ኤፍ 3:1 - ኦራ ጫ̈ቃ ማጻ̈ፋ

¹ ዪ̈ኮታ̇ቦ ታ ጳ̈ውሎ̈ሲ ኣይሁድ ባዮ̇ን ዪንታ̇ቦ ዬሱ̈ስ ክርስቶ̈ሳ ዎጛሊን ሳባ̇ካ̈ሬ ጋ̈ራ ቃሺ ኣ̈ል ጌሊኔ።

ኤፍ 3:1 ပူးပေါင်းရင်းမြစ်များ

ሉቃ̈ሳ 21:12

ዪ ዎይ ማ̈ቃ̇ናፖ ቲ̈ን ኣሳን ዪንታ̇ ኤ̈̇̈ሬ፤ ዳኪ̇ ኣይሁድ ዎ̈ሳ ኬ̈ ጋርታ̇ኬ ቃሺ ኣ̈ል ዪንታ̇ ጌልሲ̇̈ሬ። ዪንቲ̇ ታ̈ና ኣማ̇ናዚንኮታ̇ቦ ካ̈ቲንታ̇ን ቲ̈ንኬ ጋድ ኣቂሲዛን ቲ̈ን ዪንታ̇ ሺ̈ሺ̇̈ሬ።

ሃዋ̈ራታን ኦ̈ሳ 21:33

ሻላቃ̈ዳር ዬዪ ኢ̈ክ ሺ̈ቃር ጳውሎ̈ሳ ኤ̈ሪ ናምኢ ሳንላታባር ቃቺንታምፔ̈ን ኪ̈ቲ̇ዴ። ኢና̈ፖ ኢ ኦ̈ናኮ ማ ኢ ኣብዝ ዎቲኖኮ ኤራንዳብ ኮያሪ ኦይጪ̇ዴ።

ሃዋ̈ራታን ኦ̈ሳ 23:18

ማታላቃ̈ዲ ና̈ራ ዎታ̇̈ዳራን ኣላቃ̈ኮ ኤኪ̇ ጌላሪ “ቃ̈ሺ ኣ̈ል ዎ ጳውሎ̈ሲ ታ̈ና ጼይጋሪ ዓ ና̈ራ ኔ̈ብ ሶ̈ሊዝ ባዚ ዎኮታ̇ቦ ኔ̈ክ ኤካር ዬምፔ̈ን ታ̈ና ጌሺኔ” ጌይዴ።

ሃዋ̈ራታን ኦ̈ሳ 26:29

ጳውሎ̈ሳሬ ኢ̈ኮ “ዓት ዪንዳ̇ር ማ̈ቂ̇ን ጋምኣራር ማ̈ቆ̇ ታ̈ኒ ጾ̈ሳ̇ ዎሳ̇ዚንዳ፥ ኔ ሙታ̇ ጊዳካ̇ይዶን ዓታ̇̈ብ ቴ ሶ̈ሊን ሲስኪ̇ኖን ታ̈ኮን ቃሺን ሙታ̇ ኣቴ̇ጌይን ዎይን ታ̈ናፌ̈ን ማ̈ቃ̇ምፔ̈ኒዬ!” ጌይዴ።

ሃዋ̈ራታን ኦ̈ሳ 9:15

ጎዳ̈ዳሬ ኢ̈ኮ “ሉካ̇ቤ! ዪ ና̈ሳ̈ዲ ቴ ሱምን ኣይሁድ ባዮ̇ ኣሳንኬ ካ̈ቲንታ̇ን ቲ̈ን ማ ኢስሬ̈ላ ዎርዣ ቲ̈ን ዎይ ኤርሲዛ ታ̈ብ ማራጺ̇ንቲ̇ኖ ቴ ሚ̈ሻ̇ ኢያ።

2 ቆሮ 1:6

ኑ ሜታ ኤካ̇ዚምባራ ዪንቲ̇ ሚ̈ንኬ ፋቲ ዲጚ̈ሬ። ኑ ሚን ዲጛምባራ ዪንቲ̇ ኑ ኤኪ̇ኖ ሜቲ̇ን ዪንታ̇ ዬሊ̇ኖ ጋላስ̇ ጋርዣር ሚ̈ን ዲጚ̈ሬ።

