ኤፍ 2:12 - ኦራ ጫ̈ቃ ማጻ̈ፋ

¹² ዪና̇ ኢዝ ኬ̈ሊ̇ምባራ ዪንቲ̇ ክርስቶ̈ሳ ጋልዳፓ ፋጊንቲ፥ ማ ኢስሬ̈ላ ዜርንባራ ፔቲ̇ቲ ዪንታ̇ብ ባዮ̇ ኣስ ማ̈ቂ፥ ጾ̈ሳ̇ ኢስሬ̈ላንቦ ኢሚ̇ኖ ታስፋ ቃ̈ሊን ኤሪባ̈ሶ ዛቃ̇ ኣስ ማ̈ቃ̇ሪ፥ ማ ዓኒ̇ ኣላሚን ጋልዳ̇ሬ ታስፋ ዪንታ̇ብ ባዮ̇ ኣስ ማ̈ቃ̇ር ዎን ዪንቲ̇ ቆፒ̇ብቴ።

ኤፍ 2:12 ပူးပေါင်းရင်းမြစ်များ

ሉቃ̈ሳ 1:72

ዪና̇ ኢ ዎቲኖንዳ̇ ኑ ባ̈ቢንታንቦ ፌ ማ̈ሪቲን ቤይሳንዳብኬ ፌ ጌ̈ሻ̇ ጫ̈ቂን ፎታዚን ቆፓ̇ንዳቦ፤

ዋ̈ኒ̇ሳ 10:16

ቴ ሞ̈ ዓ̈ ጋርታ ባዮ̇ ሜላ ዎይሊን ዶሪ ታ̈ብ ዎ፤ ቴ ኢንታ̇ ኤሄ̈ንዳ̇ብ ኮሻ̈ሬ፥ ኢንታር ቴ ቆ̈ን ሲስኪሬ፤ ዬ̈ሪ ፔቲ̇ ዉዳ ማ̈ቂ̇̈ሬ፥ ማ ኢንታ̇ ዬ̈ጚዝ ናሳ̈ዳሬ ፔታ̇ን ማ̈ቂ̈ሬ።

ዋ̈ኒ̇ሳ 15:5

“ዎይኒምቦ̇ ኡባ̇̈ዲ ታ̈ና፤ ዪንታ̇ር ታ̈ብ ሻቃን። ዎይሊን ኣ̈ፍ ካጺ̇ዛዲ ታባር ዶኢዛዲኬ ታናር ኢባር ዎዳ፤ ቴ ባዪዶ̈ን ዪንቲ̇ ዪንታ̇ ዎልቃባር ኣባካር ዎታንዳ̇ብ ዳንዳኢባ̈ሴ።

ዋ̈ኒ̇ሳ 4:22

ዪንቲ̇ ሳማ̈ራ ጋዶ̇ ኣሳን ዪንቲ̇ ኤሪባ̈ሶቦ ጎሽቲ̈ሬ፥ ኑ̈ኒ ፋቲ ቤንቲ̇ዛ̈ዲ ኣይሁዳፖ̇ ማ̈ቂኖኮታ̇ቦ ኑ ኤሪዛ̈ቦ ጎሽቲ̈̇ሬ።

ሃዋ̈ራታን ኦ̈ሳ 2:39

ጾ̈ሲ̇ ኢሚ̇ሬ ጌዪ ሶ̈ሊኖ ታስፋ ቃ̈ሊንዳ ዪንታ̇̇ቦ፣ ዪንታ̇ ናኣንብኬ ጎዳ ጾ̈ሳ̇̇ዲ ፌ̈ክ ጼይጊዛን ጎት ዎ ኣሳንባር ዎይዬ።

ሃዋ̈ራታን ኦ̈ሳ 28:20

ዪዚ ዪኒ̇ኮታ̇ቦ ቴ ዪንታ̇ ጼይጊሲኖንዲኬ ዪንታ̇ ቤቃ̇ንዳብ ኮዪኖንዳ፤ ታ̈ኒ ሳንላታባር ቃቺንቲ̇ኖንዳ ጾ̈ሲ̇ ኢስሬ̈ላንቦ ኢሚ̇ኖ ታስፋ ቃ̈ሊን ሳባ̇ኪኖኮታ̇ቦ” ጌይዴ።

ሃዋ̈ራታን ኦ̈ሳ 3:25

ዪንቲ̇ ጾ̈ሲ̇ ፌ ናባንባር ሶ̈ሊኖ̈ ታስፋ ቃ̈ሊንዲኬ ጾ̈ሲ̇ ኣብራሃ̈ማቦ ‘ሳ̈ዝ ጋልዳ̇ ዎ̈ ኣሲ ዎይ ኔ ዜርባራ̈ ኣንጂንቲ̈ሬ̈’ ጌዪ ዪንታ̇ ባ̈ቢንታ̇ንብ ጫ̈ቂ̇ኖ̈ ጫ̈ቂን ኤኪ̇ዝ ኣሴ።

