ኤፍ 3:7 - ኦራ ጫ̈ቃ ማጻ̈ፋ

⁷ ጾ̈ሲ̇ ፌ ዎልቃ ታባር ማ̈ቃ̇ር ኦ̈ምፔ̈ን ዎቲኖኮታ̇ቦ ታ̈ኒ ኢ ታ̈ብ ኢሚ̇ኖ ፌ ኮሺ̇ቲንባራ ዓና̇ ዎጛላ ኦ̈ሲን ኦ̈ዝ ኣስ ማ̈ቃ̇ዴ።

ኤፍ 3:7 ပူးပေါင်းရင်းမြစ်များ

ሃዋ̈ራታን ኦ̈ሳ 9:15

ጎዳ̈ዳሬ ኢ̈ኮ “ሉካ̇ቤ! ዪ ና̈ሳ̈ዲ ቴ ሱምን ኣይሁድ ባዮ̇ ኣሳንኬ ካ̈ቲንታ̇ን ቲ̈ን ማ ኢስሬ̈ላ ዎርዣ ቲ̈ን ዎይ ኤርሲዛ ታ̈ብ ማራጺ̇ንቲ̇ኖ ቴ ሚ̈ሻ̇ ኢያ።

ሮሜ 1:5

ዎርዣ ጋርታ̇ፖ ዎይ ኣሲ ዬሱ̈ሳ ኣማ̇ናንፔ̈ንኬ ኢ̈ብ ኪ̈ቲንታ̇ምፔ̈ኒ ዎታንዳቦ ኑ̈ኒ ሃዋ̈ራ ማ̈ቃ̇ምፔ̈ን ኢዲ̇ላ ኑ̈ብ ኢሚንቲ̇ኔ።

ሮሜ 12:3

ማ ዪንቲ̇ ዎይን ጾ̈ሲ ዪንታ̇̇ቦ ኢሚ̇ኖ ኣማ̇ኒንዲፌ̈ን ዪንታ̇ ዪርክ ዎታሪ ቤቂ̇ብትዶኬ ዪንታ̇̇ቦ ኮሻ̇ዚምፖ ኣ̈̇ሪ ኦቲራ ቆፊ ቆፓካዮ̈ዲፌ̈ኒ ጾ̈ሲ̇ ታ̈ብ ኢሚ̇ኖ ኤሪቲንባራ ዪንታ̇̇ቦ ሶ̈ላ̈ሬ።

ሮሜ 15:16

ዪና̇ ጾ̈ሲ̇ ታ̈ቦ ኢሚ̇ኖ ኢዲ̇ሊንዳ ታ̈ኒ ጾ̈ሳ̇̇ ዎጛላ ኣይሁድ ባዮ̇ ኣሳንቦ ሳባካ̇ሙታ̇ ቄ̈ሳፌ̈ን ማ̈ቃ̇ራ ዬሱ̈ስ ክርስቶ̈ሳብ ኦ̈ምፔ̈ኒዬ። ዪ̈ኮታ̇ቦ ኣይሁድ ባዮ̇ ኣሳን ጌ̈ሻ̇ ኣያ̇ናባራ ጌ̈ዥጋር ጾ̈ሳ̇̇ ኡፋይሲ̇ዝ ዣ̈ርሻፌ̈ን ማ̈ቃ̇ር ጾ̈ሳ̇̇̈ኮ ሺ̈ቃምፔ̈ኒ ታ̈ኒ ኦ̈ሬ።

1 ቆሮ 15:10

ዎቲናካሬ ታ̈ ዓት ዓና̇ ማ̈ቂ̇ኖንዳ ጾ̈ሳ̇ ኮሺ̇ቲባራ፤ ጾ̈ሲ̇ ታ̈ብ ቤይሲኖ ኢ ኮሺ̇ቲንዳሬ ኣ̈ፍ ቤይ ሜላ̇ ኣታካ̇ዬ፤ ታ̈ኒ ሜላንፖ̇ ሺ ኦ̈ሳባር ዳ̈ቡሪኔ፤ ዪኖ̇ ጾ̈ሳ̇ ፌ ኮሺ̇ቲባር ታባር ማ̈ቃ̇ር ኦ̈ንዶኬ ታ̈ና ጊዳካ̇ዬ።

1 ቆሮ 3:5

ዪዚ ኣጵሎ̈ሲ ኣብዛ? ማ ጳውሎ̈ሲሽ ኣብዛ? ኢንቲ ዪንቲ ዬሱ̈ሳ ኣማ̇ናምፔ̈̇ን ዎቲኖ ጾ̈ሳ̇ ኣሽካራ፤ ኢንቲ ጎዳ ኢንታ̇ ቆሚ̇ን ቆሚ̇ን ኢንታ̇ብ ኢሚ̇ኖ ኦ̈ሲንዲፌ̈ኒ ኦ̈ዝ ኣሴ።

2 ቆሮ 3:6

ኑ̈ኒ ኦራ ጫ̈ቂምቦ ኦ̈ዝ ኣስ ማ̈ቃ̇ምፔ̈ን ዎልቃ ኑ̈ብ ኢሚ̇ኖ̈ዲ ኢያ፤ ዪ ጫ̈ቃ̈ዲ ፊዳላባር ጻ̈ፊንቲኖ ሂጋ̇ ጊዳካ̇ይዶን ጌ̈ሻ̇ ኣያ̇ና ዎልቃባር ጻ̈ፊንቲ̇ኔ፤ ፊዳላባር ጻ̈ፊንቲ̇ኖ ሂጎ̇ ዓይቃ ኤሄይሬ፤ ጌ̈ሻ̇ ኣያ̇ና̈ዲ ሼምፓ ኢሚ̇̈ሬ።