2 ቆሮ 10:1

ዪንታ̇̇ባር ዎዶራ “ዬ̈ልቂዝ ኣስ” ማ ዪንታ̇ ጋልዳፖ̇ ጎታ̇ራ “ኢ̈ጪባ̈ሶ ኣስ” ጌይንቲ̇ኖ ታ ጳውሎ̈ሲ ክርስቶ̈ሳ ኣሽኪቲንባርኬ ኮሺ̈̇ቲንባራ ዪንታ̇ ጌሻ̈ሬ።

2 ቆሮ 11:23

ኢንቲ̇ ክርስቶ̈ሳ ኣሽካራ? (ቴ ዣ̈ሾትፌ̈ን ማ̈ቃ̇ር ሶ̈ላ̈ሬ) ቴ ኢንታ̇ፖ ሺ ክርስቶ̈ሳ ኣሽካ̇ራ። ቴ ኢንታ̇ፖ̇ ሺ ኦ̈ሳባር ዳቡሪኔ፤ ዎይሊን ጎይ ቃቺ̇ንቲኔ፤ ዎይሊን ጎይ ቴ ቡኪ̇ንቲ̇ኔ፤ ዎይሊን ጎይ ዓይቃብ ዬላ̇ር ኣቲ̇ኔ።

ጋላ̈ታ 5:11

ቴ ኢሺንታን! ቴ ዓኖ̇ ዬላ̇ር ዪንታ̇ “ኣሲ ጺላ̇ንዳቦ ጋራ̇ዚንታንዳ ኮሺ̇̈ሬ” ጌያሙታ ሳባካ̈ርኮ ኣሲ ታ̈ና ኣባብ ዳኪ̇̈ራ? ጋራ̇ዚንቲ̇ዛ ኮሺ̇̈ሬ ጌይኖኮ ዎኒ ክርስቶ̈ሳ ማስቃ̇ሊን ጎይ ቴ ሳባ̇ኪኖን ኣማ̇ናንዳቦ ኣሳንቦ ፊ ማ̈ቃ̇ባሴ።

ጋላ̈ታ 5:2

ሲስኪ̇ብቴ̇! ቴ ጳውሎ̈ሲ ዪንታ̇ብ ሶ̈ላዚንዳ፥ ዪንቲ̇ ኑ “ጋራ̇ዚንታ̇ንዳብ ኮሺ̇̈ሬ” ጋ̈ር ጋራ̇ዚንቴጌይን ክርስቶ̈ስ ዪንታ̇ብ ኦ̈ኖ ኦ̈ሳ̈ዲ ዪንታ̇ ኣባካር ማ̈ዲ̇ባ̈ሴ።

ጋላ̈ታ 5:24

ዬሱ̈ስ ክሪስቶ̈ሴይ ማ̈ቂ̇ኖ ኣሳን ናጋራ ኣሲቲ ቆፊንዶ ኢ̈ታ ባዝ ኦ ኦ ጋ̈ዝ ኢዝ ኢኒ̇ንባር ዎልኣ ኣሲ ማስቃላ ጋልዳ ሶቲንታ̇ዚንዲፌ̈ኒ ኢንታ̇ር ኢዞ ሶታ̇ር ኣሺ̇ኔ።

ኤፍ 3:11

ጾ̈ሳ̇̈̇ዲ ኑ ጎዳ ዬሱ̈ስ ክርስቶ̈ሳ ጎይባራ ዪኖ̇ ኦ̈ኖ̈ዲ ኢ ዓላሚን ዓና̇ ኮቺንታ̇ካይዶን ቆፒ̇ኖ ቆፊንዲፌ̈ኒዬ።

ኤፍ 3:13

ዪና̇ ቴ ዪንታ̇ ጊሻ̇ብ ኤካ̇ዝ ሜቲንዳ ዪንታ̇ብ ቦንቼ̇። ዪ̈ኮታ̇ቦ ታ ጋልዳ ዬሊ̇ኖ ሜቲን ቤቃ̇ሪ ዪንቲ̇ ታስፋ ቃጻካ̇ይፌ̈ኒ ቴ ዪንታ̇ ጌሻ̈ሬ።

