ኤፍ 2:8 - ኦራ ጫ̈ቃ ማጻ̈ፋ

⁸ ኣባ ጌይን ዪንቲ̇ ኣማ̇ና ጎይባራ ኢ ካንባር ፋጺኔ፤ ዪ̈ዳሬ ጾ̈ሳ̇ ኢሚ̇ኖ ኢሚ̇ቲዶኬ ዪንታ̇ ኦ̈ሳባር ቤንቲ̇ኖ ባዝ ጊዳካዬ።

ኤፍ 2:8 ပူးပေါင်းရင်းမြစ်များ

ማ̈ቶ̈ሳ 16:17

ዬሱ̈ሳር ኢ̈ኮ “ዮ̈ና ናኣ ሲሞ̈ኖ! ዓኖ̇ ኔ̈ና ቤይሲኖ̈ዲ ኣፋ ዎ ቴ ባ̈ባ̈ዲዶኬ ኣስ ጊዳካዬ። ዪ̈ኮታ̇ቦ ኔ̈ኒ ኣንጂንቲ̇ኖ̈ዳ።

ማ̈ቶ̈ሳ 20:9

“ታጶ̇ ፔቲ̇ ሳኣ̈ታባር ኦ̈ሳ̇ ኤ̈̇ኖ ኣሳን ዬ̈ሪ ፌ ቆሚ̇ን ቆሚ̇ን ፔቲ̇ ፔቲ̇ ዲና̈ራ ኤኪ̇ዴ።

ማ̈ርቆ̈ሳ 16:16

ኣማ̇ናር ጻማ̇ቂንቲኖ ኣስ ፋጺ̈ሬ፤ ኣማ̇ኒባ̈ሶ ኣሲ ፊርዲንቲ̈ሬ።

ሉቃ̈ሳ 7:50

ዬሱ̈ሳሬ ኣሲንኮ̇ “ኔ ኣማ̇ኒን ኔ̈ና ፋኔ፤ ሳሮ ሉካ̇ቤ” ጌይዴ።

ዋ̈ኒ̇ሳ 3:36

ጾ̈ሳ̇̇ ናኣ ኣማ̇ኒዝ ኣሲ ሜናብ ሼምፓባር ዶኢ ኢ̈ብ ዎ፤ ጾ̈ሳ̇̇ ናኣ ኣማ̇ኒባ̈ሶ ኣሳ ጋልዳ̇ ጾ̈ሳ̇̇ ጎይላ ዬይርዶኬ ኢ ሼምፓ ዴጚባ̈ሴ” ጌይዴ።

ዋ̈ኒ̇ሳ 4:10

ዬሱ̈ሳር ኢዝኮ “ጾ̈ሳ̇̇ ኢሚ̇ዝ ባዝኬ፥ ማ ኔ̈ክ ‘ታ̈ና ዋ̈ ታ̈ና ኡሺ̇ሼ’ ጌይዛ ኢ ኦ̈ናኮ ኔ ኤሪኖኮ፥ ኢያ ጌሻንዳ̇ ኮሻ̇ዚን ኔ̈ናዶ̈ን፥ ኢያር ኔ̈ቦ ሼምፓ ኢሚ̇ዝ ዋ̈ ኢሚ̇̈ርዶ̈ን” ጌይዴ።

ዋ̈ኒ̇ሳ 5:24

“ቴ ዪንታ̇ክ ኪን ጋ̈ሬ፥ ታ ቃ̈ሊን ሲስኪ̇ዛ̈ዲኬ ታ̈ና ኪ̈ታ̇ር ሚሺኖ ጾ̈ሳ̇̇ ኣማ̇ኒዝ ኣሲ ሜናብ ሼምፓባር ዶኢ ኢ̈ብ ዎ። ኢ ዓይቃ ጋርታ̇ፖ̇ ኬስ̇ካር ጌዳ ሼምፓባር ዶኢ̈ርዶኬ ፊርዳ ኢ ጋልዳ ዬ̈ባሴ።

ዋ̈ኒ̇ሳ 6:35

ዬሱ̈ሳር ኢንታ̇ኮ “ሼምፓ ኢሚ̇ዝ ሶ̈ላ̇̈ዲ ታ̈ና፥ ታ̈ክ ዬይዝ ኣሲ ኣባካር ጋፍሲንቲ̇ባ̈ሴ፥ ታ̈ና ኣማ̇ኒዝ ኣሲ ዉርሲ ባ̈ርሲንቲ̇ባ̈ሴ።

