ኤፍ 2:10 - ኦራ ጫ̈ቃ ማጻ̈ፋ

¹⁰ ኣባ ጌይን ኑ̈ኒ ጾ̈ሲ ቲ̈ኒታር ጊ̈ጊ̇ሲኖ ኮሻ̇ ኦ̈ሳን ኦ̈ምፔ̈ን ዬሱ̈ስ ክርስቶ̈ሳ ጎይባር ማ̈ቃ̇ር ኮቺንቲ̇ኖ ጾ̈ሳ̇ ኮቺንቴ̇።

ኤፍ 2:10 ပူးပေါင်းရင်းမြစ်များ

ማ̈ቶ̈ሳ 5:16

ዪና̇ ኢዝፌ̈ን ዪንታ̇ ኮሽ ኦ̈ሲን ኣሳን ቤቃ̇ሪ ኣፋ ዎ ዪንታ̇ ባ̈ባ̈ ቦንቻ̇ምፔ̈ኒ ዪንታ̇ ፎኢንንዳ̇ ኣሳ ቲ̈ን ፎ̈ኦጋ̈ቤ።

ዋ̈ኒ̇ሳ 3:21

ኪን ባዝ ኦ̈ዝ ኣሲ ኢ ኦ̈ሲን ጾ̈ሳ̇̇ ኪ̈ቲ̇ኖንዲፌ̈ን ኦ̈ንቲ̇ኖ ማ̈ቂ̇ኖን ቤንታ̇ምፔ̈ኒ ፎኢንንኮ ዬይሬ” ጌይዴ።

ሃዋ̈ራታን ኦ̈ሳ 9:31

ዪና̇ ኢዝባራ ይሁዳ፣ ጋሊላኬ ሳማ̈ራ ዎ ኣማ̇ኒኖ ኣሳን ሳሪቲ ዲጚዴ፤ ሚ̈ጚዴ፤ ማ ጾ̈ሳ̇̇̈ቦ ኢ̈ጪ̇ሙታ̇ ጾ̈ሳ̇ ቦንቺ̇ ጌ̈ሻ̇ ኣያ̇ናባር ሚ̈ጚሙታ̇ ኣሳር ኢንታ ጋልዳ ጉጂንቲ̇ሙታ̇ ዬይዴ።

ሃዋ̈ራታን ኦ̈ሳ 9:36

ኢዮ̈ጳ̇ ካታሚን ጋርታ̇ ጣ̈ቢታ ጋ̈ዚን ኣማ̇ኒዝ ኣስ ፔታ̇ንዶር ዎ። (ኢዝ ሱምን ግሪ̈ክ ኖ̈ናባር ዶርቃ ጌዪንታ̇̈ሬ) ኢዛሬ ዎይ ጋላስ ሚጛር ኮሽ ባዝ ኦሙታ̇ ዎርባያን ማ̈ዳሙታ̇ ዎ ኣሴ።

ሮሜ 8:1

ዪ̈ኮታ̇ቦ ዬሱ̈ስ ክርስቶ̈ሳ ኣማ̇ኒኖ ኣሳን ዓት ጾ̈ሳ̇ ፊርዳ ኢንታ ጋልዳ ባዬ̇።

ሮሜ 8:29

ኣባ ጌይን ጾ̈ሲ ቲ̈ን ኢንታ̇ ኤሪኖ ኣሳን ጾ̈ሳ̇ ናኣ ማይጻምፔ̈ንኬ ናኣ̈ዳሬ ዎይሊን ኢሺንታን ጋርታፖ̇ ኡስ̇ ማ̈ቃ̇ምፔ̈ን ጾ̈ሲ ቲ̈ኒታር ዎሳ̇ኒኔ።