ኤፍ 3:8

ታ̈ኒ ጾ̈ሳ̇ ኣሳን ዎይንፖ̇ ጉ̈ጺዝ ኣስ ማ̈ቂ̇ናካሬ፤ ዎሳሊ ባዮ̇ ክርስቶ̈ሳ ዱሪቲ ኣይሁድ ባዮ̇ ኣሳንቦ ሶ̈ላምፔ̈ን ጾ̈ሲ ዓና̇ ኢዲ̇ሊን ታ̈ብ ኢሚ̇ዴ።

ኤፍ 4:1

ዪዚ ጎዳ̈ብ ኦ̈ኖኮታ̇ቦ ቃሺ ኣ̈ል ጌሊኖ ታ ጳውሎ̈ሲ፥ ጾ̈ሲ ዪንታ̇ ጼይጊኖ ጼይሲ̇ንቦ ማ̈ቂ̇ዝ ኮሻ̇ ዶኢ ዶኣምፔ̈ን ቴ ዪንታ̇ ጌሻ̈ሬ።

ኤፍ 6:20

ዓት ታ̈ኒ ቃ̈ሺ ኣ̈ል ዎዶራሬ ዓና̇ ዎጛሊን ታማ̈ርሳምፔ̈ኒ ኪ̈ቲንቲ̇ኖ ኣሴ፤ ዪ̈ኮታ̇ቦ ታ̈ብ ኮሻ̇̇ዚንዲፌ̈ኒ ኢ̈ች ቤይ ሶ̈ላምፔ̈ን ታ̈ብ ዎ̈ሲ̇ብቴ።

ፊል 1:7

ታ̈ኒ ቃሺ ኣ̈ል ዎምባራር ማ̈ቂ̇ን ቃቺንታ̇ናፖ ቲ̈ን ዎጛሊንኮን ኪን ቲሚርቲ̇ን ኣሳን ማቃ ቲሚርታ̇ባር ኢ̈ሲ ይሳካዮዲፌ̈ን ቴ ኢንታ̇ብ ሶ̈ላ ማሃምባርኬ ማ ኢዞ ሚ̈ን ኤሳ̇ንዳቦ ዋ̈ያምባራ ጾ̈ሲ ታ̈ብ ፌ ኮሺ̇ቲባር ኢሚ̇ኖ ኦ̈ሲንዶ ዪንቲ̇ ታባር ዎልኣ ኦ̈ኖኮታ̇ቦ ዪንቲ̇ ታ ቡ̈ዲን ጋርታ ዎ። ዪ̈ኮታ̇ቦ ቴ ዪንታ̇ ባዝ ዪኒ̇ፌ̈ኒ ቆፓ̇ዚንዳ ኪን።

ቆላ̈ሳ̈ሳ 1:24

ታ̈ኒ ዓት ዪንታ̇ ጊሻ̇ቦ ኤካ̇ዝ ሜቲንዳ ታ̈ና ኡፋይሲ̇ኔ፤ ክርስቶ̈ሲ ፌ̈ብ ጋላ̇ ማ̈ቂ̇ኖ ዎ̈ሳ ኬ̈ንኮታ̇ቦ ሜ̈ታ ኤካ̇ምባራ ኣቲ̇ኖን ታ̈ኒ ሜታ ኤካ̇ሙታ̇ ኩምሬ።

ቆላ̈ሳ̈ሳ 4:18

ዓና ሳሪቲ ኪ̈ቲን ቴ ኩሽ ጌ̈ቲንባር ጻ̈ፊኖ̈ዲ ታ ጳውሎ̈ሳ፤ ቴ ቃሺ ኣ̈ል ዎን ዪንቲ ቦቲጛፒ̇ቴ። ጾ̈ሳ̇̈ ኮሺቲን ዪንታ̇ባር ማ̈ቆ̇።

