18 ኣባ ጌይን ኢ ጎይባራ ኑ ዎይን ፔቲ̇ ጾ̈ሳ̇ ኣያናባር ጾ̈ሳ̇ ባ̈ባ̈ኮ ኡኪ̈̇ሬ።
ዪዚ ዪንቲ̇ ሳ̈ዝ ጋልዳ ዎ ዎርዣ ዎይ̈ኮ ሉ̈ኪ̇ብቴ። ሉካ̇ር ባ̈ባ፣ ናኣ፣ ጌ̈ሻ̇ ኣያ̇ና ሱምባራ ኢንታ ጻማቂሙታ̇፥ ቴ ዪንታ̇ ኪቲ̇ኖ ባዛን ዎይ ፎታ̇ምፔን ኢንታ̇ ታማ̈ርሲሙታ̇፥ ታ̈ብ ታማ̈ሪ ማሂብቴ̇። ታ̈ናሬ ኣላሚን ዉርሲን ዬሊ̇ዝ ዲራ̈ስ ዎይ ጋላስ ዪንታ̇ባር ዎ” ጌይዴ።
ዪ̈ኮታ̇ቦ ኢ ማሃር ኢንታኮ “ቴ ዪንታ̇ክ ኪን ጋ̈ሬ፥ ዶራንቦ ካራ ታ̈ና።
ጌሊዝ ካራ ታ̈ና፤ ቴ ጎይባራ ጌሊዛ̈ዲ ፋጺ̈ሬ፤ ጌሊ̈ሬ፤ ኬሲ̈ኪሬ፤ ኮሽ ማ̈ታ ዎ ቤሳ̇ር ዲጚ̈ሬ።
ዬሱ̈ሳሬ ኢ̈ኮ “ኣሳቦ ኪንን ቤይሲዛ̈ዲኬ ሼምፓ ኢሚ̇ዝ ጎይ ታ̈ና፤ ቴ ባጋ̇ባር ማ̈ቃካ̇ይ ኣቴጌይን ሜላ ኦ ጎይባርካር ማ̈ቂ̇ን ቴ ባ̈ባ̈ኮ ዬይዝ ኣሲ ኦ̈ናካር ባዬ̇።
ኑ̈ኒ ዓት ኣማ̇ናባር ሚ̈ጛር ዎ ቤሲ̇ን ኢ ካንን ጋርታ̇ ጌሊኖንዳ ኢ ጎይባራ፤ ማ ጾ̈ሳ̇ ፌ ቦንቻ̇ ኑ̈ብ ኢማ̇ዚንኮታ̇ቦ ዪኒ̇ባር ኑ̈ኒ ኬርፊ̈ሬ።
ዪንቲ̇ “ኣባ̈ቦ̇! ኑ ባ̈ባ̈ዶ!” ጋ̈ሪ ጼ̈ይጋንዳ̇ብ ኢ̈ብ ናኢ ማ̈ሂዝ ኣያ̇ና ኤኪ̇ዶ̇ኬ፥ ኢ̈ች̇ባር ዶኣንዳ̇ቦ ዪንታ̇ ኣይላ ማሂዝ ኣያ̇ና ኤካካ̇ዬ።
ኑ̈ኒ ኣይሁድ ዜር ማ̈ቂ̇ን ኣይሁድ ባዮ̇ ኣስ ማቂ̇ን፤ ኣይላ ማ̈ቂ̇ን ዎይ ኣይላ ጊዳካ̇ዮ ኣስ ማ̈ቂ̇ን፤ ኑ̈ኒ ዎልኣ ፔታ̇ን ማ̈ቃ̇ንዳቦ ጌ̈ሻ̇ ኣያ̇ናባር ጻማ̇ቂን̇ቲኔ፤ ኑ ዎይን ዪ̈ ፔቲ̇ ኣያ̇ና ጋልዳፖ ኡሽኪ̇ኔ።
ኑ ጾ̈ሳ̇̇̈ዲ ዎይ ባዝ ኮ̈ቺ̇ኖ ኢያ ማ̈ቂ̇ኖንዲኬ ኑ̈ናር ኢዬይ ማ̈ቂ̇ኖ ፔታ̇ና ጾ̈ሳ̇̇፥ ባ̈ባ̈ ኢ ሙ̈ታ̇፤ ማ ዎይ ባዝ ኮ̈ቺ̇ኖ̈ዲኬ ኑ̈ናር ሼምፓባር ጋዲ̇ኖ ፔታ̇ና ጎዳ ዬሱ̈ስ ክርስቶ̈ሳ ሙ̈ታ̇።
ኑ̈ኒ ጾ̈ሳ̇̇ ና̈ኣን ማ̈ቂ̇ኖኮታ̇ቦ ጾ̈ሳ̇̇̈ዳ “ኣባ̈ቦ̇” ጌዪሙታ̇ ኢያ ጼይጊዝ ፌ ናኣ ኣያ̇ና ኑ̈ብ ሚሺዴ።