1 ቆሮ 3:9

ኑ̈ኒ ጾ̈ሳ̇̇̈ቦ ዎልኣ ኦ̈ዝ ኣይላን፤ ዪንታ̇ሬ ጾ̈ሳ̇̈̇ቦ ዎት ጋዴ ማ ጾ̈ሳ̇̇̈ቦ ኬ̈።

2 ቆሮ 5:17

ዪ̈ኮታ̇ቦ ኦ̈ናካር ኣሲ ክርስቶ̈ሳ ኣማ̇ኔጌይን ኦራ ሜንቴ፤ ቲ̈ኖ ሲላ ሜቲን ኣቲ̇ኔ ኢዝ ቤሲ̇ን ኦራ ሜቲ ዬይኔ።

2 ቆሮ 5:5

ዪዲፌ̈ኖ ባዛብ ኑ̈ና ጊ̈ጊሲኖ̈ዲ ጾ̈ሳ̇̇̈ዳ፤ ዪኒፓር ሺ ኑ̈ብ ጊዳን ኢሚንቲ̇ዝ ባዝ ዎይ̈ቦ ቃብዳ ማ̈ቃ̇ምፔ̇ን ፌ ኣያ̇ና ኑ̈ብ ኢሚ̇ዴ።

2 ቆሮ 9:8

ዎይ ጋላስ ዎይ ባዝባር ዪንቲ̇ ዪንታ̇̇ብ ኮሻ̇ዝ ባዚን ዲጛሪ ማ ዪንታ̇ፖ ሺን ሜላንቦ ኮሻ ኦ̈ሳ ኦ̈ንዳብ ዳንዳኣምፔ̈ኒ ጾ̈ሲ ኣንጃ ዎይ ዪንታ̇ብ ኢማ̇ንዳብ ዳንዳኢሬ።

ጋላ̈ታ 6:15

ጋራ̇ዚንቲ̇ናር ጋራ̇ዚንታ̇ካይ ኣቴጌይናር ኣባካር ማ̈ዲ̇ባ̈ሴ፤ ዬሱ̈ስ ክርስቶ̈ሳባር ኦራ ኣስ ማ̈ቃ̇ዚን ሙታ̇ ማ̈ዳ̇̈ሬ።

ኤፍ 1:1

ዬሱ̈ስ ክርስቶ̈ሳ ኣማ̇ኒኖ ጾ̈ሳ̇ ዎርዣ [ኤፊሶ̈ና ዎን!] ጾ̈ሳ̇̇ ቆፊንዲፌ̈ን ዬሱ̈ስ ክርስቶ̈ሳብ ሃዋ̈ራ ማ̈ቂ̇ኖ ታ ጳውሎ̈ሲ፥ ጾ̈ሳ̇ ኑ ባ̈ባዲኬ ኑ ጎዳ ዬሱ̈ስ ክርስቶ̈ሳ ኮሺ̇ቲንዲኬ ሳሪቲን ዪንታ̇̇ብ ማ̈ቆ̇ ጋ̈ሬ።

ኤፍ 1:4

ኑ ኢ ቲ̈ን ጌ̈ሽ̇ኬ ኢ̈ታ ባዚ ኣባክ ኑ ጋልዳ ባዮ̇ ኣስ ማ̈ቃ̇ምፔ̈ኒ፤ ሳ̈ዶ̇ ሳ̈ዚንዲኬ ኣፎ ሳ̈ዚን ኮቺ̇ንታናፖ̇ ቲ̈ን ክርስቶ̈ሳ ጎይባር ኑ̈ና ማራ̇ጺኔ።

ኤፍ 2:13

ዎቲናካሬ ዪንቲ̇ ዓኒፖ̇ ቲ̈ን ጾ̈ሳ̇̇ ጋልዳፖ̇ ጎቲ̇ኖኒ ዓት ዬሱ̈ስ ክርስቶ̈ሳባር ማ̈ቃ̇ሪ ኢ ሱ̈ባራ ኡኪ̇ኔ።

ኤፍ 2:15

ዪን ናምኢ ዜርን ጋርታፖ̇ ኦራ ዎርዣ ኬሳ̇ንዳቦ ጋ̈ሪ ኣይሁዳን ሂጊ̇ንዲኬ ሂጊ̇ን ኪ̈ታዚን ዎይ ፌ ዓይቂንባራ ይሳ̇ሪ ሳሪቲ ኤሄይዴ።

