ ኣይሁድ ባዮ̇ ኣሳንኮ ኪ̈ቲንታ̇ር ሉኪ̇ኖንዳ ዓኒ̇ ጊሼ̇፤ ቴ ዪኖ̇ ኪን ሶ̈ላ̈ርዶኬ ማቃ̇ባሴ።

2 ጢማ̈ 1:11

ታ̈ናሬ ዓና̇ ዎጛሊን ሳባ̈ኪዝ ኣስ፥ ሃዋ̈ራኬ ኣስታማ̈ሪ ማ̈ቃ̇ር ሹ̈ሚንቲ̇ኔ።

ሳጻ 3:18

ኔ̈ኒ ዱር ማ̈ቃ̇ንዳብ ኮያዶኮ ታማ ጋርታ ጌላር ኬስኪ̇ኖ ዎርቂን ታ ጋልዳፖ ዎጛንዳቦ፥ ጾ̈ሲ ኮቺ̇ኖ ካሊ̇ን ካጛንዳቦ፥ ቦ̈ርስ ኣፊላ ማኣንዳቦ፥ ኔ ኣ̈ፊንዳር ቤቃ̇ንዳ̇ብ ዳንዳኣምፔ̈ን ኣ̈ፋ ጋ̈ላ ታ ጋልዳፖ ዎጛራ ኔ ኣ̈ፊን ዲርካ̇ምፔ̈ን ቴ ኔ̈ና ዞራ̈ሬ።