ኑ̈ኒ ዬሱ̈ሳይ ማ̈ቂ̇ኖኮታ̇ብኬ ኢያ ኣማ̇ኒኖኮታ̇ቦ ኢ̈ች ቤዪኬ ዬ̈ላ̇ ቤዪ ጾ̈ሳ̇ ቲ̇ን ኡካ̇ንዳብ ዳንዳኢ̈ሬ።
ዪዚ ታ̈ኒ ኣፋሬ ሳ̈ዳ̇ሬ ዎ ኢ ኣ̈ል ኣሳን ዎይ ኪን ሱ̈ም ኢ ጋልዳፖ ዲጚዛ ጾ̈ሳ̇ ባ̈ባ̈ ቲ̈ን ቡቂንታ̇ር ዎ̈ሳ̇ዚንዳ ዓኒ̇ኮታ̇ቦ።
ዪንቲ̇ ጼይጊንቲ̇ኖንዳ ፔቲ̇ ታስፋቦ ማ̈ቂ̇ኖንዲፌ̈ኒ ፔቲ̇ ጋል̇ኬ ፔቲ̇ ኣያ̇ና ዎ።
ጌ̈ሻ ኣያ̇ና ዪንታ̇ ቲ̈ናዚንዲፌ̈ኒ ዎይ ጋላስ ዎይ ባዛቦ ጾ̈ሳ̇ ዎሲ̇ ኢያ ጌሺብቴ̇። ዪና ኢዝፌ̈ኒ ጾ̈ሳ̇̇ ዎርዣ̈ቦ ዎይ ጋላስ ባርካር ሚጛር ዎ̈ሲ̇ብቴ።
ማ ፎኢን ማ̈ቂ̇ኖ ካ̈ቲቲ ጋርታ̇ ጌ̈ሻ̇ ኣሳ̈ንባራ ዎልኣ ቤሲ̇ ፋጊንቲ̇ ኤካ̇ንዳብ ዳንዳኢዝ ኣስ ዪንታ̇ ማሂኖ ጾ̈ሳ̇ ባ̈ባ̈ ዪንቲ̇ ጋላታምፔ̈ኔ።
ሙ̈ሳ ሂጊ̇ንዳ ኦ̈ናካር ፎቲ ማሃንዳብ ዳንዳኣካ̇ዬ፤ ዓት ኑ̈ኒ ጾ̈ሳ̇ኮ ኡኪ̇ዝ ሺ ኮሽ ታስፋ ኑ̈ብ ኢሚ̇ንቲኔ።
ኑ ኑ ኢርጺንንባራ ጎዳ̈ዲኬ ጾ̈ሳ̇̇ ባ̈ባ ጋላቲ̈ሬ፤ ማ ኢዝባር ማሃሪ̈ ጾ̈ሳ̇̇ ፌ̈ና ማይጺሳር ኮቺ̇ኖ ኣሳን ባ̈ዲ̇̈ሬ።
ኦ̈ናካር ሾኪ̇ ዪርኪ̇ ዎታካ̇ይ ዎይንቦ ኢንታ ኦ̈ሲንዲፌ̈ን ኢሚ̇ዝ ጾ̈ሳ̇ “ኑ ባ̈ባ” ጌይ ጼይጊ̈ርኮ ዓኒ̇ ኣላሚን ጋ̈ልዳ ዛቃ̇ኬ ቤት ማ̈ቃ̇ሪ ዶኢ̈ርዶሪ ኢ̈ብ ኢ̈ጫ̇ር ዶኢብቴ።
ዪንታ̇ ኣማ̇ኒንዲኬ ዪንታ̇ ታስፊን ጾ̈ሳ̇ ጋልዳ ማ̈ቃ̇ምፔ̈ን ዬሱ̈ሳ ጎይባራ ኢያ ዓይቃ ጋርታፖ̇ ዲንኖዲኬ ኢ̈ቦ ቦንች ኢሚ̇ኖ ጾ̈ሳ̇̇̈ባራ ዪንቲ̇ ኣማ̇ኒንቲ̇̈ሬ።
ክርስቶ̈ሲ ኑ̈ና ጾ̈ሳ̇̇̈ባር ኢጊንንዳቦ ኢ ፌቆሚ̇ን ጺ̈ላ̇̈ዶ̈ሪ ጺላ̇ ባዮ̇ን ኑ ናጋራ ጊሻ̇ቦ ናምኢባ̈ሶ ጎይባራ ሜታ ኤካ̇ሪ ፔቲ̇ ቶህ ዓይቂ̇ዴ፤ ኢ ኣይሽባር ዓይቂ̇ዴ ኣያ̇ናባራ ሼምፓባር ዎ።
ዎቲናካር ቴ ላጋ̇ን! ዪንቲ̇ ዎይፖ ሺ ጌ̈ሽ ማ̈ቂ̇ኖ ዪንታ̇ ኣማ̇ኒንባራ ሚ̈ጚብቴ፥ ማ ጌ̈ሻ ኣያ̇ና ኢማ̇ዝ ዎልቂ̇ንባራ ዎ̈ሲ̇ብቴ።