ቆላ̈ሳ̈ሳ 4:3

ማ ኑ̈ኒ ጾ̈ሳ̇ ቃ̈ሊን ሳባኪዝ ጎይ ኑ̈ብ ፊርቃምፔ̈ንኬ ክርስቶ̈ሳ ሚስጢ̇ሪን ኣሳብ ሶ̈ላንዳብ ዳንዳኣምፔ̈ኒ ጾ̈ሳ̇ ኑ̈ብ ዎ̈ሲ̇ብቴ፤ ታ̈ናር ቃቺንቲ̇ኖንዳ ዓና̇ ሚስጢ̇ሪን ሳባኪ̇ኖኮታ̇ቦ።

2 ጢማ̈ 1:16

ጾ̈ሳ̇ዲ ኦናሲፎ̈ራ ኣ̈ሎ ኣሳ̈ንቦ ፌ ማ̈ሪቲን ኢሞ̇ጋ̈ቤ፤ ኦናሲፎ̈ሪ ዎይሊን ጋ̈ላስ ታ̈ና ማ̈ዲ̈ኔ፤ ቴ ቃቺንቲ̇ናሬ ኢ ታባር ዬልቃካ̇ዬ።

2 ጢማ̈ 1:8

ዪዚ ኔ̈ኒ ኑ ጎዳ ዬሱ̈ስ ክርስቶ̈ሳባዝ ማርኪታንዳ̇ቦ ዬ̈ልቃፔ፤ ኢኮታ̇ቦ ጋ̈ራ ቃቺንቲ̇ኖ ታባራር ማ̈ቂ̇ን ዬልቃፔ̇፤ ጾ̈ሳ̇̇ ኔ̈ብ ኢማ̇ዝ ዎልቂንባራ ዎጛላኮታ̇ ታባር ሜታ ኤካ̇ቤ።

ፊልሞ̈ና 1:1

ዬሱ̈ስ ክርስቶ̈ሳኮታ̇ቦ ቃሺንቲ̇ኖ ታ ጳውሎ̈ሳፕኬ ኑ ኢሻ ጢማ̈ቶ̈ሳፖ ካንቲ̇ኖ ኑ ኢሻ ኑባ̈ር ዎልኣ ዎጛላ ኦ̈ሳ ኦ̈ዛ ፊ̈ልሞ̈ና፥

ፊልሞ̈ና 1:23

ዬሱ̈ስ ክርስቶ̈ሳኮታ ቴ ባ̈ራ ዎልኣ ቃቺንቲ̇ኖ ኤጳፍራ ኔ̈ና ሳሮ ጌይኔ፤

ፊልሞ̈ና 1:9

ማ̈ቂ̇ናካሬ ታ̈ኒ ዪኖ ዎታቤ ጌያ ኪ̈ታ̇ናፖ ቴ ዬሱ̈ስ ክርስቶ̈ሳኮታ̇ቦ ቃ̇ሺ ኣ̈ል ጋርታ̇ ዎ ቴ ጪጛሻ ጳ̈ዉሎ̈ስ ካንባራ ቴ ኔ̈ና ጌሻዚን ዶሲኔ።

ሳጻ 2:10

ኔ̈ና ጊዳክ ዬላ̇ዝ ሜቲምቦ ኢ̈ጫፔ፥ ዪዚ ሴ̈ይጣኖ ዪንታ̇ ፋታ̇ናንዳብ ኮያሪ ዪንታ̇ ጋርታፖ ፔታ̇ን ፔታ̇ናን ቃሺ ኣ̈ል ጌልሲ̈ሬ፥ ታጳ ቃም̇ ዪንቲ ሜታ ኤኪ̇̈ሬ፤ ኔ ዓይቂ̇ዝ ዲራስ ኣማ̇ኒንቲ̇ኖ ማ̈ቃ̇ቤ፤ ሼምፓ ኣኪሊላ ቴ ኔ̈ብ ኢማ̇ንዳ።