ሮሜ 9:8

ዪና̇ ጌዪንቲ̇ኖንዳ ኣሳ ቆፊፌ̈ን ዬሊንቲኖን ጾ̈ሳ̇ብ ናኢ ጊዳካ̇ዬ፤ ዎቲናካሬ ኣብራሃ̈ማ ዜር ማ̈ቂ̇ ፋይዲንቲ̇ዛን ጾ̈ሲ ኢሚ̇ኖ ታስፋ ቃ̈ሊምባራ ዬሊንቲ̇ኖ ናኣን።

ጋላ̈ታ 4:8

ዪንቲ̇ ሚን ጾ̈ሳ̇ ኤራናፖ ቲ̈ን ጾ̈ስ ጊዳካ̇ዮ ባዛቦ ኣይላ ማ̈ቂ̇ ኪ̈ቲንቲ̇ሙታ̇ ጋምኢኔ።

ኤፍ 2:19

ዪ̈ኮታ̇ቦ ዪንቲ̇ ጾ̈ሳ̇ ዎርዣ̈ባር ዎልኣ ፔቲ̇ ጋዶ̇ ኣስኬ ፔቲ̇ ኣ̈ል ኣስዶኬ ዓኒፖ̇ ጌዳ ዪንቲ̇ ዛቃ̇ኬ ቤት ጊዳካ̇ዬ።

ኤፍ 4:18

ኢንታ̇ ቡ̈ዳ ሚ̇ኔ ማ ኢንቲ̇ ኣባካር ኤራካዮ̇ ጊሻ̇ብኬ ሶ̈ሊን ሲስኪ̇ባ̈ሶኮታ̇ቦ ጾ̈ሲ ኢንታ̇ብ ኢሚ̇ዝ ሼምፓ ጋልዳፖ̇ ጎ̈ቲ̇ ኣቲ̇ኔ።

ቆላ̈ሳ̈ሳ 1:21

ዓኒፖ̇ ቲ̈ን ዪንቲ ጾ̈ሳ̇ ጋልዳፖ̇ ጎታ̇ሪ ኣቲ̇ኖን፥ ማ ዪንታ̇ ኢ̈ታ ኦ̈ሲንባርኬ̇ ዪንታ̇ ኢ̈ታ ቆፊንባ̇ራ ኢ̈ቦ ጻላ̈ታ ማ̈ቃ̇ር ኣቲ̇ኖን።

ቆላ̈ሳ̈ሳ 1:5

ኪን ማ̈ቂ̇ኖ ዎጛላ ቃ̈ሊንዳ ቲ̈ን ዪንታ̇ክ ዬሊ̇ኖንባ̇ራ ኢዝ ጋርታ ዎ ታስፊን ዪንቲ̇ ሲስኪ̇ኔ፤ ዪዚ ዪ̈ኮታ̇ቦ ዪንታ̇ ኣማ̇ኒንዲኬ ዪንታ̇ ካንን ኤቂ̇ኖንዳ ኣፋ ዪንታ̇ቦ ጊ̈ጊንታ̇ር ዎ ታስፊን ጋልዳ።

1 ታሳ 4:13

ቴ ኢሺንታ̇ን! ታስፋ ኢንታ̇ብ ባዮ̇ ኣሳንፌ̈ኒ ዬ̈ኪ̇ ሙ̈ዲዳካ̇ይፌ̈ኒ ዓይቂ̇ኖ ኣሳን ባዚን ኪንን ዪንቲ ኤራምፔ̈ን ቴ ኮያ̈ሬ።

1 ታሳ 4:5

ጾ̈ሳ̇ ኤሪባ̈ሶ ኣሳንፌ̈ኒ ኦሎላብ ኢና̇ ኢንታ̇ብ ዶኣፖጋ̈ቤ።

2 ታሳ 2:16

ኢ ኑ ጎዳ ዬሱ̈ስ ክርስቶ̈ሳኬ ኑ̈ና ካኖ ፌ ኮሺ̇ቲንባር ሜና ሚ̈ንቲንዲኬ ማ ኮሻ̇ ታስፋ ኢሚ̇ኖ ጾ̈ሳ̇ ኑ ባ̈ባ̈ዲ

1 ጢማ̈ 1:1

ኣማ̇ናባራ ታ̈ቦ ኪን ናኢ ማ̈ቂ̇ኖ ጢማ̈ቶ̈ሶ! ኑ ባ̈ባ ጾ̈ሳ̇ፔኬ፥ ኑ ታስፋ ዬሱ̈ስ ክርስቶ̈ሳ ኪ̈ታባራ ኢ̈ቦ ሃዋ̈ራ ማ̈ቂ̇ኖ ታ ጳውሎ̈ሳ ጋልዳፖ ዓና̇ ኪ̈ቲን ኔ̈ብ ሚሺኔ፤ ጾ̈ሳ̇̇̈ ኑ ባ̈ባ ጋልዳፕኬ ኑ ጎዳ ዬሱ̈ስ ክርስቶ̈ሳ ጋልዳፖ ኮሺ̇ቲ፥ ማ̈ሪቲኬ ሳሪቲ ኔ̈ብ ማ̈ቆ̇ጋ̈ቤ።