ዋ̈ኒ̇ሳ 6:37

ቴ ባ̈ባ ታ̈ብ ኢሚ̇ኖ ኣሲ ዎይ ታ̈ክ ዬይሬ፤ ታ̈ክ ዬይኖን ቴ ኢንታ̇ ዛ̈ና ኬሳ̇ ሚሻባሴ።

ዋ̈ኒ̇ሳ 6:40

ቴ ባ̈ባ ኮያዚንዳ̇፥ ታ̈ና ናኣ ቤቃ̇ሪ ኣማ̇ኒዝ ኣሲ ዎይ ሜናብ ሼምፓባር ዶኢ ዲጛምፔ̈ኒዬ፤ ታ̈ናር ዉርሲ ቃምባራ ኢያ ዓይቃ ጋርታ̇ፖ̇ ዲንሬ” ጌይዴ።

ዋ̈ኒ̇ሳ 6:44

ታ̈ና ኪ̈ታ̇ር ሚሺኖ ቴ ባ̈ባ ኢ ታ̈ክ ኤሄካ̇ዮ ኣሲ ኦ̈ናካር ታ̈ክ ዬ̈ንዳ̇ብ ዳንዳኢባ̈ሴ፤ ታ̈ክ ዬይኖ̈ዳ ዉርሲ ጋላስ ቴ ኢያ ዓይቃ ጋርታ̇ፖ̇ ዲንሬ።

ዋ̈ኒ̇ሳ 6:65

ኢናፖ̇ ዬሱ̈ሲ “ቴ ዪንታ̇ኮ ‘ጾ̈ሳ̇̇ ባ̈ባ ዬዮ ጋ̈ካ̇ዮ ኣሲ ኦ̈ናካር ታ̈ክ ዬ̈ንዳብ ዳንዳኢባ̈ሴ’ ጌይኖን ዓኒ̇ኮታ̇ቦ” ጌይዴ።

ሃዋ̈ራታን ኦ̈ሳ 13:39

ኢያ ኣማ̇ኒኖ ኣሲ ዎይ ሙሳ ሂጊ̇ን ጎይባራ ዲጛንዳብ ዳንዳኢንቲባሶ ጺሊ̇ቲ ዲጚ̈ሬ።

ሃዋ̈ራታን ኦ̈ሳ 14:27

ኢንቲ ኢና ዬላ̇ሪ ኣማ̇ኒዝ ኣሳን ዎልኣ ፔታ̇ን ሺ̈ሻ̇ር ጾ̈ሲ ኢንታ̇ባር ማ̈ቃ̇ር ኦ̈ኖ ኦ̈ሳ ዎይ፤ ማ ኣይሁድ ዜር ባዮ̇ ኣሳን ዬሱ̈ሳ ኣማ̇ናምፔ̈ኒ ጾ̈ሲ̇ ኢንታ̇ብ ጎይ ፊርቂ̇ኖን ኢንታ̇ብ ሶ̈ሊዴ።

ሃዋ̈ራታን ኦ̈ሳ 15:11

ኑ̈ናር ማ̈ቂ̇ን ፋቲ ዲጛንዚንዳ ኢንታ̇ኮንዲፌ̈ኒ ጎዳ ዬሱ̈ሳ ኮሺ̇ቲባራ ማ̈ቂ̇ኖን ኑ ኣማ̇ኒ̈ሬ” ጌይዴ።

ሃዋ̈ራታን ኦ̈ሳ 16:14

ኑ ሶ̈ላዚምባ̇ር ሲስኪ̇ዝ ማጫ̇ን ጋርታ̇ ታ̈ጢሮ̈ና ካታሚን ጋርታ̇ፖ̇ ዬይኖ ዞቃ ኣፊላ ዛልኣዝ ሊ̈ዲያ ጋ̈ዝ ፔቲ̇ ማጫ̇ዶ̈ር ዎ። ኢዛ ጾ̈ሳ̇̇ብ ጎሽታ̇ዝ ኣሴ። ጾ̈ሳ̇̇ር ኢዝ ቡ̈ዲን ፊርቂ̇ኖኮታ̇ቦ ጳ̈ውሎ̈ሲ ሶ̈ላ̈ዚም̇ባር ዋይሳ ሲስካ̇̈ሬ።