ኤፍ 2:2

ኬል̇ ዪና̇ ኢዝባራ ዪንቲ̇ ዓኒ ኣላሚን ጋልዶ ኢታ ኦ̈ሲን ኦ̈ሙታ̇ ማ ዓታ̇ር ማ̈ቂ̇ን ጾ̈ሳ̇̇̈ብ ኪ̈ቲንቲ̇ባ̈ሶ ኣሳን ጋልዳ ኦ̈ሙታ ዎ፥ ኣፋ ሳ̈ዝ ጋልዳ ዎ ኢ̈ታ ኣያ̇ናንቦ ኣላቃ ማ̈ቂ̇ኖ̈ቦ ኪ̈ቲንቲ̇ሙታ̇ ጋምኢ̇ኔ።

ኤፍ 2:6

ጾ̈ሲ ክርስቶ̈ሳባር ኑ̈ብ ዎ ፔቲ̇ቲንኮታ̇ቦ ዓይቃ ጋርታፖ̇ ኑ̈ና ዲንሪ ክርስቶ̈ሳባር ዎልኣ ኣፋ ኑ̈ና ዶይሲ̇ዴ።

ኤፍ 4:1

ዪዚ ጎዳ̈ብ ኦ̈ኖኮታ̇ቦ ቃሺ ኣ̈ል ጌሊኖ ታ ጳውሎ̈ሲ፥ ጾ̈ሲ ዪንታ̇ ጼይጊኖ ጼይሲ̇ንቦ ማ̈ቂ̇ዝ ኮሻ̇ ዶኢ ዶኣምፔ̈ን ቴ ዪንታ̇ ጌሻ̈ሬ።

ኤፍ 4:24

ኪን ጺሊ̇ቲባርኬ ጌ̈ሺ̇ቲባራ ጾ̈ሳ̇ ማይጻንፔ̈ኒ ኮቺ̇ንቲ̇ኖ ኦራ ኣሲቲን ማኢብቴ።

ፊል 1:6

ዪኖ̇ ኮሽ ኦ̈ሲን ኦ̈ምፔ̈ን ዪንታ̇ባር ማ̈ቃ̇ር ዣማ̇ሪኖ ጾ̈ሳ̇̇̈ዲ ዬሱ̈ስ ክርስቶ̈ሲ ማ̈ቃ̇ር ዬይዝ ቃሚ̇ን ዬሊ̇ዝ ዲራስ ፎታዚን ቴ ኣማ̇ና̈ሬ።

ፊል 2:13

ኣባ ጌይን ዪንቲ̇ ኢ̈ብ ኪ̈ቲንታ̇ንፔ̈ኒ ኢ ጋ̈ዚን ኦ̈ ፎታምፔ̈ኒ ዪንታ̇ባር ማ̈ቃ̇ር ፌ ቆፊን ኦ̈ዛ̈ዲ ጾ̈ሳ̇̇̈ዳ።

ቆላ̈ሳ̈ሳ 1:10

ኑ ዪኖ̇ ዎ̈ሳ̇ዚንዳ፥ ዪንቲ̇ ጾ̈ሳ̇ ኮያዚንዲፌ̈ኒ ዶኢሙታ ባዝ ዎይባራ ኢያ ኡፋ̈ይሳምፔ̈ኔ፤ ዪ̈ዳሬ ኮሽ ኦ̈ሳባራ ኣ̈ፍ ካጺ̇ሙታ̇ኬ ጾ̈ሳ̇ ሺ ኤሪሙታ ዲጫ̇ምፔ̈ኒ፣