ኢብ 11:34

ታማ ዎልቃር ጋሚዴ፤ ማሻ̇ ጋልዳፓ̇ር ቡ̈ቲ̇ዴ፤ ፌ ዳ̈ቡርሲን ጋልዳፓር ሚ̈ጚዴ፤ ኦልባራር ኢንታ ጋሚዝ ኣሲ ዪዴ፤ ኢንታ ጋዲን ኦላንዳብ ዬይኖ ጻላ̈ታን ዳኪ̇ዴ።

ኢብ 6:18

ዪና̇ ኢዝፌ̈ኒ ጾ̈ሳ̇̈ዲ ላሚንቲ̇ባ̈ሶንኬ ኢ ማቃ̇ንዳብ ዳንዳኢባ̈ሶ ናምኢ ባዛን፤ ኢንታ̇ሬ ታስፋኬ ጫ̈ቃክ ኑ̈ብ ኢሚ̇ኔ፤ ዪን ላ̈ሚንቲ̇ባ̈ሶ ናምኢ ባዛን ጎይባራ ኑ ቲ̈ን ዎ ታስፊን ሚ̈ጛር ና̈ጋንዳብ ዳንዳኣምፔ̈ን ማ̈ዲ ዲጛንዳብ ጾ̈ሳ̇̈ክ ዎጺኖን ኑ̈ኒ ጴች ሚንቲ ዲጚ̈ሬ።

ኢብ 8:6

ዎቲናካሬ ዬሱ̈ሲ ጾ̈ሳ̇̇̈ብኬ ኣሳብኬ ጊዳ̇ ጪጛሽ ማ̈ቃ̇ር ኦ̈ዝ ጫ̈ቂንዳ ቲ̈ኖ ጫ̈ቂንፖ ሺዚንዲፌ̈ኒ ኢ̈ብ ኢሚ̇ንቲ̇ኖ ኦ̈ሲንዳ ሜላ ቄ̈ሳንቦ ኢሚ̇ንቲ̇ኖ ኦ̈ሲንፖ ሺሬ፤ ኣባ ጌይን ኦራ ጫ̈ቂ̇ንዳ ሚኖንፖ ሺዝ ታስፋ ጋልዳ ኤቂ̇ኔ።

1 ጴጥ 1:21

ዪንታ̇ ኣማ̇ኒንዲኬ ዪንታ̇ ታስፊን ጾ̈ሳ̇ ጋልዳ ማ̈ቃ̇ምፔ̈ን ዬሱ̈ሳ ጎይባራ ኢያ ዓይቃ ጋርታፖ̇ ዲንኖዲኬ ኢ̈ቦ ቦንች ኢሚ̇ኖ ጾ̈ሳ̇̇̈ባራ ዪንቲ̇ ኣማ̇ኒንቲ̇̈ሬ።

1 ጴጥ 1:3

ዬሱ̈ስ ክርስቶ̈ሲ ዓይቃ ጋርታ̇ፖ ዲንዲ̇ኖ ጎይባራ ዪባ̈ሶ ታስፋ ኑ̈ብ ኢሚ̇ኖ፥ ጴች ማ̈ቂ̇ኖ ፌ ማ̈ሪቲንባራ ኑ̈ና ኦራ ዬላር ፌ ናእ ማ̈ሲኖ፥ ኑ ጎዳ ዬሱ̈ስ ክርስቶ̈ሳብ ባ̈ባ ማ̈ቂ̇ኖ ጾ̈ሳ̇̇̈ቦ ጋላቲ ዬሎ̇።

1 ጴጥ 3:15

ክርስቶ̈ሳ ዪንታ̇ ቡ̈ዲንባር ቦንቺ̇ብቴ፤ ዪንታ̇ ሼምፒ̇ምቦ ኢያ ጎድ ማሂብቴ፤ ዪንታ̇ቦ ዎ ታስፊን ጎይ ዪንታ̇ ኦይጪ̇ዝ ኣሳን ዎይንቦ ማልሳ ኢማ̇ንዳቦ ዎይ ጋላስ ጊ̈ጊንቲ̇ኖን ማ̈ቂ̇ብቴ።

1 ዋ̈ኒ̇ 3:3

ዪና̇ ማ̈ቃ̇̈ሬ ጌዪ ክርስቶ̈ሳ ጋልዳ ታስፋ ጋዲ̇ዝ ኣሲ ዎይ ክርስቶ̈ሲ ጌ̈ሽ ማ̈ቂ̇ኖንዲፌ̈ኒ ኢያር ኢታ ባዝ ጋልዳፖ ፌ̈ና ጌ̈ሺ̇̈ሬ።