ሃዋ̈ራታን ኦ̈ሳ 16:31

ኢንታ̇ሬ “ኔ̈ኒ ጎዳ ዬሱ̈ሳ ኣማ̇ናቤ፤ ኔ̈ናሬ ኔ ኣ̈ሎ ኣሳንሬ ፋጺ̈ሬ” ጌይዴ።

ሮሜ 10:14

ዎቲናካሬ ኢያ ኣማ̇ናካይዶ̈ሪ ዎዛ̈ርታ̇ር ኢያ ጼይጋንዳብ ዳንዳኢ̈ራ? ኢ ባዝ ሲስካካ̇ይዶሪ ዎዛርታ̇ር ኢያ ኣማ̇ኒ̈̇ራ? ታማ̈ሪሲዝ ኣሲ ባዪዶ̈ን ዎዛርታ̇ር ሲስካ̇ንዳብ ዳንዳ̇ኢራ?

ሮሜ 10:17

ዪ̈ኮታ̇ቦ ኣማ̇ኖ ቃ̈ሊን ሲስካ̇ዚን ጋርታ̇ፖ ቤንታ̇̈ሬ፤ ቃ̈ሊንዳ ክርስቶ̈ሳ ባዝ ሶ̈ላዚን ጋርታ̇ፖ ቤንታ̈̇ሬ።

ሮሜ 4:16

ዪ̈ኮታ̇ቦ ጾ̈ሲ̇ ኢሚ̇ኖ ታስፋ ቃ̈ሊን ፎቲንታዚንዳ ኣማ̇ናባራ። ዪና̇ ታስፋ ቃ̈ሊንዳ̇ ኣብራሃ̈ማ ዜርን ዎይንቦ ጾ̈ሳ̇ ኮሺ̇ንቲባራ ኢሚ̇ንቲኖ ማ̈ቂ̇ኖን ዪኒ̇ባር ኤሪንቲ̇ኔ፤ ዪ̈ዳሬ ሂጊ̇ን ና̈ጊ ፎቲዛንቦ ሙታ̇ ጊዳካ̇ይዶን ኣብራሃ̈ሚ ኣማ̇ኒኖንዲፌ̈ኒ ኣማ̇ኒዝ ኣሳን ዎይንቦ፤ ዪዚ ኣብራሃ̈ሚ ኑ ዎይንቦ ባ̈ባ።

ሮሜ 4:5

ኦ̈ሳባር ጊዳካ̇ይዶን ናጋራንቻ̇ን ሜላ̇ ዓሪ ጺላ̇ ማሂዝ ጾ̈ሳ̇̇ ኣማ̇ኔጌዪን ጾ̈ሲ̇ ኢ ኣማ̇ኒን ኢ̈ብ ጺሊ̇ቲ ማሃር ፋይዲ̈ሬ።

ሮሜ 9:16

ዪ̈ኮታ̇ቦ ጾ̈ሳ̇ ኣስ ማራ̇ጺዛዲ ኣሲ ኮዪኖዲፌ̈ንኬ ኣሳ ኦ̈ሳባር ጊዳካ̇ይዶን ጾ̈ሳ̇ ፌ ማ̈ሪቲባር ኣስ ማራ̇ጺ̈ሬ።

ጋላ̈ታ 3:14

ዪና̇ ማ̈ቂ̇ኖንዳ ጾ̈ሲ ኣብራሃ̈ማብ ኢሚ̇ኖ ኣንጃ̇̈ዲ ዬሱ̈ስ ክርስቶ̈ሳ ጎይባር ኣይሁድ ባዮ̇ ኣሳንቦ ዬላ̇ምፔ̈ንኬ ጾ̈ሲ ኢማ̇ንዳ ጌዪ ቃ̈ላ ጌሊኖ ጌ̈ሻ̇ ኣያ̇ና ኑ ኣማ̇ናባር ኤካ̇ምፔ̈ኔ።