ቆላ̈ሳ̈ሳ 3:10

ዪንቲ̇ ዪንታ̇ ኮቺ̇ኖ ጾ̈ሳ̇̇ ማይጺሙታ̇ ጾ̈ሳ̇ ኤራባር ኦራ ማ̈ቂ̇ሙታ̇ ሉኪ̇ዝ ኦራ ኣሲቲ ማኢኔ።

2 ታሳ 2:17

ዪንታ̇ ቡ̈ዲን ሚ̈ንጋቤ፤ ማ ዪንቲ̇ ኮሽ̇ ማ̈ቂ̇ኖ ባዝ ዎይ ኦ̈ምፔ̈ንኬ ሶ̈ላምፔ̈ን ዪንታ̇ ሚ̈ንጋ̈ቤ።

1 ጢማ̈ 2:10

“ቴ ጾ̈ሳ̇̇̈ቦ ጎሽታ̇̈ሬ” ጌይዝ ማጫ̇ን ዎታንዳብ ኮሻ̇ዚንዲፌ̈ኒ ኮሻ̇ ኦ̈ሳባር ፌ̈ና ጌ̈ዚንጋ̈ቤ።

1 ጢማ̈ 5:10

ኮሽ ኦ̈ሳ ዎይባራ ዪ̈ዳሬ፥ ናኢ ኮሺንቻ ዲቻ̇ዚንዶ፣ ዛቃ̇ ሞካ̇ዚንዶ፣ ኣማ̇ኒኖ ኣሳን ቶሂን ሜ̈ጫ̇ዚንዶ፣ ሜ̈ቲንቲኖ̈ን ማ̈ዳ̇ዚንዴኬ ኮሽ̇ ኦ̈ሳ ዎይባራ ኤሪንቲ̇ኖ ኣስ ማ̈ቃ̇ንዳቦ ኮሻ̈ሬ።

1 ጢማ̈ 5:25

ዪና̇ ኢዝፌ̈ኒ ኮሽ ኦ̈ሳር ማ̈ቂ̇ን ፋላ̇ ጋልዳ ቤንቲ̇̈ሬ፤ ኣቺ̈ንታር ዎ ባዚ ዎካሬ ጌ̈ሚቲኖንዲፌ̈ን ኣታ̇ባሴ።

1 ጢማ̈ 6:18

ማ ኢንቲ ኮሽ ኦ̈ሳ ኦ̈ምፔ̈ን፥ ኮሽ ኦ̈ሳባር ዱር ማ̈ቃ̇ምፔ̈ኒ፥ ኢንታብ ዎ ባዝ ሜላንቦ ፋጋ̇ር ኢማ̇ንዳቦ ጊ̈ጊንቲ̇ኖ ኣስ ማ̈ቃ̇ምፔ̈ኒ ኢንታ̇ ዞራቤ።

2 ጢማ̈ 2:21

ዪዚ ኣሲ ኦ̈ናካሬ ቴ ዪን ጌይኖ ኢ̈ታ ባዛን ጋልዳፖ ፌ̈ና ጌ̈ሼጌይንዶ ቦንቺንቲ̇ኖ ኦ̈ሳቦ ፌ̈ሽኪዝ፥ ጌ̈ሽ ማ̈ቂ̇ኖ ፌ ጎዳ̈ብ ማ̈ዲ̇ዝ ኮሻ ኦ̈ሳብ ዎይ ጊ̈ጊንቲ̇ኖ ኢቃ ማ̈ቂ̇̈ሬ።

2 ጢማ̈ 3:17

ዪና̇ሬ ጾ̈ሳ̇ ኣማ̇ኒኖ ኣሲ ኮሻ ኦ̈ሳ ዎይቦ ታማ̈ራር ጊ̈ጊንቲ̇ኖ ማ̈ቃ̇ምፔ̈ኒዬ።

ቲ̈ታ̇ 2:14

ኢ ኑ̈ና ዉጫ ኦ̈ሳ ዎይ ጋልዳፖ ፋንዳብኬ ኮሽ ኦ̈ሳ ኦ̈ንዳቦ ሚ̈ጛር ኤቂ̇ኖንኬ ጾ̈ሳ̇̇̈ቦ ቆሪንቲ̇ኖ ዎርዣ ማ̈ቃ̇ምፔ̈ኒ ኑ̈ና ጌ̈ሻ̇ንዳ̇ቦ ፌ̈ና ዓይቃብ ኣ̈ ኢሚ̇ዴ።

ቲ̈ታ̇ 2:7

ዎይ ባዝባራ ኔ ኔ ቆሚ̇ን ኮሽ ኦ̈ሳ ኦ̈ሙታ ኢንታ̇ብ ሚሳ̇̈ሊ ማ̈ቃ̇ራ ቤይሳቤ፤ ኔ ታማ̈ርሳዝ ቲምርቲንባራር ማ̈ቂ̇ን ኪንኬ ኣማ̇ኒንቲ̇ኖ ኣስ ማ̈ቃ̇ቤ።

