4 ዎቲናካሬ ጾ̈ሳ̇ ማ̈ሪቲ̈ዲ ዎይሊን ማ̈ቂ̇ኖኮታ̇ብኬ ማ ኢ ኑ̈ና ዎይሊን ካኖኮታ̇ቦ፥
ኑ ጾ̈ሳ̇̇ ጴቻ ማ̈ሪቲ̈ፖ ዲንዲኖፖ̇፥ ቦይና ኣዋ ኣፋፖ̇ ኑ̈ብ ኬስኪ̈ሬ።
ዪዚ ፔቲ̈ ጎዳ̈ዲ ዎይቦ ጎድ ማ̈ቂ̇ኖኮታ̇ቦ ኣይሁዳንብኬ ኣይሁድ ባዮ̇ ኣሳን ጊዳ̇ ኣባካር ፋጊቲ ባዬ̇፤ ኢያ ጼይጊዝ ኣሳንቦ ዎይ ኣንጃ ዎይሊሳር ኢሚ̇̈ሬ፤
ዎይ ጾ̈ሲ ኔ̈ብ ኮሺቲ ዎይሊሲኖንዳ ኔ̈ኒ ማ̈ሪቲ ጌላምፔ̈ን ማ̈ቂ̇ኖን ኤራካ̇ይዶራ ጾ̈ሳ̇ ኮሺ̇ቲንዶ፥ ኢ ዎይ ባዝ ዳንዳኣዚንዶ፥ ዎይሊን ኢ ጋርዣዝ ጋርዢን ኔ ሌቃ̇̈ርቤ?
ዎቲናካሬ ኑ̈ኒ ናጋራንቻ̇ን ማ̈ቃ̇ሪ ዎዶ̈ን ክርስቶ̈ሲ ኑ ጊሻ̇ብ ዓይቂ̇ዴ፤ ዪ̈ዳሬ ጾ̈ሳ̇̇̈ዲ ኑ̈ና ዎዛርፌ̈ን ጴች ካ̈ርኮ ቤይሲ̈ሬ።
ኢ ዪ̈ኖ̇ ዎቲ̇ኖ̈ንዳ ኢ ቲ̈ኒ̈ታር ፌ ቦንቺ̇ን ኢንታ̇ብ ኢማ̇ንዳቦ ጊ̈ጊሲኖ ማ̈ሪቲ ዲጛንዳብ ኮሺ̇ዝ ኣሳንቦ ፌ ቦንቺ̇ን ዎይሊንን ቤይሳንዳቦ።
ጾ̈ሳ̇ ኮሺ̇ቲን ዎይሊንንዲፌ̈ኒ ኢ ኑ̈ና ፌ ናኣ ሱ̈ባራ ዎጛሪ ኑ ናጋሪን ኑ̈ብ ኣቶ̇ ጌይዴ።
ዪኖ̇ ኢ ኦ̈ኖንዳ ኢ ዬሱ̈ስ ክርስቶ̈ሳ ጎይባራ ቤይሲኖ ፌ ኣሽኪቲንዲኬ ዎይ̈ፖ ኣ̈ር ሺዝ ፌ ኮሺ̇ቲንባር ዱር ማ̈ቂ̇ኖን ቢርት ቲ̈ን ዬ̈ዝ ላይን ጋርታ ኑ̈ና ቤይሳንዳብ ጋ̈ሪ ዎቲኔ።
ታ̈ኒ ጾ̈ሳ̇ ኣሳን ዎይንፖ̇ ጉ̈ጺዝ ኣስ ማ̈ቂ̇ናካሬ፤ ዎሳሊ ባዮ̇ ክርስቶ̈ሳ ዱሪቲ ኣይሁድ ባዮ̇ ኣሳንቦ ሶ̈ላምፔ̈ን ጾ̈ሲ ዓና̇ ኢዲ̇ሊን ታ̈ብ ኢሚ̇ዴ።
ጾ̈ሳ̇ባር ካን̇ቲኖ ኑ ኢሺንታ̈ን! ኑ̈ኒ ዪንታ̇ጊሽ ዎይ ጋላስ ጾ̈ሳ̇ ጋላታንዳ̇ብ ኮሺ̇̈ሬ፤ ኑ ኢያ ጋላታዚንዳ ዪንቲ̇ ጌ̈ሻ̇ ኣያ̇ናባር ጌ̈ዥጋሪ ኪንን ኣማ̇ናሪ ፋጻምፔ̈ኒ ጾ̈ሲ ቲ̈ኒታር ዪንታ̇ ማራ̇ጺኒኮታ̇ቦ።
ኑ ጾ̈ሳ̇̇̈ዲ ዬሱ̈ስ ክርስቶ̈ሳባራ ኑዪ ማ̈ቂ̇ኖ ኣማ̇ኒንዲኬ ካንንዶ ፌ ኮሺቲምባር ዎልኣ ታ̈ቦ ሺሻር ኢሚ̇ዴ።
ኑ ኦ̈ኖ ኮሻ̇ ኦ̈ሲንኮታ̇ቦ ጊዳካ̇ይዶን ኢ ፌ ጌይኖንዲፌ̈ንኬ ፌ ካንንባር ኑ̈ና ፋዴ፤ ኑ ጌ̈ሽ ኣስ ማ̈ቃ̇ምፔ̈ኒ ኑ̈ና ጼይጊዴ፤ ዪና̇ ኮሺቲንዶ ሚን ሳ̈ዝ ሲሳፖ ዬሱ̈ስ ክርስቶ̈ሳ ጎይባራ ኑ̈ብ ኢሚ̇ኔ።
ዬሱ̈ስ ክርስቶ̈ሲ ዓይቃ ጋርታ̇ፖ ዲንዲ̇ኖ ጎይባራ ዪባ̈ሶ ታስፋ ኑ̈ብ ኢሚ̇ኖ፥ ጴች ማ̈ቂ̇ኖ ፌ ማ̈ሪቲንባራ ኑ̈ና ኦራ ዬላር ፌ ናእ ማ̈ሲኖ፥ ኑ ጎዳ ዬሱ̈ስ ክርስቶ̈ሳብ ባ̈ባ ማ̈ቂ̇ኖ ጾ̈ሳ̇̇̈ቦ ጋላቲ ዬሎ̇።