ጋላ̈ታ 3:22

ዎቲናካር ጌ̈ሻ ማጻ̈ፋ ጋልዳ̇ ጻ̈ፊንቲ̇ኖ̈ዲፌ̈ኒ ኣሲ ዎይ ናጋራባር ቃቺንቲ̇ኔ ዪ̈ኮታ̇ቦ ኣሲ ዬሱ̈ስ ክርስቶ̈ሳ ኣማ̇ናር ኤኪ̇ዛ ታስፋ ቃ̈ላ ኢሚ̇ንቲ̇ኖ̈ዲ ኣማ̇ኒዝ ኣሳንቦ።

ኤፍ 1:19

ማ ኑ̈ቦ ኣማ̇ኒዝ ኣሳንቦ ኢሚንቲ̇ኖ ዎይፖ̇ ጴች̇ ማ̈ቂ̇ኖ ኢ ዎልቂን ኣፌ̈ንኮ ዪንቲ ኤራምፔ̈ን ቴ ዪንታ̇ብ ዎ̈ሳ̇̈ሬ። ዪና̇ ኢ ዎልቂ̇ንዳ ጾ̈ሲ ክርስቶ̈ሳ ዓይቃ ጋርታፖ̇ ዲንሪ ፌ̈ብ ኡሻች ጎይ ዶይሲኖ ጴቻ ዎልቂንባራ ዎልኣ ፔታ̇ኔ።

ኤፍ 2:10

ኣባ ጌይን ኑ̈ኒ ጾ̈ሲ ቲ̈ኒታር ጊ̈ጊ̇ሲኖ ኮሻ̇ ኦ̈ሳን ኦ̈ምፔ̈ን ዬሱ̈ስ ክርስቶ̈ሳ ጎይባር ማ̈ቃ̇ር ኮቺንቲ̇ኖ ጾ̈ሳ̇ ኮቺንቴ̇።

ኤፍ 2:5

ኑ ኑ ናጋሪምባራ ዓይቂ̇ኖ ኣስ ማ̈ቂ̇ናካሬ ክርስቶ̈ሳ ጎይባራ ኑ̈ብ ሼምፓ ኢሚ̇ዴ፤ ዪንታ̇ር ፋጺኖንዳ ጾ̈ሳ̇ ኮሺ̇ቲንባራ።

ፊል 1:29

ክርስቶ̈ሳ̈ቦ ኦ̈ምፔ̈ን ዪንቲ ጼይጊንቲ̇ኖ̈ንዳ ዪንቲ̇ ኢያ ኣማ̇ናምፔ̈ን ሙታ̇ ጊዳካ̇ይዶን ዪንቲ̇ ኢያ ኣማ̇ኒኖኮታ̇ቦ ዪንታ̇ ጋልዳ ዬይዝ ሜታ ዎይ ኤካ̇ምፔ̈ኒዬ።

ቆላ̈ሳ̈ሳ 2:12

ዪንቲ̇ ጻማ̇ቂንቲ̇ኖንባራ ክርስቶ̈ስባራ ዱ̈ኪንቲ̇ኔ፤ ክርስቶ̈ሳ ዓይቃ ጋርታፖ̇ ዲንኖ ጾ̈ሳ̇ ዎልቂ̈ን ዪንቲ̇ ኣማ̇ኒኖኮታ̇ቦ ኢባራ ዓይቃ ጋርታ̇ፖ ዲንዲ̇ኔ።

2 ታሳ 1:9

ኢንቲ ጾ̈ሳ̇ ቲ̈ናፕኬ ዎልቃባሮ ኢ ቦ̈ንቺን ጋልዳፖ ፋጊንታ̇ሪ ሜ̈ናብ ዪባራ ፊርዲንቲ̇̈ሬ።

ኢብ 6:4

ዓኒ̇ፖ ቲ̈ን ኪን ማ̈ቂ̇ኖ ጾ̈ሳ̇ ቃ̈ሊን ኤራሪ፤ ጾ̈ሳ̇ ኪልሲንዳር ኤኪ̇ ቤቃ̇ሪ፤ ኣማ̇ኒኖ ኣሳንባር ዎልኣ ጌ̈ሻ̈ ኣያ̇ና ኤካ̇ሪ፤

1 ጴጥ 1:5

ዪንታ̇ሬ ዉ̈ርሲ ቃሚ̇ንባር ቤንታ̇ዝ ፋቲምቦ ኣማ̇ና ጎይባራ ጾ̈ሳ̇ ዎልቃ̈ባር ና̈ጊንቲ̇ኔ።