2 ቆሮ 4:1

ጾ̈ሲ ፌ ማ̈ሪቲምባራ ዓና̇ ኦ̈ሲን ኑ̈ብ ኢሚ̇ኖኮታ̇ቦ ኑ̈ኒ ቦስባ̈ዳ።

ጋላ̈ታ 2:8

ጴጥሮ̈ሳ ኣይሁዳንቦ ሃዋ̈ራ ማ̈ቃ̇ምፔ̈ን ዎቲኖ ጾ̈ሳ̇̇̈ዲ ታ̈ናሬ ኣይሁድ ባዮ̇ ኣሳንቦ ሃዋ̈ራ ማ̈ቃ̇ር ኦ̈ሳ̇ምፔ̈ን ዎቲኔ።

ኤፍ 1:19

ማ ኑ̈ቦ ኣማ̇ኒዝ ኣሳንቦ ኢሚንቲ̇ኖ ዎይፖ̇ ጴች̇ ማ̈ቂ̇ኖ ኢ ዎልቂን ኣፌ̈ንኮ ዪንቲ ኤራምፔ̈ን ቴ ዪንታ̇ብ ዎ̈ሳ̇̈ሬ። ዪና̇ ኢ ዎልቂ̇ንዳ ጾ̈ሲ ክርስቶ̈ሳ ዓይቃ ጋርታፖ̇ ዲንሪ ፌ̈ብ ኡሻች ጎይ ዶይሲኖ ጴቻ ዎልቂንባራ ዎልኣ ፔታ̇ኔ።

ኤፍ 3:2

ቴ ዪንታ̇ ማ̈ዳምፔ̈ኒ፤ ጾ̈ሳ̇ ፌ ኮሺ̇ቲንባራ፤ ዪኖ̇ ኦ̈ሲን ታ̈ብ ኢሚ̇ኖን ዪንቲ̇ ኮሺንቺ̇ ሲስኪ̇ኔ።

ኤፍ 3:20

ዪ̈ኮታ̇ቦ ኑ ጋርታ̇ ኦ̈ዛ ኢ ዎልቃ ጎይባራ ኑ ጌሻዚምፔኬ ቆ̈ፓ̇ዚምፖ̇ ዎይሊን ሺሻሪ ኦ̈ንዳብ ዳንዳኢዝ ጾ̈ሳ̇̇̈

ኤፍ 3:8

ታ̈ኒ ጾ̈ሳ̇ ኣሳን ዎይንፖ̇ ጉ̈ጺዝ ኣስ ማ̈ቂ̇ናካሬ፤ ዎሳሊ ባዮ̇ ክርስቶ̈ሳ ዱሪቲ ኣይሁድ ባዮ̇ ኣሳንቦ ሶ̈ላምፔ̈ን ጾ̈ሲ ዓና̇ ኢዲ̇ሊን ታ̈ብ ኢሚ̇ዴ።

ኤፍ 4:16

ኣሳቦ ዎ ዱማ ዱማ ጋ̈ላ̇ን ሻሽ̇ባር ዎልኣ ፔታ̇ን ኤ̈ንቲ̇ኖ̈ዲፌ̈ኒ ኣማ̇ኒዝ ኣሳን ዎልዎልኣ ኤ̈ንቲ̇ኖ̈ዲ ክርስቶ̈ሳባራ፤ ዪ̈ኮታ̇ቦ ዪን ዱማ ዱማ ጋላ̇ን ፌ̈ብ ኢሚ̇ኖ ኦ̈ሲን ኮሺንቺ̇ ፎቴጌይንዶ ጋሊ̇ ዎይ ዲጪ̇̈ሬ፥ ማ ካንባራ ሚ̈ጚ̈ሬ።

ቆላ̈ሳ̈ሳ 1:29

ታ̈ናር ዪኖ̇ ኦ̈ር ፎታንዳቦ ታባር ማ̈ቃ̇ር ኦ̈ዛ ክርስቶ̈ሲ ታ̈ብ ኢማ̇ዝ ዎልቂንባር ዋ̈ያ ዳ̈ቡራ̈ሬ።

1 ታሳ 2:13

ማ̈ ኑ̈ኒ ዪንታ̇ኮ̈ታ ጾ̈ሳ̇ ዎይ ጋ̈ላስ ጋ̈ላታዚንዳ ዪንቲ̇ ኣማ̇ኒዝ ኣሳን ጋልዳ ኦ̈ዝ ዪና̇ ቃ̈ሊን ዪንቲ ኑ ጋልዳፖ̇ ሲስኪ̇ኖንባራ ኣሲ ሶ̈ሊዛ̈ዲፌ̈ን ማሃር ቤ̈ቃካ̇ይዶር ጾ̈ሲ ሶ̈ሊዛ̈ዲፌ̈ን ማሃር ኤኪ̇ኔ፤ ኢዛ̈ር ኪን ጾ̈ሳ̇ ቃ̈ላ።

ኢብ 13:21

ዪንቲ ኢ ጌይኖን ኦ̈ዝ ኣስ ማ̈ቃ̇ምፔኒ ኮሽ ባዝ ዎይባራ ዪንታ̇ ሚ̈ንር ኤሶ̇ጋ̈ቤ፤ ዬሱ̈ስ ክርስቶ̈ሳ ጎይባራ ፌ̈ና ኡፋይሲዝ ባዝ ኑባር ማ̈ቃ̇ር ኦ̈ጋ̈ቤ፤ ዬሱ̈ስ ክርስቶ̈ሳቦ ሜናፖ ሜናቦ ቦንች ማ̈ቆ̇፤ ኣሚንኤ።