ቲ̈ታ̇ 3:1

ኣሲ ዎይ ጋዣንቤኬ ሲልጣ̈ና ዎ ኣሳንቦ ዪርክ ጋ̈ር ኪ̈ቲንታ̇ምፔ̈ንኬ ኮሽ̇ ኦ̈ሳ ዎይ ኦ̈ንዳቦ ጊ̈ጊንቲ̇ኖ ኣስ ማ̈ቃ̇ምፔ̈ኒ ኢንታ̇ ዞራቤ።

ቲ̈ታ̇ 3:14

ኣማ̇ኒኖ ኑ ኣሳንሬ ማ ሜላ̇ ዓሪ ማ̈ዲባ̈ሶ ኣስ ማ̈ቃ̇ር ኣታካ̇ዮዲፌ̈ኒን ኣሳብ ኮሺ̇ዝ ባዝ ዎይ ዲጛንዳቦ ኮሻ̇ ኦ̈ሳ ሚ̈ጛር ኦ̈ዚን ታማ̈ሮጋ̈ቤ።

ቲ̈ታ̇ 3:8

ዪና̇ ኣማ̇ኒንቲ̇ኖ ሶ̈ላ። ጾ̈ሳ̇̇̈ ኣማ̇ኒኖ ኣሳን ኮሽ̇ ኦ̈ሳቦ ሚ̈ጛምፔ̈ኒ ዪን ባዛን ጌ̈ዚንር ኔ ኢንታ̇ብ ሶ̈ላምፔ̈ኒ ቴ ኮያ̇̈ሬ፤ ዪና̇ ዎይ ኣሳቦ ማ̈ዲ̇ዝ ኮሽ̇ ባዜ።

ኢብ 10:24

ካንባርኬ ኮሽ̇ ኦ̈ሳባራ ባርካር ዶኣምፔ̈ን ፔታ̇ና̈ዲ ፔታ̇ና ቆፊሳጋ̈ቤ።

ኢብ 13:21

ዪንቲ ኢ ጌይኖን ኦ̈ዝ ኣስ ማ̈ቃ̇ምፔኒ ኮሽ ባዝ ዎይባራ ዪንታ̇ ሚ̈ንር ኤሶ̇ጋ̈ቤ፤ ዬሱ̈ስ ክርስቶ̈ሳ ጎይባራ ፌ̈ና ኡፋይሲዝ ባዝ ኑባር ማ̈ቃ̇ር ኦ̈ጋ̈ቤ፤ ዬሱ̈ስ ክርስቶ̈ሳቦ ሜናፖ ሜናቦ ቦንች ማ̈ቆ̇፤ ኣሚንኤ።

1 ጴጥ 2:12

ኣሲ ዪንታ̇ “ኢንቲ̇ ኢ̈ት ኦ̈ሬ” ጌዪ ጌስቲ̇̈ርካሬ፥ ጾ̈ሳ̇ ዬይዝ ጋላስ ጾ̈ሳ̇ ኤሪባ̈ሶ ኣሳን ዪንታ̇ ኮሻ̇ ኦ̈ሲን ቤቃ̇ሪ ኢያ ጋላታምፔ̈ኒ ኢንታ̇ ጊዳ̇ ኮሽ̇ ኦ̈ሳ ኦ̈ሙታ ዶኢብቴ።

1 ዋ̈ኒ̇ 1:7

ጾ̈ሳ̇ ፎኢን ማ̈ቂ̇ኖንዲፌ̈ኒ ኑ̈ናር ፎኢንባራ ቢሪንቴ̇ጌንዶ ኑ̈ቦ ዎል ዎልኣ ፔቲ̇ቲ ዎ። ኢ ናኣ ዬሱ̈ስ ክርስቶ̈ሳ ሱ̈ንዳሬ ና̈ጋራ ዎይሶ ጋልዳፖ ኑ̈ና ሜ̈ጫ̇ ጌ̈ሻ̇̈ሬ።

1 ዋ̈ኒ̇ 2:6

“ታ̈ኒ ክርስቶ̈ሳባር ዶኣ̈ሬ” ጌይዝ ኣሲ ክርስቶ̈ሲ ዶኢኖንዲፌ̈ን ዶኣንዳ̇ብ ኮሺ̇̈ሬ።